ویب ڈیسک : پاکستان پوسٹ نے 78 ویں جشن آزادی پر بڑا اقدام اٹھاتے ہوئے نیا ڈاک ٹکٹ جاری کردیا
پاکستان پوسٹ نے جشن آزادی کے موقع پر 30 روپے کا نیا ڈاک ٹکٹ جاری کر دیا۔پاکستان پوسٹ نے کل جشن آزادی پرپاکستان پوسٹ کے تمام جی پی اوز میں پرچم کشائی کی تقریبات کا بھی اعلان کیا ہے۔
بیان میں کہا گیا کہ ملک بھر کے جی پی اوز کو رنگ برنگی جھنڈیوں اور برقی قمقموں سے دلہن کی طرح سجا دیا گیا ہے۔
سٹی 42: وزیر اعظم شہباز شریف نے کہا ہے کہ ہم دشمن کوبھرپورجواب دینےکی اہلیت رکھتےہیں،پاکستان اسلامی ممالک کی واحد،دنیاکی ساتویں جوہری قوت ہے۔
وزیراعظم شہبازشریف نے مرکزی تقریب سےخطاب کرتے ہوئے کہا کہ آزادی کے78سال مکمل ہونےپرسب کومبارکبادپیش کرتاہوں،آج کادن کےحوالےسےطویل تاریخ ہے،ہمارےبزرگوں کی قربانیاں ہرجگہ نظرآتی ہیں،ان کا کہنا تھا کہ یہ محض آزادی کی جنگ نہیں تھی،دوقومی نظریہ کی فتح تھی،قائداعظم،علامہ اقبال،تحریک پاکستان کےتمام قائدین کوسلام پیش کرتاہوں،چندہی لوگ تاریخ کارخ موڑپاتےہیں۔
وزیر اعظم نے کہا کہ ہم نےاس جشن آزادی کومعرکہ حق کانام دیاہے،بھارت نےجھوٹےالزام کی آڑلےکرپاکستان پرحملہ کیا،اس ےگھمنڈتھاکہ وہ جنگی طاقت کی بدولت پاکستان کوزیرکرےگا،جنگیں صرف ہتھیاروں کی بنیادپرنہیں لڑی جاتیں۔
August 08, 2026
August 08, 2026
سٹی 42: پی ایچ اے کی جانب سے جشن آزادی کی تیاریاں عروج پر ہیں
لاہور کا سب سے بڑا قومی پرچم جیلانی پارک میں لہرا دیا گیا،پرچم کشائی کی تقریب،پی ایچ اے ہیڈکوارٹر روشنیوں سے جگمگا اٹھا
تمام انڈرپاسز اور اہم شاہراوں کو سبز اور سفید برقی قمقموں سے سجا دیا گیا
ویب ڈیسک : یوم آزادی اور معرکہ حق کی مرکزی تقریب میں ترکیہ اور آذربائیجان کی مسلح افواج کا دستہ بھی شریک ہے
اسلام آباد کے جناح اسپورٹس کمپلیکس میں یومِ آزادی اورمعرکہ حق کی فتح کی تقریب میں برادر اسلامی ملک ترکیہ اور آذربائیجان کی مسلح افواج کا دستہ بھی شریک ہوا۔جناح اسپورٹس کمپلیکس میں یومِ آزادی اورمعرکہ حق کی فتح کی تقریب جاری ہے۔تقریب میں صدرمملکت آصف علی زرداری، وزیرِاعظم شہباز شریف اور تینوں مسلح افواج کے سربراہان شریک ہیں،تقریب میں وفاقی کابینہ کے ارکان، قومی اسمبلی اورسینیٹ ارکان اوردوست ممالک کے سفراء بھی شریک ہیں۔یومِ آزادی اور معرکہ حق کی فتح کی تقریب میں بڑی تعداد میں شہری بھی شریک ہیں۔
تقریب میں ترکیہ اور آذربائیجان کی مسلح افواج کے دستوں نے مارچ پاسٹ کیا۔ دونوں برادر ممالک کی افواج کے دستے سلامی کے چبوترے سے گزرے تو عوام کی جانب سے بھی ان کا بھر پور استقبال کیا گیا اور انہیں خراج تحسین پیش کیا گیا۔
August 08, 2026
August 08, 2026
سٹی 42: پودالگائیں،ویڈیوبنائیں،سوشل میڈیاپرشیئرکریں اورجیتیں سرپرائزگفٹس ، وزیر اعلی ٰ پنجاب نے بڑا اعلان کردیا
وزیراعلیٰ پنجاب مریم نوازشریف کاماحول دوست وژن کے مطابقسبزپنجاب کےخواب کوعملی جامہ پہنانےکیلئےعوام کیلئےمحکمہ جنگلات کی خصوصی پیشکش سامنے آگئی
بہترین ویڈیوشیئرکرنےاورجیتنےوالوں کوجنگلات کافری ٹورکروایاجائیگا ،خصوصی آفرمیں حصہ لینے کیلئےآن لائن رجسٹریشن لازمی قرار دی گئی ، عوامی شمولیت کےبغیرسبزپنجاب کاخواب مکمل نہیں ہوسکتا
یہ آفرصرف شجر کاری مہم میں شامل رضاکاروں کے لیےہے،جیتنے والوں کوفری جنگلات کاٹورقدرتی حسن وجنگلات کےتحفظ کی اہمیت سےروشناس کرائیگا۔
محکمہ جنگلات کا کہنا ہے کہ رجسٹرڈرضاکاراپنی پودالگانےکی ویڈیوسوشل میڈیاپرشیئرکریں ،مون سون کےموسم میں لگایاگیاہرپوداآنیوالی نسلوں کاسرمایہ ہے،خصوصی آفرکامقصدعوام کوماحول دوست طرززندگی اپنانےکی ترغیب دیناہے۔
سٹی 42: سی ٹی اولاہور نے جشن آزادی کےحوالےسےشہرکی مختلف شاہراہوں کادورہ کیا اور ہلڑ بازی یا ون ویلنگ کرنے والوں کو خبردار بھی کردیا
سی ٹی اوڈاکٹراطہروحید نے کہا کہ ٹریفک انتظامات کاجائزہ،سپیشل سکواڈزکوبریفنگ،ٹریفک بہاؤیقینی بنانےکی ہدایت کی ،یوم آزادی پرکسی کوبھی ہلڑبازی،ون ویلنگ کی اجازت نہیں دیں گے،فیملیزیاخواتین کوہراساں کرنےوالےخبرداررہیں،ہم ہرلمحہ کارروائی کیلئےتیارہیں کسی قسم کی رعائت نہیں دیں گے۔
سی ٹی اوڈاکٹراطہروحید نے کہا شہری آزادی کاجشن مکمل جوش و خروش سے منائیں،شہری سڑکوں پر ٹریفک کا بہاؤ یقینی بنانے میں ہمارا ساتھ دیں،ٹریفک پولیس کےسپیشل سکواڈزشہربھرمیں پٹرولنگ جاری رکھیں گے،ٹریفک پولیس13اور14اگست کو24گھنٹےتینوں شفٹوں میں کام کریگی،ٹریفک پولیس کےتقریباً3500کےقریب افسران،جوان24گھنٹےڈیوٹی انجام دینگے،
آزادی کاجشن سب ملکرمنائیں گےاورپاکستان زندہ بادکانعرہ بلندکرینگے۔
August 08, 2026
August 08, 2026
سٹی 42: جشن آزادی کی مناسبت سے مال روڈ کو برقی قمقموں سے سجا دیا گیا
واپڈا ہاؤس ، پنجاب اسمبلی کی عمارتوں پر برقی قمقموں سے قومی پرچم بنائے گئے،جشن آزادی پرون ویلنگ اور ہلڑ بازی کو کنٹرول کرنے کیلئے پولیس ہائی الرٹ ہے ،پولیس کے مال روڈ کی جانب انے والے راستوں پر سخت چیکنگ کا عمل جاری ہے ۔
ناکوں کی وجہ سے اہم شاہراہ سمیت اطراف کی سڑکوں پر ٹریفک کا نظام متاثر ہے ، ٹریفک انتظامات نہ ہونے کے باعث مال روڈ پر تاحال رونق بحال نہ ہو سکی
سٹی 42: یوم آزادی اور معرکہ حق کی مرکزی تقریب جناح اسپورٹس اسٹیڈیم اسلام آباد میں جاری ہے۔
صدر مملکت آصف علی زرداری تقریب کے مہمان خصوصی ہیں، وزیرِاعظم شہباز شریف، تینوں مسلح افواج کے سربراہان، قومی اور غیر ملکی شخصیات بھی تقریب میں شریک ہیں۔
تقریب میں مسلح افواج کی پریڈ اور فضائی مظاہرہ بھی ہوگا، وزیراعظم معرکہ حق مونومنٹ کی رونمائی کریں گے۔بھارت کے خلاف تاریخی فتح اور آزادی کا جشن پوری قوم اس وقت دہری خوشی منا رہی ہے، ملک کا ہر شہر، ہر گلی، محلہ سبز ہلالی پرچم کے رنگوں میں رنگ گیا۔ مرکزی تقریب میں وزیر داخلہ محسن نقوی سمیت وزرا اور اہم شخصیات بھی موجود ہیں
قومی اسمبلی میں یوم آزادی اور معرکہ حق پر متفقہ قرارداد منظور کرلی گئی، جس میں وطن کیلئے لازوال قربانیوں کو خراج تحسین پیش کیا گیا، اپنی سالمیت اور خود مختاری کی ہر قیمت پر حفاظت کا عزم دہرایا۔
بھارت کے خلاف تاریخی فتح اور آزادی کا جشن، ملک بھر میں سبز ہلالی پرچموں کی بہار آگئی، شکر پڑیاں پریڈ گراؤنڈ میں شہریوں کیلئے معرکہ حق میں استعمال طیاروں، ٹینکوں، توپوں، ریڈارز اور دیگر جنگی ہتھیاروں کی نمائش بھی کی گئی۔
August 08, 2026
August 08, 2026
سٹی42: پاکستان بھر میں اور پاکستان سے باہر پاکستانی ڈایاسپورا میں پاکستان کی آزادی کا جشن جوش و خروش سے منایا جا رہا ہے۔ پاکستان کے ساتھ وابستگی ظاہر کرنے کا ایک طریقہ سوشل پلیٹ فارمز پر اپنی پروفائل فوٹو کو پاکستانی پرچم سے مزین کرنا بھی ہے۔
یوم آزادی پر فیس بک پر اپنی پروفائل فوٹو کو قومی پرچم سے کیسے سجائیں, آسان طریقہ کار ہم بتا رہے ہیں۔ اس پر عمل کرنا بالکل آسان ہے۔
14 اگست کو ملک بھر میں یوم آزادی روایتی جوش و خروش سے منایا جاتا ہے مگر کیا آپ کو معلوم ہے کہ فیس بک پر بھی آپ اس موقع کو فیس بک پروفائل فوٹو کے ذریعے اپنے جذبات کے اظہار کے لیے استعمال کرسکتے ہیں۔
جی ہاں آپ اپنی فیس بک پروفائل فوٹو کو پاکستانی پرچم سے سجا کر 14 اگست مناسکتے ہیں۔
ویسے تو فیس بک کا اپنا پروفائل فریم بھی ہے مگر وہ اتنا اچھا نہیں جتنا ایک ویب سائٹ ویب سائٹ رینبو فلٹر کا، جسے آپ اس مقصد کے لیے استعمال کرسکتے ہیں۔
سب سے پہلے تو آپ رینبو فلٹر کی ویب سائٹ پر جائیں اور وہاں اپ لوڈ امیج بٹن پر کلک کریں۔
https://rainbowfilter.io/filter/pakistan/
اس کے بعد آپ کے سامنے پروفائل فوٹو پاکستانی پرچم سے سج کر سامنے آجائے گی جس کو آپ ڈاﺅن لوڈ کرکے خود فیس بک پر اپ لوڈ کرسکتے ہیں۔
البتہ اگر آپ پروفائل فوٹو کے لیے فیس بک فریم کو استعمال کرنا چاہتے ہیں تو یہ فیچر ڈیسک ٹاپ ورژن پر ہی کام کرتا ہے۔
اس کے لیے پروفائل فوٹو کو اپ لوڈ کرنے کے آپشن پر کلک کرکے ایڈ فریم کے آپشن کا انتخاب کریں۔
وہاں سرچ فیلڈ پر پاکستان لکھیں گے تو پاکستانی پرچم کا فریم بائیں جانب نظر آئے گا۔
اس پر کلک کرنے پر پروفائل فوٹو میں ایک چھوٹے سے پاکستانی پرچم کا اضافہ ہو جائے گا۔
سٹی 42: یوم آزادی اور معرکہ حق کا جشن منانے کے لیے شہر میں بھرپور آتشبازی ہو گی
صوبائی دارالحکومت میں مجموعی طور پر 10 مقامات پر آتشبازی ہو گی،سرکاری سطح کے علاوہ 8 نجی مقامات پر بھی آتشبازی ہو گی
سی بی ڈی کلمہ چوک، بینکرز سوسائٹی کماہاں انٹرچینج میں آتشبازی ہو گی،پیراگون سٹی، ایل ڈی اے سٹی پر بھی آتشبازی کا مظاہرہ کیا جائے گا
سنٹرل پارک فیروزپور روڈ ،عرفہ کریم ٹاورپرآتشبازی کی جائے گی،الائیڈ سکول غوث گارڈن، ایسٹرن سٹی قائداعظم انٹرچینج پر آتشبازی ہو گی
مونال ریسٹورنٹ لبرٹی کی این او سی کی درخواست رد کر دی گئی ،مونال ریسٹورنٹ کو ملحقہ پٹرول پمپ کی وجہ سے آتشبازی کی اجازت نہ ملی
شہر میں سرکاری سطح پر بھی 2 مقامات پر آتش بازی کی جائے گی،گریٹر اقبال پارک اور لبرٹی چوک گلبرگ میں شاندار آتشبازی کا مظاہرہ کیا جائیگا
آتش بازی آج رات بارہ بجے یوم آزادی شروع ہوتے ہی کی جائے گی
August 08, 2026
August 08, 2026
سٹی 42 : یومِ آزادی پر طلبا و طالبات کا جوش و جذبہ بھی عروج پر ہے، زندہ دلانِ لاہور کے سکولوں اور کالجز میں یومِ آزادی کی مناسبت سے شاندار تقاریب کا انعقاد کیا جارہا ہے، جہاں سٹوڈنٹس کی جانب سے ملی نغمے اور تقاریر سنائی جاتی ہیں۔
فارمن کرسچین کالج میں جشن آزادی کی مناسبت سے شاندار تقریب کا انعقاد کیا گیا ۔ فارمن کرسچین کالج مین گراؤنڈ میں تقریب کا انعقاد کیا گیا۔ یونیورسٹی سپورٹس ڈیپارٹمنٹ نےسٹوڈنٹ ایکٹویٹیزڈیپارٹمنٹ کےاشتراک سے انعقاد کیا۔
یکجہتی، فخر اور حب الوطنی کے عنوان سے تقریب کا انعقاد کیاگیا۔ جس میں ریکٹر ایف سی سی یو ڈاکٹر جوناتھن ایڈلٹن کی بطور مہمان خصوصی شرکت کی۔ اسکے علاوہ اساتذہ اور طلبہ کی کثیر تعداد نے تقریب میں شرکت کی ۔
تقریب میں سٹوڈنٹس کی جانب سےمختلف پرفارمنسز اور دلچسپ سیشنز پیش کیے گئے ۔
سٹی 42: پی ایچ اے کے زیراہتمام جشن آزادی اور معرکہ حق کی مناسبت سے تقریبات جاری ہیں۔
لبرٹی چوک،جیل روڈپرشہریوں میں مفت پودےتقسیم کرنےکیلئےخصوصی کیمپ قائم کیا جا رہا ہے ، سائیکل کارٹس اور کیمپس کے ذریعے شہریوں کو مفت پودے دیئے جا رہے ہیں،جشن آزادی کی خوشیوں کے ساتھ ماحولیاتی تحفظ کا پیغام دیا جا رہا ہے
14اگست شام تک شہریوں میں مفت پودے تقسیم کرنےکا سلسلہ جاری رہے گا
آج رات گریٹر اقبال پارک میں شاندار آتش بازی کا مظاہرہ ہو گا،مال روڈ،گلبرگ،کلمہ چوک،اہم شاہراہوں پرچراغاں،انڈرپاسزبرقی قمقموں سےروشن کیے جائیں گے ،شہر کی شاہراہوں پر تصاویر سے سجی فلوٹ گاڑیاں رواں دواں ہیں ، 14اگست کو نیشنل ہسٹری میوزیم میں مقابلہ مصوری کا انعقاد کیا جا رہا ہے
ڈی جی پی ایچ اے نے کہا مفت پودےدیکرشجرکاری کی اہمیت اُجاگرکی جارہی ہے۔
August 08, 2026
August 08, 2026
سٹی 42: رینجرز حکام نے 14اگست کوواہگہ بارڈر پر پرچم اتارنے کی تقریب میں شہریوں کو دعوت عام دے دی۔
رینجرز حکام نے پریڈ ایریا کے ساتھ ساتھ پنڈال کو شہریوں کیلئے مکمل کھول دیا،رینجرز حکام کی دعوت پر28ہزار شہری پرچم اتارنے کی تقریب دیکھ سکیں گے
شہری کل شام 4بجے سے قبل واہگہ بارڈر کے پریڈ ایونیو تک پہنچیں گے،اس سے قبل واہگہ بارڈر کے پریڈ ایریا میں 8ہزار افراد کے بیٹھنے کی گنجائش تھی،سابق نگران پنجاب حکومت محسن نقوی کے دور میں پریڈ ایریا کو بڑھانے پر کام شروع کیا گیا تھا
سٹی42: یوم آزادی پر ون ویلنگ،ہلڑ بازی روکنے کا چیلنج ؛ ہاٹ سپاٹ پوائنٹ آؤٹ ،خصوصی اینٹی ون ویلنگ سکواڈ تشکیل دے دیا گیا ،لاہور سمیت پنجاب بھر میں 13ہزار افسران و اہلکار ڈیوٹی دینگے
افسران و اہلکار 13اور 14 اگست کی درمیان شب تعینات ہونگے،لاہورمیں 12 ایس پیز ،36 ڈی ایس پیز ڈیوٹیاں سرانجام دینگے،پنجاب بھر میں 24ٹریفک انسپکٹر،2400سے زائد وارڈنز ڈیوٹی دینگے
ڈی آئی جی ٹریفک وقاص نذیر نے کہا لاہور میں 100سے زائد ہاٹ سپاٹس ڈیکلیئر کئے گئے،پنجاب بھر میں 600سے زائد ہاٹ سپاٹ ڈکلیئر کئے گئے،ون ویلنگ ،ریس لگانے والوں کیخلاف سخت کارروائی کی جائے گی،بغیر سائلنسر والی موٹرسائیکلوں کیخلاف بھی سخت کارروائی ہو گی۔
پنجاب بھر میں 255سے زائد مقامات پر ناکے لگائے جائیں گے،72سےزائد خصوصی اینٹی ون ویلنگ سکواڈز تشکیل دے دیے گئے ،خصوصی سکواڈ اہم پوائنٹس پر غیر قانونی سرگرمیوں کی روک تھام کرینگے،اہم چوراہوں پر ڈسٹرکٹ پولیس کیساتھ قیدیوں کی وینز تعینات کی جائیں گی،قوانین کی خلاف ورزی کرنیوالوں کو فوری گرفتار کیا جائے گا،ہر ڈی ایس پی کے تحت ایمرجنسی سکواڈ تعینات کیا جائیگا،
ایمرجنسی سکواڈ کسی بھی ہنگامی صورتحال میں فوری ردعمل دے گا،سڑکیں بلاک کرنیوالوں کی شناخت کیلئے سیف سٹیز کیمروں کا استعمال ہو گا۔
August 08, 2026
August 08, 2026
ویب ڈیسک: معرکہ حق یومِ آزادی پر معروف گلوکار راحت فتح علی خان کا نیا ملی نغمہ ’’پاکستان ہمیشہ زندہ باد‘‘ ریلیز کردیا گیا۔
ملی نغمہ میں ’’پاکستان ہمیشہ زندہ باد‘‘ کے عنوان سے وطن کے جذبے، قربانیوں اور حب الوطنی کے عزم کو خراجِ تحسین پیش کیا گیا ہے۔
نغمے میں وطن سے محبت اور شہداء کی لازوال قربانیوں کو بھرپور خراجِ عقیدت پیش کیا گیا اور خون کے آخری قطرے تک وطن کےلیے قربانیاں دینے کا عزم ظاہر کیا گیا ہے۔
معروف گلوکار کے اس نغمے میں قوم کی بہادری اور شہداء کی قربانیوں کی شاندار داستان بیان کی گئی ہے۔
پاکستان کی عظمت اور عوام کے اتحاد کی واضح جھلک کو خوبصورتی سے پیش کرتے ہوئے نغمے میں بہادری، قربانی اور وطن کے وقار کا دلکش امتزاج شامل کیا گیا ہے۔
یومِ آزادی کے موقع پر آئی ایس پی آر کا جاری کردہ ملی نغمہ قربانی اور تجدیدِ عہد وفا کا پیکر ہے۔
ویب ڈیسک : کراچی میں جشنِ آزادی اور معرکۂ حق کی مناسبت سے خصوصی آزادی ٹرین کا افتتاح کیا گیا، جو مختلف شہروں میں جاکر تقاریب اور ثقافتی نمائشوں کا حصہ بنے گی۔
سینئر وزیر سندھ شرجیل میمن نے فیتہ کاٹ کر خصوصی آزادی ٹرین کا افتتاح کیا ، صوبائی وزیر نے کینٹ اسٹیشن پر جشن آزادی کا کیک بھی کاٹا۔
اس موقع پر گفتگو کرتے ہوئے شرجیل میمن کا کہنا تھا کہ کلچر ڈیپارٹمنٹ کی جانب سے ڈیزرٹ ٹرین پہلے سے چل رہی ہے ، خصوصی آزادی ٹرین مفت چلائی جا رہی ہے۔
انہوں نے کہا کہ جشن آزادی کے ساتھ معرکہ حق کی کامیابی کو جوش و خروش سے منایا جا رہا ہے، ہماری فورسز نے معرکہ حق میں بھارت کو دھول چٹائی، بھارت کو اپنی ٹیکنالوجی پر بہت غرور تھا۔
ان کا کہنا تھا کہ ہمیں اپنے اختلافات بھلا کر تمام چیلنجز کا مقابلہ کرنا ہے، سندھ حکومت نے ہمیشہ غریب عوام کی بات کی ہے، شرجیل میمن
سندھ حکومت ہر شعبے میں بہتری کی جانب گامزن ہے، عوام کو صرف سیاسی نعرے نہیں چاہئیں۔
August 08, 2026
August 08, 2026
سٹی 42 : یومِ آزادی پر طلبا و طالبات کا جوش و جذبہ بھی عروج پر ہے، زندہ دلانِ لاہور کے سکولوں اور کالجز میں یومِ آزادی کی مناسبت سے شاندار تقاریب کا انعقاد کیا جارہا ہے، جہاں سٹوڈنٹس کی جانب سے ملی نغمے اور تقاریر سنائی جاتی ہیں۔
ا ل م گورنمنٹ اپواسکول وارث روڈمیں یوم آزادی کی مناسبت سے تقریب انعقاد کیا گیا۔ تقریب میں سبز و سفید لباس میں ملبوس پیارے پیارے بچوں نے وطن سے محبت کا اظہار کیا، قومی پرچم تھامے بچوں نے ملی نغمے بھی گائے۔ بچوں کی وطن سے محبت پر دلکش پرفارمنس سے شرکا خوب محظوظ ہوئے۔
تقریب میں ڈائریکٹر اللہ والے ٹرسٹ شیخ پرویز، ڈائریکٹر پیلاک بینش ساہی نے شرکت کی، جنہوں نے طلبا کی کارکردگی کو سراہا۔
پرنسپل حبا علی گوہر اور وائس پرنسپل ماہم نور کی جانب سے تقریب کی میزبانی کی گئی۔
سٹی 42 : یومِ آزادی پر طلبا و طالبات کا جوش و جذبہ بھی عروج پر ہے، زندہ دلانِ لاہور کے سکولوں اور کالجز میں یومِ آزادی کی مناسبت سے شاندار تقاریب کا انعقاد کیا جارہا ہے، جہاں سٹوڈنٹس کی جانب سے ملی نغمے اور تقاریر سنائی جاتی ہیں۔
نشتر ٹاؤن کے کیپس ایف پی آر کالج میں یومِ آزادی کی شاندارتقریب کا انعقاد کیا گیا، جہاں طلبا و طالبات کے ملی نغمے، تقاریر اور رنگا رنگ پروگرام پیش کیا گیا۔ اس موقع پر باب ارقم گروپ آف انسٹیٹیوشنز کے سی ای او رضا احمد رانا، افضل احمد رانا شریک ہوئے۔ اس کے علاوہ اسسٹنٹ ڈائریکٹر باب ارقم گروپ آف انسٹیٹیوشنز محمد یاسین، اسسٹنٹ ڈائریکٹر کیپس کالج فیاض احمد رانا نے بھی شرکت کی۔
تقریب میں پرنسپل کیپس کالج شہباز بٹ سمیت دیگر اساتذہ بھی موجود تھے ۔ اس موقع پر قومی پرچم کے رنگوں سے پوری عمارت کو خوبصورتی سے سجادیا گیا، جشنِ آزادی کاجوش و خروش عروج پر دکھائی دیا۔ اساتذہ اور سٹوڈنٹس نے وطن سے محبت کے عزم کا اعادہ کیا ۔
August 08, 2026
13 Aug, 2025
13 Aug, 2025
13 Aug, 2025
13 Aug, 2025
13 Aug, 2025
13 Aug, 2025
13 Aug, 2025
13 Aug, 2025
سٹی42: پاکستان بھر میں اور پاکستان سے باہر پاکستانی ڈایاسپورا میں پاکستان کی آزادی کا جشن جوش و خروش سے منایا جا رہا ہے۔ پاکستان کے ساتھ وابستگی ظاہر کرنے کا ایک طریقہ سوشل پلیٹ فارمز پر اپنی پروفائل فوٹو کو پاکستانی پرچم سے مزین کرنا بھی ہے۔
یوم آزادی پر فیس بک پر اپنی پروفائل فوٹو کو قومی پرچم سے کیسے سجائیں, آسان طریقہ کار ہم بتا رہے ہیں۔ اس پر عمل کرنا بالکل آسان ہے۔
14 اگست کو ملک بھر میں یوم آزادی روایتی جوش و خروش سے منایا جاتا ہے مگر کیا آپ کو معلوم ہے کہ فیس بک پر بھی آپ اس موقع کو فیس بک پروفائل فوٹو کے ذریعے اپنے جذبات کے اظہار کے لیے استعمال کرسکتے ہیں۔
جی ہاں آپ اپنی فیس بک پروفائل فوٹو کو پاکستانی پرچم سے سجا کر 14 اگست مناسکتے ہیں۔
ویسے تو فیس بک کا اپنا پروفائل فریم بھی ہے مگر وہ اتنا اچھا نہیں جتنا ایک ویب سائٹ ویب سائٹ رینبو فلٹر کا، جسے آپ اس مقصد کے لیے استعمال کرسکتے ہیں۔
سب سے پہلے تو آپ رینبو فلٹر کی ویب سائٹ پر جائیں اور وہاں اپ لوڈ امیج بٹن پر کلک کریں۔
https://rainbowfilter.io/filter/pakistan/
اس کے بعد آپ کے سامنے پروفائل فوٹو پاکستانی پرچم سے سج کر سامنے آجائے گی جس کو آپ ڈاﺅن لوڈ کرکے خود فیس بک پر اپ لوڈ کرسکتے ہیں۔
البتہ اگر آپ پروفائل فوٹو کے لیے فیس بک فریم کو استعمال کرنا چاہتے ہیں تو یہ فیچر ڈیسک ٹاپ ورژن پر ہی کام کرتا ہے۔
اس کے لیے پروفائل فوٹو کو اپ لوڈ کرنے کے آپشن پر کلک کرکے ایڈ فریم کے آپشن کا انتخاب کریں۔
وہاں سرچ فیلڈ پر پاکستان لکھیں گے تو پاکستانی پرچم کا فریم بائیں جانب نظر آئے گا۔
اس پر کلک کرنے پر پروفائل فوٹو میں ایک چھوٹے سے پاکستانی پرچم کا اضافہ ہو جائے گا۔
13 Aug, 2025
13 Aug, 2025
13 Aug, 2025
13 Aug, 2025
13 Aug, 2025
13 Aug, 2025
13 Aug, 2025
13 Aug, 2025
13 Aug, 2025