سٹی 42 : راولپنڈی اور اٹک کے بعد ایبٹ آباد میں بھی تیز ہواؤں کے ساتھ بارش شروع ہوگئی ۔
ایبٹ آباد کے مختلف علاقوں میں شدید آندھی اور تیز ہوائیں کا سلسلہ شروع ہوگیا، تاہم کئی مقامات پر گرج چمک کے ساتھ بارش بھی شروع ہوگئی ۔ بارش اور ہوائیں چلنے سے موسم خوشگوار ہوگیا ہے۔
ایبٹ آباد کے سیاحتی مقامات گلیات اور ٹھنڈیانی میں تیز ہواؤں کے ساتھ بارش ہورہی ہے، تاہم طوفانی ہوائوں سے نقصانات کا خطرہ بھی ظاہر کیا گیا ہے۔
سٹی42: نارووال کے علاقہ شکر گڑھ میں خواتین اور بچوں سمیت سینکڑوں افراد سیلابی ریلے میں پھنس گئے۔ شکرگڑھ کے ایک دور افتادہ علاقہ مین سیلابی پانی میں گھرے ہوئے پچیس افراد کا پیغام سوشل میڈیا پر وائرل ہو گیا۔ اطلاع ملتے ہی ریسکیو حکام نے اس علاقہ میں دیوار پر پھنسے ہوئے افراد کو بچا لیا اور محفوظ مقام پر پہنچا دیا۔
بھارت کی جانب سے اچانک پانی چھوڑے جانے کے نتیجہ میں دریائے راوی، چناب_ تینوں دریاؤں میں پانی کا بہاؤ خطرناک حد کو چھونے لگا ہے۔
اس دوران یہ پریشان کن اطلاع آئی ہے کہ شکر گڑھ کے علاقے دجر میاں جھنڈا میں خواتین اور بچوں سمیت 20 سے 25 افراد دریائے راوی کے سیلابی ریلے میں پھنس گئے۔
متاثرین نے مدد کی اپیل کرتے ہوئے کہا ہے کہ وہ دریائے راوی کے کنارے کے نزدیک مقیم تھے، اپنی آبادی میں پانی آ جانے کے بعد وہ ایک دیوار پر پناہ لیے ہوئے بیٹھے ہیں، پانی کی لہریں ہمیں چھو رہی ہیں ۔ 2 گھنٹے سے مدد کا انتظار کر رہے ہیں لیکن مدد کو کوئی نہیں پہنچ رہا۔
اس دوران ایم پی اے احمد اقبال لہڑی جو علاقہ کے ایک ریلیف کیمپ میں موجود ہیں، انہوں نے ان مصیبت زدہ افراد کی فوری مدد کرنے کی یقین دہانی کروائی ہے۔
ایم پی اے احمد اقبال نے بتایا کہ کیمپ کے ارد گرد کے علاقوں میں سیلابی پانی سے سینکڑوں افراد محصور ہیں، ریسکیو 1122 ٹیمیں تاحال نہیں پہنچ سکیں۔ ہم کوشش کر رہے ہیں کہ جلد سےجلد ریسکیو ٹیمین یہاں پہنچ سکیں۔
بعد میں ملنے والی اطلاعات کے مطابق اطلاع ملتے ہی ریسکیو حکام نے شکر گڑھ کے دور افتادہ علاقہ میں دیوار پر پھنسے ہوئے افراد کو بچا لیا اور محفوظ مقام پر پہنچا دیا۔
سیلابی پانی نے نارووال کی تحصیل ظفروال کو شدید متاثر کیا ہے۔
سیلابی پانی گھروں میں داخل ہو چکا ہے۔ ہزاروں ایکڑ رقبہ پر فصلیں تباہ ہو گئیں۔
ادھر نالہ ڈیک میں انتہائی اونچے درجے کا سیلاب ہے اور چہور کے مقام پر شگاف پڑگیا جس کی وجہ سے متعدد دیہات زیر آب آگئے۔
متاثرہ دیہاتوں سے لوگوں کو محفوظ مقامات پر منتقل کرنے کا سلسلہ جاری ہے۔
August 08, 2026
August 08, 2026
سٹی42: وزیراعظم محمد شہباز شریف نے سیلاب سے متاثرہ علاقوں میں پھنسے ہوئے افراد کے انخلا کے لئے جاری آپریشن میں مزید تیزی لانے کی ہدایت کرتے ہوئے کہا ہے کہ دریائے ستلج کے سیلاب سے متاثرہ صوبہء پنجاب کے اضلاع میں ریسکیو آپریشنز تیز تر کیا جائے۔
وزیراعظم شہباز شریف کی زیر صدارت ملک کے مختلف علاقوں میں سیلابی صورتحال اور اس حوالے امدادی کارروائیوں پر جائزہ اجلاس کا انعقاد ہوا،وزیراعظم نے متاثرہ خوراک, ادویات اور خیموں کی فراہمی یقینی بنانے کی ہدایت جاری کی، وزیراعظم نے چیئر مین این ڈی ایم اے کو پنجاب کے ڈیزاسٹر مینجمنٹ کے ادارے سے مکمل رابطے میں رہنے کی ہدایت کی۔
اجلاس کو ملک میں سیلابی صورتحال اور امدادی سرگرمیوں پر بریفنگ دی گئی، جس میں بتایا گیا کہ دریائے ستلج میں سیلاب کے حوالے سے پیشگی اطلاع کی وجہ سے دریائے ستلج کی گزرگاہ کے نواحی علاقوں سے مقامی آبادی کے باعث دریائے ستلج کے سیلاب سے متاثرہ علاقوں سے اب تک کسی جانی نقصان کی اطلاع نہیں ملی ،دریائے ستلج کے سیلاب سے متاثرہ اضلاع میں متعلقہ اداروں کے ریسکیو آپریشنز جاری ہیں ؛ اب تک ایک لاکھ 74 ہزار 74 افراد کو محفوظ مقامات پر پہنچایا جا چکا ہے،ضلع نارووال میں لہری بند کے سیلاب سے متاثرہ علاقے سے مقامی آبادی کے انخلاء کو یقینی بنایا جا رہا ہے،صوبہ خیبر پختونخوا کی سیلاب سے متاثرہ علاقوں میں بجلی بحالی کا کام جاری ہے ،گلگت بلتستان میں قومی شاہراہ کا 2 کلومیٹر کا علاقہ سیلاب کی وجہ سے زیر آب ہے جس کی بحالی کا کام جاری ہے،دریائے ستلج میں گنڈا سنگھ والا، سلیمانکی دریائے راوی میں جسٹر اور دریائے چناب میں مرالہ کے مقامات پر اونچے درجے کا سیلاب ہے،نالہ ڈیک میں بھی شدید سیلابی صورتحال ہے۔بریفنگ میں یہ بھی بتایا گیا کہ اگلے 12 سے 24 گھنٹوں میں لاہور، گوجرانوالا ، گجرات ،راولپنڈی ڈویژنز، آزاد جموں و کشمیر کے اضلاع میں شدید بارشیں جبکہ گلگت بلتستان کے کئی مقامات پر بھی بارشیں ہوں گی ۔
اجلاس میں وفاقی وزیر منصوبہ بندی احسن اقبال, وفاقی وزیر موسمیاتی تبدیلی ڈاکٹر مصدق ملک، وفاقی وزیر مواصلات عبدالعلیم خان، وفاقی وزیر پاور ڈویژن سردار اویس احمد لغاری ، وفاقی وزیر اطلاعات و نشریات عطاء اللہ تارڑ ، وفاقی وزیر مذہبی امور سردار یوسف ، وزیراعظم کے مشیر ڈاکٹر توقیر شاہ اور متعلقہ اعلیٰ سرکاری افسران نے شرکت کی.
سٹی42: وزیرآباد میں دریائے چناب کے قریب کے تمام علاقوں میں درجنوں گاؤں میں اور دریا کے قریب بنی بعض ہاؤسنگ سکیموں میں مقیم لوگوں کو علاقہ چھوڑنے کی وارننگ جاری کر دی گئی ہے۔ بیلے کو بھی خالی کروایا جا رہا ہے۔
وزیرآباد بیلا کے علاقوں میں بھی لاؤڈ سپیکر سے اعلانات کر کے بیلے میں اب تک لوگوں کو محفوظ مقامات پر منتقل ہونے کی ہدایت کی جا رہی ہے۔
وزیرآباد بیلا کے علاقہ سے لوگوں نے عارضی اور مستقل تعمیرات کر کے وہاں اپنے مویشی رکھے ہوئے ہیں۔ ان میشیوں کو بیلے میں وافر سبزے کی موجودگی کے سبب مفت چارہ ملتا رہتا ہے۔ آج انتظامیہ نے ان تمام لوگوں کو اپنے مال مویشی محفوظ مقامات پر منتقل کرنے کی ہدایت کی ہے۔
چناب میں پانی سات لاکھ کیوسک ہو گیا
دریائے چناب میں ہیڈمرالہ کے مقام پر انتہائی اونچے درجے کا سیلاب ہے۔پانی کی آمد 6 لاکھ 96 ہزار 534 کیوسک ریکارڈ کی گئی ہے۔
فلڈ فور کاسٹٹنگ ڈویژن لاہور کے مطابق دریائے ستلج میں گنڈاسنگھ والا کے مقام پر انتہائی اونچے درجے کا سیلاب ہے اور پانی کا بہاؤ 2 لاکھ 45 ہزار 236 کیوسک ریکارڈ کیا گیا ہے۔
نالہ پلکھو میں بھی سیلاب
وزیر آباد شہر کے بالکل قریب بہنے والے نالہ پلکھو میں اس وقت سیلاب آیا ہوا ہے تاہم نالہ کا پانی کناروں کے اندر ہی بہہ رہا ہے۔ انتظامیہ کے مطابق پلکھو میں اس وقت درمیانے درجے کا سیلاب ہے۔
پلکھو میں سیلاب بڑھ جائے تو اس کا پانی وزیر آباد شہر مین ریلوے سٹیشن سے ملحق نشیبی آبادیوں میں آ جاتا ہے، پلکھو مین پانی زیادہ بڑھے تو سیلاب کا پانی وزیر آباد شہر کے مین بازار تک آ جاتا ہے۔
وزیرآباد کے قریب چناب کی صورتحال
وزیرآباد کے قریب دریائے چناب میں بھارت کی طرف سے چھوڑے گئے پانی کا ریلا پہنچنے والا ہے۔ اس سے پہلے پانی کی آمد میں مزید اضافہ دیکھا جا رہا ہے۔
وزیرآباد سے کافی فاصلے پر واقع ہیڈ مرالہ کے مقام پر دریائے چناب میں پانی کی آمد اب تک چار لاکھ اناسی ہزار کیوسک ہو چکی ہے۔
ہیڈ مرالہ کے مقام پر کچھ پانی نہروں میں ڈالا جا رہا ہے اور دریائے چناب میں پانی کا اخراج چار لاکھ ستر ہزار آٹھ سو بائیس 470822
کیوسک ریکارڈ کیا گیا ہے۔
دریائے چناب پر بنے ہوئے خانکی بیراج کے مقام پر پانی کی آمد دو لاکھ پچپن ہزار آٹھ سو ستر کیوسک ہے۔ خانکی بیراج سے آگے دریا میں پانی کا اخراج 248588کیوسک ریکارڈ کیا گیا۔
دریائے چناب میں ہیڈ قادرآباد کے مقام پر پانی کی آمد 113854 کیوسک، ہیڈ قادر آباد کے مقام سے آگے دریا میں پانی کا اخراج 103854 کیوسک ریکارڈ کیا گیا۔
August 08, 2026
August 08, 2026
سٹی42: بھارت نے ہریکے ہیڈ ورکس سے ستلج میں دو لاکھ 30 ہزار کیوسک کے بعد 2 لاکھ 60 ہزار کیوسک کا ریلا چھوڑ دیا. کل اس جگہ سے ستلج میں پانی کا اخراج 1 لاکھ 70 ہزار کیوسک تھا۔
بھارت میں ہریکے ہیڈ ورکس کے آفیشل ریکارڈ کے مطابق پانی کی آمد دو لاکھ 74 ہزار، اخراج دو لاکھ 60 ہزار کیوسک بتائی گئی ہے۔
بھارت میں پونگ ڈیم کی سطح بھی خطرے کے لیول 1390 فٹ سے تجاوز کر گئی ہے۔ اس درجہ پر پہنچنے کے بعد اس ڈیم سے بھی ہیچھے سے آنے والا سارا پانی دریا میں چھوڑے جانے کا امکان ہے۔
پونگ ڈیم میں پانی کی امد دو لاکھ 13 ہزار کیوسک ہے اور 70 ہزار کیوسک کا کنٹرولڈ اخراج اب تک جاری ہے۔
پونگ ڈیم کی سطح خطرے سے تجاوز کرنے کے بعد اس ڈیم سے مزید پانی چھوڑے جانے کا امکان ہے جس سے پاکستان میں دریا میں سیلاب مزید بڑھے گا۔
ہریکے ہیڈ ورک سے پانی چھوڑے جانے کے بعد دو لاکھ 30 ہزار کیوسک کا ریلا گنڈا سنگھ والاپہنچنا شروع ہو چکا ہے۔
گنڈا سنگھ والا پر پانی کا اخراج دو لاکھ 8 ہزار کیوسک ہو گیا انتہائی اونچے درجے کی سیلابی صورتحال برقرار ہے۔
24 گھنٹوں کے دوران گنڈا سنگھ پر سیلابی صورتحال "Very High Flood" سے "Extremely High Flood" ہو جانے کا امکان ہے۔
ستلج میں دو لاکھ 25 ہزار کیو سک کا بہاأ ایکسٹریملی ہائی فلڈ تصور کیا جاتا ہے
بہاولپور، اوچ میں کیا ہو رہا ہے
اوچ شریف میں ھیڈ پنجند پر پانی کی آمد 97748 کیوسک ریکارڈ کی گئی ہے۔
دریائے ستلج میں پانی کی سطح میں اضافہ کے باعث بہاولپور اور اوچ شریف میں رہائشی آبادیاں، اور سینکڑوں ایکڑ پر کھڑی فصلیں زیر آب آ چکی ہیں۔
مزید پانی کے اضافہ سے چناب رسول پور ، بستی غلام بخش چانڈیہ ، بستی غلام نازک چانڈیہ ، سرور آباد،بکھری سمیت دیگر بستیاں بھی پانی کی زد میں آئین گی۔ پانی کے بہت تیز ریلے کی وجہ سے علاقہ مین دریا کے ساتھ واقع زمین کے کٹاؤ کا عمل جاری ہے۔
اوچ شریف میں دریائے ستلج میں پانی سیلابی صورتحال کے پیش نظر ھائی الرٹ جاری کیا جا چکا ہے۔
اوچ شریف سے صحافی بتا رہے ہیں کہ علاقہ میں لوگ نقل مکانی کر رہے ہیں۔
بستی بکھری ، بستی سرور آباد ،بستی بپڑ ، بیلی ، بستی بھٹہ ، بستی جھلن ، بستی بیٹ لنگاہ بھی پانی کی لپیٹ میں آ چکی ہیں۔
بستی غلام نازک چانڈیہ ، بستی امام بخش چانڈیہ موضع چناب رسول پور میں سیلاب کے باعث زمین کٹاؤ کا شکار ہو رہی ہے۔
سٹی42: راوی اور ستلج میں منگل کی رات 9 بجے پانی کی صورتحال انتہائی شدید خطرے کو ظاہر کر رہی ہے۔ مصدقہ اطلاعات یہ ہیں کہ بھارت کی حکومت نے بھارت نے دریائے راوی پر قائم تھین ڈیم کے تمام دروازے کھول دئیے ہیں۔
اس ڈیم سے راوی میں پانی کی بہت بڑی مقدار داخل ہونے سے آنے والے گھنٹوں میں راوی دریا میں پانی کی مقدار میں خوفناک اضافہ ہو جائے گا اور راوی کی قریبی آبادیوں خصوصاً شاہدرہ میں سیلاب کا خطرہ برھ جائے گا۔
پانی کا دباؤ، راوی کا حفاظتی بند ٹوٹ گیا
شکرگڑھ کے علاقہ میں سیلاب کے باعث دریائے راوی کا حفاظتی بند بھیکو چک کے مقام پر ٹوٹ گیا، متعدد علاقے زیر آب آگئے۔
بھارت کی جانب سے پانی چھوڑے جانے اور مسلسل بارشوں کے بعد دریائے راوی، چناب اور ستلج تینوں دریاؤں میں پانی کا بہاؤ خطرناک حد کو چھونے لگا۔
سیلاب کے باعث دریائے راوی کا حفاظتی بند بھیکو چک کے مقام پر ٹوٹنے سے متعدد علاقے زیر آب آگئے۔
ریسکیو حکام کے مطابق دریائے راوی کا حفاظتی بند ٹوٹنے سے بھیکو چک، ہریالی، ممکہ،نوشہرہ، نوگزہ کے علاقے زیر آب آگئے۔
ننگل، بیرہ، نانوووال بارہ منگا بھی زیرآب آگئے۔
چندا سنگھ والا سمیت متعدد دیہاتوں میں سیلابی پانی داخل ہوگیا جبکہ ظفروال میں نالا ڈیک کے سیلابی ریلے سے ہنجلی پل کا ایک حصہ ٹوٹ گیا جس کی وجہ سے درجنوں دیہات کا زمینی رابطہ کٹ گیا۔
تھین ڈیم کہاں ہے
تھین ڈیم، جسے بھارت میں سرکاری طور پر رنجیت ساگر ڈیم کے نام سے جانا جاتا ہے، بھارت میں جموں، ہماچل پردیش اور پنجاب کی سرحد کے قریب پٹھانکوٹ کے قریب دریائے راوی پر بنایا گیا ہے۔
بین الاقوامی سرحد سے فاصلہ: پاکستان کی سرحد سے تقریباً 24 کلومیٹر (15 میل) کے فاصلے پر واقع ہے۔
یہ ڈیم لاہور (پاکستان) کے شمال مشرق میں 220-250 کلومیٹر کے فاصلے پر ہے -
تھین ڈیم ایک بڑا کثیر المقاصد منصوبہ ہے — جسے آبپاشی، ہائیڈرو الیکٹرک پاور جنریشن (600 میگاواٹ صلاحیت) اور سیلاب پر قابو پانے کے لیے استعمال کیا جاتا ہے لیکن اب ایسا دکھائی دیتا ہے کہ بھارت اس ڈیم کو پاکستان میں سیلاب لانے کے لئے استعمال کر رہا ہے۔
پی ڈی ایم اے کی تصدیق
پی ڈی ایم اے نے بتایا ہے کہ پاک بھارت سرحد پر کوٹ نیناں سے پاکستانی حدود میں 2 لاکھ 10 ہزار کیوسک پانی دریائے راوی میں داخل ہو رہا ہے۔آئندہ 24 گھنٹوں میں کوٹ نیناں کے مقام پر پانی کے بہاؤ میں مزید اضافہ ہو گا۔
آئندہ 48 گھنٹوں میں جسڑ شاہدرہ اور ہیڈ بلوکی سے انتہائی اونچے درجے کا سیلاب گزرے گا۔
کمشنر لاہور گجرانوالہ ملتان ساہیوال فیصل آباد اور متعلقہ اضلاع کے ڈپٹی کمشنرز کو الرٹ جاری
دریائے راوی میں پانی کی سطح میں مسلسل اضافہ ہونے کے بعد لاہور گجرانوالہ ملتان ساہیوال فیصل آباد کے کمشنروں اور ان ڈویژنوں کے متعلقہ اضلاع کے ڈپٹی کمشنرز کو الرٹ جاری کر دیئے گئے ہیں۔
منگل کی رات نو بجے تک دریائے راوی میں جسڑ کے مقام پر اونچے درجے کا سیلاب اور شاہدرہ کے مقام پر نچلے درجے کا سیلاب ہے۔
جسڑ کے مقام پر 1 لاکھ 42 ہزار کیوسک پانی مسلسل دریائے راوی میں داخل ہو رہا ہے۔
دریائے راوی میں شاہدرہ کے مقام پر پانی کا بہاؤ 56 ہزار کیوسک ہے جس میں اضافہ ہو رہا ہے۔
دریائے راوی کے پاٹ میں موجود شہریوں کے فوری انخلاء کی ہدایات جاری کر دی گئی ہیں۔
مساجد کے ذریعے اعلانات کے ذریعے شہریوں کو ممکنہ صورتحال بارے آگاہ کیا جا رہا ہے۔
August 08, 2026
August 08, 2026
سٹی42: موسلادھار بارش اور لینڈسلائیڈ نے بھارت کے مقبوضہ جموں و کشمیر سے ہمالیائی ریاست ہماچل پردیش تک تباہی مچا دی ہے۔ بھارت کے پنجاب میں بارش اور سیلاب جیسی صورتحال کے باعث وزیر اعلیٰ نے سکول 31 اگست تک بند کر دیئے ہیں۔
جموں کشمیر میں انتہائی غیر معمولی بارش ہوئی جس کی مقدار 600 ملی میٹر ریکارڈ کی گئی۔ اس بارش سے ہونے والے حادثات میں 13افراد جاں بحق ہوئے۔
جہماچل اور مقبوضہ کشمیر میں ہونے والی تباہ کن بارشوں کا خمیازہ پاکستان کو بھی بھگتنا پڑ رہا ہے کیونکہ ان دونوں بلند پہاڑی علاقوں میں ہزاروں مربع کلومیٹر رقبہ پہاڑوں پر برسنے والا تمام پانی سینکڑوں ندیوں، نالوں اور کئی بڑے دریاؤں میں جمع ہو کر پاکستان کے پنجاب میں ہی آتا ہے۔
بھارت کے میڈیا نے آج منگل کے روز رپورٹ کیا ہے کہ ہماچل پردیش اور مقبوضہ کشمیر میں زندگی کا نظام گزشتہ دو دن کی بارش سے ٹھپ ہو گیا ہے۔
جموں و کشمیر میں شدید بارش کے سبب موبائل اور فائبر نیٹورک ٹھپ ہو گیا ہے۔ بھارت کے میٹیریولوجیکل ڈیپارٹمنٹ نے اگلے چند گھنٹوں کے دوران کئی علاقوں میں تیز بارش کا ریڈ الرٹ بھی جاری کیا ہے۔
میڈیا رپورٹس کے مطابق بھارت کی کئی ریاستوں میں اس وقت مون سون کی بارش نے مشکل حالات پیدا کر دیے ہیں۔ خصوصاً جموں و کشمیر اور ہماچل پردیش میں کلاؤڈ برسٹ جیسی شدید بارشوں کے سبب بہت زیادہ تباہی ہوئی ہے۔
ڈوڈہ میں آج کلاؤڈ برسٹ، تین افراد جاں بحق
جموں و کشمیر کے ڈوڈہ ضلع میں آج 26 اگست کو اچانک تیز بارش شروع ہو گئی جو بھارتی میڈیا کے مطابق کلاؤڈ برسٹ کا واقعہ تھا۔ اس شدید بارش میں اب تک رپورٹوں کے مطابق تقریباً 15 مکان بہہ گئے اور کم از کم 3 لوگوں کی موت بھی ہو گئی۔
موبائل فون سروس، انٹرنیٹ سب کچھ بند، پبلک میں خوف
متاثرہ علاقوں میں ریسکیو کی کوشش کی جا رہی لیکن بھارتی میڈیا نے بتایا کہ مقامی لوگوں میں دہشت کا ماحول ہے۔ جموں و کشمیر میں شدید بارش کے سبب موبائل اور فائبر نیٹورک ٹھپ ہو گیا ہے۔
اس پر مستزاد یہ کہ میٹ ڈیپارٹمنٹ نے اگلے چند گھنٹوں کے دوران کئی علاقوں میں تیز بارش کا ریڈ الرٹ بھی جاری کیا ہے۔
ہماچل پردیش میں بھی اس وقت مشکل حالات کا سامنا ہے۔
کشمیر ، ہماچل کے حالات کا خلاصہ
پانچ افراد کی موت نے وشنو یاترا رکوا دی
موسلادھار بارش کے سبب ماتا ویشنو دیوی کی یاترا روک دی گئی ہے۔ کیونکہ اس راستہ میں اچانک لینڈسلائیڈ ہو گیا ہے۔ یہ حادثہ اَردھ کنواری کے پاس ہوا، جہاں ہزاروں عقیدتمند ہر روز ماں ویشنو دیوی کے دربار کی طرف جاتے ہیں۔ اس حادثہ میں 5 لوگوں کی موت ہو گئی، جبکہ 14 افراد زخمی ہوئے ہیں۔ ماتا ویشنو دیوی شرائن بورڈ کے افسران کے مطابق تیز بارش کے بعد سب سے پہلے "ہم کوٹی" کا راستہ بند کیا گیا۔
کل صبح تک کشمیر کے چھ ضلعوں میں سیلاب کا خطرہ
آئی ایم ڈی (انڈین میٹیریولوجیکل ڈیپارٹمنٹ) کے مطابق اودھم پور، سانبا، ڈوڈہ، جموں، کٹھوا اور کشتواڑ ضلعوں میں 27 اگست کی صبح 5.30 بجے تک سیلاب کا خطرہ بنا ہوا ہے۔
ادھم پور میں توی کا سیلاب؛ 2014 کے سیلاب سے بھی زیادہ پانی، جموں شہر کو خطرہ
اودھم پور میں توی ندی فی الحال خطرے کے نشان سے اوپر بہہ رہی ہے۔ بھگوتی نگر میں توی ندی پر پُل کا ایک حصہ بھی بہہ گیا ہے۔ اس ندی کی آبی سطح 2014 میں آئے سیلاب کے دوران درج کردہ آبی سطح سے کافی زیادہ ہے۔ آنے والے چند گھنٹوں میں پانی جموں شہر تک پہنچ سکتا ہے۔ احتیاطاً بکرم چوک، جموں سے مرکزی توی پُل کو گاڑیوں کی آمد و رفت کے لیے بند کر دیا گیا ہے۔
جموں ڈویژنل کمشنر نے سبھی 10 اضلاع کے ڈپٹی کمشنرز کے ساتھ مل کر وزیر اعلیٰ عمر عبداللہ کو اپنے اپنے علاقوں کی زمینی حالت اور تیاریوں سے مطلع کرایا۔ وزیر اعلیٰ عمر عبداللہ کو مختلف مقامات پر سیلاب کی سطح، الرٹ کی سطح اور ندیوں، نالوں اور دیگر پانی نکلنے والے راستوں میں بڑھتی آبی سطح سے مطلع کیا گیا۔ وزیر اعلیٰ نے انتظامیہ کو متاثرہ کنبوں کو کھانا، صاف پانی، دوائیاں اور دیگر ضروری سامان کی وقت پر فراہمی یقینی کرنے کی ہدایت دی۔
بیاس میں سیلاب سے دیہات زیر آب
کئی مقامات پر شدید بارش کے سبب لینڈسلائیڈ اور اچانک سیلاب آنے سے معمولات زندگی مفلوج ہو گئی۔ کئی عمارتیں منہدم ہو گئیں اور قومی شاہراہ سے رابطہ ٹوٹ گیا۔ منالی میں بیاس ندی کی آبی سطح اتنی بڑھ گئی کہ پانی منالی کے میدانی علاقوں میں گھس گیا، جس سے منالی-لیہہ قومی شاہراہ دھنس گئی۔
جموں سے ٹرین سروس ٹھپ ہو گئی
جموں علاقہ میں مستقل شدید بارش کے سبب نارتھ ریلوے نے منگل کو کٹرا، اودھم پور اور جموں ریلوے اسٹیشنوں سے آنے جانے والی 18 ٹرینوں کو منسوخ کر دیا گیا ہے۔ جموں علاقہ میں پیر کی شب سے موسلادھار بارش ہو رہی ہے، جس سے پُلوں کو نقصان پہنچا، سڑک رابطہ میں رخنہ پڑا اور بڑا علاقہ زیر آب ہو گیا۔ اس وجہ سے لوگوں کو محفوظ مقامات پر جانے کے لیے مجبور ہونا پڑا۔
چگی ندی کا سیلاب: پٹھانکوٹ سے ہماچل ٹرین سروس بند
ریلوے افسران کے مطابق چکّی ندی پر بھاری مٹی کے کٹاؤ اور اچانک آئے سیلاب کے سبب پٹھان کوٹ سے ہماچل پردیش کے کندروری تک ٹرین خدمات بھی معطل کر دی گئی ہیں۔ افسران نے کہا کہ فیروزپور، مانڈا اور چک رکھوال میں 4 ٹرینوں کو شارٹ ٹرمنیٹ کیا گیا۔ انھوں نے یہ بھی بتایا کہ کٹرا-سری نگر روٹ پر ٹرینوں کی آمد و رفت جاری ہے۔
جموں سری نگر ہائی وے بند
جموں-سری نگر اور کشتواڑ-ڈوڈہ قومی شاہراہ پر ٹریفک معطل کر دیا گیا ہے، جبکہ کئی پہاڑی سڑکیں لینڈسلائیڈ یا اچانک آئے سیلاب کے سبب رخنہ انداز یا متاثر ہو گئی ہیں۔
پنجاب میں سکول 30 اگست تک بند
بھارتی پنجاب کے وزیر اعلیٰ بھگونت مان نے بتایا کہ شدید بارش کی پیشین گوئی کے سبب ریاست کے سبھی اسکول 30-27 اگست تک بند رہیں گے۔ تیز بارش کے سبب پنجاب کے کئی اضلاع میں سیلاب جیسے حالات پیدا ہو گئے ہیں۔
لداخ میں برف باری ہو گئی
مرکز کے زیر انتظام خطہ لداخ کے اونچائی والے علاقوں میں برف باری ہو گئی۔ اسے آئندہ سرما کے موسم کی پہلی برف باری شمار کیا جا رہا ہے۔ جبکہ نشیبی علاقوں میں درمیانہ درجہ کی بارش ہوئی۔ لداخ میں متعین افسران نے بتایا کہ 18379 فُٹ کی اونچائی پر واقع کھاردُنگ لا درّا پر برف باری ہوئی ہے۔ لیہہ اور بھاری مقبوضہ کارگل ضلع ہیڈکوارٹرز کے ساتھ ساتھ دیگر سَب ڈویژن میں بھی بارش ہوئی ہے۔ آئی ایم ڈی نے لداخ میں شدید بارش سے متعلق ریڈ الرٹ جاری کیا ہے۔
جموں ڈویژن کے سکول بھی بند
خراب موسم اور علاقے میں سیلاب جیسے حالات کو دیکھتے ہوئے جموں ڈویژن کے سبھی سرکاری اور پرائیویٹ اسکول 27 اگست 2025 کو بند رہیں گے۔
سٹی42: پنجاب میں بھارت سے آنے والے دریاؤں اور نالوں میں آنے والے گھنٹوں اور دنوں کے دوران شدید سیلاب کا خطرہ ہے اور اس دوران ہی پنجاب اور آزاد کشمیر میں مزید بارشوں کا بھی خطرہ ہے جن سے بعض شہروں میں نظامِ زندگی درہم برہم ہو سکتا ہے۔
پنجاب میں بھارت سے آنے والے دریاؤں اور نالوں سے آنے والے چند گھنٹوں میں اور اس کے بعد کئی دنوں میں بہت زیادہ پانی اور نتیجہ میں سیلاب اس لئے آ سکتا ہے کہ بھارت میں ہماچل پردیش اور کشمیر کی ریاستوں میں شدید بارشوں نے تباہی مچا دی ہے۔ ہماچل اور کشمیر کے دریا، ندیاں نالے بیشتر پاکستان آتے ہیں۔
ان دریاؤں اور نالوں میں اس وقت شدید طغیانی ہے جو کئی روز تک برقرار رہ سکتی ہے جب کہ اب تک ہو چکی شدید بارشوں کا پانی بڑے سیلابی ریلوں کی صورت میں پاکستان میں آ کر راوی، ستلج، نالہ ڈیک، نالہ ایک، پلکھو، توی اور دوسرے نالوں میں سیلاب لا چکا ہے، اس سیلاب سے پنجاب کے کئی اضلاع میں سینکڑوں دیہات متاثر ہوئے ہیں۔
بہت سے دیہات کو حکومت پہلے ہی خالی کروا کر لوگوں کو محفوظ جگہوں پر پہنچا چکی ہے، اب مزید دیہات کو خالی کروایا جا رہا ہے کیونکہ ایک تو ستلج اور راوی اپنے کناروں سے باہر پھیل رہے تھے، اس کے ساتھ ایک اور ڈیک نالوں نے بھی اپنے قریبی علاقوں میں تباہی مچا دی ہے اور اب پنجاب کے سب سے بڑے دریا چناب میں بھی پانی کی سطح خطرناک ہو رہی ہے۔
تازہ ترین/دریائے چناب
آج منگل کی شام تک کی صورت حال یہ ہے کہ دریائے چناب میں ہیڈ مرالہ پر پانی کی سطح مسلسل بلند ہونے لگی ہے۔ قادر آباد فلڈ کنٹرول روم کے مطابق دریائے چناب میں ہیڈ مرالہ کے مقام پر پانی کی آمد 2 لاکھ 81ہزار 293 کیوسک ہے۔
ہیڈ مرالہ پر پانی کا اخراج 2 لاکھ 64 ہزار 143کیوسک ریکارڈ کیا گیا ۔
دریائے چناب میں خانکی بیراج پر پانی کی آمد 1 لاکھ 16ہزار 252کیوسک ہے۔
ہیڈ خانکی پر پانی کا اخراج 1 لاکھ 8 ہزار970کیوسک ریکارڈ کیا گیا ۔
دریائے چناب میں ہیڈ قادر آباد کے مقام پر پانی کی آمد 99 ہزار25 کیوسک ہے۔
ہیڈ قادر آباد پر اخراج 88 ہزار 30 ریکارڈ کیا گیا ۔
چناب میں پانی بھارت کے مقبوضہ کشمیر سے آتا ہے۔ مقبوضہ کشمیر میں آج شام تک کی مصدقہ رپورٹوں کے مطابق بارشوں نے بہت زیادہ تباہی مچائی ہے۔ سارے مقبوضہ کشمیر کا پانی سینکڑوں نالوں اور ندیوں سے ہو کر چناب میں آ رہا ہے۔
آنے والے کچھ گھنٹوں میں پاکستان پہنچنے والے پانی کی مقدار مزید بڑھنے کا یقین ہے۔
ہیڈ قادر آباد بیراج سے زیادہ سے زیادہ پانی چناب کی نہروں میں ڈالا جا رہا ہے اور تمام نہریں اس وقت بلند ترین سطح پر بہہ رہی ہیں۔
اس کے باوجود چند گھنٹوں کے دوران قادر آباد کے مقام پر اس وقت ریکارڈ کیا جا رہا دو لاکھ کیوسک سے زیادہ پانی کا بیشتر حصہ نیچے دریا میں آئے گا اور مٹھن کوٹ میں سندھ دریا میں گرنے کے مقام تک دریا کے کناروں پر آباد تمام دیہات کو خطرہ لاحق ہو گا۔
ستلج کی صورتحال؛ آج رات سوا لاکھ کیوسک پانی آئے گا
ڈی سی لاہور سید موسیٰ رضا ، پی ڈی ایم اے کے ڈائریکٹر جنرل عرفان علی کاٹھیا، پنجاب کے سیکرٹری ایریگیشن افتخار علی سہو ، صوبائی سیکرٹری ریسکیو 1122 ڈاکٹر رضوان نصیر نے آج مل کر لاہور کے نزدیک دریائے راوی کا وزٹ کیا اور سیلاب کی صورتحال کا جائزہ لیا۔
سیکرٹری ریسکیو ڈاکٹر رضوان نصیر نے بریفننگ دی۔ڈی جی پی ڈی ایم اے نے بتایا کہ ستلج اور راوی دونوں دریاؤں میں پانی کی سطح بڑھ رہی ہے۔ اگلے چار پانچ دن میں اسی طرح کا پانی کا بہاؤ زیادہ رہےگا۔
ستلج میں جسٹر کے مقام پر سوا لاکھ کیوسک کے قریب پانی آنے کا امکان ہے۔ اس وقت ستاون ہزار کیوسک تک پہنچ چکے ہیں،آج رات تک پانی سوا لاکھ تک ہونے کا امکان ہے۔
راوی کاسیلاب؛ 48 گھنٹے مشکل ہیں
راوی میں تمام تر احتیاطی تدابیر اختیار کی گئی ہیں،راوی میں تین چار دن بہت اہم ہیں۔عوام کی جان و مال کی حفاظت کے لیے کوئی کسر نہیں چھوڑی جائے گی
راوی میں آئندہ 48 گھنٹے میں پانی کا بہاؤ ایسا ہی رہے گا،عوام سے گزارش ہے کہ اس پاس کے علاقوں سے انخلاء کو یقینی بنائیں۔ سرکاری عملہ منتقلی میں مدد دینے کے لئے ہر وقت تیار بیٹھا ہے۔
ڈی جی پی ڈی ایم اے نے اگلے چار روز اہم قرار دے دیے،دریائے راوی کے اطراف میں رہائشیوں کو فوری نکل مکانی کرنے کی ہدایت جاری کردیں دریائے راوی میں پانی کی سطح چھپن ہزار کیوسک تک پہنچ گئی،ریسکیو عملہ ہائی الرٹ ہے ، اگلے چار روز میں پانی کی سطح ایک لاکھ کیوسک تک جاسکتی ہے۔
شاہدرہ کو خطرہ
لاہور کی دریا پار آبادی شاہدرہ کو راوی مین پانی کی مقدار خوفناک حد تک بڑھنے سے سیلاب کا شدید خطرہ ہے۔ اسوقت بھی شاہدرہ کے دریا کے کناروں پر آباد کچھ حصہ میں پانی موجود ہے۔ اداروں کی مسڈقہ اطلاع کے مطابق آج منگل کی شام شاہدرہ کے مقام پر راوی دریا کا بہاؤ 46 ہزار کیوسک ہے جو آج ہی رات بڑھ کر 70 ہزار کیوسِک تک پہنچ سکتا ہے۔ اتنی بڑی مقدار میں پانی آنے سے شاہدرہ کی دریا کے نزدیک واقع نشیبی آبادی کو شدید خطرہ ہو گا۔
دریائے راوی میں ریسکیو 1122 کے اہلکاروں کی ہنگامی امداد کی مشقیں جاری ہیں ۔ڈی جی ریسکیو نے ہر طرح سے احتیاطی تدابیر پر عمل درآمد کروانے کی ہدایت کردی ہے۔
توی ندی کا سیلاب
سیالکوٹ میں جموں کے پہاڑوں سے آنے والی ندی توی میں اونچے درجے کا سیلاب آگیا ہے اور توی ندی عملاً دریا بن گئی ہے۔
توی کا پانی ایک، ڈیک اور پلکھو کی طرح نیچے آ کر چناب دریا میں کر جاتا ہے۔
توی مین بے تحاشا پانی آ جانے سے سیال کوٹ میں بجوات کے سرحدی علاقہ کے 85 دیہات کا راستہ باقی آبادی سے منقتع ہو گیا ہے۔ سیالکوٹ کے علاقہ میں دریائے چناب میں بھی اونچے درجے کا سیلاب آگیا ، پانی کی سطح 2 لاکھ 88 ہزار کیوسک تک پہنچ گئی ہے۔
ضلعی انتظامیہ کی جانب سے الرٹ جاری کردیاگیا، وزیر آباد، گجرات کے متعدد علاقے چناب کی طغیانی سے زیرآب آنے کا خطرہ ہے۔
سیالکوٹ شہر میں بارش
سیالکوٹ شہر اور نواحی علاقوں میں مقبوضہ کشمیر کی بارش کے زیر اثر گزشتہ رات سے مسلسل موسلادھار بارش کا سلسلہ جاری ہے ، بارش نے شہر کو ڈبو دیا ہے۔
بدترین بارش، لوگ تب بھی سڑکوں پر، نتیجہ: ٹریفک جام
سیالکوٹ شہر کی گلیاں اور بازار منگل کی شام ندی نالوں کا منظر پیش کرنے لگے۔شہر میں دن بھر بارش کے باوجود لوگ باہر نکلنے سے باز نہیں آئے اور بدترین ٹریفک جام ہو گیا ، گاڑیوں کی لمبی قطاریں لگ گئیں۔
بارش کا پانی کئی نشیبی آبادیوں میں گھروں ، دکانوں اور دفاتر میں داخل ہو گیا ہے ۔ کاروبار زندگی مفلوج ہوگیا۔ محکمہ موسمیات کے مطابق آئندہ چوبیس گھنٹوں میں وقفے سے وقفے بارش کا سلسلہ جاری رہے گا
August 08, 2026
August 08, 2026
سٹی42: سیلاب آ نہیں رہا بلکہ سیلاب آ چکا ہے۔ پنجاب کے متعدد علاقے آج منگل کی سہ پہر تک زیر آب آ چکے ہیں۔ ہزاروں ایکڑ زرعی زمین زیر آب ہے اور درجنوں دیہات میں سیلاب کا پانی گھس گیا ہے۔
سیالکوٹ، نارووال اور ضلع گوجرانوالہ کے متعدد علاقوں میں نالہ ڈیک کے سیلاب نے تباہی مچا دی ہے۔آخری اطلاعات موصول ہونے تک نالہ ڈیک میں اس سہ پہر 60ہزار کیوسک پانی کا ریلہ گزر رہا ہے
نارووال میں نالہ ڈیک تباہ کاریاں زیادہ رپورٹ ہو رہی ہیں۔ کیونکہ بھارت سے چھوڑے گئے ساٹھ ہزار کیوسک پانی کا ریلا ابھی نارووال ضلع کے علاقوں سے ہی گزر رہا ہے۔ جوں جوں یہ ریلا آگے بڑھے گا، اس کی زد میں آنے والے دیہات کی تعداد بڑھتی جائے گی۔
نارووال میں ڈیک کے سیلاب سے شدید نقصانات
نارووال میں نالہ ڈیک میں طغیانی کے دوران 50سالہ رشید پانی میں بہہ گیا ۔
نارووال کے علاقہ میں نالہ ڈیک پر بنا ہوا ہنجلی پل سیلاب کے ریلے میں بہہ گیا ۔
نارووال کا ہنجلی پل ڈیک میں آنے والی بڑی کانگ کا دباؤ برداشت نہ کر سکا اور ریلے کے ساتھ بہہ گیا۔
نارووال پل گرنے کے منظر کو نیوز چینلز کے کیمروں نے بھی ریکارڈ کر لیا۔
پسرور میں ڈیک کا سیلاب
پسرور میں بھی نالہ ڈیک کے سیلاب سے نازک صورت حال پیدا ہو گئی ہے۔
پسرور میں نالہ ڈیک کنگرہ پر پانی کی سطح بہت زیادہ ہے۔ مقامی حکام نے بتایا ہے کہ یہاں فی الوقت 52 ہزار 762 کیوسک کا ریلا گزر رہا ہے۔ انتہائی اونچے درجے کا سیلاب ہے جس مین آنے والے گھنٹوں میں مزید اضافہ ہونے کا خطرہ ہے.
پسرور کے علاقہ میں نالہ ڈیک سپر پیسج پر درمیانے درجے کا سیلاب ہے اور پانی کی مقدار 15 ہزار 307 کیوسک نوٹ کی گئی ہے۔ اس پانی میں پیچھے موجود سیلاب کا ریلا آنے سے اضافہ کا امکان ہے۔
پسرور کی حدود مین بہت سے دیہات میں ڈیک کا پانی داخل ہو چکا ہے۔
ڈپٹی کمشنر صبا اصغر علی نے شہریوں سے درخواست کی ہے کہ وہ حفاظتی اقدامات کریں۔ ایمرجنسی کی صورت میں ضلعی کنٹرول روم نمبر 052-9250011 یا 1718 پر رابطہ کریں
گوجرانوالہ میں سیلاب کا الرٹ
گوجرانوالہ کی تحصیل کامونکی کے بہت سے دیہات اس وقت ڈیک میں آئی کانگ کی لپیٹ میں آئے ہوئے ہیں۔ ہزاروں ایکڑ زمین پر ڈیک کا پانی پھیلا ہوا ہے اور مزید علاقے اس ریلے کی زد میں آ رہے ہیں۔ علاقہ کے سینکڑوں دیہات میں پانی پہنچ گیا ہے۔
کامونکے کے اسسٹنٹ کمشنر نے بتایا کہ بھارت نے پچاس ہزار کیوسک سے زائد پانی نالہ ڈیک میں چھوڑ دیا ہے۔
پانی کا بہت بڑا ریلا ابھی گوجرانوالہ کی حدود سے پیچھے ہے۔ گوجرانوالہ ضلع مین کامنکی تحصیل کے جی ٹی روڈ سے قدرے دور علاقے سب کے سب ہی ڈیک کے سیلاب کی زد میں آنے کا شدید خطرہ ہے۔ اے سی کامونکے نے تصدیق کی ہے کہ آج کامونکے کےعلاقہ میں خطرناک سیلابی صورتحال ہوسکتی ہے۔
کامونکے۔ نالہ ڈیک اور دیگرنالوں کی وجہ سے ملحقہ علاقوں میں سیلاب کے شدید خطرات ہیں۔
کامونکے کے نالہ ڈیک کے نزدیک کے علاقوں خٓص طور سے مرزا پور، لدھڑ صائب، کلوکگاں، سکھیانہ باجوہ، ڈالیانوالی کے رہائشیوں کو فوری طور پر علاقہ خالی کرنے کی ہدایت کی گئی ہے۔
سٹی42: پنجاب اور آزاد کشمیر میں شدید بارشوں کا الرٹ جاری ہو گیا۔
این ڈی ایم اے کے الرٹ میں بتایا گیا ہے کہ گجرات، گوجرانوالہ، سیالکوٹ، نارووال، لاہور اور قصور ، جہلم، چکوال، منڈی بہاالدین، حافظ آباد، ننکانہ صاحب، چنیاں اور پاکپتنمیں شدید بارشوں کا امکان ہے۔ اگلے 12 سے 24 گھنٹوں کے دوران ان علاقوں میں شدید بارشیں متوقع ہیں۔
شدید بارش سے شہری آبادیوں کے علاقوں نشیبی علاقوں میں سیلابی صورتحال پیدا ہونے کا خطرہ ہے اور ان علاقوں کے ندی نالوں میں طغیانی کا خدشہ ہے۔ کشمیر کے پہاڑی علاقوں میں لینڈ سلائیڈنگ اور اچانک سیلاب جیسی صورتحال بھی پیدا ہو سکتی ہے۔
آزاد کشمیر کے اضلاع نیلم ویلی، باغ، کوٹلی، راولا کوٹ، مظفرآباد اور حویلی میں اگلے 12 تا 24 گھنٹوں کے دوران وقفے وقفے سے بارش متوقع ہیں۔
الرٹ میں کہا گیا ہے کہ بارشوں کے باعث نشیبی علاقوں میں سیلاب، ندی نالوں میں طغیانی اورپہاڑی علاقوں میں لینڈ سلائیڈنگ کا خطرہ ہے۔ پہاڑی نالوں میں پانی کا تیز بہاؤ رابطہ سڑکوں پر ٹریفک کی روانی کو متاثر کر سکتا ہے۔
ستلج کا سیلاب
دریائے ستلج کے بہاؤ میں اضافے اور ممکنہ سیلابی صورتحال پر پہلے ہی این ڈی ایم اے کا الگ سے بھی الرٹ جاری ہوا ہے۔
متعلقہ اداروں نے ستلج کے قریبی علاقوں میں بڑے پیمانے پر انخلاء کی کاروائیاں شروع کر دیں۔ پی ڈی ایم اے پنجاب، ریسکیو 1122 اور پاک آرمی کے انجینئرز سیلابی صورتحال سے نمٹنے کے لیے امدادی کاروائیوں میں مصروف ہیں۔
الرٹ میں کہا گیا ہے کہ عوام دریاؤں، نالوں اور نشیبی علاقوں سے دور رہیں اور غیر ضروری سفر سے گریز کریں، عوام ٹی وی، ریڈیو، موبائل الرٹس اور پاک این ڈی ایم اے ڈیزاسٹر الرٹ ایپ کے ذریعے جاری کردہ الرٹ اور ہدایات پر عمل کریں۔
August 08, 2026
May 05, 2026
سٹی 42 : خیبر پختونخوا کے ضلع نوشہرہ میں تیز آندھی کے باعث مختلف علاقوں میں چھتیں اور دیواریں گر گئیں۔
ریسکیو ذرائع کے مطابق اس صورتِ حال کے باعث 4 افراد زخمی ہوئے ہیں جنہیں اسپتال منتقل کر دیا گیا ہے۔ ریسکیو ادارے اس حوالے سے مزید اقدامات کر رہے ہیں۔
واضح رہے کہ ملک کے شمالی علاقوں بالخصوص کے پی کے اور شمالی پنجاب سمیت مختلف علاقوں سے تیز آندھی اور طوفانی بارشوں کی اطلاعات موصول ہو رہی ہیں۔
سٹی 42 : ملکہ کوہسار مری اور گردونواح میں بھی تیز آندھی اور گرج چمک کے ساتھ بارش کا سلسلہ شروع ہوگیا ۔
آندھی سے شاہراہ کشمیر سمیت متعدد مقامات پر درخت کرنے کی اطلاعات موصول ہوئی ہیں، جبکہ مختلف علاقے علیوٹ،کلڈنہ موہڑہ شریف روڈ پر درخت گرنے سے ٹریفک متاثر ہوئی ہے۔
تیز آندھی اور بارش کی وجہ سے مری میں بجلی کا ترسیلی نظام معطل ہوگیا ۔
ریسکیو 1122 نے الرٹ جاری کر دیا، جس میں آندھی اور طوفان میں سفر کرنیوالوں کو احتیاط برتنے کی ہدایات کی گئی ہیں۔ ریسکیو حکام کا کہنا ہے کہ بجلی کے پولز اور درختوں،ندی نالوں کے قریب نہ کھڑے ہوں۔
May 05, 2026
May 05, 2026
سٹی 42 : اٹک اور پشاور کے بعد راولپنڈی میں بھی موسم نے کروٹ بدل لی ۔
راولپنڈی میں مٹی کا طوفان آگیا، مختلف علاقوں میں گرد آلود ہوائیں چل رہی ہیں، جس کی وجہ سے مغرب سے پہلے ہی ہر طرف سیاہی پھیل گئی ۔ ابھی ملنے والی معلومات کے مطابق شہر کے مختلف حصوں میں تیز بارش بھی شروع ہوچکی ہے، جس کے بعد گرمی کا زور ٹوٹ گیا ہے۔
دوسری جانب پشاور میں چلنے والی شدید آندھی اور طوفان کے باعث کئی مقامات پر درخت اور سائن بورڈز گرگئے، تیز آندھی و طوفان کے بعد شہر میں بجلی بھی مکمل طورپر غائب ہو گئی ہے ۔
یاد رہے کہ راولپنڈی کرکٹ سٹیڈیم میں پشاور زلمی اور لاہور قلندرز کے درمیان میچ کھیلا جانا تھا، تاہم موسم کے اچانک بدلنے اور گرد آلود ہوائیں چلنے کے باعث میچ کا ٹاس تاخیر کا شکار ہوگیا ہے ۔
ویب ڈیسک : پشاور میں چلنے والی شدید آندھی اور طوفان کے باعث کئی مقامات پر درخت اور سائن بورڈز گرگئے ۔
پشاور شہر اور گردو نواح میں شدید آندھی اور طوفان کے باعث کئی مقامات پر درخت اور سائن بورڈز گرنے کی اطلاعات سامنے آئی ہیں، سڑک سے درخت ہٹانے کے لیے ریسکیو1122 ڈیزاسٹر ٹیم روانہ کردی گئی ہے۔
آندھی و طوفان کے بعد شہر میں بجلی بھی مکمل طورپر غائب ہو گئی ہے ۔ ذرائع کا کہناہے کہ افغان کالونی اور بیگم شہاب الدین گرلز اسکول تحصیل کے قریب درخت گرگئے ہیں جس کے باعث افغان کالونی میں 2خواتین معمولی زخمی ہو گئی ہیں۔
May 05, 2026
May 05, 2026
سٹی 42 : اٹک اور گردونواح میں تیز آندھی، موسلادھار بارش شروع ہوگئی، جس کے بعد موسم خوشگوار ہوگیا، جبکہ کئی مقامات پر ژالہ باری بھی جاری ہے۔
اٹک شہر اور اس کے گردونواح میں اچانک تیز آندھی کے ساتھ موسلادھار بارش اور ژالہ باری کا سلسلہ شروع ہو گیا۔ تیز ہواؤں اور ژالہ باری نے گرمی کی شدید لہر کو توڑ دیا، جس کے بعد موسم خوشگوار ہو گیا اور شہریوں نے سکھ کا سانس لیا۔
بارش کے دوران فضا میں گہرے سیاہ بادلوں کی گھن گرج سنائی دیتی رہی، جس سے ماحول مزید سنجیدہ اور خوبصورت ہو گیا ۔
دوسری جانب شدید آندھی اور بارش کے باعث شہر کے تمام فیڈر ٹرپ کر گئے، جس سے کئی علاقوں میں بجلی کی فراہمی معطل ہو گئی۔
سٹی 42 : محکمہ موسمیات نے ایک اور الرٹ جاری کردیا، جس میں دارالحکومت اور راولپنڈی میں بارش کا امکان ظاہر کیا گیا ہے۔
محکمہ موسمیات کے مطابق اسلام آباد، راولپنڈی اور گرد و نواح میں اگلے 2 سے 4 گھنٹوں کے دوران گردآلود آندھی اور گرج چمک کے ساتھ بارش کی توقع ہے ، جبکہ بعض مقامات پر ژالہ باری کا امکان ہے ۔
محکمہ موسمیات نے عوام کو احتیاطی تدابیر اختیار کرنے کی ہدایت کی ہے ۔
May 05, 2026
May 05, 2026
ویب ڈیسک : اسلام آباد میں موسم کی خرابی کے باعث فلائٹ آپریشن شدید متاثر ہوا ہے اور 8 پروازوں کو متبادل لینڈنگ کرنا پڑی ہے۔
اسلام آباد اور راولپنڈی میں شدید آندھی کے ساتھ بارش کا سلسلہ جاری ہے۔موسم کی خرابی کے باعث فلائٹ آپریشن شدید متاثر ہوا ہے اور 8 پروازوں کو متبادل لینڈنگ کرانا پڑا جب کہ 11 ملکی اور غیر ملکی پروازیں مقررہ وقت پر روانہ نہ ہوسکیں۔
ابوظبی سے اسلام آباد پہنچی پرواز پی کے 262 پشاور اتارلی گئی، شارجہ اسلام آباد کی پرواز پی کے 182 کو کراچی لینڈ کرایا گیا۔ابوظبی سے اسلام آباد کی پرواز ای وائی 300 کو ملتان اتارا گیا، کراچی سے اسلام آباد پہنچی پرواز پی کے 308 کو بھی ملتان موڑ دیا گیا، کوئٹہ اسلام آباد کی نجی ائیر کی پرواز ایف ایل 857 کو پشاور لینڈنگ کرنا پڑی۔کوالالمپور اسلام آباد کی پرواز پی کے 895 کی لاہور میں لینڈنگ ہوئی۔ اسلام آباد سے بشکک، کراچی مسقط، ریاض، ابوظبی اور بحرین کی 11 پروازوں کو تاخیر کا سامنا ہے۔کراچی سے پشاور روانہ ہوئی پرواز پی کے 350 کو موسمی خرابی پر واپس کراچی موڑ دیا گیا، مسقط سیالکوٹ کی پرواز پی ایف 737 کو لاہور میں لینڈ کرایا گیا۔
طوفان اسلام آباد کے بعدلاہور کی طرف بڑھ رہا ہے، فلائٹس کے لیے الرٹ جاری کردیا گیا ہے۔ لاہور میں بھی فلائٹ سسٹم متاثر ہوا ہے اورفلائٹس کا رخ موڑ دیا گیا
سٹی 42: شہرمیں آندھی اور بارش کے باعث فلائٹ آپریشن متاثر ہوگیا
موسم خراب ہونے کی وجہ سے طیاروں کو لینڈنگ میں دشواری کا سامنا کرنا پڑا
کراچی سے لاہور آنے والی ایئربلیو کی پرواز پی اے 406 کو لینڈنگ کی اجازت نہ ملی،دبئی سے لاہور آنے والی ائیربلیو کی پرواز پی اے 411 بھی لینڈ نہ کرسکی
طیارہ فضا میں چکرلگانے پہ مجبور،پائلٹ کو ملتان ایئرپورٹ لینڈنگ کی ہدایات کی گئی
May 05, 2026
May 05, 2026
سٹی42: ویسٹرلی وِنڈز نے پنجاب کے شمالی اور وسطی علاقوں میں ہر طرف بارش برسا دی۔ ویسٹرلی وِنڈز کے جادوئی جھونکوں نے سب سے آخر میں لاہور شریف کو بھی چھو لیا۔ لاہور میں بھی بارش ہو گئی۔
موسم کے سٹوڈنٹس نے موسم کے اس ٹویسٹ کی اطلاع 29 اپریل کو دے دی تھی اور بتایا تھا کہ مئی کا پہلا ہفتہ اپریل کے آخری ہفتے سے ٹھنڈا ہو گا۔
بارش کے ساتھ ہی مختلف علاقوں میں گوجرانوالہ الیکٹرک کمپنی اور لاہور الیکٹرک کمپنی کے فیڈر بند ہو جانے، بجلی کی سپلائی بند ہو جانے کی بھی خبریں آ رہی ہیں۔ لاہور کے قذافی سٹیڈیم میں آندھی نے لاہور قلندرز اور کوئٹہ گلیڈئیٹرز کے میچ میں قلندرز کی بیٹنگ رکوا دی۔پہلے راولپنڈی اسلام آباد سے لے کر واہ، ٹیکسلا، ہری پور، ایبٹ آباد، نتھیا گلی، جھیکا گلی، مری اور کشمیر کے بہت سے علاقوں میں بارش شروع ہوئی، اب میر پور، جہلم، گجرات، گوجرانوالہ، منڈی بہاالدین ، وزیر آباد، نوشہرہ ورکاں، حافظ آباد، پنڈی بھٹیاں، شیخوپورہ اور بہت سے دوسرے علاقوں میں بارش ہو رہی ہے۔
لاہور میں جمعرات کی شب آندھی سے کئی علاقوں میں درخت گر گئے۔ کینال روڈ پر درخت گرنے سے ٹریف رک گیا۔
منڈی بہاءالدین شہر اور گردونواح میں تیز ہواؤں اور گرج چمک کے ساتھ بارش ہوئی ہے۔ بارش کے باعث موسم خوشگوار ہو گیا ۔ تاہم اس کے ساتھ ہی منڈی بہاءالدین کے مختلف علاقوں میں گیپکو کے متعدد فیڈر ٹرپ کر گئے شہر کے مختلف علاقوں میں بجلی بند ہو گئی۔
وزیرآباد میں ویسٹرلی وِنڈز کے زیر اثر طوفان باد و باراں آیا ہے۔ اس طوفان کے باعث گیپکو کے متعدد فیڈر ٹرپ کر گئے۔ وزیرآباد گیپکو کے متعدد فیڈر ٹرپ کرنے سے بجلی بند ہو گئی۔
حافظ آباد میں :تیز آندھی کے بعد ہلکی بارش ہوئی ہے۔
حافظ آباد شہر اور گردو نواح کی بجلی بند ہو گئی ہے۔ حافظ آباد میں بارش سے گرمی کی شدت میں کمی ہو گئی۔
گوجرانوالہ اور گردونواح میں تیز گرد آلود آندھی اور بارش کی رپورٹس مل رہی ہیں۔
گوجرانوالہ شہر میں تیز آندھی کے باعث گیپکو کے متعدد فیڈر ٹرپ کر گئے۔ شہر بھر کے مختلف بازاروں ور رہائشی علاقوں میں بجلی بند ہو گئی۔
نوشہرہ ورکاں اور گردونواح میں تیز گرد آلود اندھی سے گیپکو کے متعدد فیڈر ٹرپ کر گئے ۔
نوشہرہ ورکاں اور گردونواح میں بجلی بند ہو گئی جو اب تک بحال نہیں ہوئی۔ نوشہرہ ورکاں کے متعدد علاقوں میں اندھیرا چھا گیا ہے۔
کامونکے۔شہر وگردونواح میں گرد آلود آندھی شروع ہوتے ہی گیپکو فیڈر بند ہونا شروع ہو گئے۔ بجلی بند ہونے سے شہر و گردونواح اندھیروں میں ڈوب گیا
ترجمان گیپکو نے بتایا ہے کہ گوجرانوالہ:گیپکو ریجن کے بیشتر علاقوں میں شدید آندھی اور طوفان کے ساتھ بارش کا سلسلہ جاری ہے، طوفان باد و باراں سے گیپکو ریجن کے درجنوں فیڈروں پر بجلی کی فراہمی متاثر ہوئی ہے ۔
بجلی کے سپلائی سسٹم مین تعطل سے متاثرہ علاقوں میں گوجرانوالہ، گجرات ، منڈی بہاوالدین ، کامونکی، حافظ اباد ، سیالکوٹ, کامونکی اور وزیر آباد وغیرہ کے علاقے شامل ہیں۔
چیف ایگزیکٹو گیپکو اپنی ٹیم کے ہمراہ بجلی بحالی کے کاموں کی براہ راست نگرانی کر رہے ہیں۔ گیپکو فیلڈ سٹاف متاثرہ فیڈرز کی فی الفور بحالی کیلئے مصروف عمل ہے۔
گیپکو کے ترجمان نے بتایا کہ جہاں جہاں موسم میں بہتری آرہی ہے وہاں بجلی کی بحالی کا کام بھی تیزی سے جاری ہے۔
جہلم شہر اور گردونواح میں تیز آندھی طوفان کے ساتھ بارش ہوئی ہے۔
آندھی اور بارش کے باعث شہر کے متعدد بجلی کے فیڈرز ٹرپ کرگئے
لالہ موسی: لا لہ موسی اور گرد و نواح میں گرد آلود تیز آندھی کے ساتھ متعدد فیڈر ٹرپ ھونے سے بجلی بند ہو گئی۔
میرپور آزادکشمیر و گرد و نواح میں گرج چمک کے ساتھ موسلا دھار بارش ہوئی ہے۔
تیز بارش کے باعث متعدد علاقوں میں بجلی کی فراہمی معطل ہو گئی ہے۔ شہریوں نے بارش سے گرمی کے خاتمے پر سکھ کا سانس لیا
میرپور شہر میں بجلی بند ہونے سے شہریوں کو مشکلات کا سامنا ہے۔
سٹی42: متعدد علاقوں میں تھنڈر سٹارم، آندھی اور ژالہ باری سے شدید نقصان ہونے کی اطلاعات آ رہی ہیں۔
اسلام آباد، راولپنڈی، مری، گلیات، ہری پور، ایبٹ آباد، چکوال اور مضافات میں طوفانی بارش کے دوران حادثات میں بچے سمیت پانچ افراد جاں بحق ہوگئے۔
اسلام آباد اور گردونواح کے اضلاع میں آج سہ پہر اچانک کالے بالدوں نے دن مین رات جیسا ماحول پیدا کر دیا۔ طوفانی ہواؤں کے نتیجے میں متعدد درخت اکھڑ گئے اور سائن بورڈ گرگئے۔اسلام آباد میں ایک درخت گرنے سے پولیس اہلکار زخمی ہوگیا جبکہ سیکٹر جی بارہ میں زیر تعمیر مکان کی چھت گرنے سے دو مزدور جاں بحق ہوگئے۔راولپنڈی میں طوفانی ہواؤں نے نظام زندگی مفلوج کر دیا اور اہم شاہراہوں پر ٹریفک جام ہوا، کاروباری مراکز ہوٹلز ریسٹورنٹس بند ہوگئے۔
لاہور میں بھی آندھی سے درخت گرنے کے واقعات ہوئے تاہم رات گئے تک کوئی جانی نقصان رپورٹ نہیں ہوا۔
آزاد کشمیر، مری، گلیات اور ایبٹ آباد میں بارش اور ژالہ باری ہوئی۔
آزاد کشمیر کے علاقہ میرپور کے علاقہ اسلام گڑھ میں آسمانی بجلی گرنے سے نوجوان جاں بحق ہوگیا۔
پشاور سے سیر کے لئے خان پور ڈیم آئے آئے خاندان کی کشتی خانپور ڈیم میں تیز آندھی کے باعث الٹ گئی جس سے چھ افراد ڈوب گئے۔ امدادی کارکنوں نے پانچ کو زندہ بچالیا۔
ہری پور میں ایک گھر کی دیوار گرنے سے ایک بچہ جاں بحق اور دو بچے شدید زخمی ہو گئے۔
پنڈدادن خان کے محلہ خیرشاہ میں مکان کی چھت گرنے سے ایک خاتون سمیت دو افراد زخمی ہو گئے۔
ڈڈیال آزادکشمیر میں آسمانی بجلی گرنے سے ایک بکری ہلاک ہوگئی جبکہ کئی دکانوں میں برقی آلات جل گئے۔
چکوال میں آندھی کی وجہ سے دکانوں کے آہنی شیڈ اور بل بورڈز اڑ کر سڑکوں پر گر گئے۔ چکوال میں کئی درخت جڑوں سے اکھڑ گئے۔ بجلی کی تاریں ٹوٹنے سے چکوال شہر اندھیرے میں ڈوب گیا۔
آندھی اور طوفان کے دوران پنجاب میں تین الیکٹرک سپلائی کمپنیوں اسلام آباد الیکٹرک کمپنی، گوجرانوالہ الیکٹرک کمپنی اور لاہور الیکٹرک کمپنی کے وسیع علاقوں مین بجلی کی ترسیل بند ہو گئی۔
آئیسکو ترجمان کے مطابق اسی فیصد علاقوں کی بجلی بحال کر دی گئی ہے۔
گیپکو کے ترجمان نے بتایا کہ چیف ایگزیکٹو خود بجلی کی بحالی کے آپریشن کی نگرانی کر رہے ہیں۔
لیسکو نے بھی آندھی تھمتے ہی متاثرہ علاقوں میں بجلی کی سپلائی بحال کرنے کے لئے کام شروع کر دیا۔
آندھی، گرج چمک، ژالہ باری کے باعث کھمبے، درخت، گاڑیاں اور سولر پینلز جیسی کمزور تنصیبات کو بڑے پیمانہ پر نقصان پہنچ رہا ہے۔
ٹیکسلا اور ہری پور کے علاقوں میں تیز اندھی کے باعث مختلف مقامات پر درخت جڑوں سے اکھڑ گئے۔
مکانوں کی چھتیں بجلی کے پول درخت شدید طوفان نے اکھاڑ دیے۔
طوفان کے باعث خان پور سے ٹیکسلا جانے والے رقڈ پر جگہ جگہ درخت گرنے سے خان پور ٹیکسلا روڈ جگہ جگہ سے بند
خان پور روڈ پر درخت گرنے سے ایک موٹر سائیکل سوار درخت کے نیچے آنے سے شدید زخمی ھسپتال منتقل
ضلع بھر بھی بجلی کا نظام بری طرح متاثر رہا۔
آسمان پر چھائی کالی گھٹاؤں اور بجلی کی بندش کے باعث ہر طرف اندھیرا چھایا رہا۔
تھانہ خانہ پور کی حدود سرادنہ گاؤں میں شدید آندھی و طوفان کے باعث محبوب نامی شخص کے گھر کی دیوار گر گئی۔
3 بچے دیوار کے نیچے دب گئے۔ دیوار کے ملبے تلے دب کر ایک بچہ جان بحق جبکہ 2 شدید ذخمی۔
مقامی افراد خود امدادی کاروائیوں میں مصروف رہے۔
ہری پور میں جاں بحق ہونے اور ذخمی ہونے والے بچوں کو تحصیل ہیڈ کواٹر ہسپتال خان پور منتقل کیا گیا۔
May 05, 2026
May 05, 2026
سٹی42: آج جمعرات کی شام آندھی چلنے سے خانپور ڈیم میں کشتی الٹ گئی۔ کشتی الٹنے سے ایک ہی خاندان کے چھ افراد ڈوب گئے۔
ہری پور سے آمدہ خبر کے مطابق ڈیم کے قریب رہنے والے مقامی افراد اور ریسکیو ٹیمیوں نے پانچ افراد کو نکال زندہ لیا ا، یک شخص کو تاحال نہیں نکالا جا سکا۔
ریسکیو ٹیمیں موقع پر موجود ہیں اور کشتی کے اب تک گم شدہ سوا کی تلاش میں مصروف ہیں۔
معلوم ہوا ہے کہ پشاور سے خان پور ڈیم پر سیر کے لیے آنے والی فیملی کی کشتی کو اچانک آنے والے شدید طوفان کے باعث حادثہ پیش آیا۔
شدید طوفان کے دوران آندھی سے ڈیم میں کشتی الٹ گئی۔ کشتی مین سوار تمام افراد پانی میں ڈوب گئے۔
اس حادثہ کے فوراً بعد ڈیم کے کنارے پر موجود مقامی غوطہ خوروں نے انسانی ہمدردی کے تحت فوری چور پر پانی میں چھلانگیں لگا دیں۔ ان باہمت غوطہ خوروں نے پانی میں ڈوبنے والے 5 افراد کو ذندہ نکال لیا۔ اس دوران ہی ریسکیو 1122 کے اہلکار بھی اطلاع ملنے پر ضروری ساز و سامان کے ساتھ ڈیم پر پہنچ گئے۔
ایک شخص ابھی تک لاپتہ ہے۔ جسکی تلاش جاری ہے۔
پاکستان کا میٹ ڈیپارٹمنٹ ویسٹرلی وِنڈز پاکستان کے طول و عرض میں پہنچنے کے بعد ایدوانس ہو گیا، آج میٹ ڈیپارٹمنٹ مختلف علاقوں میں بارش کی تین سے پانچ گھنٹے پہلے اطلاع دے رہا ہے جو عمومی طور پر صحیح ثابت ہو رہی ہے۔
آئندہ 3 سے 5 گھنٹوں کے دوران کہاں کہاں بارش
میٹ ڈیپارٹمنٹ نے بتایا ہے کہ چکوال، جہلم، منڈی بہاؤالدین، گجرات، گوجرانوالہ، حافظ آباد، میں گرد آلود ہوائیں، آندھی، گرج چمک کے ساتھ بارش، ژالہ باری اور موسلا دھار بارش کا امکان ہے
سیالکوٹ، نارووال، لاہور، ساہیوال، قصور، اوکاڑہ، فیصل آباد، میں گرد آلود ہوائیں، آندھی، گرج چمک کے ساتھ بارش، ژالہ باری اور موسلا دھار بارش کا امکان ہے
ٹوبہ ٹیک سنگھ، جھنگ، خوشاب، سرگودھا اور گرد و نواح میں گرد آلود ہوائیں، آندھی، گرج چمک کے ساتھ بارش، ژالہ باری اور موسلا دھار بارش کا امکان ہے
میٹ ڈیپارٹمنٹ نے بتایا ہے کہ تھنڈر سٹارم، آندھی، گرج چمک، ژالہ باری کے باعث کھمبے، درخت اکھڑ سکتے ہیں، کھلی جگہ پر موجود گاڑیوں کو ژالہ سے نقصان ہو سکتا ہے اور سولر پینلز جیسی کمزور تنصیبات کو نقصان پہنچ سکتا ہے۔۔
May 05, 2026
May 05, 2026
سٹی42:ویسٹرلی وِنڈز نے گرمی کی لہر Heat Wave کے ستائے انسانوں، حیوانوں اور نباتات کو ہشاش بشاش کر دیا۔
اسلام ااباد، راولپنڈی، مری اور بہت سے دیگر علاقوں میں بارش ہونے کی اطلاعات موصول ہوئی ہیں۔ اسلام آباد سے آگے ہری پور اور گردونواع میں تیز ہواوں اور کالی گھٹاوں کے ساتھ تیزبارش شروع ہونے کی خبریں آئی ہیں۔
غیر معمولی کالی گھٹاؤں نے ہری پور شہر میں دن کے اجالے کو رات کے گہرے اندھیرے میں بدل ڈالا۔ بازاروں میں روزمرہ کاموں میں مصروف شہری اس اچانک کایا کلپ سے حیران ہو گئے۔
چند ہی لمحوں میں تیز بارش برسنے لگی اور دیکھتے ہی دیکھتے جل تھل ایک ہو گیا۔ تیز ہواوں اور بارش کے باعث گرمی کا زور ٹوٹ گیا لیکن اس کے ساتھ ہی شدید اندھی طوفان کے باعث بجلی کا۔نظام درہم۔برہم ہو گیا۔ شہر بھر میں بجلی منقطع وہ گئی۔
ایبٹ آباد میں بھی تھنڈر سٹرام کی اطلاعات مل رہی ہیں۔ بارش کے دوران شدید گرج چمک ہوئی اور بادل گرجنے کی آواز مسلسل آتی رہی۔ بارش سے موسم خوشگوار وہ گیا۔
ایبٹ آباد کے بلند پہاڑی سیاحتی مقامات گلیات اور ٹھنڈیانی میں بھی طوفانی ہوائوں کے ساتھ بارش جاری ہے۔ بعض علاقوں میں اس تھنڈر سٹارم سے نقصانات کا خدشہ ہے ۔
راولپنڈی میں بارش
راولپنڈی میں تیز بارش کا سلسلہ شروع وہ گیا ہے۔
بارش سے گرمی کا زور ٹوٹ گیا ہے۔
گولڑہ میں7 ملی میتر، شمس آباد میں 6 ملی میٹر، راولپنڈی کچہری اور چکلالہ میں 5 ملی میٹر جبکہ سیدپور ویلیج میں 4 ملی میٹر بارش ریکارڈ ہو چکی ہے۔
لئی کی صورتحال
راولپنڈی کے بیچوں بیچ سے گزرتی لئی ندی میں کٹاریاں کے مقام پر پانی کی سطح 5 فٹ ہے جبکہ شہر کے وسطی علاقہ گوالمنڈی میں پانی 4 فٹ ہے جو معمول کے مطابق ہے۔
مری میں بارش
ملکہ کوہسار میں کالی گھٹائیں طوفانی ہواؤں کے ساتھ بارش ژالہ باری ہے۔
مری۔کالی گھٹاؤں نے دن کو رات میں بدل دیا۔
مری میں بارش کے آغاز ہی میں بجلی غائب ہو گئی، مقامی شہری کہہ رہے ہیں کہ آج شام سردی واپس لوٹ آئی۔
محکمہ موسمیات کے مطابق بارش کا سلسلہ وقفہ وقفہ سے 4 اپریل تک جاری رہے گا۔
تلہ گنگ میں بارش
تلہ گنگ وگردنواح میں تیز آندھی اور بارش کی اطلاعات مل رہی ہیں۔
بارش سے موسم خوش گوار ہو گیا ،
گرمی سے نڈھال چہرے کھل اٹھے ۔
تیز آندھی اور بارش سے بجلی کے فیڈر ٹرپ کر گئے ۔
سٹی42: ہِیٹ ویو کی زد میں آئے ہوئے شہروں میں آج شام ابرِ رحمت برس پڑا۔ تیز ہوا کے ساتھ بارش نے نبہت سے علاقوں کو بجلی سے محروم کر کے موسم میں اچانک خوشگوار تبدیلی سے محظوظ ہوتے شہریوں کا مزا کرکرا کر ڈالا۔
اسلام آباد ور راولپنڈی میں آج شام بارش برس رہی ہے۔ اس بارش سے ایک طرف تو پورے ایک ہفتے سے پڑ رہی گرمی آناً فاناً تحیلی ہو گئی، دوسری طرف بہت سے علاقوں میں بجلی کی سپلائی درہم برہم ہو گئی اور بہت سے علاقے بجلی سے محروم ہو گئے۔
اسلام آباد الیکٹرک سپلائی کمپنی نے ذرائع نے تصدیق کی ہے کہ آئیس کو ریجن کے دو شہروں اسلام آباد اور راولپنڈی سرکل میں گرج چمک کے ساتھ بارش کے نتیجہ مین بجلی فراہم کرنے والے متعدد 11 کے وی فیڈرز پر فالٹ آ گیا اور فیدر ٹرِپ کر گئے جس کے سبب بہت سے علاقے اس وقت بجلی سے محروم ہیں۔
باررش کے سبب بجلی بند ہو جانے کے واقعات پیر سوہاوہ سپریم کورٹ جی ایٹ مرکز علی پور میرا جعفر ، بنی گالا، یو سی روڈ ،سیہام، محمدی چوک، نیو مل پور، رینج روڈ ، امارات فیڈرز سے رپورٹ ہوئے ہیں۔
گرجا گھر 1، ہمک ٹاؤن۔ جی ایٹ ٹو ، سنگجانی فیڈرز پر بھی بجلی کی فراہمی بند ہوئی۔
اسلام آباد الیکٹرک سپلائی کمپنی کے چیف ایگزیکٹیو محمد نعیم جان نے اپنی فیلڈ فارمیشنز کو متاثرہ علاقوں کی بجلی جلد بحال کرنے کے احکامات جاری کئے ہیں، لیکن متعلقہ حکام کا کہنا ہے کہ مینولز کے مطابق بارش رکنے کے بعد ہی بجلی کی بحالی کے لئے کام شروع کیا جاتا ہے تاہم کچھ ہائی پروفائل ایریاز میں بجلی کی فوری فراہمی کے لئے ٹیمیں ترجیحی بنیادوں پر فالٹ تلاش کر کے بجلی بحال کرنے کی کوشش کر رہی ہیں۔
ہری پور میں بادلوں نے دن کو رات میں بدل دیا، بجلی کا بریک ڈاؤن
غیر معمولی کالی گھٹاؤں نے ہری پور شہر میں دن کے اجالے کو رات کے گہرے اندھیرے میں بدل ڈالا۔ بازاروں میں روزمرہ کاموں میں مصروف شہری اس اچانک کایا کلپ سے حیران ہو گئے۔
چند ہی لمحوں میں تیز بارش برسنے لگی اور دیکھتے ہی دیکھتے جل تھل ایک ہو گیا۔ تیز ہواوں اور بارش کے باعث گرمی کا زور ٹوٹ گیا لیکن اس کے ساتھ ہی شدید اندھی طوفان کے باعث بجلی کا۔نظام درہم۔برہم ہو گیا۔ شہر بھر میں بجلی منقطع وہ گئی۔
ایبٹ آباد میں بھی تھنڈر سٹرام کی اطلاعات مل رہی ہیں۔ بارش کے دوران شدید گرج چمک ہوئی اور بادل گرجنے کی آواز مسلسل آتی رہی۔ بارش سے موسم خوشگوار وہ گیا۔
ایبٹ آباد کے بلند پہاڑی سیاحتی مقامات گلیات اور ٹھنڈیانی میں بھی طوفانی ہوائوں کے ساتھ بارش جاری ہے۔ بعض علاقوں میں اس تھنڈر سٹارم سے نقصانات کا خدشہ ہے ۔
ہری پور اپ ڈیٹ
ہری پور میں خوفناک آندھی و طوفان نے تباہی مچا دی
تتیز اندھی کے باعث مختلف مقامات پر درخت جڑوں سے اکھڑ گئے۔
مکانوں کی چھتیں بجلی کے پول درخت شدید طوفان نے اکھاڑ دیے۔
طوفان کے باعث خان پور سے ٹیکسلا جانے والے رقڈ پر جگہ جگہ درخت گرنے سے خان پور ٹیکسلا روڈ جگہ جگہ سے بند
خان پور روڈ پر درخت گرنے سے ایک موٹر سائیکل سوار درخت کے نیچے آنے سے شدید زخمی ھسپتال منتقل
ضلع بھر بھی بجلی کا نظام بری طرح متاثر۔
آسمان پر چھائی کالی گھٹاؤں اور بجلی کی بندش کے باعث ہر طرف اندھیرا چھایا ہوا ہے۔
تھانہ خانہ پور کی حدود سرادنہ گاؤں میں شدید آندھی و طوفان کے باعث محبوب نامی شخص کے گھر کی دیوار گر گئی
3 بچے دیوار کے نیچے دب گئے۔
دیوار کے ملبے تلے دب کر ایک بچہ جان بحق جبکہ 2 شدید ذخمی۔
مقامی افراد امدادی کاروائیوں میں مصروف
جاں بحق ہونے اور ذخمی ہونے والے بچوں کو تحصیل ہیڈ کواٹر ہسپتال خان پور منتقل کیا جا رہا ہے
راولپنڈی میں بارش
راولپنڈی میں تیز بارش کا سلسلہ شروع وہ گیا ہے۔ اس بارش کے بارے میں کہا جا رہا ہے کہ یہ چند گھنٹے مسلسل ہو جائے تو شہر مین سیلاب آنے کا خطرہ ہو جاتا ہے۔
بارش سے گرمی کا زور ٹوٹ گیا ہے۔
گولڑہ میں7 ملی میٹر، شمس آباد میں 6 ملی میٹر، راولپنڈی کچہری اور چکلالہ میں 5 ملی میٹر جبکہ سیدپور ویلیج میں 4 ملی میٹر بارش ریکارڈ ہو چکی ہے۔
لئی کی صورتحال
راولپنڈی کے بیچوں بیچ سے گزرتی لئی ندی میں کٹاریاں کے مقام پر پانی کی سطح 5 فٹ ہے جبکہ شہر کے وسطی علاقہ گوالمنڈی میں پانی 4 فٹ ہے جو معمول کے مطابق ہے۔
مری میں بارش سے بجلی کا بریک ڈاؤن
ملکہ کوہسار میں کالی گھٹائیں طوفانی ہواؤں کے ساتھ بارش ژالہ باری ہے۔
مری۔کالی گھٹاؤں نے دن کو رات میں بدل دیا۔
May 05, 2026
May 05, 2026
روزینہ علی : محکمہ موسمیات نے کہا ہے کہ اسلام آباد، راولپنڈی اور گردونواح میں اگلے 1 سے 3 گھنٹوں کے دوران گرد آلود ہواؤں آندھی، گرج چمک کے ساتھ بارش کی توقع ہے ۔
محکمہ موسمیات کے مطابق اسلام آباد راولپنڈی کے کئی علاقوں میں ژالہ باری اور موسلا دھار بارش کا امکان ہے ۔
محکمہ موسمیات نے خبردار کیا ہے کہ آندھی، ژالہ باری اور بجلی گرنے سے بجلی کے کھمبے، درخت، گاڑیاں اور سولر پینلز جیسے کمزور ڈھانچوں کو نقصان پہنچ سکتا ہے۔
27 Aug, 2025
26 Aug, 2025
26 Aug, 2025
26 Aug, 2025
26 Aug, 2025
26 Aug, 2025
26 Aug, 2025
26 Aug, 2025
26 Aug, 2025
18 May, 2025
18 May, 2025
18 May, 2025
18 May, 2025
18 May, 2025
18 May, 2025
1 May, 2025
1 May, 2025
1 May, 2025
سٹی42: ویسٹرلی وِنڈز نے پنجاب کے شمالی اور وسطی علاقوں میں ہر طرف بارش برسا دی۔ ویسٹرلی وِنڈز کے جادوئی جھونکوں نے سب سے آخر میں لاہور شریف کو بھی چھو لیا۔ لاہور میں بھی بارش ہو گئی۔
موسم کے سٹوڈنٹس نے موسم کے اس ٹویسٹ کی اطلاع 29 اپریل کو دے دی تھی اور بتایا تھا کہ مئی کا پہلا ہفتہ اپریل کے آخری ہفتے سے ٹھنڈا ہو گا۔
بارش کے ساتھ ہی مختلف علاقوں میں گوجرانوالہ الیکٹرک کمپنی اور لاہور الیکٹرک کمپنی کے فیڈر بند ہو جانے، بجلی کی سپلائی بند ہو جانے کی بھی خبریں آ رہی ہیں۔ لاہور کے قذافی سٹیڈیم میں آندھی نے لاہور قلندرز اور کوئٹہ گلیڈئیٹرز کے میچ میں قلندرز کی بیٹنگ رکوا دی۔پہلے راولپنڈی اسلام آباد سے لے کر واہ، ٹیکسلا، ہری پور، ایبٹ آباد، نتھیا گلی، جھیکا گلی، مری اور کشمیر کے بہت سے علاقوں میں بارش شروع ہوئی، اب میر پور، جہلم، گجرات، گوجرانوالہ، منڈی بہاالدین ، وزیر آباد، نوشہرہ ورکاں، حافظ آباد، پنڈی بھٹیاں، شیخوپورہ اور بہت سے دوسرے علاقوں میں بارش ہو رہی ہے۔
لاہور میں جمعرات کی شب آندھی سے کئی علاقوں میں درخت گر گئے۔ کینال روڈ پر درخت گرنے سے ٹریف رک گیا۔
منڈی بہاءالدین شہر اور گردونواح میں تیز ہواؤں اور گرج چمک کے ساتھ بارش ہوئی ہے۔ بارش کے باعث موسم خوشگوار ہو گیا ۔ تاہم اس کے ساتھ ہی منڈی بہاءالدین کے مختلف علاقوں میں گیپکو کے متعدد فیڈر ٹرپ کر گئے شہر کے مختلف علاقوں میں بجلی بند ہو گئی۔
وزیرآباد میں ویسٹرلی وِنڈز کے زیر اثر طوفان باد و باراں آیا ہے۔ اس طوفان کے باعث گیپکو کے متعدد فیڈر ٹرپ کر گئے۔ وزیرآباد گیپکو کے متعدد فیڈر ٹرپ کرنے سے بجلی بند ہو گئی۔
حافظ آباد میں :تیز آندھی کے بعد ہلکی بارش ہوئی ہے۔
حافظ آباد شہر اور گردو نواح کی بجلی بند ہو گئی ہے۔ حافظ آباد میں بارش سے گرمی کی شدت میں کمی ہو گئی۔
گوجرانوالہ اور گردونواح میں تیز گرد آلود آندھی اور بارش کی رپورٹس مل رہی ہیں۔
گوجرانوالہ شہر میں تیز آندھی کے باعث گیپکو کے متعدد فیڈر ٹرپ کر گئے۔ شہر بھر کے مختلف بازاروں ور رہائشی علاقوں میں بجلی بند ہو گئی۔
نوشہرہ ورکاں اور گردونواح میں تیز گرد آلود اندھی سے گیپکو کے متعدد فیڈر ٹرپ کر گئے ۔
نوشہرہ ورکاں اور گردونواح میں بجلی بند ہو گئی جو اب تک بحال نہیں ہوئی۔ نوشہرہ ورکاں کے متعدد علاقوں میں اندھیرا چھا گیا ہے۔
کامونکے۔شہر وگردونواح میں گرد آلود آندھی شروع ہوتے ہی گیپکو فیڈر بند ہونا شروع ہو گئے۔ بجلی بند ہونے سے شہر و گردونواح اندھیروں میں ڈوب گیا
ترجمان گیپکو نے بتایا ہے کہ گوجرانوالہ:گیپکو ریجن کے بیشتر علاقوں میں شدید آندھی اور طوفان کے ساتھ بارش کا سلسلہ جاری ہے، طوفان باد و باراں سے گیپکو ریجن کے درجنوں فیڈروں پر بجلی کی فراہمی متاثر ہوئی ہے ۔
بجلی کے سپلائی سسٹم مین تعطل سے متاثرہ علاقوں میں گوجرانوالہ، گجرات ، منڈی بہاوالدین ، کامونکی، حافظ اباد ، سیالکوٹ, کامونکی اور وزیر آباد وغیرہ کے علاقے شامل ہیں۔
چیف ایگزیکٹو گیپکو اپنی ٹیم کے ہمراہ بجلی بحالی کے کاموں کی براہ راست نگرانی کر رہے ہیں۔ گیپکو فیلڈ سٹاف متاثرہ فیڈرز کی فی الفور بحالی کیلئے مصروف عمل ہے۔
گیپکو کے ترجمان نے بتایا کہ جہاں جہاں موسم میں بہتری آرہی ہے وہاں بجلی کی بحالی کا کام بھی تیزی سے جاری ہے۔
جہلم شہر اور گردونواح میں تیز آندھی طوفان کے ساتھ بارش ہوئی ہے۔
آندھی اور بارش کے باعث شہر کے متعدد بجلی کے فیڈرز ٹرپ کرگئے
لالہ موسی: لا لہ موسی اور گرد و نواح میں گرد آلود تیز آندھی کے ساتھ متعدد فیڈر ٹرپ ھونے سے بجلی بند ہو گئی۔
میرپور آزادکشمیر و گرد و نواح میں گرج چمک کے ساتھ موسلا دھار بارش ہوئی ہے۔
تیز بارش کے باعث متعدد علاقوں میں بجلی کی فراہمی معطل ہو گئی ہے۔ شہریوں نے بارش سے گرمی کے خاتمے پر سکھ کا سانس لیا
میرپور شہر میں بجلی بند ہونے سے شہریوں کو مشکلات کا سامنا ہے۔
1 May, 2025
1 May, 2025
1 May, 2025
1 May, 2025
1 May, 2025
1 May, 2025