سٹی 42 : یومِ تشکر پر وفاقی دارالحکومت اسلام آباد میں خصوصی تقریب کا انعقاد کیا گیا ۔
پاکستان مونومنٹ پر ہونے والی پروقار تقریب میں وزیراعظم شہبازشریف اور عسکری قیادت نے شرکت کی ۔
وزیراعظم شہبازشریف کو مسلح افواج کے چاق و چوبند دستے کی جانب سے سلامی پیش کی گئی ۔
سٹی 42 : ترکیہ میں پاک بھارت کشیدگی کے شہداء کو خراج عقیدت پیش کرنے کے لیے تقریب کا انعقاد کیا گیا ۔
ترجمان پاکستانی سفارتخانہ ترکیہ کے مطابق یوم تشکر کی تقریب کا انعقاد انقرہ, ترکیہ میں پاکستانی سفارتخانہ کی جانب سے کیا گیا۔ یوم تشکر کی تقریب کا آغاز سبز ہلالی پرچم لہرا کر گیا گیا, ترکیہ میں پاکستانی سفیر ڈاکٹر یوسف جنید نے پرچم لہرایا, پرچم کشائی کے موقع پر پاکستان کا قومی ترانہ بھی بجایا گیا۔
اس موقع پر اپنے خطاب میں پاکستانی سفیر یوسف جنید نے پاکستان کی مسلح افواج کو دشمن کے دانت کھٹے کرنے پر خراج تحسین پیش کیا ۔
May 05, 2026
May 05, 2026
سٹی 42 : وزیراعظم شہباز شریف نے کہا ہے کہ وطنِ عزیز پر جان نچھاور کرنے والے شہدا کو سلام پیش کرتا ہیں ۔
یومِ تشکر پر وفاقی دارالحکومت اسلام آباد میں پروقار تقریب کا انعقاد کیا گیا۔
پاکستان مونومنٹ پر ہونے والی پروقار تقریب سے خطاب کرتے ہوئے وزیراعظم نے کہاکہ چئیرمین جوانیٹ چیفس آف سٹاف ، تینوں مسلح افواج کے سربراہان کو سلام، وفاقی وزرا سرکاری حکام سمیت تمام شرکا کو سلام پیش کرتا ہوں ۔ انہوں نے کہاکہ وطنِ عزیز پر جان نچھاور کرنے والے شہدا کو سلام پیش کرتا ہوں۔
شہباز شریف نے کہا کہ وطن عزیز پر جان نچھاور کرنے والے عظیم شہدا کے عظیم والدین کو سلام پیش کرتا ہوں ۔ انہوں نے کہا کہ اللہ رب العزت کے شکر گزار ہیں کہ عظیم کامیابی سے نوازا۔
وزیراعظم نے بتایا کہ آج سے کئی سال پہلے 1971 میں دلخراش واقعہ پیش آیا تھا ، 10 مئی 2025 کو ایک اور واقعہ پیش آیا ، قوم مسلح افواج کے لیے دعائیں کررہی تھی، قوم کی دعا تھی کہ افواج کو ایسی کامیابی ملے دشمن پاکستان کی طرف رخ کرنے کا سوچ نہ سکے ۔ انہوں نے کہا کہ دشمن کو پیش کش کی کہ پہلگام واقعے کی عالمی تحقیقاتی کمیٹی سے تحقیقات کرواتے ہیں، دشمن نے پیش کش قبول کرنے کی بجائے غرور اور تکبر میں پاکستان پر حملہ کردیا، دشمن نے حملے میں بچوں سمیت معصوم شہریوں کو نشانہ بنایا۔
شہباز شریف نے کہا کہ پاک فضائیہ نے بھارت کے 5 نہیں 6 طیارے گرائے، پاکستان نے دشمن کے 6 جہاز گرا کر دنیا کو پیغام دیا کہ ہم اپنے دفاع کے لیے تیار ہیں، پاکستان نے اس دشمن کے 6 جہاز گرائے جو خطے میں خود کو تھانیدار سمجھتا تھا، دشمن کے رافیل بھی گرائے ، مگ اور ڈرونز بھی گرائے۔ انہوں نے بتایا کہ 9 اور 10 مئی کو مشاورت کرکے فیصلہ کیا کہ دشمن کو جواب دیں گے ۔
وزیراعظم کے مطابق آرمی چیف جنرل عاصم منیر نے بتایا بھارت نے ہمارے علاقوں پر میزائل داغے ہیں ، آرمی چیف نے کہا کہ اجازات دیں دشمن کے منہ پر ایسا تھپڑ رسید کریں گے جو عمر بھر یاد رکھے گا ، دنیا نے دیکھا کس طرح پیٹھان کوٹ ، اودھم پور سمیت کہاں کہاں حملے ہوئے ، فتح سیریز میزائلوں نے دشمن کو کہاں کہاں نشانہ بنایا دنیا نے دیکھا، آرمی چیف نے بتایا دشمن کو تھپڑ رسید کردیا ، اب سیز فائر کی درخواست آرہی ہے، آرمی چیف کو ہم نے جواب دیا کہ آپ سیز فائر کی درخواست قبول کرلیں۔
شہباز شریف نے کہا کہ دشمن دنیا میں کہہ رہا تھا کہ فوجی ساز وسامان پر اربوں خرچ کئے ، خطے کا بادشاہ تسلیم کریں، اللہ کو کچھ اور منظور تھا اللہ نے قوم کی دعائیں قبول کیں ، اور عظیم کامیابی حاصل کی ۔ انہوں نے کہا کہ پاک فضائیہ نے جو ٹیکنالوجی استعمال کی پوری دنیا کے ہوش اُڑ گئے ہیں، دوست ممالک کا اعتماد آسمانوں سے باتین کررہا ہے، پوری دنیا میں بات ہورہی ہے کہ پاک فوج نے کس طرح فوجی ٹیکنالوجی میں جدت حاصل کی، امریکا سے جاپان، مشرق وسطیٰ سے یورپ تک افواج کی صلاحیتوں کی تعریف ہورہی ہے ۔
شہباز شریف نے کہا کہ پاک افواج کی خاموشی سے حاصل صلاحیتوں نے دنیا کو حیران کردیا، اب ہمیں معاشی میدان میں ’10مئی‘ لانا ہے ۔ انہوں نے کہا کہ مسئلہ کشمیر کے حل کے بغیر پائیدار امن قائم نہیں ہوسکتا ۔
وزیراعظم نے کہا کہ رب ذوالجلال کے حضور ہمارے سر جھکے ہوئے ہیں اور جھکے رہیں گے، اللہ کا شکر ہے آج بڑی سے بڑی طاقت ہمارا راستہ نہیں روک سکتی، پوری قوم آج یک جان ہے اور ہماری مسلح افواج کے ساتھ کھڑی ہے ۔ انہوں نے کہا کہ آج سے اس سفر کا آغاز کردیں جس کے لیےپاکستان وجود میں آیا تھا، ماضی میں جائے بغیر ہمیں آگے بڑھنا ہے، آج یہ وحدت ، اخوت اور محبت ہے اس کو جاری رکھیں گے تو ماضی کے نقصانات کا ازالہ ہوگا، آج یہ اخوت قائم رہی تو وہی کامیابی حاصل کرلیں گے ، جو 10 مئی کو حاصل کی تھی۔
شہباز شریف نے کہاکہ پاکستان کے پاس وسائل کی کوئی کمی نہیں ہے، پاکستان کے پاس کسی چیز کی کمی نہیں، دن رات محنت کریں تو پاکستان بہت اگے نکل جائے گا۔ انہوں نے کہاکہ دوست ممالک کا شکر گزار ہوں جنہوں نے ساتھ دیا۔ چین ، ترکیہ ، آذربائیجان ، امریکہ ، برطانیہ، سعودی عرب ، یو اے ای اور قطر سمیت تمام ممالک کے مشکور ہیں۔ سب سے زیادہ امریکی صدر ٹرمپ کا شکریہ جنہوں نے سیز فائر میں کردار ادا کیا ۔
سٹی 42 : معرکہ حق کے تحت آپریشن بنیان مرصوص میں عظیم کامیابی پر شمالی وزیرستان میں خصوصی ریلیوں کا انعقاد کیا گیا ۔
آپریشن بنیان مرصوص میں تاریخی کامیابی پر شمالی وزیرستان میں پاک فوج کے ساتھ یکجہتی ریلیوں کا انعقاد کیا گیا ۔ یہ ریلیز بنوں، میرانشاہ، میر علی، غلام خان اور دتہ خیل سمیت پورے شمالی وزیرستان میں نکالی گئیں، اس موقع پر کثیر تعداد میں سکول و کالجز کے سٹوڈنٹس سمیت مقامی غیور عوام ، عسکری اور سول حکام نے شرکت کی ۔
ریلیوں میں شامل شرکاء نے قومی پرچم تھامے پاکستان اور فوج کے حق میں بینرز بھی اٹھا رکھے تھے ۔
شرکاء نے فوج کے شانہ بشانہ ہمیشہ کھڑے رہنے کے عزم کو دہرایا اور پاکستان زندہ باد اور پاک فوج زندہ باد کے نعروں لگائے ۔
شرکاء نے اللہ کے حضور شکر ادا کرتے ہوئے پاک فوج کو زبردست خراج عقیدت پیش کیا ۔
May 05, 2026
May 05, 2026
سٹی 42 : معرکہ حق میں شاندار کامیابی، پاک فضائیہ کے زیر اہتمام یومِ تشکر کی شاندار تقریبات ہوئیں ۔
پاک فضائیہ کی جانب سے بھی آج یوم تشکر شایان شان طریقے سے منایا گیا ، یوم تشکر کی مناسبت سے پاک فضائیہ کے مختلف بیسز پر تقریبات کا انعقاد کیا گیا ۔
پی اے ایف ایئر مین اکیڈمی کورنگی کراچی اور پی اے ایف اکیڈمی اصغر خان رسالپورمیں پرچم کشائی کی تقریب کا انعقاد ہوا.
اس کے علاوہ پی اے ایف بیس بڈھ بیرپشاور اور ایئر ہیڈکوارٹرز اسلام آباد میں بھی تقریبات کا انعقاد کیا گیا ۔
اس موقع پر شہداء کی یادگاروں پر پھول چڑھائے گئے اور فاتحہ خوانی کی گئی ۔
ایئر فورس کے شاہینوں کو بھارتی جاریت کے خلاف منہ توڑ جواب دینے پر خراجِ تحسین پیش کیا گیا ۔
تقریبات میں اس عزم کا اعادہ کیا گیا کہ پاک فضائیہ دشمن کی جارحیت کا منہ توڑ جواب دینے کیلئے ہمہ وقت تیار ہے۔
سٹی 42 : (یومِ تشکر) آپریشن بنیانُ مرصوص (معرکۂ حق) کی کامیابی پر شِگر میں پُروقار تقریبات کا انعقاد کیا گیا ۔
ملک بھر کی طرح شگر میں بھی یومِ تشکر جوش و خروش اور جذبۂ حب الوطنی کے ساتھ منایا گیا۔ دن کا آغاز یادگارِ شہداء پر پرچم کشائی سے ہوا، جہاں پاک فوج کے چاق و چوبند دستے نے سلامی پیش کی، پھول چڑھائے اور شہداء کی بلندیٔ درجات کے لیے خصوصی دعا کی گئی۔
اس موقع پرشگرکے شہریوں نے ایک ریلی اور پُرجوش تقریب کا انعقاد کیا، جس میں عوام کی بڑی تعداد نے جذبے اور یکجہتی کے ساتھ شرکت کی۔
تقریب میں آپریشن بنیانُ المرصوص کی تاریخی کامیابی پر اللہ تعالیٰ کا شکر ادا کیا گیا۔ شرکاء نے اس عزم کا بھی اظہار کیا کہ وطنِ عزیز کے دفاع کے لیے عوام ہر لمحہ پاک فوج کے شانہ بشانہ کھڑے ہیں ۔
May 05, 2026
May 05, 2026
سٹی 42 : راولپنڈی بورڈ میں یومِ تشکر، افواجِ پاکستان سے اظہارِ یکجہتی کیلئے ریلی اور تقریب کا انعقاد کیا گیا ۔
راولپنڈی تعلیمی بورڈ میں ہونے والی ریلی اور تقریب میں افسران و ملازمین نے بھرپور شرکت کی۔
چیئرمین تعلیمی بورڈ راولپنڈی محمد عدنان خان نے اس موقع پر کہا کہ پاک فوج قوم کی سیسہ پلائی دیوار ہے، بھارتی جارحیت کے خلاف پاک فوج کا کردار لائقِ تحسین ہے۔ انہوں نے کہا کہ افواجِ پاکستان نے دشمن کے ناپاک عزائم خاک میں ملا دیے، افواجِ پاکستان دنیا کی عظیم افواج میں شمار ہوتی ہیں ۔
مقررین نے خطاب میں کہا کہ قوم اپنے محافظوں کی قربانیوں کو کبھی فراموش نہیں کرے گی، قومی اتحاد وقت کی اہم ترین ضرورت ہے ۔
تقریب میں وطن سے محبت اور جذبہ قربانی کا شاندار مظاہرہ کیا گیا ۔ چیئرمین بورڈ کنٹرولر امتحانات سیکرٹری بورڈ، افسران و ملازمین نے افواج پاکستان سے بھرپور یکجہتی کا اظہار کیا۔ تقریب میں شرکاء کا ملکی خودمختاری کے دفاع کا عزم کیا ۔
سٹی 42 : معرکہ حق میں افواجِ پاکستان کی شاندار فتح پر شہداء کے اہلِ خانہ نے زبردست اظہارِ تشکر کیا ۔
شہداء کے لواحقین نے کہا کہ بزدل دشمن نے رات کی تاریکی میں وار کیا لیکن پاک فوج نے دن کی روشنی میں دشمن کو منہ توڑ جواب دیا، بھارت جان چکا ہے کہ اُس نے کس قوم کو للکارا ہے اب وہ ایسی حرکت دوبارہ نہیں کرے گا ۔
شہداء کے لواحقین نے حُب الوطنی کا مظاہرہ کرتے ہوئے کہا کہ ہم اپنی افواج کے ساتھ ہیں، ضرورت پڑی تو جان قربان کرنے سے بھی دریغ نہیں کریں گے، پاک فوج وہ قوت ہے جو دشمن کو اُس کی زبان میں جواب دینا جانتی ہے ۔
May 05, 2026
May 05, 2026
سٹی 42 : (یومِ تشکر) آپریشن بنیانُ مرصوص (معرکۂ حق) کی کامیابی پر غذر میں لالک جان شہید نشان حیدر کے مزار پر پُروقار تقریب ہوئی ۔
تقریبات کا آغاز لالک جان شہید نشانِ حیدر کے مزار پر ہوا، جہاں پھول چڑھائے گئے، سلامی دی گئی اور دعا کی گئی۔ وادی شہداء ضلع غذر میں یومِ تشکر جذبۂ حب الوطنی اور عقیدت کے ساتھ منایا گیا ۔
شہریوں نے ملی یکجہتی کا مظاہرہ کرتے ہوئے ریلی نکالی، شرکاء نے پاک فوج سے بھرپور یکجہتی کا اظہار کیا۔
تقریب میں وطن کے دفاع اور امن کے لیے ہمہ وقت تیار رہنے کا عزم دہرایا۔
سٹی 42 : لاہور کالج فار ویمن یونیورسٹی LCWU میں یومِ تشکر کی مناسبت سے پرچم کشائی کی شاندار تقریب کا انعقاد کیا گیا، پرچم کشائی کی پروقار تقریب آپریشن بنیان مرصوص کی کامیابی اور افواجِ پاکستان کی بہادری کے اعتراف میں منعقد کی گئی۔
ائیر وائس مارشل (ر) ساجد حبیب تقریب کے مہمانِ خصوصی تھے جنہوں نے افواج کی پیشہ ورانہ صلاحیتوں اور قوم کے جذبے کو سراہا۔ وائس چانسلر پروفیسر ڈاکٹر عظمیٰ قریشی نے پرچم کشائی کی تقریب کا آغاز کیا، اس موقع پر طلبہ، اساتذہ اور عملے کی بڑی تعداد نے شرکت کر کے افواجِ پاکستان سے اظہارِ یکجہتی کیا۔
ڈاکٹر عظمیٰ قریشی نے تقریب سے اظہارِ خیال کرتے ہوئے کہا کہ پوری قوم افواجِ پاکستان کی تاریخی فتح پر شکر گزار ہے۔
تقریب میں پاکستان زندہ باد کے فلک شگاف نعرے گونجتے رہے، شرکاء نے افواجِ پاکستان کو زبردست خراجِ تحسین پیش کیا۔
تقریب کا اختتام ملک و قوم کے اتحاد، استحکام اور خطے میں امن کی دعاؤں سے ہوا۔
May 05, 2026
May 05, 2026
سٹی 42 : پاکستان کی خواتین کرکٹرز نے بھی یوم تشکر جوش و خروش سے منایا ۔
خواتین کھلاڑیوں نے بہادر مسلح افواج کے ساتھ بھرپور یکجہتی کااظہار کیا، قومی ویمنز ٹی 20ٹورنامنٹ میچز سے قبل شہدائے وطن کیلئےخصوصی دعا کی گئی۔
چیلنجرز اور سٹارز کے درمیان نیشنل بینک سٹیڈیم میں یوم تشکرپردعائیہ تقریب ہوئی، اس کے علاوہ سٹرائیکرز اور انوینسبلز کے مابین اوول اکیڈمی گراؤنڈ میں بھی خصوصی دعائیہ تقریب ہوئی ۔
خواتین کھلاڑیوں اور آفیشلز نے شہدائے وطن کی بلندری درجات کی دعا کی۔ اس موقع پر ویمنز پلئیرز نے کہا کہ پوری قوم سیسہ پلائی دیوار کی طرح مسلح افواج کیساتھ کھڑی ہے، شہداء کی عظیم قربانیوں کو ہمیشہ یاد رکھا جائے گا، شہداء کے خاندانوں کے ساتھ دلی ہمدردی ہے ۔
ویب ڈیسک : آپریشن بنیان مرصوص کی کامیابی پرپنجاب فوڈ اتھارٹی نے بھی یومِ تشکر منایا ۔
پنجاب فوڈ اتھارٹی دفتر میں دعائیہ تقریب ہوئی، شاندار فتح پر کیک بھی کاٹا گیا ۔ ڈی جی فوڈ اتھارٹی عاصم جاوید کا کہنا تھا کہ شہدا کو خراج عقیدت، غازیوں کو سلام پیش کرتے ہیں۔ انہوں نے کہا کہ قوم اپنے وطن کے دفاع کیلئےافواج پاکستان کے شانہ بشانہ کھڑی ہے، معرکہ حق میں افواج پاکستان نےجرات و بہادری کی نئی تاریخ رقم کی ۔
عاصم جاوید نے کہا کہ یوم تشکر معرکہ حق پوری قوم اور افواج پاکستان کی کامیابی ہے، افواجِ پاکستان نے دشمن کے غرور کو خاک میں ملا کر پاکستان کا جھنڈا بلند کیا، پاکستان نیوی اور ائیر فورس نے ڈٹ کے مقابلہ کیا؛ دشمن کے عزائم کو خاک میں ملایا۔ انہوں نے کہا کہ ائیر فورس اور نیوی کے جوان آسمان اور بحری حدود کے بہادر محافظ ہیں، جوانوں نے اپنی صلاحیتوں کو بروئے کار لاتے ہوئے دشمن فوج کو نااہل قرار دیا۔
انہوں نے مزید کہا کہ آپریشن بُنیان مرصوص میں نام کی طرح عوام اور افواج پاکستان نے آہنی دیوار کا کردار ادا کیا، بھارتی جنگی جارحیت کے خلاف افواجِ پاکستان ہمیشہ کی طرح کامیاب رہیں، پنجاب فوڈ اتھارٹی اور پوری قوم افواج پاکستان کی اس تاریخی فتح پر اللہ تعالیٰ کے شکر گزار ہیں۔ عاصم جاوید نے کہاکہ ہماری افواج نے بزدل دشمن کے مذموم عزائم خاک میں ملائے، پاکستان ہمیشہ زندہ آباد کا نعرہ لگایا، پاکستان کی شاندار فتح امتِ مسلمہ کیلئے یکتائی کا پیغام ہے۔
انہوں نے کہا کہ پنجاب فوڈ اتھارٹی ہر محاذ پر ملاوٹ مافیا کے خلاف دن رات آپریشن جاری رکھے ہوئے ہے۔
May 05, 2026
May 05, 2026
ویب ڈیسک: فاطمہ جناح میڈیکل یونیورسٹی میں آپریشن ’’بُنْيَانٌ مَّرْصُوْصٌ ‘‘ کی کامیابی پر یوم تشکر ملی جوش و جذبے سے منایا گیا۔
حکومت پاکستان،حکومت پنجاب اور ہائر ایجوکیشن کمیشن کی ہدایات پر آج پورے ملک کی طرح فاطمہ جناح میڈیکل یونیورسٹی لاہور میں بھی یوم تشکر ملی جوش و جذبےسے منایا گیا جس میں سیکیورٹی فورسز اور عوام کو "آپریشن بُنْيَانٌ مَّرْصُوْصٌ "اور معرکہ حق میں کامیابی پر خراج تحسین پیش کیا گیا۔
اس موقع پر فاطمہ جناح میڈیکل یونیورسٹی میں وائس چانسلر پروفیسر خالد مسعود گوندل کی سربراہی میں ڈینز، تمام ڈیپارٹمنٹس کے سربراہان اور پروفیسرز کا اجلاس منعقد ہوا۔ وائس چانسلرپروفیسرخالدمسعودگوندل کا اس موقع پر کہناتھا کہ ہم آپریشن بُنْيَانٌ مَّرْصُوْصٌ اور معرکہ حق کی شاندار کامیابی پر افواج پاکستان اور پوری قوم کو مبارکباد پیش کرتے ہیں، پوری دنیا پاکستان کی کامیابی کو تسلیم کر رہی ہے،پاکستانی قوم نے پوری دنیا کو یہ پیغام دےدیا کہ پاکستان بحیثیت مسلم اُمہ متحد ہے اور ہر قسم کے حالات میں اپنی افواج کے ساتھ شانہ بشانہ کھڑی ہے ۔ انہوں نے معرکہ حق کے شہداء کو خراج عقیدت، ملک کی خاطر اپنی جانوں کا نذرانہ پیش کرنے والوں کے اہل خانہ کو خراج تحسین پیش کیا ۔
فاطمہ جناح میڈیکل یونیورسٹی کے آڈیٹوریم میں وائس چانسلر پروفیسر خالد مسعود گوندل کی سربراہی میں ولولہ انگیز تقریب کا انعقاد بھی ہوا جس میں ڈینز ، فیکلٹی ممبران اور طالبات کی کثیر تعداد نے شرکت کی،شرکاء نے سیکیورٹی فورسز کو والہانہ خراجِ عقیدت پیش کیا اوراس عزم کا اظہار کیا کہ آئندہ اگر دشمن کی جانب سے کوئی بزدلانہ کارروائی کی گئی تو قوم اپنی افواج کےساتھ مل کر بھرپور جواب دے گی۔
یونیورسٹی کی طالبات نے یوم تشکر کی مناسبت سے ملی نغمہ بھی پیش کیا،تقریب کے شرکاء نے طالبات کے ہمراہ"پاکستان ہمیشہ زندہ باد ،پاک فوج زندہ باد، آپریشن بُنْيَانٌ مَّرْصُوْصٌ زندہ باد"کے فلک شگاف نعرے لگائے،اس موقع پر پرچم کشائی کی تقریب بھی منعقد ہوئی اورملک و قوم کی سلامتی ،سیکیورٹی فورسز کی کامیابی اورشہداء کی مغفرت کے لیے خصوصی دعا بھی کی گئی، بعد ازاں فاطمہ جناح میڈیکل یونیورسٹی کی جامع مسجد میں جمعہ کی نماز کے بعد شکرانے کے نوافل ادا کیے گئے اور افواج پاکستان اور ملک و قوم کی سلامتی کے لیے دعا کی گئی بالخصوص شہداء کو خراج عقیدت پیش کرنے کے ساتھ درجات کی بلندی کی بھی دعا کی گئی۔
16 May, 2025
16 May, 2025
16 May, 2025
16 May, 2025
16 May, 2025
16 May, 2025
16 May, 2025
16 May, 2025
16 May, 2025
16 May, 2025
16 May, 2025
16 May, 2025