سٹی42: کوئٹہ میں سریاب روڈ پر دھماکہ خودکش تھا، اس دھماکےکے نتیجے میں 12 افراد جاں بحق ہوگئے۔
کوئٹہ پولیس کے مطابق سریاب روڈ پر شاہوانی اسٹیڈیم کے قریب دھماکہ ہوا۔ سول ہسپتال کوئٹہ کے میڈیکل سپرنٹنڈنٹ ڈاکٹر ہادی کاکڑ نے بتایا کہ سریاب روڈ د ھماکے میں 12 افراد جاں بحق اور 29 زخمی ہوئے۔
انہوں نے کہا کہ سول سپتال میں داخل 5 زخمیوں کی حالت نازک ہے۔
سی ٹی ڈی کے ترجمان نے بتایاکہ شاہوانی اسٹیڈیم کے قریب دھماکا بظاہرخودکش لگتا ہے اور دھماکے کے مقام سے شواہد اکھٹے کیےجارہے ہیں۔
قیصر کھوکھر: صوبائی ٹاسک فورس برائے انسداد پولیو کا اجلاس سول سیکرٹریٹ میں ہوا، جس کی صدارت صوبائی وزیر صحت خواجہ سلمان رفیق نے کی۔ اجلاس میں چیف سیکرٹری زاہد اختر زمان، عظمیٰ کاردار سمیت متعلقہ افسران نے شرکت کی۔
اجلاس میں ٹاسک فورس نے صوبے میں پولیو کے خاتمے کے لیے جاری اقدامات پر اطمینان کا اظہار کیا بریفنگ میں بتایا گیا کہ 21 سے 27 ستمبر تک انسداد پولیو مہم کے دوران ایک کروڑ 6 لاکھ 48 ہزار سے زائد بچوں کو پولیو سے بچاؤ کے قطرے پلانے کا ہدف مقرر کیا گیا ہے۔
بریفنگ کے مطابق 13 اضلاع میں خصوصی انسداد پولیو مہم 21 ستمبر سے شروع ہوگی لاہور میں مہم مسلسل 7 روز جبکہ دیگر اضلاع میں 4 روز جاری رہے گی پولیو مہم 8 اضلاع میں مکمل جبکہ 5 اضلاع میں جزوی طور پر منعقد کی جائے گی۔ مہم کے دوران مجموعی طور پر ایک ہزار 376 ہدف شدہ یونین کونسلز کا احاطہ کیا جائے گا۔
بریفنگ میں بتایا گیا کہ مقررہ مراکز پر بچوں کی ویکسی نیشن کے لیے 2 ہزار 60 فکسڈ ٹیمیں تعینات کی گئی ہیں خواجہ سلمان رفیق نے کہا کہ پولیو کے مکمل خاتمے کے لیے مہم کو خامیوں سے پاک بنانے کا عزم ہے اُنہوں نے متعلقہ اضلاع کے ڈپٹی کمشنرز کو انسداد پولیو مہم کی خود نگرانی کرنے کی ہدایت کی۔
صوبائی وزیر صحت نے ہدایت کی کہ زیادہ نقل و حرکت والے علاقوں اور ہائی رسک علاقوں پر خصوصی توجہ دی جائے۔
September 09, 2026
September 09, 2026
(ویب ڈیسک) سینئیر صحافی دل کا دورہ پڑنے سے انتقال کر گئے۔
انگلینڈ مین مقیم صحافی شوکت ڈار کے ہرٹ اٹیک سے انتقال کر جانے کی خبر نے انگلینڈ اور پاکستان کی صحافتی برادری میں دکھ کی لہر دوڑا دی ہے ۔ شوکت ڈار پاکستان پریس کلب یو کے انٹرنیشنل کے صدر بھی تھے اور ٹرید یونین میں بھی آخری روز تک سرگرم رہے۔
انہیں منگل کی شام دل کا دورہ پڑا، جو جان لیوا ثابت ہوا، مرحوم کے جنازہ اور تدفین کے متعلق اعلان آئندہ ایک دو روز میں متوقع ہے۔
شوکت ڈار کا شمار برطانیہ میں ڈیجیٹل میڈیا کے بانیوں میں ہوتا تھا، وہ تقریباً 35 برس سے عملی صحافت سے وابستہ تھے، ان کے انتقال پر لندن سمیت برطانیہ بھر کی صحافتی برادری شدید صدمے سے دوچار ہے۔
شوکت ڈار اپنے اعلیٰ اخلاق اور خوش مزاجی کے باعث ہر حلقے میں یکساں مقبول تھے، ٹریڈ یونین سے وابستگی کے سبب وہ ہمیشہ صحافیوں کے مسائل کے حل کے لیے سرگرم نظر آتے، کسی صحافی کے ساتھ زیادتی ہوتی تو وہ اس کے ساتھ کھڑے دکھائی دیتے، جب کہ پاکستان میں کسی میڈیا گروپ کو مشکلات کا سامنا ہوتا تو وہ برطانیہ میں اس کے حق میں مظاہروں میں بھی پیش پیش رہتے تھے۔
صحافیوں اور سماجی شخصیات نے شوکت ڈار کو خراجِ عقیدت پیش کرتے ہوئے کہا کہ وہ ہر محفل کی جان ہوتے تھے۔ وہ جس محفل میں بھی شریک ہوتے، وہاں لوگوں کے چہروں پر مسکراہٹیں بکھر جاتیں، کمیونٹی کے مسائل کے حل کے لیے بھی انہیں ہمیشہ متحرک دیکھا، وہ کمیونٹی کے مختلف پروگراموں کے انعقاد کے لیے بھی سرگرم رہتے تھے۔ صحافیوں اور سماجی شخصیات کا کہنا تھا کہ شوکت ڈار کی ہر شخص کے ساتھ ذاتی دوستی تھی اور ان کے انتقال سے پیدا ہونے والا خلا کبھی پُر نہیں ہو سکےگا۔
کمیونٹی کے مختلف افراد نے شوکت ڈار کے اہل خانہ اور ان کے دستِ راست وحید احمد سے دلی تعزیت کا اظہار کرتے ہوئے مرحوم کے لیے دعائے مغفرت اور بلندیٔ درجات کی دعا کی ہے۔
برطانیہ میں پاکستان کے ہائی کمشنر ٹیپو عثمان اور پاکستان ہائی کمیشن لندن کی جانب سے بھی سینئر صحافی شوکت ڈار کے انتقال پر گہرے دکھ اور افسوس کا اظہار کرتے ہوئے صحافت کے شعبے میں ان کی خدمات کو خراج تحسین پیش کیا گیا ہے۔
پاکستان ہائی کمیشن لندن کا کہنا ہےکہ شوکت ڈار کی شعبہ صحافت اور کمیونٹی خدمات کو ہمیشہ یاد رکھا جائےگا۔صحافت کے علاوہ مرحوم پاکستانی کمیونٹی کی فلاح و بہبود میں بھی ہائی کمیشن سے رابطے میں رہتے تھے۔
ویب ڈیسک: ایف بی آر نے بیرون ملک سے ذاتی استعمال کے لیے پاکستان لائے جانے والے موبائل فونز پر سیلز ٹیکس آسان اقساط میں ادا کرنے کی منظوری دے دی۔
ایف بی آر کی جانب سے جاری سرکلر کے مطابق یہ سہولت سیلز ٹیکس ایکٹ 1990 کے نویں شیڈول میں ترمیم کے ذریعے شامل کی گئی ہے نئے طریقہ کار کے تحت شہری درآمد شدہ موبائل فون کا سیلز ٹیکس ایک ساتھ ادا کرنے کے بجائے آسان اقساط میں جمع کراسکیں گے، تاہم متعلقہ مالی سال کے اختتام سے قبل تمام واجب الادا ٹیکس کی مکمل ادائیگی لازمی ہوگی۔
ایف بی آر کے مطابق یہ سہولت پاکستان ٹیلی کمیونیکیشن اتھارٹی (پی ٹی اے) کے ڈیربس سسٹم کے ذریعے فعال کی جائے گی یہ اقدام پی ٹی اے کی جانب سے موبائل فونز پر ٹیکس اقساط میں ادا کرنے کے پروگرام کے اعلان کے دو ماہ بعد سامنے آیا ہے۔
واضح رہے کہ حکومت نے جولائی 2019 میں مسافروں کے لیے مفت موبائل فون کی سہولت ختم کردی تھی، جس کے بعد مقامی نیٹ ورکس پر موبائل فون چلانے کے لیے متعلقہ ڈیوٹیز اور ٹیکسز کی پیشگی ادائیگی لازمی تھی۔
ایف بی آر کے نئے فیصلے کے بعد بیرون ملک سے موبائل فون پاکستان لانے والے شہری سیلز ٹیکس کی ادائیگی اقساط میں کرسکیں گے، تاہم مالی سال کے اختتام تک مکمل واجب الادا رقم ادا کرنا ہوگی۔
September 09, 2026
September 09, 2026
ویب ڈیسک: اسرائیل کی جانب سے فلسطین میں کئےمنگل کئے جانیوالے ’’ڈبل ٹیپ‘‘ حملے میں 15 سالہ نوجوان شہید ہو گیا، پہلے حملے کے بعد امدادی کارروائی کے دورن ہی اسرائیل نے دوسرا حملہ کر دیا جس میں3 افراد ہلاک اور 27زخمی ہو چکے ہیں۔اس گھنائونی جارحیت کے دوران ہی امریکہ نے اسرائیل کو 2.8 ارب ڈالر کے بم فروخت کرنے کا منصوبہ بنایا ہے۔
غیر ملکی ذرائع ابلاغ کی رپورٹ کے مطابق غزہ شہر کے شیخ رضوان علاقے میں اسرائیلی فوج کی جانب سے کئے گئے ایک کے بعد ایک، دوہرے فضائی حملے میں15 سالہ فلسطینی نوجوان محمد عبدالرحمن الزیناتی شہید ہو گیا۔ شہاب نیوز ایجنسی کے مطابق، محمد قرآن حفظ کرنے کی مجلس سے واپس لوٹ رہا تھا جب پہلا حملہ ہوا۔ اس حملے میں زخمی ہونیوالے شخص کی مدد کیلئے جب عام لوگ جمع ہوئے تو اسی جگہ دوسرا حملہ(ڈبل ٹیپ ) کر دیا گیا۔ اس دوسرے حملے میں محمد کے ساتھ 23 سالہ فلسطینی سول ڈیفنس کے پیرامیڈک شریف شادی ابراہیم لباد بھی شہید ہو گئے۔
اس خوفناک حملے کے بعد فلسطینی صحافی محمد ہانیہ نے بتایا کہ جب ایک نوجوان پر حملہ ہوا تو انسانی ہمدردی کے جذبے کے تحت محمد اور دیگر نوجوان اس کی مدد کیلئے دوڑے، لیکن اسرائیل نے دوبارہ بمباری کر دی جس میں محمدبھی شہید ہو گئے۔ اس دوسرے حملے کی ایک ویڈیو بھی سامنے آئی ہے جس میں صاف طور پرطبی امدادپہنچارہے لوگوں کو نشانہ بناتے ہوئے دیکھا جا سکتا ہے۔ اس طرح کی کارروائیوں کو "ڈبل ٹیپ" حملہ کہا جاتا ہے، جس میں پہلے حملے کے فوراً بعد اسی جگہ دوبارہ حملہ کیا جاتا ہے تا کہ بچاؤ کا کام کرنے والے اہلکار، عام شہری اور طبی عملہ بھی زد میں آ جائیں۔یہ واقعہ ایک ایسے وقت میں پیش آیا ہے جب امریکی صدر ڈونالڈ ٹرمپ کی انتظامیہ اسرائیل کیلئے 2.8 ارب ڈالر کے اسلحہ پیکیج کی منظوری کی تیاری کر رہا ہے، جس میں40ہزار بھاری بم شامل ہیں۔
بین الاقوامی خبر رساں ادارے ایسوسی ایٹڈ پریس کی رپورٹ کے مطابق، امریکی حکام اور ذرائع نے بتایا ہے کہ اس پیکیج میں 907؍ کلوگرام (2 ہزار پاؤنڈ) وزنی20 ہزار MK84عام طور پر استعمال ہونے والےبم اور20 ہزار BLU-117 شدید دھماکہ خیز بم شامل ہیں، علاوہ ازیں زیرِ زمین اور مضبوط ٹھکانوں کو تباہ کرنےکیلئے I-2000 پینیٹریٹر وار ہیڈز بھی دئیے جائیں گے۔ امریکی کانگریس کو اس بارے میں غیر رسمی طور پر مطلع کر دیا گیا ہے ۔ اس پیکیج کی بڑی رقم امریکی فارن ملٹری فائنانسنگ پروگرام کے تحت فراہم کی جائے گی جس کے ذریعے واشنگٹن کی فراہم کردہ رقم سے اسرائیل امریکی ہتھیار خریدتا ہے۔
یہاں یہ امر قابل ذکر ہے کہ غزہ کی وزارتِ صحت کے مطابق 11 اکتوبر کی جنگ بندی کے بعد ہوئے اسرائیلی حملوں میں ابتک ۱یک ہزار 375فلسطینی شہید اور 4ہزار686 افراد زخمی ہو چکے ہیں۔
جنید ریاض: لاہور میں میٹرک 2026 کے پوزیشن ہولڈرز اور ہائی اچیورز کے اعزاز میں پنجاب ایجوکیشن فاؤنڈیشن (پیف) کی جانب سے تقریب منعقد کی گئی۔
تقریب میں وزیر تعلیم پنجاب رانا سکندر حیات نے شرکت کی جہاں وزیر تعلیم نے طلبہ میں کیش پرائز اور لیپ ٹاپس تقسیم کیے پیف پارٹنر اسکولوں کے طلبہ نے میٹرک امتحانات میں نمایاں پوزیشنز حاصل کی تھیں۔
ڈی جی خان بورڈ کی تیسری پوزیشن ہولڈر فروا احمد کو ایک لاکھ 25 ہزار روپے اور لیپ ٹاپ دیا گیا، جبکہ طالبات میں تیسری پوزیشن حاصل کرنے والی کشف سعید کو 50 ہزار روپے اور لیپ ٹاپ سے نوازا گیا۔
پیف کی جانب سے 6 ہائی اچیورز کو خصوصی لیپ ٹاپس بھی دیے گئے تقریب میں چیئرمین پیف ملک شعیب اعوان اور ایم ڈی شاہد فرید بھی شریک ہوئے اس موقع پر وزیر تعلیم رانا سکندر حیات نے کہا کہ اسکول بند کرنے سے کوئی خاطر خواہ بچت نہیں ہوگی وفاقی حکومت اسکول بند کرنے کے بجائے تعلیمی سرگرمیاں جاری رکھ۔
رانا سکندر حیات کا مزید کہنا تھا کہ پنجاب ایجوکیشن فاؤنڈیشن کے فنڈز میں اضافہ کیا جا رہا ہے، اسکول بند کرنے کے بجائے تعلیمی شعبے میں وسائل بڑھائے جائیں۔
September 09, 2026
September 09, 2026
جمال الدین جمالی: لاہور کینٹ کی حدود میں پولیس پر فائرنگ کے مقدمے میں ملزم عدنان عارف بٹ کی جانب سے مقدمے سے دہشتگردی کی دفعات ختم کرنے کی درخواست خارج کردی گئی۔
انسداد دہشت گردی عدالت کے جج شاہد سکندر نے ملزم کی درخواست پر فیصلہ سنایا سماعت کے دوران ملزم کے وکیل نے مقدمہ عام فوجداری عدالت میں منتقل کرنے کی استدعا کی۔
عدالت نے وکیل کے دلائل سننے کے بعد ملزم کی درخواست مسترد کردی ملزم عدنان عارف بٹ کے خلاف تھانہ سرور روڈ میں پولیس پر فائرنگ کا مقدمہ درج کیا گیا تھا۔
(شاہدسپرا)وزارت مذہبی امور نے پرائیویٹ حج اسکیم کے تحت 11 ہزار 6 سو عازمین کی بکنگ مکمل کر لی۔پرائیویٹ حج اسکیم کے تحت مزید 60 ہزار عازمین درخواستیں جمع کروا سکتے ہیں،بکنگ نشستوں کی دستیابی تک یا 20 نومبر 2026 تک جاری رہے گی۔
حج پورٹل پر 25 منظم کمپنیوں کی جانب سے اکانومی، سٹینڈرڈ اور پریمیم حج پیکیج دستیاب ہیں،عازمین اپنی ضروریات کے مطابق پیکیج کا انتخاب کرسکتے ہیں۔
ترجمان وزارت مذہبی امور پاکستان کے مطابق منتظمین کے اکاؤنٹس میں حج واجبات کی مد میں 10 ارب روپے موصول ہوچکے ہیں،عازمین کی جانب سے 4 ارب روپے سے زائد رقم آن لائن طریقہ کار کے ذریعے جمع کرائی گئی،عازمین حج واجبات کی ادائیگی کے لیے صرف ’’پاک حج ایپ‘‘ یا ’’حج پورٹل‘‘ استعمال کریں۔
September 09, 2026
September 09, 2026
ملک اشرف: لاہور میں تعینات 39 سول ججز کم مجسٹریٹس کو سول جج کلاس تھری کے اختیارات تفویض کردیئے گئے، جس کا نوٹیفکیشن چیف جسٹس لاہور ہائیکورٹ عالیہ نیلم کی منظوری کے بعد جاری کردیا گیا۔
نوٹیفکیشن کے مطابق پنجاب سول کورٹس آرڈیننس کے تحت سول ججز کو سول جج کلاس تھری کے اختیارات دیے گئے ہیں۔ نئے اختیارات ججز کو اپنے سابق عہدے کا چارج سنبھالنے کی تاریخ سے حاصل ہوں گے۔
اختیارات حاصل کرنے والے ججز میں محمد مزمل ملک، مستنصر اشرف، سلطان امین، عروج سکندر، اقرا مقدس، محمد عون، ثانیہ یاسمین، عقیل سعید، معاذ علی، ام کلثوم اور باسل فواد بٹ شامل ہیں۔
صبا نواز، خرم مجید، عاطف ستار، نور فاطمہ رزاق، ساحر علی خان، صفوانہ حسن، فضا طارق، حافظہ کومل عروج اور رابعہ سیف کو بھی سول جج کلاس تھری کے اختیارات تفویض کیے گئے ہیں۔
عدیل اشرف، مریم شاہد، زینش کرامت، عروج اعجاز، محمد عثمان، علی احمد وارث اور تہمینہ بھی اختیارات حاصل کرنے والے ججز میں شامل ہیں جبکہ سارہ انس، کوثر طیبہ سلطانہ، جویریہ محبوب الٰہی، محمد احسن رضا اور سائرہ سیف سمیت 39 سول ججز کو یہ اختیارات تفویض کیے گئے ہیں۔
نوٹیفکیشن کے مطابق سول ججز اپنے اختیارات ان سول اضلاع اور ذیلی ڈویژنوں میں استعمال کریں گے جہاں ان کی تعیناتی کی گئی ہے۔
اسرار خان: لاہور میں ٹریفک حادثات کا سلسلہ بدستور جاری ہے، گزشتہ 24 گھنٹوں کے دوران شہر کے مختلف علاقوں میں 266 ٹریفک حادثات رپورٹ ہوئے۔
ریسکیو حکام کے مطابق حادثات کی زد میں آکر مجموعی طور پر 323 افراد زخمی ہوئے، جن میں سے 104 شدید زخمیوں کو طبی امداد کے لیے مقامی اسپتالوں میں منتقل کیا گیا ریسکیو حکام کا کہنا ہے کہ 219 معمولی زخمیوں کو موقع پر ہی طبی امداد فراہم کی گئی۔
ریسکیو حکام کے مطابق شہر میں بیشتر حادثات ٹریفک قوانین کی خلاف ورزی کے باعث پیش آئے۔
September 09, 2026
September 09, 2026
علی رامے: وزیراعلیٰ پنجاب کی ہدایات پر محکمہ سپیشل ایجوکیشن پنجاب نے خصوصی بچوں کو شناختی سہولیات ان کے اسکولوں میں ہی فراہم کرنے کے لیے اہم اقدام کیا ہے۔
سیکرٹری سپیشل ایجوکیشن پنجاب سید شعیب اقبال نے ڈی جی نادرا ساؤتھ سے ملاقات کی، جس میں خصوصی بچوں کے لیے شناختی سہولیات کی فراہمی سے متعلق امور پر بات چیت کی گئی۔
محکمہ سپیشل ایجوکیشن کے ترجمان کے مطابق نادرا کی موبائل بسیں اور وینز سپیشل ایجوکیشن کے اسکولوں کا دورہ کریں گی، جہاں نادرا کا عملہ بچوں کے ڈومیسائل بنائے گا ترجمان کا کہنا ہے کہ خصوصی بچوں کو شناختی سہولیات ان کے اسکولوں میں ہی فراہم کی جائیں گی،
محکمے کے اس اقدام سے خصوصی بچوں اور ان کے والدین کو دفتری مشکلات سے نجات ملے گی سیکرٹری سپیشل ایجوکیشن سید شعیب اقبال نے کہا کہ سپیشل ایجوکیشن پنجاب اور نادرا کے درمیان تعاون جاری رہے گا۔
ان کا کہنا تھا کہ خصوصی بچوں کو خصوصی کارڈ کے حصول کے لیے نادرا دفاتر کے چکر نہیں لگانا پڑیں گے۔
سٹی 42: وزیراعظم نے ملک میں تیل کے ذخائر اور سپلائی کی صورتحال کے حوالے سے اہم اجلاس طلب کرلیا، جس میں اہم فیصلے متوقع ہیں۔
ذرائع کے مطابق اجلاس میں خطے کی موجودہ صورتحال اور تیل کی سپلائی کے حوالے سے وزیراعظم کو بریفنگ دی جائے گی، جبکہ ملک میں توانائی کی مجموعی صورتحال کا بھی جائزہ لیا جائے گا۔
اجلاس میں کفایت شعاری کے اقدامات سے متعلق بھی فیصلے کیے جانے کا امکان ہے۔ وزیراعظم کو خصوصی ریلیف پیکیج کے حوالے سے بھی بریفنگ دی جائے گی۔
اجلاس میں تیل کے ذخائر، سپلائی کی صورتحال، توانائی کے معاملات اور عوام کو ریلیف فراہم کرنے سے متعلق امور پر غور کیا جائے گا۔
September 09, 2026
September 09, 2026
عابد چودھری: لاہور میں ویمن ریس کورس پولیس نے کارروائی کرتے ہوئے شراب کی سپلائی ناکام بنادی اور ایک شراب فروش کو گرفتار کرلیا۔
پولیس کے مطابق خفیہ اطلاع پر شملہ پہاڑی کے قریب کارروائی کی گئی، جہاں سے ملزم کو گرفتار کیا گیا دورانِ کارروائی ملزم کے قبضے سے 10 لیٹر دیسی شراب کا گیلن برآمد ہوا۔ گرفتار ملزم کی شناخت عرفان مسیح کے نام سے ہوئی ہے۔
پولیس نے ملزم کے خلاف مقدمہ درج کرکے اسے مزید تفتیش کے لیے انویسٹی گیشن ونگ کے حوالے کردیا ایس پی سول لائنز منزه کرامت کا کہنا ہے کہ شہر کو منشیات سے پاک کرنے کے لیے کارروائیاں جاری ہیں۔
عابد چودھری: لاہور کے علاقے اسلام پورہ میں پولیس نے پتنگ بازی کے خلاف کارروائی کرتے ہوئے 4 افراد کو گرفتار کرلیا۔
اسلام پورہ پولیس نے دورانِ پٹرولنگ کارروائی کرتے ہوئے ملزمان کو گرفتار کیا ایس پی سٹی کے مطابق ملزمان پابندی کے باوجود پتنگ بازی کر رہے تھے ایس پی سٹی کے مطابق گرفتار ملزمان میں جنید، عبدالہادی، محسن اور وقار شامل ہیں۔
پولیس نے ملزمان کے قبضے سے پتنگیں اور ڈور برآمد کرلی، جبکہ گرفتار افراد کے خلاف مقدمات بھی درج کرلیے گئے۔
September 09, 2026
September 09, 2026
ثمرہ فاطمہ: لاہور میں ڈائریکٹر جنرل ماحولیات عبداللہ نیر شیخ کی قیادت میں آلودگی پھیلانے والے بھٹوں کے خلاف بڑا آپریشن کیا گیا، جس کے دوران مختلف علاقوں میں 9 بھٹوں کا معائنہ کیا گیا۔
آپریشن میں ڈی جی ماحولیات عبداللہ نیر شیخ، ڈپٹی ڈائریکٹر ماحولیات علی اعجاز اور فیلڈ ٹیموں نے حصہ لیا اس دوران بھٹوں میں ماحولیاتی قوانین اور اخراجی معیارات پر عمل درآمد کا جائزہ لیا گیا۔
معائنے کے دوران میسرز خالد پوٹری کِلْن کو ماحولیاتی قوانین کی خلاف ورزی کا مرتکب پایا گیا۔ مذکورہ بھٹہ سوئے آصل روڈ، آف فیروزپور روڈ پر قائم تھا ڈی جی ماحولیات عبداللہ نیر شیخ کی نگرانی میں ماحولیاتی قوانین کی خلاف ورزی کرنے والے خالد پوٹری کِلْن کو موقع پر ہی مسمار کردیا گیا۔
ڈائریکٹر جنرل ماحولیات عبداللہ نیر شیخ کا کہنا ہے کہ فضائی آلودگی کا باعث بننے والے یونٹس کے خلاف زیرو ٹالرنس پالیسی نافذ ہے۔
طاہر جمیل:لاہور میں شادی کی تقریبات کی مانیٹرنگ کا نیا حکم نامہ جاری کر دیا گیا ہے۔
ڈپٹی کمشنر لاہور نے شادی کی تقریبات کی نگرانی کے لیے فوری اقدامات کی ہدایت کر دی، جبکہ تمام اسسٹنٹ کمشنرز اور پیرا فورس کو شادی کی تقریبات کی آزادانہ چیکنگ کا حکم دے دیا گیا۔
شادی ہالز میں اوقاتِ کار، ون ڈش اور دیگر خلاف ورزیوں کی خصوصی نگرانی کی جائے گی، جبکہ خلاف ورزیوں کو باقاعدہ ریکارڈ کرکے قانون کے مطابق کارروائی کی جائے گی۔
اے ڈی سی انفورسمنٹ کاشف جلیل کو لاہور ضلع کا فوکل پرسن مقرر کیا گیا ہے، جبکہ فیلڈ ٹیمیں روزانہ اپنی رپورٹس اے ڈی سی انفورسمنٹ آفس کو جمع کرائیں گی۔
تمام متعلقہ محکمے فیلڈ ٹیموں کو ضرورت کے مطابق معاونت فراہم کریں گے۔
پنجاب میرج فنکشنز ایکٹ 2016 پر عملدرآمد یقینی بنانے کیلئے شادی کی تقریبات کی مانیٹرنگ کا فیصلہ کیا گیا ہے۔
September 09, 2026
September 09, 2026
ویب ڈیسک:بھارتی ریاست مغربی بنگال کے شہر مرشد آباد کے سوتی علاقے کے رہائشی 61 سالہ مسلمان بزرگ کے اہل خانہ نے الزام عائد کیا ہے کہ انہیں بنگلہ دیشی شہری ہونے کے شبہہ میں دیر رات ان کے گھر سے اٹھایا گیا اور بعد میں سرحد پار بنگلہ دیش بھیج دیا گیا۔
میڈیا رپورٹس کے مطابق بزرگ مسلم شہری ابراہیم کےاہل خانہ کا کہنا ہے کہ جس وقت سے انہیں لے جایا گیا ہے تب سے وہ ان کے پتے یا حالت کی تصدیق کرنے سے قاصر ہیں اور انہیں انتظامیہ کی جانب سے کوئی سرکاری معلومات فراہم نہیں کی گئیں۔سوتی پولیس اسٹیشن کے تحت رماکانتا پور گاؤں کے رہائشی ابراہیم شیخ کو 28جولائی کی رات تقریباً2بجے ان کے گھر سے اٹھایا گیا تھا۔ اہل خانہ کے مطابق پولیس اہلکاروں نے انہیں لے جانے سے پہلے ان کے شہریت کے دستاویزات کے بارے میں پوچھ گچھ کی تھی۔ بعد میں مقامی ذرائع سے خاندان کو معلوم ہوا کہ ابراہیم کو مبینہ طور پر بنگلہ دیش کی سرحد میں دھکیل دیا گیا ہے لیکن انہیں اس بات کی کوئی رسمی اطلاع نہیں دی گئی کہ انہیں کہاں رکھا گیا ، ان کی حراست کی قانونی بنیاد کیا ہے یا اس دوران کس قانونی طریقہ کار پر عمل کیا گیا۔
ابراہیم کے اہل خانہ کا کہنا ہے کہ وہ بنگلہ دیش سے ہجرت کر کے نہیں آئے بلکہ ان کے آباؤ اجداد نسلوں سے اسی علاقے میں رہتے آئے ہیں ۔ ان کا دعویٰ ہے کہ ان کے پاس آدھا ر کارڈ، پین کارڈ اور ووٹر آئی ڈی کارڈ کے علاوہ 1946 کاایک قدیم خاندانی دستاویز بھی موجود ہے۔ اہل خانہ نے یہ بھی بتایا کہ ابراہیم کا نام 2026 کی ووٹر لسٹ میں شامل تھا، لیکن بعد میں ایس آئی آر کے دوران اسے ہٹا دیا گیا۔ ان کی بیوہ والدہ حنیفہ کا کہنا ہے کہ ان کا خاندان کئی نسلوں سے بھارت میں رہ رہا ہے ،اگرچہ 2002 کی ووٹر لسٹ میں ان کے والدین کے نام شامل تھےلیکن اس وقت ابراہیم کا نام اس مخصوص فہرست میں نہیں تھا۔
ابراہیم کے بیٹے سوون شیخ نے الزام لگایا ہے کہ پولیس نے نہ تو کوئی ایف آئی آر دکھائی، نہ ہی کوئی تحریری نوٹس یا حراستی حکم فراہم کیا۔انہوں نے بتایا کہ پولیس اہلکاروں نے ان کے والد کا آدھار کارڈ، پین کارڈ، ووٹر کارڈ اور ۱۹۴۶؍ کا خاندانی دستاویز مانگا اور وہ تمام کاغذات اپنے ساتھ لے کر ان کے والد کو زبردستی ساتھ لے گئے۔ مقامی رہائشی امین الشیخ کے مطابق اہل خانہ نے سوتی پولیس اسٹیشن اور جانگی پور کے ایس پی دفتر کے متعدد چکر لگائے لیکن کوئی واضح معلومات حاصل نہیں ہو سکیں۔ اس معاملے پر مقامی پنچایت ممبر مجکیرا بی بی نے بغیر کسی نوٹس کے شہری کو اٹھائے جانے اور قانونی عمل کے بغیر سرحد پار دھکیلنے پر سوال اٹھاتے ہوئے تحقیقات کا مطالبہ کیا ہے، جبکہ ابراہیم کی والدہ نے اپنے بیٹے کی بازیابی اور عدالت میں پیشی کیلئے کلکتہ ہائی کورٹ میں ہیبیس کارپس رِٹ کے تحت درخواست دائر کی ہے۔
اسی نوعیت کے ایک اور معاملے میں، سوتی پولیس اسٹیشن کے ہی کالوپارہ گاؤں کے تین اور رہائشیوں کو بنگلہ دیشی ہونے کے شبہے میں ان کے گھر سے اٹھا لیا گیا۔ اہل خانہ کے مطابق، 8اگست کی آدھی رات کو عبدالجبار اور ان کے دو بیٹوں، عبدالاحد اور عبدالجہاد کو حراست میں لیا گیا۔ خاندان نے اس کارروائی کی قانونی حیثیت پر سوال اٹھاتے ہوئے کہا ہے کہ تینوں افراد کے نام ووٹر لسٹ میں موجود ہیں۔ وہ باقاعدگی سے انتخابات میں ووٹ ڈالتے رہے ہیں اور ان کے پاس پاسپورٹ سمیت تمام درست دستاویزات موجود ہیں، اس لئے انہیں بغیر کسی نوٹس یا قانونی کارروائی کے سرحد پار بھیجنا سراسر غیر قانونی ہے۔
حقوقِ انسانی کی تنظیم ایسوسی ایشن فار پروٹیکشن آف ڈیموکریٹک رائٹس (APDR) نے اس معاملے پر ایک رپورٹ شائع کرتے ہوئے چاروں شہریوں کی حراست اور مبینہ طور پر انہیں بنگلہ دیش بھیجے جانے ک خدشات پر شدید سوالات اٹھائے ہیں۔ تنظیم نے حکومت سے حراست کی قانونی وجوہات، شہریت کے ثبوت، اور انہیں عدالت میں پیش نہ کئے جانے کی تفصیلات کا مطالبہ بھی کیا ہے۔
پیٹرول 500 روپے سے اوپر جائے گا ؟ ۔۔۔۔سٹی 42 کے پروگرام کی ویڈیو ملاحظہ فرمائیں
September 09, 2026
September 09, 2026
ویب ڈیسک ؛ پاکستان نے پائیدار خودمختار پانڈا بانڈ جاری کرنے کا ایوارڈ جیت لیا۔
مشیر وزارت خزانہ خرم شہزاد کی جانب سے جاری بیان میں کہا گیا ہےکہ پاکستان کو پہلے سَسٹین ایبل سویرن پانڈا بانڈ کے اجرا پر عالمی اعزاز ملا ہے، پاکستان نے پائیدارخودمختار پانڈا بانڈ جاری کرنےکا ایوارڈ جیتا ہے، پاکستان کے پانڈا بانڈ میں سرمایہ کاروں کی طلب حجم سے 5گنا زیادہ رہی۔
انہوں نے کہا کہ پانڈا بانڈ سے پاکستان کو نئے اوربڑے ادارہ جاتی سرمایہ کاروں تک رسائی ملی، پاکستان اور چین کے درمیان مالیاتی روابط مزید مضبوط ہوگئے۔
خرم شہزاد کا کہنا تھا کہ پانڈا بانڈ سے حاصل رقم پانی، توانائی اور صحت کے منصوبوں پرخرچ ہوگی جب کہ پاکستان میں گرین اور سماجی طورپر جامع سرمایہ کاری کے نئے مواقع پیدا ہوگئے۔
انہوں نے بتایا کہ پاکستان نے مئی2026 میں 1.75 ارب چینی یوآن کا پانڈا بانڈ جاری کیا تھا، پاکستان کے 3 سالہ پانڈا بانڈ پر 2.5 فیصد کوپن ریٹ مقررکیاگیا تھا۔
پیسہ ، گوشت ا ور انڈہ نہیں بہترین صدقہ کونسا ؟۔۔۔ سٹی 42 کے پروگرام کی ویڈیو ملاحظہ فرمائیں
September 09, 2026
September 09, 2026
احسن عباسی :سونے کی قیمت میں آج بڑااضافہ ہوگیا۔
عالمی مارکیٹ میں سونا 79 ڈالر مہنگا ہوکر 4347 ڈالر فی اونس پر پہنچ گیا۔
مقامی صرافہ مارکیٹ میں فی تولہ سونا 7900 روپے مہنگاہونے کے بعد 4 لاکھ 57 ہزار 236 روپے پرپہنچ گیا۔
دس گرام سونا 6773 روپے مہنگا ہوکر 3 لاکھ 92 ہزار6 روپے کاہوگیاجبکہ فی تولہ چاندی 140 روپے اضافے کے ساتھ 6942 روپے پر پہنچ گئی۔
یہ بھی پڑھیں:پیٹرولیم ڈیلرز کا وزیراعظم فیول سبسڈی پروگرام پر عملدرآمد نہ کرنے کا اعلان
واضح رہے کہ گزشتہ روزبین الاقوامی بلین مارکیٹ میں سونے کی فی اونس قیمت میں40 ڈالر کی کمی واقع ہوئی تھی، جس کے نتیجے میں عالمی قیمت 4268 ڈالر فی اونس ہو گئی تھی جبکہ مقامی صرافہ بازاروں میں کاروباری ہفتے کے پہلے روز فی تولہ سونے کی قیمت میں 4000روپے کمی ہونے سے فی تولہ سونا 4 لاکھ 49 ہزار 336 روپے اور فی 10 گرام سونا 3429 روپے کی کمی سے 3 لاکھ 85 ہزار 233 روپے کی سطح پر آ گیاتھا۔
ویب ڈیسک :پاکستانی اداکارہ مومنہ اقبال نے انکشاف کیا ہے کہ وہ اپنی شادی سے 12 دن پہلے خودکشی کا سوچ رہی تھیں.
مومنہ اقبال کا کہنا تھا کہ ثاقب چدھڑ کی مبینہ دھمکیوں اور دباؤ کی وجہ سےخودکشی کا سوچ رہی تھی۔
مومنہ اقبال نے ثاقب چدھڑ پر ہراسانی، بلیک میلنگ اور دھمکیوں کے سنگین الزامات لگا دیئے۔
پاکستانی اداکارہ مومنہ اقبال نے رکن پنجاب اسمبلی ثاقب چدھڑ کے ساتھ جاری تنازع پر خاموشی توڑتے ہوئے ان پر ہراسانی، بلیک میلنگ اور دھمکیاں دینے سمیت سنگین الزامات عائد کئے ہیں۔
اداکارہ مومنہ اقبال نے دعویٰ کیا کہ انہیں مبینہ طور پر ان کی نجی تصاویر اور دیگر ذاتی مواد سوشل میڈیا پر جاری کرنے کی دھمکیاں دی جا رہی تھیں، جس کے باعث انہیں اپنی عزت اور ذاتی زندگی متاثر ہونے کا شدید خوف لاحق ہو گیا تھا۔
انہوں نے کہا کہ ’’جب ثاقب میرے گھر رشتہ لے کر آئے تو میرے والد نے ہاں کرنے سے پہلے تھوڑا وقت مانگا، کچھ مہینے بعد ہی میرے پاس اس کی پہلی بیوی کے میسجز آنا شروع ہو گئے، تب مجھے پتا لگا کہ وہ شادی شدہ ہیں‘‘
انہوں نے دعویٰ کیا کہ ثاقب چدھڑ کو توقع تھی کہ اس دباؤ اور تنازع کے نتیجے میں ان کے منگیتر حمزہ ان کا ساتھ چھوڑ دیں گے مگر ایسا نہیں ہوا اور حمزہ مشکل وقت میں ان کے ساتھ کھڑے رہے۔
September 09, 2026
September 09, 2026
شاہد سپرا:حج پورٹل کے ذریعے پرائیویٹ حج اسکیم کے تحت اب تک 11 ہزار 600 عازمین کی بکنگ مکمل کرلی گئی ہے، جبکہ اسکیم کے تحت مزید 60 ہزار نشستیں تاحال دستیاب ہیں۔
ترجمان ذرائع کے مطابق پرائیویٹ سکیم کے تحت مزید 60 ہزار عازمین درخواستیں جمع کروا سکتے ہیں،پرائیویٹ سکیم کے تحت بکنگ نشستوں کی دستیابی تک یا 20 نومبر 2026 تک جاری رہے گی،حج پورٹل پر 25 منظم کمپنیوں کی جانب سے اکانومی، سٹینڈرڈ اور پریمیم حج پیکیج دستیاب ہیں۔
ترجمان مذہبی امور کے مطابق عازمین اپنی ضروریات کے مطابق پیکیج کا انتخاب کرسکتے ہیں،منتظمین کے اکاؤنٹس میں حج واجبات کی مد میں 10 ارب موصول ہوچکے ہیں۔
عازمین کی جانب سے 4 ارب روپے سے زائد رقم آن لائن طریقہ کار کے ذریعے جمع کرائی گئی ہے۔
وزارت مذہبی امور کا کہنا تھا کہ عازمین حج واجبات کی ادائیگی کیلئے ’’پاک حج ایپ‘‘ یا ’’حج پورٹل‘‘ استعمال کریں۔
ویب ڈیسک : پاکستان پیٹرولیم ڈیلرز ایسوسی ایشن نے ریلیف اسکیم کے طریقہ کار پر تحفظات کا اظہار کرتے ہوئے پیٹرول دینے سے انکار کردیا۔
کراچی میں پریس کانفرنس کرتے ہوئے وائس چیئرمین پی پی ڈی اے انوار کمال نے کہا کہ ریلیف اسکیم کی تیاری میں ڈیلرز سے مشاورت نہیں کی گئی، موجودہ طریقہ کار پر عمل درآمد مشکل ہے۔
انہوں نے کہا کہ عوام کو براہ راست اور آسان طریقے سے ریلیف دیا جائے، ڈیلرز کا سرمایہ پہلے ہی مہنگائی سے متاثر ہے جب کہ آئل مارکیٹنگ کمپنیوں کے اربوں روپے کے واجبات بھی زیرِ التوا ہیں۔
انوار کمال کا کہنا تھا کہ ریلیف اسکیم کا مالی بوجھ ڈیلرز پر ڈالنا قابلِ عمل نہیں، ڈیلرز مارجن میں اضافے کا مطالبہ کرتے ہیں، حکومت کی موجودہ ریلیف اسکیم کے تحت پیٹرول نہیں دیں گے۔
وائس چیئرمین پی پی ڈی اے نے مزید کہا کہ سستے پیٹرول کی رقم حکومت ڈیلرز کو کیسے ادا کرے گی؟ تین دن سے حکومت سے رابطہ کر رہے ہیں مگر تاحال کوئی جواب نہیں ملا۔
September 09, 2026
September 09, 2026
ویب ڈیسک:وزیراعظم محمد شہباز شریف نے ملک بھر میں چھوٹے اور درمیانے درجے کی صنعتوں اور کاروباری افراد کی مالی معاونت، فنی استعداد میں اضافے اور عالمی منڈیوں تک رسائی کیلئے سمیڈا کو جامع حکمت عملی مکمل کرنے کی ہدایت کردی، جبکہ پمز ہسپتال میں فائر سیفٹی سمیت نظام میں بہتری لانے کیلئے قلیل مدتی اقدامات آئندہ تین ماہ میں مکمل کرنے کا حکم دیا ہے۔
چھوٹے اور درمیانے درجے کی صنعتوں اور کاروباری افراد کو مالی معاونت اور سہولیات کی فراہمی سے متعلق اجلاس کی صدارت کرتے ہوئے وزیراعظم نے کہا کہ سمیڈا کی حکمت عملی میں ملک کے تمام علاقوں میں کاروبار کے فروغ، مساوی سہولیات اور یکساں فنی معاونت کی فراہمی کو ترجیح دی جائے، انہوں نے خواتین کی چھوٹے اور درمیانے کاروبار میں شمولیت کیلئے جاری پروگرام کو مزید وسعت دینے کی بھی ہدایت کی۔
وزیراعظم نے مقامی کاروباری افراد کو قومی و عالمی تجارتی منڈیوں تک رسائی دینے کیلئے ڈیجیٹل پلیٹ فارمز کے مؤثر استعمال پر زور دیتے ہوئے کہا کہ کاروبار کے فروغ کی حکمت عملی میں زیادہ سے زیادہ علاقوں اور شعبوں کو شامل کیا جائے، زرعی اجناس کے پیداواری اور تجارتی روابط کو منظم کرنے کیلئے بھی خصوصی اقدامات پر مشتمل حکمت عملی تیار کرنے کی ہدایت کی گئی۔
اجلاس کو بریفنگ میں بتایا گیا کہ چھوٹے اور درمیانے درجے کی صنعتوں کی تقویت اور کاروباری افراد کی معاونت کیلئے مختلف سطحوں پر اقدامات جاری ہیں، جبکہ صنعتی پیداوار کی برآمدات بڑھانے اور عالمی منڈیوں تک رسائی کیلئے دنیا کے بہترین رائج طریقوں سے استفادہ کیا جارہا ہے، سمیڈا مختلف متعلقہ اداروں کے تعاون سے مربوط اور جامع حکمت عملی پر بھی کام کررہی ہے۔
دوسری جانب وزیراعظم محمد شہباز شریف کی زیرصدارت پمز ہسپتال کی بہتری سے متعلق اجلاس میں ہسپتال کی تحقیقاتی رپورٹ اور وزارت قومی صحت کے پرفارمنس آڈٹ کا جائزہ لیا گیا، وزیراعظم نے انکوائری رپورٹ میں تجویز کردہ قلیل مدتی اقدامات پر آئندہ تین ماہ میں عملدرآمد یقینی بنانے کی ہدایت کی۔
وزیراعظم نے پمز کو بین الاقوامی تقاضوں سے ہم آہنگ کرنے کیلئے ہر ممکن اقدام اٹھانے، فائر سیفٹی نظام کی بہتری کیلئے پی کے ایل آئی سے معاونت اور تجاویز لینے جبکہ عالمی ادارہ صحت کی رپورٹ میں دی گئی سفارشات پر بھی غور اور عملدرآمد کی ہدایت کی۔
انہوں نے ہسپتال میں ادویات اور دیگر سہولیات مفت فراہم کرنے کے اقدامات کو لائحہ عمل کا حصہ بنانے اور پمز کی بہتری کیلئے اچھی شہرت کی حامل افرادی قوت تعینات کرنے کی ہدایت کی، پمز کی بہتری کیلئے طویل مدتی اقدامات پر مشتمل جامع لائحہ عمل مرتب کرنے کا بھی حکم دیا گیا۔
وزیراعظم نے پولی کلینک ہسپتال کا آڈٹ کرکے بے ضابطگیاں دور کرنے اور تنظیم نو کیلئے لائحہ عمل تیار کرنے کی بھی ہدایت کی، انہوں نے سی ڈی اے کو اسلام آباد کے تمام سرکاری و نجی ہسپتالوں میں فائر سیفٹی اقدامات پر عملدرآمد یقینی بنانے اور سرکاری و نجی دفاتر و عمارتوں کا فائر سیفٹی آڈٹ کرانے کا حکم بھی دیا۔
اجلاس کو بریفنگ میں بتایا گیا کہ پمز ہسپتال کے پرفارمنس آڈٹ میں جانچے گئے انڈیکیٹرز میں 90 فیصد کے قابل قبول ہدف کے مقابلے میں صرف 39.7 فیصد کمپلائنس پائی گئی، جبکہ تحقیقاتی رپورٹ کی روشنی میں 37 مجوزہ اقدامات پر فوری عملدرآمد یقینی بنایا جارہا ہے۔
اجلاسوں میں نائب وزیراعظم و وزیر خارجہ محمد اسحاق ڈار، وفاقی وزراء رانا تنویر حسین، اعظم نذیر تارڑ، جام کمال، احد خان چیمہ، عطاء اللہ تارڑ، سید مصطفیٰ کمال، وزیر مملکت بلال اظہر کیانی، وزیراعظم کے مشیر برائے تجارت ہارون اختر، معاون خصوصی مختار احمد بھرتھ، چیئرمین وزیراعظم یوتھ پروگرام رانا مشہود احمد خان اور دیگر متعلقہ حکام نے شرکت کی۔
ویب ڈیسک : حکومت نے بجلی چوری روکنے کیلئے ٹرانسفارمرز کو آن آف کرنے کا نظام لانے کا فیصلہ کیا ہے۔
وفاقی حکومت نے بجلی چوری کی روک تھام اور لوڈ مینجمنٹ بہتر بنانے کے لیے ٹرانسفارمر کی سطح پر بجلی بند کرنے کا نیا نظام متعارف کرانے کا فیصلہ کیا ہے۔
پارلیمنٹ ہاؤس میں میڈیا سے گفتگو کرتے ہوئے وزیر توانائی اویس لغاری نے کہا کہ اس نظام کے تحت جس ٹرانسفارمر پر بجلی چوری ہوگی صرف اسی ٹرانسفارمر کو بند کیا جاسکے گا اور پورے فیڈر کو بند کرنے کی ضرورت نہیں پڑے گی۔
وزیر توانائی نے بتایا کہ ایک لاکھ نوے ہزار ٹرانسفارمرزکے اوپر آن آف کرنے کا سسٹم لا رہے ہیں، اس نظام کے نفاذ سے پورا فیڈر بند نہیں کرنا پڑے گا،یہ نیا تصور ہے جو دنیا کے مختلف حصوں میں استعمال ہورہا ہے، اس نظام کے لیے ریگولیٹری فریم ورک آئندہ سال اپریل یا مئی تک فراہم کردیا جائے گا۔
ان کا کہنا تھا کہ نیٹ میٹرنگ سسٹم تبدیل کرنے سے لوگوں نے بیٹریاں لگاناشروع کی ہیں، 3، 4 لاکھ لوگوں کا بوجھ باقی ساڑھے 3 کروڑلوگوں پر ڈالنے سے روکا ہے۔
اویس لغاری نے کہا کہ آبنائے ہرمزکی بندش سے پیٹرولیم ڈویژن ایل این جی کےکارگوز نہیں لے پارہا، مقامی گیس کو عقل و فہم کے ساتھ استعمال کررہے ہیں۔
September 09, 2026
September 09, 2026
ویب ڈیسک ؛وفاقی وزیر داخلہ محسن نقوی سے چین کے نائب وزیر پبلک سکیورٹی گاو چی نے ملاقات کی، جس میں پاک چین دوطرفہ تعلقات، انسداد دہشت گردی اور انسداد منشیات سے متعلق مشترکہ اقدامات پر تبادلہ خیال کیا گیا۔
ملاقات میں پولیس ٹریننگ ایکسچینج پروگرام اور جدید ٹیکنالوجی و آلات کے حوالے سے تعاون بڑھانے پر اتفاق کیا گیا، جبکہ چین نے پاکستان میں جدید طرز کے لا انفورسمنٹ سنٹر کے قیام میں تعاون پر بھی آمادگی ظاہر کی۔
چینی نائب وزیر پبلک سکیورٹی نے دہشت گردی کے خلاف پاکستان کی قربانیوں اور عزم کو سراہا۔
اس موقع پر وفاقی وزیر داخلہ محسن نقوی نے کہا کہ لا انفورسمنٹ سنٹر پاک چین دوستی کی ایک اور روشن علامت ہوگا۔
وفاقی وزیر داخلہ محسن نقوی سے چین کے نائب وزیر پبلک سکیورٹی گاو چی کی ملاقات
— Ministry of Interior GoP (@MOIofficialGoP) September 16, 2026
پاک چین دوطرفہ تعلقات ، انسداد دہشت گردی اور انسداد منشیات سے متعلق مشترکہ اقدامات پر تبادلہ خیال
پولیس ٹریننگ ایکسچینج پروگرام اور جدید ٹیکنالوجی و آلات کے حوالے سے تعاون بڑھانے پر اتفاق pic.twitter.com/ZPnMN1uEsd
محسن نقوی نے کہا کہ سکیورٹی چیلنجز سے نمٹنے کے لیے چینی اے آئی بیسڈ ٹیکنالوجی اور آلات سے بہت مدد مل سکتی ہے، جبکہ پاکستان داخلی سلامتی سے متعلق تعاون کو مزید وسعت دینا چاہتا ہے۔
علی رامے: پیدائش و اموات کے کمپیوٹرائزڈ سرٹیفکیٹس مزید 3 سال مفت جاری رکھنے کے اخراجات کی منظوری دے دی گئی ہے۔
دستاویزات کے مطابق مفت سرٹیفکیٹس کی فراہمی پر آئندہ 3 برس میں 6 ارب 62 کروڑ روپے خرچ ہوں گے۔ پہلے سال 2 ارب روپے، دوسرے سال 2 ارب 20 کروڑ روپے جبکہ تیسرے سال 2 ارب 42 کروڑ روپے مختص کرنے کی تجویز دی گئی ہے۔
محکمہ خزانہ نے امپیکٹ اسیسمنٹ کے بغیر مسلسل سبسڈی پر اعتراضات اٹھائے تھے، تاہم وزیراعلیٰ پنجاب کے احکامات پر محکمہ بلدیات کے بجٹ کی منظوری دے دی گئی۔
محکمہ خزانہ کے مطابق متعدد بلدیاتی ادارے سرٹیفکیٹس کا خرچ اپنے وسائل سے برداشت کر سکتے ہیں، جبکہ محکمہ بلدیات کا مؤقف ہے کہ پیدائش اور اموات کا اندراج محض آمدن نہیں بلکہ بنیادی حکومتی ذمہ داری ہے۔
دستاویزات کے مطابق مفت سہولت کے بعد پیدائش کے اندراج میں 4 اعشاریہ 84 فیصد جبکہ اموات کے اندراج میں 20 اعشاریہ 35 فیصد اضافہ ریکارڈ کیا گیا ہے۔
September 09, 2026
September 09, 2026
ویب ڈیسک : افریقی ملک سوڈان میں سونے کی کان منہدم ہونے سے متعدد افراد ہلاک ہوگئے۔
یہ واقعہ 14 ستمبر کو سوڈان کے خطے مغربی کردفان میں واقع قصبے النہود میں پیش آیا۔
خبر رساں ادارے رائٹرز کی رپورٹ کے مطابق سونے کی کان منہدم ہونے سے کم از کم 60 افراد ہلاک ہوئے۔
سوڈان افریقا کے ان چند بڑے مماک میں شامل ہے جہاں سے سونا بڑی مقدار سے نکالا جاتا ہے۔
مگر اس ملک میں سونے کی بیشتر کانوں میں کان کنی کافی خطرناک طریقوں سے کی جاتی ہے اور زیادہ تر مقدار ملک سے باہر اسمگل کر دی جاتی ہے۔
رپورٹ میں بتایا گیا کہ کان میں حفاظتی اقدامات کی کمی کے باعث زیادہ ہلاکتیں ہوئیں۔
حادثے میں بچ جانے والے 2 افراد نے بتایا کہ اب بھی متعدد افراد لاپتہ ہیں اور خدشہ ہے کہ وہ ملبے تلے ہلاک ہوچکے ہیں۔
اب تک وہاں سے 60 لاشیں نکالی جاچکی ہیں جبکہ امدادی کارروائی جاری ہے۔
ویب ڈیسک: ریاض سے اسلام آباد کی پرواز میں موجود مسافر دل کا دورہ پڑنے سے انتقال کرگیا۔
ترجمان کے مطابق ریاض اسلام آباد کی پرواز میں ایک مسافر کو دل کا دورہ پڑا جس سے اس کی حالت خراب ہوگئی۔
ترجمان نے بتایا کہ مسافر کو دل کا دورہ پاکستانی فضائی حدود میں کوئٹہ کے قریب پڑا، اطلاع ملتے ہی پائلٹ نے پرواز کا رخ موڑ دیا اور ملتان میں میڈیکل ایمرجنسی لینڈنگ کی، ائیرپورٹ پر موجود میڈیکل ٹیم نے طیارے میں مسافر کا فوری معائنہ کیا۔
ڈاکٹرز نے کہا کہ 47 سالہ مسافر محمد صادق خان پرواز میں ہی انتقال کرچکے تھے اور ان کا انتقال دل کا دورہ پڑنے سے ہوا۔
ترجمان کے مطابق میت کو لواحقین کے حوالے کردیا گیا ہے تاہم میڈیکل ایمرجنسی کے باعث پرواز کو ڈھائی گھنٹے تاخیر کا سامنا کرنا پڑا۔
September 09, 2026
Severity: Notice
Message: Undefined offset: 1
Filename: news/news_19_view.php
Line Number: 13
September 09, 2026
حسن علی:شہر میں دودھ اور دہی کی من مانی قیمتوں پر فروخت کا سلسلہ دھڑلے سے جاری ہے، جبکہ ضلعی انتظامیہ سرکاری نرخوں پر عملدرآمد یقینی بنانے میں تاحال ناکام دکھائی دیتی ہے۔
ضلعی انتظامیہ کی جانب سے دودھ کی سرکاری قیمت 170 روپے فی لیٹر مقرر کی گئی ہے، تاہم شہر کے مختلف علاقوں میں دودھ 200 سے 240 روپے فی لیٹر تک فروخت کیا جا رہا ہے۔ اسی طرح مارکیٹ میں دہی کی قیمت 240 سے 280 روپے فی کلو تک پہنچ چکی ہے۔
شہریوں کا کہنا ہے کہ دودھ اور دہی فروخت کرنے والے ہر دکاندار نے اپنا الگ ریٹ مقرر کر رکھا ہے، جس کے باعث صارفین کو مقررہ سرکاری نرخوں پر اشیائے ضروریہ دستیاب نہیں ہو رہیں۔
شہریوں نے ضلعی انتظامیہ سے مطالبہ کیا ہے کہ دودھ اور دہی کے مقررہ سرکاری نرخوں پر فروخت کو یقینی بنایا جائے اور زائد قیمتیں وصول کرنے والے دکانداروں کے خلاف مؤثر کارروائی کی جائے۔
عابد چودھری: شہر میں 29 لاکھ گاڑیاں ای چالان ڈیفالٹر قرار دی گئی ہیں، جس پر سی ٹی او نے ای چالان نادہندہ گاڑیوں کے خلاف کریک ڈاؤن کا حکم دے دیا ہے۔
ٹریفک پولیس نے ای چالان نادہندہ گاڑیوں کے خلاف ناکہ بندی کر کے کارروائیاں شروع کر دی ہیں، جبکہ ٹاپ 100 گاڑیوں کی فہرست بھی جاری کر دی گئی ہے۔
حکام کے مطابق 10 گاڑیوں پر 300 سے زائد، 307 گاڑیوں پر 200 سے زائد اور 4 ہزار سے زائد گاڑیوں پر 100 سے زائد ای چالان پینڈنگ ہیں۔ سو سے زائد گاڑیوں نے سینکڑوں مرتبہ ٹریفک قوانین کی خلاف ورزیاں کیں۔
سی ٹی او کے مطابق 20 سے زائد ٹریفک وائیلشنز پر اے این پی آر کی مدد سے ای چالاننگ جاری ہے، جبکہ ای چالان نادہندہ گاڑی کو فوری طور پر تھانے بند کروانے کا حکم دیا گیا ہے اور اس مقصد کے لیے خصوصی ٹیمیں متحرک کر دی گئی ہیں۔
سی ٹی او نے بتایا کہ ای چالان ڈیفالٹرز کو پولیس کی 14 اہم سروسز کی فراہمی محدود کر دی گئی ہے۔ نادہندگان کو ڈرائیونگ لائسنس سروسز، کریکٹر سرٹیفکیٹ اور دیگر سہولیات فراہم نہیں کی جائیں گی۔
سی ٹی او کے مطابق سیف سٹی، پولیس خدمت مراکز اور لائسنسنگ سسٹم کو آپس میں انٹیگریٹ کر دیا گیا ہے، جبکہ نمبر پلیٹس کے ساتھ چھیڑ چھاڑ کرنے والوں کے خلاف بھی سخت کریک ڈاؤن جاری ہے۔
September 09, 2026
September 09, 2026
راؤ دلشاد: وزیراعلیٰ پنجاب مریم نواز کے فلیگ شپ پراجیکٹ "اپنی چھت، اپنا گھر" کو ایک اور بین الاقوامی اعزاز کیلئے نامزد کر دیا گیا ہے۔
یہ پروگرام دنیا کے 5 کامیاب ترین ہاؤسنگ منصوبوں میں شامل ہو گیا ہے۔
حکام کے مطابق "اپنی چھت، اپنا گھر" پروگرام کو اقوام متحدہ کے اسکرول آف آنر ایوارڈ کیلئے منتخب کیا گیا ہے، جبکہ یونائیٹڈ نیشنز ہیبی ٹیٹ نے اس منصوبے کو اس اعزاز سے نوازنے کا اعلان بھی کر دیا ہے۔
اقوام متحدہ کی جانب سے ہر سال صرف 5 پروگراموں کو اسکرول آف آنر ایوارڈ کیلئے نامزد کیا جاتا ہے۔ دنیا بھر میں جاری ہاؤسنگ منصوبوں کے مسابقتی اور جامع جائزے کے بعد "اپنی چھت، اپنا گھر" پروگرام کا انتخاب کیا گیا۔
حکام کے مطابق 5 اکتوبر کو ورلڈ ہیبی ٹیٹ ڈے کی عالمی تقریب میں اس منصوبے کو ایوارڈ پیش کیا جائے گا، جبکہ اقوام متحدہ کے اسکرول آف آنر ایوارڈ کی تقریب آئندہ ماہ سلطنتِ عمان کے شہر مسقط میں منعقد ہوگی۔
مسقط میں 6 سے 8 اکتوبر تک ہاؤسنگ اور شہری ترقی کے موضوع پر خصوصی سیمینارز اور ورکشاپس بھی منعقد کی جائیں گی۔
کلیم اختر: پنجاب حکومت نے ہمت کارڈ کے تحت مالی سال 2026-27 کی پہلی سہ ماہی کی قسط جاری کر دی۔
پہلی سہ ماہی کے دوران صوبے بھر میں ایک لاکھ 10 ہزار مستحق افراد میں ایک ارب 15 کروڑ 50 لاکھ روپے تقسیم کیے جائیں گے۔
اس حوالے سے صوبائی وزیر سوشل ویلفیئر و بیت المال سہیل شوکت بٹ کی زیر صدارت اجلاس منعقد ہوا، جس میں ڈی جی سوشل ویلفیئر ڈاکٹر شہنشاہ فیصل عظیم اور دیگر متعلقہ افسران نے شرکت کی۔
اجلاس میں صوبائی وزیر کو ہمت کارڈ سے متعلق تفصیلی بریفنگ دی گئی۔ حکام کے مطابق ہمت کارڈ ہولڈرز اور محکمہ خصوصی تعلیم کے طلبہ وظائف سے مستفید ہوں گے۔
صوبائی وزیر سہیل شوکت بٹ نے کہا کہ حکومت پنجاب ہمت کارڈ وظائف کی بروقت ادائیگی یقینی بنا رہی ہے۔ ان کا کہنا تھا کہ بروقت مالی امداد سے مستحق افراد کی ضروریات پوری کرنے میں مدد ملے گی، جبکہ ہمت کارڈ کے ذریعے خصوصی افراد کو مالی تحفظ فراہم کیا جا رہا ہے۔
انہوں نے ہدایت کی کہ ہمت کارڈ وظائف کی تقسیم شفاف، تیز اور بلا رکاوٹ بنائی جائے، جبکہ تمام اضلاع میں وظائف کی بروقت اور شفاف تقسیم یقینی بنائی جائے۔
September 09, 2026
September 09, 2026
ویب ڈیسک : موجودہ عہد میں لوگ مطالعے کو چھوڑ کر زیادہ تر وقت اسمارٹ فونز یا دیگر ڈیوائسز پر اسکرولنگ کرتے ہوئے گزارتے ہیں۔
مگر ایک ملک نے اپنے شہریوں کو اسمارٹ فونز پر وقت ضائع کرنے سے روکنے کے لیے دلچسپ پروگرام کا اعلان کیا ہے۔
اس پروگرام کے تحت شہریوں کو روزانہ کم از کم 15 منٹ تک ایک کتاب کا مطالعہ کرنے پر معاوضہ دیا جائے گا۔
جی ہاں واقعی سنگاپور کی جانب سے شہریوں کو فون کی جگہ کتاب کا انتخاب کرنے پر انعام دیا جا رہا ہے۔
سنگاپور کی حکومت کو توقع ہے کہ اس پروگرام سے لوگوں کی توجہ مرکوز کرنے کی صلاحیت، تنقیدی سوچ اور تخیل میں بہتری آئے گی۔
اس پروگرام کا آغاز ستمبر میں کیا گیا جس کے تحت مطالعہ کرنے والے افراد کو پوائنٹس ملیں گے جن کے عوض وہ پیسے حاصل کرسکیں گے۔
جو افراد ایک حکومتی ویب سائٹ پر روزانہ 50 ریڈنگ سیشنز کا حصہ بنیں گے، وہ ایک سنگاپوری ڈالر کماسکیں گے۔
15 منٹ یا اس سے زائد دورانیے کے ایک سیشن پر 20 ورچوئل سکے جیت سکیں گے اور ایک ہزار سکے ایک سنگاپوری ڈالر کے برابر ہوں گے۔
سنگاپور کے نیشنل لائبریری بورڈ کی سربراہ Melissa Tam نے بتایا کہ مطالعے کی عادت کو مستقبل بنانے کے لیے چند اقدامات کی ضرورت ہوتی ہے۔
انہوں نے کہا کہ 'ہم ایسی دنیا میں رہ رہے ہیں جہاں حیرت انگیز مواد بہت زیادہ کثرت میں موجود ہے، کسی بی وقت ہم سیکڑوں ہیڈ لائنز کو اسکرولنگ کرتے ہوئے دیکھ سکتے ہیں، ویڈیو دیکھ سکتے ہیں یا کسی بھی چیز کا سمری دیکھ سکتے ہیں'۔
انہوں نے مزید بتایا کہ 'ہم جانتے ہیں کہ عادت قائم کرنے کے لیے چھوٹے اور مستقبل اقدامات کی ضرورت ہوتی ہے، تو ہم نے اس کے لیے لوگوں کو ایک آسان ہدف دیا ہے، روزانہ صرف 15 منٹ مطالعہ کریں، بس میں سفر کرتے ہوئے، سونے سے قبل یا دوپہر کے کھانے کے دوران'۔
سنگاپور کی حکومت کی جانب سے ایسے اقدامات پر غور کیا جار ہا ہے جو سوشل میڈیا کو نوجوانوں کے لیے کم مضر بناسکیں، جیسے آن لائن دورانیے کو محدود کرنا تاکہ نوجوانوں کو شخصیت پر مرتب منفی اثرات سے بچایا جاسکے۔
ویب ڈیسک :معروف یوٹیوبر رجب بٹ نے بچوں کے جنسی استحصال سے متعلق نامناسب مذاق پرمعافی مانگ لی۔
چند روز قبل رجب بٹ کی زید علی ٹی کے ساتھ ٹک ٹاک لائیو کی ایک ویڈیو سوشل میڈیا پر وائرل ہوئی تھی، جس میں انہوں نے زید علی کے تاثرات پر تبصرہ کرتے ہوئے بچوں کے جنسی استحصال جیسے حساس موضوع کو مذاق کے طور پر استعمال کیا تھا جس پر سوشل میڈیا صارفین نے انہیں شدید تنقید کا نشانہ بنایا ۔
اب رجب بٹ نے انسٹاگرام اسٹوری کے ذریعے اپنے الفاظ پر معذرت کرتے ہوئے کہا ہےکہ ویڈیو میں انہوں نے جو بات کہی وہ انتہائی نامناسب اور حد سے گری ہوئی تھی اور ایسا مذاق کسی صورت قابلِ قبول نہیں۔
رجب بٹ نےمزید کہا کہ اس قسم کے مذاق بدقسمتی سے معاشرے، خصوصاً لڑکوں کی محفلوں میں معمول بن چکے ہیں، لیکن اس سے وہ درست یا قابلِ قبول نہیں ہو جاتے، ملک میں اس مسئلے کی سنگینی کو دیکھتے ہوئے انہیں زیادہ حساس ہونا چاہیے تھا۔
یوٹیوبر نے ان تمام افراد سے بھی معافی مانگی جن کے جذبات ان کے الفاظ سے مجروح ہوئے یا جن کے ماضی کے صدمات دوبارہ تازہ ہوئے،انہوں نے واضح کیا کہ اگرچہ وائرل ہونے والی ویڈیو پرانی ہے لیکن اس کا پرانا ہونا ان کے الفاظ کا جواز نہیں بن سکتا، وہ اپنی غلطیوں سے سیکھنے اور مستقبل میں اپنے الفاظ اور ان کے اثرات کے حوالے سے زیادہ ذمہ دار اور محتاط ہونے کی کوشش کر رہے ہیں۔
September 09, 2026
September 09, 2026
ویب ڈیسک :ایرانی ائیرلائنز کے طیارے کا دوران پرواز ٹائر پھٹ گیا جس سے طیارے میں شدید جھٹکے لگے اور مسافر خوف میں مبتلا ہوگئے۔
غیر ملکی میڈیا کے مطابق یہ واقعہ مشہد سے کرمانشاہ جانے والی ایرانی ائیرلائن کی پرواز بوئنگ 737 کے ساتھ پیش آیا جہاں طیارے کو ٹیک آف کے فوراً بعد ہی واپس لینڈنگ کرنا پڑی۔
میڈیا رپورٹس میں بتایا گیا ہے کہ پرواز کے دوران مرکزی لینڈنگ گیئر کا ایک ٹائر پھٹ کر الگ ہوگیا جس سے طیارے میں شدید جھٹکے محسوس کیے گئے جب کہ انجن میں خرابی کے مسائل بھی سامنے آئے جس سے مسافروں میں خوف و ہراس پھیل گیا۔
اس حوالے سے سوشل میڈیا پر ویڈیو بھی وائرل ہورہی ہے جس میں طیارے کو جھٹکے کھاتے اور مسافروں کو چیخ و پکار کرتے دیکھا جاسکتا ہے۔
میڈیا رپورٹس کے مطابق طیارے کے عملے نے مشہد ہوائی اڈے پر واپس جانے کا فیصلہ کیا اور جہاز کو باحفاظت لینڈ کروادیا۔
مریم مظہر: ماڈل ٹاؤن لنک روڈ پر ترقیاتی کام سست روی کا شکار ہونے کے باعث شہریوں کو شدید مشکلات کا سامنا ہے۔ تقریباً ایک سال قبل سیوریج پائپ لائن بچھانے کے لیے سڑک کو کھودا گیا تھا، تاہم طویل عرصہ گزرنے کے باوجود سڑک کو تاحال مکمل طور پر بحال نہیں کیا جا سکا۔
سڑک پر جگہ جگہ گہرے گڑھے موجود ہیں، جبکہ بعض مقامات پر سیوریج کا پانی بھی جمع ہے، جس کے باعث ٹریفک کی روانی متاثر ہو رہی ہے۔ سڑک کی خستہ حالی اور گڑھوں کے باعث موٹر سائیکل سواروں اور دیگر شہریوں کے لیے حادثات کا خطرہ بھی بڑھ گیا ہے۔
شہریوں کا کہنا ہے کہ ترقیاتی کام کے لیے سڑک کی کھدائی کے بعد اسے بروقت بحال نہ کیے جانے سے روزمرہ آمدورفت میں مشکلات پیدا ہو رہی ہیں۔ شہریوں نے متعلقہ انتظامیہ سے مطالبہ کیا ہے کہ سڑک کی مرمت اور بحالی کا کام فوری طور پر مکمل کیا جائے تاکہ ٹریفک کی روانی بحال ہو اور حادثات کے خطرے سے بچا جا سکے۔
September 09, 2026
September 09, 2026
عابد چودھری:آئی جی پنجاب کی زیر صدارت ہونے والے اجلاس میں سٹی ٹریفک پولیس لاہور میں تعینات تمام پی ایچ پی اہلکاروں کو فوری طور پر واپس بلانے کا حکم دیا گیا ہے۔
ہائی وے پٹرول اہلکاروں کو رواں سال فروری میں لاہور شہر کے اندر ٹریفک مینجمنٹ کو بہتر بنانے اور نفری کی کمی کو پورا کرنے کے لیے عارضی طور پر سٹی ٹریفک پولیس کے سپرد کیا گیا تھا۔
شہر میں موجود تمام پی ایچ پی اہلکاروں کو ہدایت کی گئی ہے کہ وہ اپنے متعلقہ فوکل پرسنز کو رپورٹ کریں۔
مراسلے کے مطابق پی ایچ پی اہلکار واپس اپنے اصل ریجنز یعنی گوجرانوالہ، فیصل آباد اور ساہیوال میں جا کر ڈیوٹی سنبھالے گی۔
جاری کردہ مراسلے کے مطابق متعلقہ حکام کو اہلکاروں کی واپسی کے لیے ٹرانسپورٹ کے فوری اور مناسب انتظامات یقینی بنانے کی ہدایت بھی کر دی گئی ہے۔
(ویب ڈیسک)معروف بھارتی پنجابی گلوکار دلجیت دوسانجھ نے کہا ہے کہ میں اتنا بڑا گلوکار نہیں کہ نصرت فتح علی خان جیساگانا گا سکوں۔
بھارتی گلوکار و اداکار نے حال ہی میں ایک کنسرٹ کے دوران لیجنڈگلوکار نصرت فتح علی خان کی مقبول قوالی ’’سانسوں کی مالا‘‘ پر پرفارم کیا تھا۔اس حوالے سے گلوکار نے انسٹاگرام لائیو کے دوران بات کی اور ایک صارف کے کمنٹ پر اپنا تجربہ بیان کرتے ہوئے کہا کہ میں خود کو اتنا بڑا گلوکار نہیں سمجھتا کہ نصرت فتح علی خان کی موسیقی کے ساتھ حقیقی انصاف کر سکوں۔
دِلجیت دوسانجھ نے بتایا کہ یہ پرفارمنس محض عظیم قوال کے لیے میری محبت اور عقیدت کا اظہار تھی،اپنی پرفارمنس میں ہونے والی کسی بھی ممکنہ غلطی پر معذرت کرتے ہوئے انہوں نے اعتراف کیا کہ نصرت فتح علی خان کی دھن گانا انتہائی مشکل ہے۔
واضح رہے کہ دِلجیت دوسانجھ پہلے پنجابی فنکار ہیں جنہوں نے لندن کے ویمبلی اسٹیڈیم میں پرفارم کیا،انہوں نے ’’آورا ورلڈ ٹور‘‘ کے سلسلے میں 90 ہزار افراد کی گنجائش رکھنے والے ویمبلی اسٹیڈیم میں کھچا کھچ بھرے مجمع کے سامنے پرفارم کیاجہاں انہوں نے اسٹیج پر نصرت فتح علی خان کی معروف قوالی ’’سانسوں کی مالا‘‘بھی پیش کی،ویمبلی میں ہونے والے اس کنسرٹ کے دوران دِلجیت نے اپنے بھارتی مداحوں کے لیے ایک بڑا اعلان بھی کیا کہ وہ 21 نومبر 2026ء کو احمد آباد کے نریندر مودی اسٹیڈیم میں پرفارم کریں گے۔
September 09, 2026
September 09, 2026
ویب ڈیسک : محکمہ موسمیات نے آج شام سے شہر میں سمندری ہوائیں بحال ہونے کا امکان ظاہر کیا ہے۔
محکمہ موسمیات کے مطابق بحیرہ عرب میں ہوا کا کم دباؤ مزید کمزور ہوگیا ہے جس کے بعد آج شام سے شہر میں سمندری ہوائیں بحال ہوجائیں گی تاہم شہر میں موسم گرم اور مرطوب رہے گا۔
موسم سرما کے حوالے سے پیشگوئی کرتے ہوئے محکمہ موسمیات نے بتایا کہ ملک کے شمالی و بالائی علاقوں میں موسم سرما طویل ہوسکتا ہے اور موسم سرما کی بارشیں بھی ملک میں معمول سے زائد ہوسکتی ہیں۔
ثمرا فاطمہ:لاہور میں گاڑیوں کے دھویں کی نگرانی کیلئے جدید ٹیکنالوجی متعارف کرانے کا فیصلہ کر لیا گیا، جس کے تحت شہر کے 9 اہم داخلی و خارجی راستوں پر وہیکلر ایمیشن سکیننگ سسٹم نصب کیا جائے گا۔
وہیکلر ایمیشن سکیننگ سسٹم کے ذریعے دھوئیں کی غیر مداخلتی ٹیکنالوجی سے موقع پر سکیننگ کی جائے گی۔ جدید ریموٹ سینسنگ ڈیوائسز گاڑی روکے بغیر اس کے اخراج میں موجود آلودگی کی پیمائش کریں گی۔
سسٹم کے ذریعے گاڑی کا رجسٹریشن نمبر، رفتار، ایکسیلیریشن اور سکیننگ کا وقت بھی ریکارڈ کیا جائے گا، جبکہ زیادہ دھواں چھوڑنے والی گاڑیوں کی نشاندہی ممکن ہو سکے گی۔
حکام کے مطابق جدید ٹیکنالوجی سے ماحولیاتی نگرانی کا دائرہ وسیع اور کارروائی مزید مؤثر بنائی جائے گی۔ سسٹم کے ذریعے لاہور میں گاڑیوں سے پیدا ہونے والی آلودگی کے حقیقی رجحانات کا تعین کیا جا سکے گا۔
زیادہ آلودگی پھیلانے والی گاڑیوں کی نشاندہی کے بعد مزید تفصیلی ٹیسٹنگ اور کارروائی کی جا سکے گی۔ منتخب گاڑیوں کی تفصیلی جانچ اور سکیننگ نتائج کی تصدیق کیلئے پورٹیبل ایمیشن سسٹم بھی استعمال کیا جائے گا۔
وہیکلر ایمیشن سکیننگ سسٹم کیلئے ای پی اے میں خصوصی وہیکل ایمیشن ٹیسٹنگ یونٹ قائم کیا جائے گا۔ یہ منصوبہ لاہور ایئر امپروومنٹ فریم ورک کے تحت تیار کیا جا رہا ہے۔
حکام کے مطابق اس نظام سے گاڑیوں کے اخراج کی نگرانی، ماحولیاتی نفاذ اور لاہور کی ایئر کوالٹی مینجمنٹ مزید مضبوط ہوگی۔
September 09, 2026
September 09, 2026
ویب ڈیسک : ایف آئی اے نے پاکستانی طلباکو داخلے دینے والی مشکوک جامعات کا ڈیٹا مرتب کرنے کا فیصلہ کر لیا ہے۔
ایف آئی اے امیگریشن ایسے ممالک اور مشکوک جامعات کی نشاندہی کرے گی،
ایف آئی اے امیگریشن نےتحقیقات کر تے ہو ئے کہا کہ کریڈینشلز کی مکمل جانچ کے بغیر داخلے دیئے جاتے ہیں۔
طلبا اور والدین کو فراڈ، جعل سازی اور دھوکہ دہی سے محفوظ رکھنا ایف آئی اے کی اولین ترجیح ہے۔
ایف آئی اے امیگریشن کی جانب سے مرتب ڈیٹا وزارتِ داخلہ کو ارسال کیا جائیگا۔
وزارتِ داخلہ کی جانب سے متعلقہ ممالک اور جامعات کو مراسلہ لکھا جائے گا۔
ایف آئی اے کی جانب سے ایسی تمام مشکوک جامعات کی فہرست بنائی جا رہی ہے جو قانونی طور پر منظور شدہ نہیں ہیں۔
طلبا کو جعلی جامعات میں داخلوں کا جھانسا دینے والوں کو گرفتار کیا جائے گا۔
معیار پر پورا نہ اُترنے والےطلبا کوداخلہ دینے والی جامعات کیخلاف کارروائی کا مطالبہ کیاجائیگا۔
وہب ڈیسک : سندھ کے سینئر وزیر شرجیل انعام میمن نے یلو لائن بی آر ٹی کے بس ڈپو کی تعمیر کا کام جلد مکمل کرنے کی ہدایت کردی۔
شرجیل میمن کی زیرصدارت محکمہ ٹرانسپورٹ نے اہم اجلاس میں ہدایت جاری کر تے ہوئے کہا کہ جام صادق پل کے دوسرے حصے کا کام بھی جلد مکمل کر لیا جائے گا۔
شر جیل میمن نے ا علیٰ سطیٰ اجلاس میں یلو لائن بی آر ٹی منصوبے کے تعمیراتی کام کی رفتار اور پیش رفت کا جائزہ بھی لیا ہے۔
شرجیل میمن نے اجلاس سے خطاب کرتے ہوئے کہا کہ یلو لائن بی آر ٹی کراچی کے شہریوں کیلئے اہم ماس ٹرانزٹ منصوبہ ہے، تعمیراتی کام کی رفتار مزید تیز کی جائے۔
ا ن کا کہنا تھا منصوبے کی تکمیل کیلئے تمام دستیاب وسائل بروئے کار لائے جائیں اور یلو لائن ڈپو اور دیگر متعلقہ کاموں کی رفتار بھی بڑھائی جائے۔
ڈپو سمیت تمام بنیادی ڈھانچے کی تعمیر بروقت مکمل کرنا انتہائی ضروری ہے،اگر یہ وقت پر مکمل نہ ہوں تو پورا منصوبہ تاخیر کا شکار ہو جاتا ہے۔
شرجیل میمن نے یلو لائن منصوبے پر کام کرنے والی ٹیم کی صلاحیتوں میں اضا فہ کر نے اور متعلقہ اداروں، کنسلٹنٹس اور ماہرین میں مؤثر رابطہ کاری یقینی بنانے کی ہدایت بھی کی ہے۔
یلو لائن بی آر ٹی منصوبے کی پیش رفت کی روزانہ کی بنیاد پر نگرانی کا حکم دیا اور منصوبے کی روزانہ پیشرفت سے متعلق رپورٹ پیش کر نے کا حکم بھی دیا ہے۔
ان کا مزید کہنا تھا کراچی میں یلو لائن بی آر ٹی منصوبہ جلد مکمل کر لیا جائے گا اور شہریوں کو بہتر، جدید اور تیز رفتار سفری سہولیات فراہم کی جائیں گی۔
September 09, 2026
September 09, 2026
ملک اشرف : لاہور ہائیکورٹ نے خلع، نان نفقہ اور جہیز کے مالی حقوق سے متعلق اہم فیصلہ جاری کرتے ہوئے قرار دیا ہے کہ خاتون کا مقدمہ صرف علاقائی دائرہ اختیار کے اعتراض کی بنیاد پر ختم نہیں کیا جاسکتا۔ عدالت نے اپیلٹ کورٹ کا فیصلہ کالعدم قرار دیتے ہوئے فیملی کورٹ کا خاتون کے حق میں سنایا گیا فیصلہ بحال کردیا۔
جسٹس محمد ساجد محمود سیٹھی نے سائلہ شگفتہ بی بی کی درخواست منظور کرتے ہوئے گیارہ صفحات پر مشتمل تحریری فیصلہ جاری کیا۔عدالت نے فیصلے میں قرار دیا کہ خلع کے مقدمے میں بیوی جہاں عام طور پر رہائش پذیر ہو، وہاں کی فیملی کورٹ کو مقدمے کی سماعت کا اختیار حاصل ہے۔ بیوی کا عام رہائشی مقام اس کی مستقل رہائش یا مستقل پتے کا پابند نہیں ہوتا۔فیصلے کے مطابق علاقائی دائرہ اختیار سے متعلق اعتراض کو موروثی دائرہ اختیار کی کمی قرار نہیں دیا جاسکتا۔ اگر کسی مقدمے کی سماعت سے فریق کو کوئی حقیقی نقصان نہیں پہنچتا تو محض علاقائی دائرہ اختیار کا اعتراض پوری عدالتی کارروائی ختم کرنے کی بنیاد نہیں بن سکتا۔لاہور ہائیکورٹ نے قرار دیا کہ اپیلٹ کورٹ نے خاتون کی رہائش سے متعلق ایک بیان کو بنیاد بنا کر دیگر شواہد کو نظرانداز کیا۔ خاتون کے والد کا بیان بھی اس کے جہانیاں کی حدود میں رہائش کے مؤقف کی تائید کرتا تھا۔عدالت نے قرار دیا کہ صرف کسی ایک پتے کا ذکر خاتون کی عام رہائش ثابت کرنے کے لیے کافی نہیں۔ عدالت کو مقدمے میں موجود تمام شواہد کا مجموعی طور پر جائزہ لینا ضروری ہے۔
فیصلے میں مزید قرار دیا گیا کہ خلع کے ساتھ نان نفقہ اور جہیز کے دعوے بھی ایک ہی مقدمے میں شامل کیے جاسکتے ہیں۔ اس لیے محض علاقائی دائرہ اختیار کے اعتراض کی بنیاد پر ایسے دعووں کو ختم نہیں کیا جاسکتا۔عدالتی ریکارڈ کے مطابق فیملی کورٹ نے خاتون کے حق میں فیصلہ سناتے ہوئے اسے عدت کے نان نفقے کی مد میں پندرہ ہزار روپے اور جہیز کی اشیا کی متبادل قیمت کی مد میں ڈیڑھ لاکھ روپے ادا کرنے کا حکم دیا تھا۔تاہم اپیلٹ کورٹ نے اصل دعوؤں کے میرٹ کا جائزہ لیے بغیر صرف علاقائی دائرہ اختیار کی بنیاد پر فیملی کورٹ کا فیصلہ کالعدم قرار دے دیا تھا۔
لاہور ہائیکورٹ نے اپیلٹ کورٹ کے اس فیصلے کو کالعدم قرار دیتے ہوئے فیملی کورٹ کا خاتون کے حق میں سنایا گیا فیصلہ بحال کردیا۔عدالت نے اپنے گیارہ صفحات پر مشتمل فیصلے میں علاقائی دائرہ اختیار، عام رہائش اور خلع کے ساتھ مالی حقوق کے دعووں سے متعلق اہم قانونی اصول واضح کیے، جسے آئندہ ایسے مقدمات میں عدالتی نظیر کے طور پر پیش کیا جاسکے گا۔
ویب ڈیسک: لیونل میسی نے ریٹائرمنٹ کا اعلان کر کے یوٹرن لے لیا۔
ارجنٹینا کے عالمی شہرت یافتہ فٹبالر لیونل میسی نے بین الاقوامی فٹبال سے ریٹائرمنٹ کے اعلان کے چند ہفتے بعد ایک بار پھر قومی ٹیم کی جرسی پہننے کا فیصلہ کر لیا۔
ارجنٹینا فٹبال ایسوسی ایشن نے تصدیق کی ہے کہ لیونل میسی 6 اکتوبر کو بیونس آئرس میں بینن کے خلاف میچ میں ارجنٹینا کی نمائندگی کریں گے اور یہ میچ قومی ٹیم کے لیے ان کا الوداعی مقابلہ ہو گا۔
لیونل میسی نے 2026ء کے فیفا ورلڈ کپ فائنل میں ارجنٹینا کو اسپین کے ہاتھوں شکست ہونے کے بعد بین الاقوامی فٹبال سے ریٹائرمنٹ کا اعلان کیا تھا، لیکن اب ارجنٹینا کے کوچ لیونل اسکالونی نے بینن کے خلاف میچ کے لیے ابتدائی 26 رکنی اسکواڈ میں اُنہیں ٹیم میں شامل کیا ہے۔
ارجنٹینا فٹبال ایسوسی ایشن کے مطابق لیونل میسی کو قومی ٹیم کی جانب سے اسی انداز میں الوداع کہا جائے گا جس کے وہ حق دار ہیں،اس موقع پر 2022ء کا فیفا ورلڈ کپ جیتنے والی ارجنٹینا کی ٹیم کے ارکان کو بھی مدعو کیا جائے گا تاکہ لیونل میسی کے بین الاقوامی کیریئر کے اختتام پر خصوصی تقریب منعقد کی جا سکے۔
September 09, 2026
September 09, 2026
عرفان ملک:لاہور پولیس نے بچوں کے خلاف مبینہ جنسی جرائم کے دو مختلف واقعات میں کارروائی کرتے ہوئے 2 ملزمان کو گرفتار کر لیا۔
پولیس ترجمان کے مطابق سبزہ زار پولیس نے 10 سالہ بچی سے مبینہ زیادتی کی کوشش کے الزام میں وسیم نامی ملزم کو گرفتار کیا، جبکہ ملت پارک پولیس نے 11 سالہ بچے سے مبینہ بدفعلی کے الزام میں علی احمد کو گرفتار کر لیا۔
ترجمان کے مطابق دونوں ملزمان کے خلاف بچوں کے والدین کی مدعیت میں مقدمات درج کر لیے گئے ہیں۔ گرفتار ملزمان کو مزید تفتیش کے لیے انویسٹی گیشن ونگ کے حوالے کر دیا گیا ہے۔
ڈی آئی جی آپریشنز نے والدین سے اپیل کی ہے کہ وہ بچوں کی سرگرمیوں اور معمولات پر نظر رکھیں اور ان کے تحفظ کو یقینی بنانے کے لیے احتیاطی تدابیر اختیار کریں۔
سعید احمد:پاکستان نے بھارت کیلئے فضائی حدود کی بندش میں مزید ایک ماہ کی توسیع کر دی ہے۔
بھارتی طیاروں کیلئے پاکستان کی فضائی حدود 23 اکتوبر تک بند رہے گی۔
پاکستان ایئرپورٹ اتھارٹی نے حکومت کی ہدایت پر نیا نوٹم جاری کر دیا ہے، جس کے مطابق بھارت کے تمام رجسٹرڈ طیارے پاکستان کی فضائی حدود استعمال نہیں کر سکیں گے۔
واضح رہے کہ پاکستان نے بھارت کیلئے اپنی فضائی حدود 23 اپریل 2025 سے بند کر رکھی ہے۔
September 09, 2026
September 09, 2026
ملک اشرف : پراسیکیوٹر جنرل پنجاب چودھری عرفان صادق تارڑ نے پراسیکیوشن کے نظام میں بہتری، افسران کی کارکردگی اور مقدمات کی مؤثر پیروی یقینی بنانے کے لیے ضلع کچہری لاہور کا اچانک دورہ کیا۔
دورے کے دوران پراسیکیوٹر جنرل پنجاب نے پراسیکیوشن افسران اور سٹاف کی حاضری، ڈسپلن اور کارکردگی کا موقع پر جائزہ لیا۔ انہوں نے مختلف مقدمات سے متعلق ریکارڈ اور چالان بھی چیک کیے۔چودھری عرفان صادق تارڑ نے متعدد مقدمات کے چالان بروقت عدالتوں میں پیش نہ کیے جانے پر متعلقہ پراسیکیوٹرز پر سخت ناراضگی کا اظہار کیا اور واضح کیا کہ مقدمات کے چالان مقررہ وقت پر عدالتوں میں پیش کرنا پراسیکیوٹرز کی بنیادی ذمہ داری ہے۔پراسیکیوٹر جنرل پنجاب نے دوٹوک الفاظ میں کہا کہ "جو پراسیکیوٹر کام نہیں کرے گا، وہ نوکری میں نہیں رہے گا۔"انہوں نے کہا کہ پراسیکیوشن کے نظام میں غیر ذمہ داری، سستی اور غفلت کی کوئی گنجائش نہیں۔ پراسیکیوٹرز ریاست کے مقدمات کے ذمہ دار ہیں، اس لیے ہر مقدمے کی مؤثر پیروی، بروقت چالان کی پیشی اور عدالت میں ریاستی مؤقف بھرپور انداز میں پیش کرنا ان کی ذمہ داری ہے۔
چودھری عرفان صادق تارڑ نے ہدایت کی کہ عدالتوں میں زیر سماعت مقدمات کی مکمل تیاری کی جائے اور ہر کیس کی مؤثر انداز میں پیروی یقینی بنائی جائے۔ انہوں نے واضح کیا کہ چالان بروقت عدالت میں پیش نہ کرنے سمیت فرائض میں غفلت کا کوئی جواز قابل قبول نہیں ہوگا۔پراسیکیوٹر جنرل پنجاب نے کہا کہ غیر حاضر، غیر ذمہ دار اور کام میں غفلت برتنے والے افسران و اہلکاروں کے خلاف بلاامتیاز کارروائی کی جائے گی۔ کسی افسر یا اہلکار کو اس کے عہدے یا سروس کی بنیاد پر رعایت نہیں دی جائے گی۔ پراسیکوٹر جنرل پنجاب نے مزید کہا کہ فیلڈ میں پراسیکیوٹرز اور سٹاف کی کارکردگی کی مسلسل نگرانی کی جائے گی۔ پراسیکیوشن کے نظام کو مزید مؤثر بنانے کے لیے اچانک معائنے کا سلسلہ بھی جاری رکھا جائے گا۔چودھری عرفان صادق تارڑ نے افسران کو ہدایت کی کہ وہ اپنے فرائض مکمل سنجیدگی اور ذمہ داری کے ساتھ انجام دیں تاکہ ریاست کے مقدمات میں مؤثر پیروی اور بروقت انصاف کی فراہمی کو یقینی بنایا جاسکے۔پراسیکیوٹر جنرل پنجاب نے واضح کیا کہ کارکردگی پر کوئی سمجھوتہ نہیں ہوگا اور غفلت برتنے والے افسران کے خلاف محکمانہ کارروائی عمل میں لائی جائے گی۔
کلیم اختر: ڈیبٹ یا کریڈٹ کارڈ کی سہولت رکھنے والا ہر دکاندار ٹئیر ون ریٹیلر نہیں ہوگا، ٹئیر ون ریٹیلر کی کیٹیگری کیلئے کاروبار کے حجم اور ٹرن اوور کو اہم بنیاد بنا دیا گیا ہے۔
نئے قانون کے مطابق 20 کروڑ روپے سے زائد ٹرن اوور رکھنے والے ریٹیلرز ٹئیر ون کیٹیگری میں شامل ہوں گے، جبکہ ہول سیل کم ریٹیل کاروبار کرنے والوں کیلئے بھی 20 کروڑ روپے سے زائد ٹرن اوور کی شرط مقرر کی گئی ہے۔
اشیاء درآمد کرکے ہول سیل یا ریٹیل فروخت کرنے والے کاروبار بھی ٹئیر ون کیٹیگری میں شامل ہوں گے۔ صرف پی او ایس مشین یا کارڈ سے ادائیگی اب ٹئیر ون میں شامل ہونے کی وجہ نہیں ہوگی۔
نئے قانون کے تحت چھوٹے دکانداروں کو ڈیجیٹل ادائیگی کی سہولت رکھنے کے باوجود ٹئیر ون کیٹیگری سے باہر رہنے کی سہولت ملے گی۔
ٹئیر ون ریٹیلر کی تعریف میں ڈیبٹ، کریڈٹ کارڈ اور دیگر ڈیجیٹل ادائیگیوں سے متعلق سابقہ شق ختم کر دی گئی ہے، جبکہ ودہولڈنگ ٹیکس کی بنیاد پر ٹئیر ون ریٹیلر کی شناخت کا سابقہ طریقہ کار بھی تبدیل کر دیا گیا ہے۔
فنانس ایکٹ کے بعد ٹئیر ون ریٹیلر کی شناخت کا بنیادی فوکس کاروبار کے حجم اور ٹرن اوور پر ہوگا، جبکہ نئے قانون کے تحت چھوٹے کاروبار اور بڑے ریٹیل کاروبار میں فرق مزید واضح کر دیا گیا ہے۔
September 09, 2026
September 09, 2026
فریحہ بتول:مہنگائی کے ستائے شہریوں پر ایک اور بوجھ پڑ گیا، مرغی اور انڈوں کی سرکاری نرخوں سے زائد قیمتوں پر فروخت جاری ہے۔
سرکاری نرخ نامے کے مطابق برائلر مرغی کا پرچون ریٹ 461 روپے فی کلو مقرر کیا گیا ہے، تاہم اوپن مارکیٹ میں مرغی 520 روپے فی کلو تک فروخت ہونے کی اطلاعات ہیں۔
اسی طرح برائلر زندہ مرغی کی سرکاری قیمت 318 روپے فی کلو مقرر ہے، جبکہ مارکیٹ میں زندہ برائلر 399 روپے فی کلو تک فروخت کیا جا رہا ہے۔
فارمی انڈوں کی سرکاری قیمت 249 روپے فی درجن مقرر کی گئی ہے، تاہم اوپن مارکیٹ میں انڈے 300 روپے فی درجن تک فروخت ہو رہے ہیں۔
شہریوں کو مقررہ سرکاری نرخوں پر چکن اور انڈوں کی فراہمی میں مشکلات کا سامنا ہے۔ شہریوں نے مطالبہ کیا ہے کہ سرکاری نرخ نامے پر مؤثر عملدرآمد یقینی بنایا جائے اور مقررہ قیمتوں سے زائد وصولی کرنے والے دکانداروں کے خلاف کارروائی کی جائے۔
16 Sep, 2026
16 Sep, 2026
16 Sep, 2026
16 Sep, 2026
16 Sep, 2026
16 Sep, 2026
16 Sep, 2026
16 Sep, 2026
16 Sep, 2026
16 Sep, 2026
16 Sep, 2026
16 Sep, 2026
16 Sep, 2026
16 Sep, 2026
16 Sep, 2026
16 Sep, 2026
16 Sep, 2026
16 Sep, 2026
16 Sep, 2026
16 Sep, 2026
16 Sep, 2026
16 Sep, 2026
16 Sep, 2026
16 Sep, 2026
16 Sep, 2026
16 Sep, 2026
ویب ڈیسک ؛وفاقی وزیر داخلہ محسن نقوی سے چین کے نائب وزیر پبلک سکیورٹی گاو چی نے ملاقات کی، جس میں پاک چین دوطرفہ تعلقات، انسداد دہشت گردی اور انسداد منشیات سے متعلق مشترکہ اقدامات پر تبادلہ خیال کیا گیا۔
ملاقات میں پولیس ٹریننگ ایکسچینج پروگرام اور جدید ٹیکنالوجی و آلات کے حوالے سے تعاون بڑھانے پر اتفاق کیا گیا، جبکہ چین نے پاکستان میں جدید طرز کے لا انفورسمنٹ سنٹر کے قیام میں تعاون پر بھی آمادگی ظاہر کی۔
چینی نائب وزیر پبلک سکیورٹی نے دہشت گردی کے خلاف پاکستان کی قربانیوں اور عزم کو سراہا۔
اس موقع پر وفاقی وزیر داخلہ محسن نقوی نے کہا کہ لا انفورسمنٹ سنٹر پاک چین دوستی کی ایک اور روشن علامت ہوگا۔
وفاقی وزیر داخلہ محسن نقوی سے چین کے نائب وزیر پبلک سکیورٹی گاو چی کی ملاقات
— Ministry of Interior GoP (@MOIofficialGoP) September 16, 2026
پاک چین دوطرفہ تعلقات ، انسداد دہشت گردی اور انسداد منشیات سے متعلق مشترکہ اقدامات پر تبادلہ خیال
پولیس ٹریننگ ایکسچینج پروگرام اور جدید ٹیکنالوجی و آلات کے حوالے سے تعاون بڑھانے پر اتفاق pic.twitter.com/ZPnMN1uEsd
محسن نقوی نے کہا کہ سکیورٹی چیلنجز سے نمٹنے کے لیے چینی اے آئی بیسڈ ٹیکنالوجی اور آلات سے بہت مدد مل سکتی ہے، جبکہ پاکستان داخلی سلامتی سے متعلق تعاون کو مزید وسعت دینا چاہتا ہے۔
16 Sep, 2026
16 Sep, 2026
16 Sep, 2026
Severity: Notice
Message: Undefined offset: 1
Filename: news/news_19_view.php
Line Number: 148
16 Sep, 2026
16 Sep, 2026
16 Sep, 2026
16 Sep, 2026
16 Sep, 2026
16 Sep, 2026
16 Sep, 2026
16 Sep, 2026
16 Sep, 2026
16 Sep, 2026
16 Sep, 2026
16 Sep, 2026
16 Sep, 2026
16 Sep, 2026
16 Sep, 2026
16 Sep, 2026
16 Sep, 2026
16 Sep, 2026
16 Sep, 2026
16 Sep, 2026
16 Sep, 2026