ایران کے چھ ہوائی اڈوں پر حملہ, 15 طیارے تباہ

اسرائیل نے ایران کے چھ ہوائی اڈوں پر حملہ کیا  اور بعد میں بتایا کہ ایران کے 15 طیارے تباہ ہو گئے۔
بی بی سی کے مطابق اسرائیلی فوج کا کہنا ہے کہ اس نے ایران کے چھ ہوائی اڈوں پر حملہ کیا ہے جس میں 15 طیارے تباہ ہوئے اور رن ویز کو نقصان پہنچا ہے۔

سوشل میڈیا پر ایک پوسٹ میں اسرائیل ڈیفنس فورسز (IDF) نے اعلان کیا کہ  جن ہوائی اڈوں کو نشانہ بنایا گیا وہ مغربی، مشرقی اور وسطی ایران میں تھے۔

IDF نے مزید کہا کہ ڈرون حملوں میں ایران کے F-15 اور F-5 لڑاکا طیارے، ایک ایندھن بھرنے والا طیارہ، اور ایک AH-1 کوبرا اٹیک ہیلی کاپٹر تباہ ہو گیا۔  رن وے اور زیر زمین بنکرز کو نقصان پہنچا ہے۔

آئی ڈی ایف کی پوسٹ سے یہ واضح نہیں ہے کہ یہ حملے کب ہوئے۔

ایران نے ابھی تک اس حملے کی تصدیق نہیں کی ہے۔

آج ہی اسرائیل کی فضائیہ نے کہا ہے کہ وہ آج صبح مغربی ایران کے کرمانشاہ میں فوجی انفراسٹرکچر کو نشانہ بنا رہی ہے۔

اتوار اور پیر کی درمیانی رات  20 اسرائیلی جیٹ طیارے کارروائی میں شریک تھے، جو میزائلوں کے ذخیرہ اور لانچ  کرنے کی سہولیات کے ساتھ ساتھ ریڈار اور سیٹلائٹ سسٹم کو نشانہ بنا رہے تھے۔

اسرائیل نے اپنی بیلسٹک میزائل کی صلاحیت کو مزید محدود کرنے کے لیے ایران پر حملے جاری رکھنے کا عزم کیا ہے اور کل رات کے چھاپے اس تنازعے کے سب سے شدید حملوں میں سے ایک بتائے جاتے ہیں۔