سٹی42: بھارت کی جانب سے دریاؤں میں پانی چھوڑے جانے کے بعد آبی ریلے نے بہاولنگر، قصور، نارروال، جھنگ اور پاکپتن میں تباہی مچا دی، جس سے متعدد دیہات زیرآب آگئے اور فصلیں ڈوب گئیں۔
دریائے چناب کے ریلوں سے جھنگ کے علاقے بیلہ جبانہ،بستی کھوہ، جان محمد،جبانہ اورمگھیانہ میں فصلیں اوردرجنوں گھرتباہ ہوگئے جبکہ چشتیاں کے مقام پر دریا کے تیز بہاؤسے حفاظتی بند ٹوٹ گیا نشیبی بستیاں متاثر ہیں، جس سے علاقہ مکین سخت مشکلات کا شکار ہیں۔
سٹی42: وزیر دفاع خواجہ آصف نے سیالکوٹ مین سیلاب کی اصل وجہ بتا دی۔
خواجہ آصف نے یہ بھی کہا کہ حالیہ سیلاب کو بھارتی آبی جارحیت نہیں کہہ سکتا بھارت نے پروٹوکول کے مطابق دوبار سیلاب کی پیشگی اطلاع دی۔
خواجہ آصف نے کہا کہ جموں سے بہنے والے تمام نالے ہی سیالکوٹ کے علاقہ سے گزرتے ہیں۔ سیال کوٹ کو روایتی طور پر ہمیشہ ہی سیلاب کا سامنا کرنا پڑتا ہے لیکن اب یہاں زیادہ تباہی اس لئے ہو رہی ہے کہ لوگوں نے نالوں کے راستوں پر قبضہ کر کے مکان اور فیکٹریاں بنا لئے ہیں۔
نیوز چینل کے نمائندہ کے سوالات کا جواب دیتے ہوئے خواجہ آصٖف نے بتایا کہ اب جو سیلاب آیا ہے اس میں چالیس پچاس ایسے گھر ڈوبے ہیں جو نالوں کے راستے پر قبضے پر کے بنائےگئے تھے۔
خواجہ آصف علی نے کہا کہ اڑتیس سال بعد پنجاب میں بیک وقت تین دریاؤں میں سیلاب آئے ہیں۔ فوج اور حکومت کے تمام ادارے مل کر اس سیلاب کا مقابلہ کر رہے ہیں۔
ایک نیوز چینل کے ٹاک شو میں گفتگو کرتے ہوئے خواجہ آصف نے کہا کہ بھارت نے سیلاب سے متعلق 2 بار اطلاع دی ہے بھارت ہمیشہ سے ہی سیلاب کی پیشگی اطلاع دیتا رہا ہے بھارت بعض اوقات عین سیلاب کے وقت وارننگ دیتا ہے۔
خواجہ آصف نے کہا کہ سیلابی ریلوں سے متعلق بھارت کی شرارت کے کوئی ثبوت نہیں بھارت نے اس بار ڈیم سے پانی ریلیز کرنےکے بعد بھی بتایا ہم بھی ڈیم سے پانی ریلیز کرتے ہیں اگر نہ کریں تو آبادی کو خطرہ ہوتا ہے۔
ان کا کہنا تھا کہ شہری آبادی میں 50 سال بعد اس طرح کی شدید بارش ہوئی ہے ہمارے ہاں آبی گزرگاہوں پر تجاوزات بہت زیادہ ہیں، سیالکوٹ کے وسط سے گزرنے والے نالے پر تجاوزات ہیں ان کے دونوں طرف فیکٹریاں ہیں، دریاؤں اور نالوں کےکنارے پر تجاوزات نہیں ہونی چاہیے اگر چاہیں تو تجاوزات 3 دن میں ختم کر سکتے ہیں، شہری آبادی میں تجاوزات کے خاتمےکےلیے سروے شروع کر رہے ہیں۔
وزیر دفاع نے مزید کہا کہ سرکاری زمین پر پیشہ ور لوگ غیرقانونی تعمیرات کرتے ہیں سرکاری زمینوں کی لوٹ مار لگی ہوئی ہے ہر کوئی قبضہ کرلیتا ہے بارشوں کے بعد تجاوزات کےخلاف کارروائی کی جائے گی۔
میڈیا کے نمائندوں سے باتیں کرتے وئے خواجہ آصف نے یہ بھی کہا کہ بلدیاتی نظام کی عدم موجودگی میں بہت سے مسائل ہیں جو حل نہیں ہو سکتے۔
August 08, 2026
August 08, 2026
سٹی42: ٹھوکر نیاز بیگ کے علاقہ میں نجی ہاؤسنگ سوسائٹیوں تک راوی دریا کا سیلابی پانی پہنچ گیا۔ کئی آبادیوں کے راوی کے سیلاب کی زد میں آنے کا خدشہ شدید ہو گیا۔
ٹھوکر نیاز بیگ کے نزدیک واقع ایک نجی ہاؤسنگ سوسائٹی کے عقب میں دریائے راوی میں پانی کے بہاؤمیں اضافہ ہوا ہے۔
پاک فوج اور ضلعی انتظامیہ کی جانب سے اس علاقہ کی آبادیوں کو راوی کے ممکنہ سیلاب سے بچانے کے لئے حفاظتی انتظامات کئے جا رہے ہیں۔ سیلاب کے پانی کی ممکنہ آمد کو روکنے کیلئے ہنگامی بنیاد پر حفاظتی بند بنائے جا رہے ہیں۔
وفاقی وزیر عبدالعلیم خان نے علاقے کا دورہ کیا اور حفاظتی انتظامات کا جائزہ لیا۔
متاثرہ علاقے سے شہریوں اور مویشیوں کو نکال لیا گیا۔
سیلابی پانی کے بڑھنے کے خدشہ کے پیش نظر شہریوں کو دور رہنے کی ہداہات کی جا رہی ہیں۔
سٹی42: ضلع سرگودھا کی تحصیل کوٹ مومن میں سیلاب کے باعث تعلیمی ادارے 7 روز کے لیے بند کر دیئے گئے۔
کوٹ مومن کے تعلیمی ادارے 7 روز کے لیے بند رکھنے کا نوٹیفکیشن بھی جاری کر دیا گیا۔ جس کے مطابق تعلیمی ادارے 2 ستمبر تک بند رہیں گے.
سرگودھا کی تحصیل کوٹ مومن میں سیلاب کے خطرے کے پیش نظر تعلیمی ادارے بند رکھنے کا اعلان کیا گیا۔ انتظامیہ کے مطابق یہ فیصلہ بچوں کی حفاظت کے لیے کیا گیا ہے تاکہ کوئی نقصان نہ ہو۔
اس وقت پنجاب میں دریائے ستلج، دریائے راوی (Ravi River) اور دریائے چناب میں شدید سیلاب کی صورتحال ہے۔ اور اطراف کے کئی دیہات پانی میں ڈوب چکے ہیں۔ جس کی وجہ سے ہزاروں ایکڑ فصلیں بھی تباہ ہو گئیں۔
حکومت پنجاب نے سیلاب کے باعث کئی اضلاع میں ایمرجنسی بھی نافذ کر دی ہے۔
واضح رہے کہ بھارت کی جانب سے دریاؤں میں بغیر اطلاع پانی چھوڑنے کے باعث سیلاب کی صورتحال پیدا ہوئی۔ اور سیلاب سے پنجاب کے کئی اضلاع متاثر ہوئے ہیں۔ سیلابی صورتحال کے باعث پنجاب میں امدادی سرگرمیوں کے لیے فوج کو بھی طلب کر لیا گیا ہے۔
August 08, 2026
August 08, 2026
سٹی42: سیالکوٹ میں دریائے چناب کے سیلابی ریلے میں7 افراد بہہ گئے۔
سیالکوٹ کے دیہاتی علاقہ میں پانی میں پھنسے رشتے داروں کو بچانے کیلئے جانے والا نوجوان بھی لاپتا ہو گیا۔بہہ جانے والے 7 افراد میں سے 5 کا تعلق ایک ہی خاندان سے ہے، چار افراد کی لاشیں نکال لی گئی جبکہ3 کی تلاش جاری ہے۔
سیالکوٹ میں دریائے چناب کے سیلابی ریلے میں 7 افراد بہہ گئے، رشتے داروں کو لینے جانے والا نوجوان بھی لاپتہ ہو گیا،بہہ جانے والے افراد میں ماجرہ کلاں کے ایک ہی خاندان کے 5 افراد شامل ہیں،بہہ جانے والوں میں دو خواتین دو بچیاں اور ایک بچے سمیت دو مرد شامل ہیں۔
ماجران کلاں کی دو خواتین اور ایک بچی جبکہ ایک مرد کی لاش نکال لی گئی جبکہ 1 بچے سمیت تین مرد تاحال لاپتہ ہیں جن کی تلاش جاری ہے۔گاؤں سے باہر ڈیرہ پر رشتہ داروں کو لینے جانے والا شانی بھی لاپتہ ہے۔
دریائے چناب کے اوور فلو ہونے سے 50 سے زائد دیہات زیر آب آ گئے،حکام کے مطابق 110 محصور افراد کو ریسکیو کر لیا گیا،شدید طغیانی کے باعث لوگ اپنے گھروں میں محصورہیں،شہر سے نکلنے والے تمام راستوں پر پانی جمع ہے۔
ہیڈ خانکی پر پانی کی مقدارِ 10 لاکھ 32 ہزار کیوسک ریکارڈ کی گئی،ہیڈ قادر آباد پر پانی کی مقدار 10 لاکھ 77 ہزار کیوسک ریکارڈ کی گئی۔
آئندہ 30 گھنٹے میں جھنگ میں پانی کے بڑے ریلے پہنچیں گے،موضع بیلہ جبانہ، موضع ٹوپہ بیلہ، مسن، کھڑکھن، علی حسن کے علاقوں سے انخلاء جاری ہے،سیلابی پانی سے دریائی علاقوں کے مکین مشکل میں آ گئے، رات میں بھی مکینوں کی جانب سے نقل مکانی جاری ہے۔
دریائے چناب میں پانی کے بہاؤ میں مسلسل اضافہ ہو رہا ہے،کوٹ مومن میں ہنگامی حالات سے نمٹنے کیلئےضلعی انتظامیہ بھی متحرک ہے،رات گئے مزید پانچ لاکھ کیوسک پانی کا ریلا گزرنے کا امکان ہے،پاک فوج،پولیس،محکمہ صحت کی ٹیمیں ہائی الرٹ ہیں،متاثرین کیلئے فلڈ ریلیف کیمپ لگا دیئے گئے۔
پانی میں پھنسے رشتے داروں کو بچانے کیلئے گیا نوجوان بھی لاپتا ہو گیا۔ سیلاب میں بہہ جانے والے 7 افراد میں سے 5 کا تعلق ایک ہی خاندان سے ہے۔ چار افراد کی لاشیں نکال لی گئی جبکہ3 کی تلاش جاری ہے۔
رشتے داروں کو لینے جانے والا نوجوان بھی لاپتہ ہو گیا،بہہ جانے والے افراد میں ماجرہ کلاں کے ایک ہی خاندان کے 5 افراد شامل ہیں،بہہ جانے والوں میں دو خواتین دو بچیاں اور ایک بچے سمیت دو مرد شامل ہیں۔
ماجراں کلاں کی دو خواتین اور ایک بچی جبکہ ایک مرد کی لاش نکال لی گئی جبکہ 1 بچے سمیت تین مرد تاحال لاپتہ ہیں جن کی تلاش جاری ہے۔گاؤں سے باہر ڈیرہ پر رشتہ داروں کو لینے جانے والا شانی بھی لاپتہ ہے۔
دریائے چناب کے اوور فلو ہونے سے 50 سے زائد دیہات زیر آب آ گئے،حکام کے مطابق 110 محصور افراد کو ریسکیو کر لیا گیا،شدید طغیانی کے باعث لوگ اپنے گھروں میں محصورہیں،شہر سے نکلنے والے تمام راستوں پر پانی جمع ہے۔
ہیڈ خانکی پر پانی کی مقدارِ 10 لاکھ 32 ہزار کیوسک ریکارڈ کی گئی،ہیڈ قادر آباد پر پانی کی مقدار 10 لاکھ 77 ہزار کیوسک ریکارڈ کی گئی، آئندہ 30 گھنٹے میں جھنگ میں پانی کے بڑے ریلے پہنچیں گے،موضع بیلہ جبانہ، موضع ٹوپہ بیلہ، مسن، کھڑکھن، علی حسن کے علاقوں سے انخلاء جاری ہے،سیلابی پانی سے دریائی علاقوں کے مکین مشکل میں آ گئے، رات میں بھی مکینوں کی جانب سے نقل مکانی جاری ہے۔
سٹی42: راوی دریا میں گنجائش سے بہت زیادہ پانی کہاں سے آیا، اب اس معاملہ کے نئے حقائق سامنے آ رہے ہیں۔
بھارت کے میڈیا میں حکام کی طرف سے یہ دعویٰ سامنے آ رہا ہے کہ راوی دریا کا رخ موڑنے کے لئے جو ہیڈورکس بنایا گیا تھا، اس کے دروازے ٹوٹ کر بہہ گئے اور بہت سا پانی راوی میں۔ اس دعوی کی تصدیق کا کوئی ذریعہ سردست دستیاب نہیں کہ مادھوپور ہیڈورکس کے دروازے ٹوٹ گئے تھے یا توڑے گئے۔
بھارت میں میڈیا مین رپورٹ کیا گیا ہے کہ دریائے راوی کا پانی موڑنے کے لیے بنائے گئے مادھو پور ہیڈورکس کے بھی سیلاب میں بہہ گئے۔
بھارتی میڈیا کے مطابق سیلابی ریلے مادھو پور ہیڈ ورکس کے کم از کم 2 گیٹ پانی میں بہہ گئے جس سے ہیڈ ورکس کو کنٹرول کرنے کے لیے موجود عملہ پھنس گیا۔
بھارتی میڈیا کے بتانا ہے کہ عملے کو ریسکیو کرنے کے لیے ہیلی کاپٹر کا استعمال کیا گیا۔
بھارتی میڈیا کے مطابق ضلع گرداس پور میں دریائے راوی پر قائم مادھو پور ہیڈ ورکس میں 54 فلڈ گیٹس نصب ہیں۔
اس ہیڈ ورکس سے راوی کا پانی موڑ کر گرداس پور، امرتسر اور دیگر علاقوں کو فراہم کیا جاتا رہا ہے۔
بھارتی میڈیا کی ایک رپورٹ میں بتایا گیا کہ بھارتی آرمی ایوی ایشن نے CRPF کے 22 اہلکاروں کے ساتھ 3 شہریوں کو ہیلی کاپٹر سے نکالا جو کل سے مادھو پور ہیڈ ورکس (پنجاب) کے قریب پھنسے ہوئے تھے۔
آج بدھ کی صبح 6 بجے آرمی ایوی ایشن کے ہیلی کاپٹروں کو مشکل حالات کے باوجود بچاؤ کا کام شروع کیا گیا۔ تمام پھنسے ہوئے افراد کو بحفاظت نکال کر محفوظ مقام پر لایا گیا۔
رپورٹ مین بتایا گیا کہ یہ 25 لوگ جس عمارت میں پناہ لئے ہوئے تھے، وہ ان کے خالی ہونے کے فوراً بعد منہدم ہو گئی۔
August 08, 2026
August 08, 2026
سٹی42: پنجاب کے دریاؤں پر آج جمعرات کی صبح طلوع ہونے سے پہلے کیا گزر رہی ہے، تازہ ترین اعداد و شمار دریاؤں میں ہولناک سیلاب کی دردناک تصویر پیش کر رہے ہیں۔
چناب میں انتہائی غیر معمولی پانی
پنجاب میں دریاؤں سے گزرنے والے سیلابی ریلوں کے تازہ ترین اعداد و شمارریلیز کر دیئے گئے ہیں۔
ڈائریکٹر ریجنل میٹ آفس لاہور علیم الحسن رامے کے مطابق دریائے چناب میں ہیڈ خانکی سے 10 لاکھ 14 ہزار 443 کیوسک جبکہ قادرآباد سے 10 لاکھ 70 ہزار 951 کیوسک کا ریلا گزر رہا ہے۔
ڈائریکٹر ریجنل میٹ آفس لاہور کے مطابق قادرآباد پر انتہائی اونچے درجےکا سیلاب ہے جبکہ دریائےچناب میں ہیڈ مرالہ کے مقام پر 3لاکھ 12 ہزار918 کیوسک کا ریلا گزررہا ہے۔
دریائے راوی میں جسڑ کے مقام پر ایک لاکھ 89 ہزار 380 کیوسک کا ریلا گزر رہا ہے جبکہ شاہدرہ کے مقام پر 91 ہزار 400 کیوسک کا ریلا گزررہا ہے۔
ڈائریکٹر ریجنل میٹ آفس لاہور کے مطابق آج رات شاہدرہ سے ڈیڑھ سے 2 لاکھ کیوسک کا ریلا گزرے گا۔
دریائے راوی پر بلوکی سے 80 ہزار کیوسک کا ریلا گزر رہا ہے، یہ درمیانے درجے کا سیلاب ہے۔
علیم الحسن رامے کا کہنا ہے کہ جسڑ سے پانی شاہدرہ میں آئے گا اورپھر وہاں سے بلوکی میں جائے گا۔
خیال رہے کہ دریاؤں میں سیلابی صورتحال کے حوالے سے یہ اعداد و شمار رات 11 بجے تک کے ہیں۔
سٹی42: چناب میں پانی کا بہت بڑا ریلا گزر رہا ہے اور اس کے پیچھے زیادہ برا ریلا آ رہا ہے۔ چناب پر بنے بڑے بیراج قادر آباد بیراج کے چناب کی کانگ میں بہہ جانے کا شدید خطرہ اب بھی برقرار ہے۔ انتظامیہ قادر آباد بیراج سے پہلے دریا کے پانی کو سیلاب کی صورت میں سمیٹے رکھنے کے لئے خطیر سرمایہ اور محنت سے بنائے بند میں ایک اور بڑا شگاف ڈالنا پڑ گیا۔ نیا شگاف علی پور چٹھہ کے علاقہ مین بنائے گئے حفاظتی بند میں ڈالا گیا ہے۔
پہلے یہ اطلاعات آئی تھیں کہ انتظامیہ ایک اور بند توڑنے کی تیاری کر رہی ہے۔ اگر بیراج کو خطرہ برقرار رہا تو بند میں شگاف ڈال کر بیراج تک آنے والے پانی میں سے کچھ پانی کو ڈائیورٹ کرنے کی کوشش کی جائے گی۔ اس عمل سے گوجرانوالہ اور منڈی بہاؤلدین ضلع میں مزید بہت سے علاقے زیر آب آ جائیں گے لیکن بیراج بچ جائے گا اور کہیں زیادہ خوفناک سیلاب سے بچنا ممکن ہو جائے گا۔
آج شام تک قادر آباد بیراج سے نو لاکھ کیوسک سے کچھ زیادہ پانی گزر رہا تھا۔ قادر آباد بیراج سے کچھ پانی چناب کی نہروں میں ڈالا جاتا ہے جو اس وقت اپنی مکمل گنجائش کا پانی لے کر چل رہی ہیں۔
پی ڈی ایم اے کے ڈائریکٹر جنرل عرفان علی کاٹھیا نے تصدیق کی ہے کہ چناب پر بنے بڑے بیراج قادر آباد بیراج کو بچانے کے لئے حفظتی بند میں ایک اور شگاف ڈالا جا رہا ہے۔ انہوں نے بتایا کہ انفراسٹرکچر کوئی کوئی خطرہ نہیں ہے۔
چناب کی صورتحال
ڈائریکٹر ریجنل میٹ آفس لاہور علیم الحسن رامے کے مطابق دریائے چناب میں ہیڈ خانکی سے 10 لاکھ 14 ہزار 443 کیوسک جبکہ قادرآباد سے 10 لاکھ 70 ہزار 951 کیوسک کا ریلا گزر رہا ہے۔
ڈائریکٹر ریجنل میٹ آفس لاہور کے مطابق قادرآباد پر انتہائی اونچے درجےکا سیلاب ہے جبکہ دریائےچناب میں ہیڈ مرالہ کے مقام پر 3لاکھ 12 ہزار918 کیوسک کا ریلا گزررہا ہے۔
قادر آباد بیراج کی گنجائش کیا ہے، بیراج ٹوٹا تو کیا ہو گا
اگر قادر آباد ہیڈ ورکس ٹوٹ گیا تو حافظ آباد اور چنیوٹ کے علاقے شدید متاثر ہوں گے۔
پی ڈی ایم اے پنجاب کے مطابق ہیڈ قادر آباد کے مقام پر انتہائی خطرناک اونچے درجے کا سیلاب برقرار ہے جہاں پانی کا بہاؤ 10 لاکھ 77 ہزار کیوسک ریکارڈ کیا گیا ہے۔ تاہم ہیڈ ورکس کی موجودہ صلاحیت صرف آٹھ لاکھ کیوسک ہے۔
خیال رہے اس سے قبل بدھ کے روز قادر آباد ہیڈ ورکس کو بچانے کے لیے منڈی بہاؤالدین کی طرف ایک شگاف ڈالا گیا تھا، آج شب علی پور چٹھہ کا حفاظتی بند بھی توڑ دیا گیا۔ تاہم پانی کے بہاؤ میں مسلسل اضافے کی وجہ سے ہیڈ ورکس پر دباؤ برقرار ہے۔
قادر آباد بیراج کیا ہے
قادر آباد بیراج، پنجاب، پاکستان میں دریائے چناب پر ہائیڈرولک انجینئرنگ کا ایک اہم منصوبہ ہے، جو 1967 میں سندھ طاس منصوبے کے حصے کے طور پر شروع ہوا تھا۔ یہ ایک اہم ٹرانسفر پوائنٹ کے طور پر کام کرتا ہے۔ جو دریائے جہلم سے (منگلا ڈیم سے چھوڑا گیا پانی) "رسول قادر آباد (RQ) لنک کینال" کے ذریعے پانی لے کر، یہیں سے " قادر آباد بلوکی (QB) لنک کینال" کے ذریعے دریائے راوی میں ڈالتا ہے، جو بالآخر "لوئر باری دوآب لنک مانکی' اور ـ(BS) بلوکی" کو فراہم کرتا ہے۔
چناب میں پانی کہاں سے آ رہا ہے
دریائے چناب میں پانی جموں و کشمیر کے سینکڑوں ندیوں، نالوں ور توی جیسے کئی چھوٹےدریاؤں سے آتا ہے۔
مقبوضہ کشمیر مین دو دن پہلے کی بارشوں سے کشمیر کے تمام علاقوں کے نالوں، ندیوں اور دریاؤں میں اونچے درجہ کا سیلاب آیا، ان تمام آبی ذرائع کا پانی اب چناب میں پہنچ رہا ہے۔ اس کے ساتھ اندیا کی جانب سے ڈیم سے بھی پانی چھوڑنے کی حرکتیں کی جا رہی ہیں جن کی پاکستان کو بروقت اطلاع تک نہیں دی جاتی۔
اس وقت چناب میں ہیڈ خانکی سے 10 لاکھ 14 ہزار 443 کیوسک جبکہ قادرآباد سے 10 لاکھ 70 ہزار 951 کیوسک کا ریلا گزر رہا ہے۔
ڈائریکٹر ریجنل میٹ آفس لاہور کے مطابق قادرآباد پر انتہائی اونچے درجےکا سیلاب ہے جبکہ دریائےچناب میں ہیڈ مرالہ کے مقام پر 3لاکھ 12 ہزار918 کیوسک کا ریلا گزررہا ہے۔
ماہرین کا کہنا ہے کہ قادر پور براج سے پانی کے برے ریلے خیریت سے گزر گئے تو اس سے نیچے دریا مین زیادہ پانی کی وجہ سے کچھ نشیبی علاقے تو زیر آب آئیں گے لیکن جنوب میں بڑھتے ہوئے سیلاب کسی حد تک مینیج ایبل ہو جائے گا اور اس سے انفراسٹرکچر اور آبادیوں کو زیادہ خطرہ نہیں رہے گا۔
August 08, 2026
August 08, 2026
سٹی42: وزیراعلیٰ مریم نواز نے تصدیق کی ہے کہ آج شب لاہور کے ملحقہ بڑی آبادی شاہدرہ کو راوی کے سیلاب سے شدید خطرہ ہے، شاہدرہ میں خطرہ سے دوچار علاقوں مین انخلا تیزی سے کروایا جا رہا ہے۔ مریم نواز نے 38 سال میں پہلی مرتبہ راوی، ستلج اور چناب میں بیک وقت سیلاب آنے کو انتہائی غیر معمولی صورتحال قرار دیا اور کہا کہ وہ صوبے میں سب سے بڑا اور غیر معمولی ریسکیو اینڈ ریلیف آپریشن کریں گی۔
وزیراعلیٰ مریم نواز نے آج لاہور میں ہنگامی نیوز کانفرنس کی۔ انہوں نے سیلاب کی صورتحال، مون سون کی غیر معمولی بارشوں کے دوران ہی بھارت کی طرف سے دریاؤں مین بہت زیادہ پانی چھوڑ دیئے جانے کو پنجاب کے حالیہ سیلاب کی وجہ قرار دیا۔
وزیراعلیٰ مریم نواز نے بتایا کہ پنجاب میں سیلاب متاثرین کے لئے گرینڈ ریسکیواینڈ ریلیف آپریشن جاری ہے۔متاثرین کی مدد اور دیکھ بھال کے لئے 263 ریلیف کیمپ، 161 میڈیکل کیمپ قائم کئے جا چکے ہیں۔ خوراک، علاج اور عارضی پناہ گاہیں فراہم کردی گئی ہیں۔
مریم نواز نے کہا، سیلاب سے متاثر ہونے والے شہریوں کو جو بھی مدد درکار ہو گی وہ حکومت تمام دوسرے کام چھوڑ کر فراہم کرے گی۔
تاریخ کا سب سے بڑا ریسکیو آپریشن
انہوں نے بتایا کہ پنجاب میں سیلاب متاثرین کے لئے گرینڈ ریسکیواینڈ ریلیف آپریشن جاری ہے۔
مریم نواز کا کہنا ہے کہ 38 سال بعد پنجاب کی تاریخ میں پہلی بار تیں دریاؤں میں سیلاب کی وجہ سے صوبے میں سب سے بڑا اور غیر معمولی ریسکیو اینڈ ریلیف آپریشن شروع کیا گیا ۔
جہاں جہاں پانی آیا ہے، وہاں بروقت، فوری انخلا سے لوگوں کی قیمتی جانیں بچ گئی ہیں۔
لائیو سٹاک اور زرعی پیداوار، گھروں کا نقصان؛ مکمل لاش شیتیں بنائیں
مریم نواز نے کہا اچھی بات یہ ہے کہ لائیو سٹاک کا نقصان نہین ہوا۔ فصلوں کا جو نقصان ہوا ہے، لائیو سٹاک کا، جانوں کا، گھروں کا جو بھی نقصان پہنچا ہے، اس کی مکمل لاس شیٹیں بنائیں۔
لوگوں کو محفوظ ایریاز مین لائین تو ان کے لائیو سٹاک کے چارے، پانی اور علاج معالجے کا مکمل انتظام کریں۔ جانوروں کی ویکسینیشن پہلے کریں۔ وٹرنری ٹیمیں ہر جگہ پہنچائیں۔
متاثرہ شہریوں کی بھی ویکسینیشن کریں۔
جہاں جہاں ریت کے تھیلوں سے پانی کی آمد کو روکا جا سکتا ہے وہاں سیند بیگ استعمال کر کے پانی کی آمد کو روکیں۔
سڑکیں جو ٹوٹ گئیں، راستے جو بند ہوئے ان سب کو بحال کریں۔
چھ لاکھ شہری متاثر ہو چکے
انہوں نے بتایا، دریائے راوی، ستلج اور چناب میں سیلاب سے پنجاب کے کل 769 موضع جات کے 6 لاکھ ایک ہزار 126 شہری متاثر ہیں۔ ہسپتالوں میں ایمرجنسی نافذ، عملے کی چھٹیاں منسوخ کردی گئیں۔
مریم نواز نے کہا، 2023 میں جب ایسی صورتحال ہوئی تھی، تب نقصانات اس سے بہت زیادہ تھے، آج واقعتاً سارا پنجاب سیلاب سے متاثر ہو رہا ہے۔ لیکن انتظامیہ نے بہت اچھی تیاری شو کی ہے۔
ستلج، راوی، چناب کے پانی کو کہیں نکالنے کی کوئی جگہ بھی نہیں
بہت سے نشیبی علاقے زیر آب آ گئے ہیں، بہت سے علاقوں میں متاثرہ لوگوں کو سنبھال رہے ہیں۔ اللہ سب کی حفاظت فرمائیں لیکن ہماری تیاری میں کوئی کمی نہیں ہونی چاہئے۔
آج رات شاہدرہ کو خطرہ
مریم نواز نے بتایا کہ آج رات راوی میں بڑے سیلاب کا خطرہ ہے اور لاہور کے نواحی علاقہ شاہدرہ کو خطرہ ہے۔ مریم نواز نے بتایا کہ کمشنر اور ڈی سی کو ہدایت کی ہے کہ تیاریاں مکمل رکھے، جو علاقے حقیقی خطرہ سے دوچار ہیں وہاں سے مکمل انخلا کروائیں، ان علاقوں میں انخلا ہو بھی چکا ہے۔
اچھی بات یہ ہے کہ جہاں جہاں پانی آیا وہاں ٹائملی اویکیوئیشن کی اور قیمتی جانیں بچ گئیں۔
ریلیف کیمپ کیسے ہوں
وزیراعلیٰ مریم نواز نے کہا، انٹطامیہ سے کہہ رہی ہوں کہ ریلیف کیمپ نمایاں اور قابلِ رسائی جگہوں پر ہی بنائیں۔ تمام کیمپوں کا ماحول بہتر رکھیں۔ دوا، کھانے، سونے کے انتظامات، ٹینٹ اچھے ہونے چائیں۔ فرسٹ ایڈ اچھی مہیا کریں۔ فیلڈ ہسپتالوں کو زیادہ متاثرہ علاقوں میں بھیجیں۔
سیلاب زدہ عوام کو خوراک اور ضروری سامان کی فراہمی
مریم نواز نے بتایا کہ سمبڑیال، سیالکوٹ اور پسرور اور دوسرے تمام علاقوں میں سیلاب متاثرین میں خوراک، پانی اور دیگر اشیاءکی فراہمی کا سلسلہ جاری ہے۔قصور، ننکانہ، چنیوٹ، پلکھو نالہ وزیرآباد سمیت دیگر سیلاب زدہ علاقوں سے شہریوں کی منتقلی کا بڑا آپریشن کیاگیا۔
پاک فوج، ضلعی انتظامیہ، پولیس، ریسکیو 1122، پی ڈی ایم اے اور دیگر ادارے مشترکہ طورپر ریسکیو اینڈ ریلیف آپریشن میں شریک ہیں ۔ سیلاب سے بے گھر ہونے والوں کو عارضی پناہ گاہوں میں منتقل کرنے کا سلسلہ بھی جاری ہے۔
راوی کا سیلاب دیکھنے والے شوقینوں کو سنبھالیں
چیف منسٹر نے نیوز کانفرنس میں بتایا کہ لوگ راوی کا سیلاب دیکھنے کے لئے راوی کے پل پر جا رہے ہیں اور بعض لوگ سیفٹی کی پروا نہیں کر رہے۔
لوگ راستوں میں کھڑے ہو رہے ہیں۔ ویدیوز بنا رہے ہیں، بچے سوئمنگ کر رہے ہیں۔ مریم نواز نے بتایا کہ انہوں نے انتظامیہ کو ہدایت کی ہے کہ آپ کو جو کچھ کرنا پرے وہ کریں، لوگوں کو وہاں جانے سے روکیں اور انہیں سیفٹی ہیزرڈز (خطرات) سے آگاہ کریں۔
اویس کیانی: وزیراعظم شہباز شریف کل جمعرات کی صبح نارووال اور سیالکوٹ کے سیلاب زدہ علاقوں کا اہم دورہ کریں گے۔وزیراعظم صبح اہم اعلان بھی کریں گے۔وزیراعظم متاثرین سے بھی ملاقات کریں گے۔
اسلام آباد میں پرائم منسٹر ہاؤس کے ذرائع نے بتایا ہے کہ وزیراعظم شہباز شریف صبح نارووال اور سیالکوٹ کا اہم دورہ کریں گے۔وزیراعظم کے ہمراہ وزیر اعلی مریم نواز ، این ڈی ایم اے کے چئیرمین اور کئی وفاقی وزرا بھی ہوں گے۔
وزیراعظم شہباز شریف، وزیراعلیٰ مریم نواز کے ساتھ کرتار پور اور سیال کوٹ کے سیلاب سے متاثرہ علاقوں کا وزٹ کریں گے اور سیلاب زدہ شہریوں کے حالات کا خود مشاہدہ کریں گے۔
ذرائع نے بتایا کہ وزیراعظم اور وزیراعلیٰ مریم کو پہلے سیلاب زدہ علاقوں کا فضائی معائنہ کروایا جائے گا ۔ اس کے بعد وہ بریفنگ میں شریک ہوں گے۔ مقامی انتظامیہ اور ریسکیو اینڈ ریلیف آپریشن کرنے والے حکام انہیں سیلاب کی سورتحال اور نقصانات پر اپ ڈیٹ دیں گے۔وزیراعظم آج صبح سیلاب زدہ علاقوں کیلئے اہم اعلان بھی کریں گے ۔
سیالکوٹ سے تعلق رکھنے والےوفاقی وزیر خواجہ آصف اور نارووال سے تعلق رکھنے والے احسن اقبال بھی وزیراعظم شہباز شریف کےہمراہ ہوں گے۔
August 08, 2026
August 08, 2026
سٹی42: راوی میں بھارت کی طرف سے گنجائش سے بہت زیادہ پانی چھوڑے جانے کے نتیجہ میں سکھ مذہب کا مقدس تاریخی استھان گورودوارہ کرتار پور صاحب دس فٹ تک پانی میں ڈوبا۔
بھارت سے آنے والے پانی کے بڑے ریلے نے گورودوارہ کرتارپور صاحب کے نزدیک بنائے گئے حفاظتی پشتے کو تباہ کر دیا اور پانی گورودوارہ صاحب میں داخل ہو گیا بلکہ ارد گرد کے کئی دیہات میں بھی پانی گھروں میں گھس گیا۔
گورودوارہ میں زائرین اور منتظمین، خٓدموں کو سیلاب کے ریلے کی آمد سے پہلے محفوظ مقام پر پہنچنے کا موقع نہیں ملا۔ بہت سے لوگ گورودوارہ میں رکے رہے۔ اس دوران پاک فوج کے جوانوں نے فوری طور پر ریسکیو آپریشن کیا اور گورودوارہ میں موجود افراد کو وہاں سے مھفوظ مقام تک پہنچانے میں مدد کی۔ گورودوارہ میں موجود گورو گرنتھ صاحب کے تمام نسخے سیلاب کے پانی سے مکمل محفوظ ہیں۔
دھوسی پشتہ ٹوٹنے سے پوری زرعی زمین زیر آب ہے۔ سرحدی علاقے کے کئی گھروں میں پانی داخل ہو چکا ہے۔ ہند-پاک سرحد کے پاس واقع گرودوارہ کرتار پور کوریڈور کھلنے کے بعد پہلی بار سیلاب سے متاثر ہوا ہے۔
مشرقی پنجاب میں دریائے راوی میں زیادہ پانی چھوڑے جانے سے نارووال میں سکھ دھرم کا مقدس استھان گورودوارہ کرتار پور صاحب دس فٹ تک سیلابی پانی میں ڈوب گیا۔
پنجاب میں کئی دنوں سے بارش کا سلسلہ جاری ہے لیکن مشرقی پنجاب میں سیلاب کہیں نہیں آیا۔ گرداس پور ضلع کے سرحدی علاقوں میں کل رات ڈھلے راوی کا بہاؤ تیز ہو گیا کیونکہ پیچھے ڈیم سے زیادہ پانی راوی میں ڈالا جا رہا تھا۔
راوی کے سیلاب سے ڈیرہ بابا نانک میں پاکستان انڈیا سرحد پر کرتار پور کوریڈور کے نزدیک حفاظتی پشتہ ٹوٹ گیا۔
پاکستان کی سرحد پر بنے کرتارپور کوریڈور کے پُل کے نیچے پانی کا تیز ریلا بہہ رہا تھا۔ آس پاس کے کئی گاؤں میں بھی پانی داخل ہو گیا ہے۔
دھوسی پشتہ ٹوٹنے سے پوری زرعی زمین بھی زیر آب ہو گئی ہے۔ یہاں رات میں کئی گھروں میں پانی داخل ہو چکا ہے اور ڈیرہ بابا نانک شہر بھی سیلاب کی زد میں ہے۔ لوگ انتظامیہ سے مدد کی درخواست کی تو پاکستان آرمی فوراً حرکت میں آئی اور علاقہ میں ریسکیو کا کام سنبھال لیا۔
سیلاب سے کرتا پور صاحب گرودواہ کی مرکزی عمارت اور احاطہ میں پانی بھرا ہوا ہے۔
کرتارپور میں حال ہی میں تعمیرِ نو کے عمل سے گزارا گیا یہ تواریخی گرودوارہ سکھوں کے پہلے گورو گورونانک دیو جی کی آخری آرام گاہ ہے۔ گورودوارے میں 5 سے 7 فٹ تک پانی بھر گیا ہے لیکن گورودوارے کے منتظمین مطمئین ہیں کہ گورو گرنتھ صاحب کے تمام نسخےمحفوظ ہیں۔
ہند-پاک سرحد کے پاس واقع یہ تاریخی گورودوارہ بھارتی پنجاب سے آنے والے عقیدت مندوں کے لئے خاص طور سے بنائے گئے کرتار پور کوریڈور کے کھلنے کے بعد پہلی بار سیلاب سے متاثر ہوا ہے۔ کوریڈور آج کل اپریل کے آخری ہفتے سے ہندوستان کی طرف سے بند ہے۔
پاکستان کی حکومت اور گورودوارہ دربار صاحب کرتارپور
پاکستان کی حکومت نے پاکستان میں سکھ مذہب کے خاص الخاص مقدس مقام گورودوارہ دربار صاحب کرتارپور کی تعمیر نو سرکاری خرچ سے کروائی تھی۔ سکھ مذہب کے بھارت میں بسنے والےپیروکاروں کو گورودوارہ تک آنے کے لئے خاص سہولت مہیا کرنے کی غرض سے پاکستان کی حکومت نے کرتارپور میں خصوصی بارڈر کوریڈور بنانے کے لئے مذاکرات کئے اور طویل کوشش کے بعد یہ کوریدور بنانے میں کامیاب ہوئی جہاں سے گزر کر مشرقی پنجاب کے بہت سے علاقوں کے لوگ آسانی سے بہت تھوڑا وقت خرچ کر کے گورودوارہ دربار صاحب تک آ سکتے ہیں اور یہاں درشن کر کے دن کی روشنی میں ہی واپس بھی جا سکتے ہیں۔ اس مقدس گورودوارے کی تعمیر کےوقت ہی سیلاب سے اس کو بچائے رکھنے کا بھی انتظام کیا گیا تھا لیکن راوی میں بھارت نے اتنا زیادہ پانی چھوڑ دیا کہ حفاظت کے لئے بنایا گیا پشتہ ہی ٹوٹ گیا۔ اس کی پاکستان کے حکام کو منگل کی شام تک بھی توقع نہیں تھی۔ دراصل گورودوارہ کی تعمیر کے بعد یہ پہلی مرتبہ ہوا ہے کہ بھارت نے پہلے سے بھرے ہوئے دریا راوی میں اپنے ڈیموں سے اتنی زیادہ مقدار میں پانی چھوڑا ہے۔
پاکستان کے وزیراعظم خود گورودوارہ دربار صاحب کرتارپور کو دیکھنے جا رہے ہیں
بدھ کی شب یہ مصدقہ اطلاعات آئی ہیں کہ پاکستان کے وزیراعظم خود گورودوارہ دربار صاحب کرتارپور کو دیکھنے جا رہے ہیں۔ پنجاب کی وزیر اعلیٰ مریم نواز اور وزیراعظم کے اہم وزیر بھی ان کے ساتھ کرتارپور جا رہے ہیں۔ پنجاب میں اس وقت سیلاب کئی جگہوں پر آیا ہوا ہے لیکن وزیراعظم کا خاص کرتاپور کا دورہ کرنا سکھ برادری کے ساتھ یکجہتی کے اظہار کا اہم انڈیکیٹر ہے۔
بھارت کا میڈیا کیا بتا رہا ہے
بھارت کے میڈیا میں صرف ایک نکتے کو ڈسکس کیا جا رہا ہے کہ دراصل ہماچل پردیش اور جموں و کشمیر میں ستلج، بیاس اور موسمی نالوں میں شدید بارش کے بعد آبی سطح بڑھنے سے بھارت کے پنجاب میں سیلاب کی حالت سنگین ہو گئی تھی لیکن بھارتی میڈیا یہ نہیں بتا رہا ہے کہ بھارت کی حکومت نے کئی ڈیمز سے پاکستان آنے والے دریاؤں میں مزید پانی ڈال کر پاکستان کے علاقوں میں صورتحاک زیادہ سنگین کر دی۔ بھارت کی اس آبی جارحیت کے سبب پنجاب کے کئی ضلعوں میں دریاؤں کے کنارے بڑے پیمانے پر زرعی زمین اور گاؤں زیر آب ہو چکے ہیں۔
بھارت کے پنجاب میں بھی بھارت کی آبی جارحیت کا ضمنی اثر کچھ سرحدہ علاقوں کے دیہات پر پڑا ہے۔ سب سے زیادہ متاثر ہونے والے گاؤں پٹھان کوٹ، گرداس پور، فاجلکا، کپور تھلہ، ترن تارن، فیروز پور اور ہوشیار پور اضلاع میں ہیں۔
سٹی42: نارووال سے یہ بریکنگ خبر آ رہی ہے کہ پاکستان رینجرز پنجاب نے ڈیرہ کرتاپور اور سلیمانکی کے سیلاب متاثرین کو ریسکیو کرلیا ہے۔
پاکستان رینجرز پنجاب کے جوان اور دیگر ریسکیو اداروں کے اہلکار مل کر سیلاب سے متاثرہ سرحدی علاقوں میں ریسکیو آپریشن کر رہے ہیں۔
پاکستان رینجرز پنجاب کے جوانوں نے ڈیرہ کرتاپور میں سیلابی پانی میں پھنسے افراد کو محفوظ مقام پر منتقل کیا
سلیمانکی میں بھی پاکستان رینجرز پنجاب نے سیلابی پانی میں محصور 35 افراد اور ان کے مال مویشی کو ریسکیو کیا
پاکستان رینجرز پنجاب کی جانب سے متاثرہ علاقوں میں فری میڈیکل کیمپس بھی قائم کئے ہیں۔
میڈیکل کیمپس کے قیام کا مقصد متاثرین سیلاب کو بروقت طبی امداد و ادویات فراہم کرنا ہے۔
پاکستان رینجرز پنجاب سیلابی صورتحال کے باعث دیگر اداروں کے ساتھ مسلسل رابطے میں ہے ۔
مشکل کی اس گھڑی میں دیگر اداروں کی طرح پاکستان رینجرز پنجاب اپنے ہم وطنوں کیلئے ہمہ وقت تیار ہے۔
August 08, 2026
August 08, 2026
سٹی42: پاکستان کو غیر معمولی مون سون کا سامنا ہے۔ سیلابی ریلا جنوب کی طرف جائے گا تو زور ٹوٹنے کا امکان ہے۔فی الوقت سندھ میں سپر فلڈ کا کوئی خطرہ نہیں ہے۔
پاکستان کے ڈیزاسٹر سے بچنے کے ادارہ نیشنل ڈیزاسٹر مینیجمنٹ اتھارٹی کے چئیرمین لیفٹیننٹ جنرل انعام حیدر ملک نے آج غیر معمولی پریس کانفرنس کی اور سیلاب سے ہونےوالی تباہی کی مکمل تصویر میڈیا اور عوام کے سامنے پیش کی۔
لیفٹیننٹ جنرل انعام حیدر ملک نے آج پریس کانفرنس میں بتایا کہ گلوبل کلائنیٹ چینج یعنی ماحولیاتی تبدیلی کی وجہ سے گلیشیئرز پگھلنے کا عمل تیز ہوا ہے۔ آنے والے پچاس سالوں میں پچاس سے ساٹھ فیصد گلیشیئرز ختم ہونے کی پیش گوئی کی جا رہی ہے۔ یہ گلیشئیر تیزی سے پگھلیں گے تو پاکستان میں دریاؤں میں پانی آج کل کی نسبت بہت زیادہ آئے گا۔
لیفٹیننٹ جنرل انعام حیدر ملک نے بتایا کہ میٹ ڈیپارٹمنٹ کے ماہرین بتا رہے ہیں کہ مون سون کا موسم ستمبر کے آخری ہفتے تک رہے گا۔
انہوں نے کہا، پاکستان کو منفرد مون سون کا سامنا ہے۔ پاکستان کو بیک وقت خلیج بنگال، بحیرہ عرب اور بحر اوقیانوس سے آنے والے بارش برسانے والےسسٹمز کا سامنا ہے۔
روایتی مون سون سسٹم نے پہلے بالائی پہاڑی علاقوں کو متاثر کیا، پہاڑی علاقوں کے بعد مون سون سسٹم اس وقت ملک کے میدانی علاقوں کو متاثر کر رہا ہے۔
لیفٹیننٹ جنرل انعام حیدر ملک نے کہا، پاکستان سب سے زیادہ گلیشیئرز رکھنے والا ملک ہے۔گلوبل ٹمپریچر میں بتدریج اضافہ ہمارے گلیشیئرز کو پگھلا رہا ہے۔
ہمارے شمالی علاقوں سے آنے والے دریائوں اور پہاڑوں پر 200 ملین افراد کی زندگی منحصر ہے۔ مون سون بارشوں اور دریائوں میں آنے والے سیلاب سے ایک منفرد صورتحال کا سامنا ہے۔
پیشگوئی کی گئی تھی کہ اس بار نصف مون سون گزرنے کے بعد آزاد کشمیر اور ملک کے وسطی علاقوں میں زیادہ بارش ہو گی۔ جو اب ہو رہی ہے۔
مون سون سیزن، سیلاب کی تباہ کاریاں، اعداد و شمار
لیفٹیننٹ جنرل انعام حیدر ملک نے بتایا کہ مون سون کے باعث اب تک 804 شہری جاں بحق ہو چکے ہیں۔
جموں کھٹوعہ میں چھ سو ملی میٹر بارش
لیفٹیننٹ جنرل انعام نے بتایا کہ دو روز پہلے بارشوں کی ایک غیر معمولی صورتحال دیکھنے میں آئی۔
مقبوضہ کشمیر کے جموں اور کٹھوعہ میں غیر معمولی طور پر 600 ملی میٹر کے لگ بھگ بارش ہوئی۔
ارلی وارننگ تھی کہ بھارتی ڈیم بھرنے کے بعد ستلج میں سیلابی صورتحال ہو گی۔ ہم اس کے لئے پہلے سے تیار تھے۔
انہوں نے بتایا، سیلابی ریلوں کے ظفر وال سمیت مختلف علاقوں میں پل گرنے کے واقعات بھی ہوئے ہیں۔
ستلج،راوی اور چناب میں سب سے زیادہ طغیانی کی صورتحال ہے۔
دریائے چناب میں خانکی اور قادر آباد کے مقام پر انتہائی اونچے درجے کا سیلا ب ہے۔
آرمی چیف نے تمام فارمیشنز کو متاثرہ علاقوں میں ریسکیو اینڈ ریلیف آپریشن کی ہدایت کی ہے۔
پاک فوج نے مختلف علاقوں میں ریلیف کیمپس لگائے ہیں۔
لیفٹیننٹ جنرل انعام حیدر ملک نے کہا این ڈی ایم اے اور پی ڈی ایم اے کے درمیان آئیڈیل ہم آہنگی ہے۔
وزیر اعظم کی خصوصی ہدایت پر وفاقی وزراء اپنے اپنے علاقوں میں سیلاب زدہ شہریوں کی مدد اور امدادی کاموں کی نگرانی کر رہے ہیں۔
پنجند پر بڑے ریلی کی آمد
انہوں نے بتایا کہ پنجاب مین سیلاب کے ریلے نیچے کی طرف برھ رہے ہیں۔ اب پنجند پر 8 لاکھ کیوسک کا سیلابی ریلا متوقع ہے۔
این ڈی ایم اے نے 4 سے 6 ہفتے پہلے بارش اور سیلاب کے حوالے سے ارلی وارننگ کر دی تھی۔
چئیرمین این ڈی ایم اے نے کہا، این ڈی ایم اے کی پیشگوئی 90 سے 95 فیصد درست ہوتی ہے۔ موجودہ صورتحال کا 2014 کی سیلابی صورتحال سے تقابل خیال جاتا ہے۔
چئیرمین این ڈی ایم نے بتایا کہ پناج سے سیلابی ریلا جنوب کی طرف جائے گا تو زور ٹوٹنے کا امکان ہے۔ اس وقت سندھ میں سپر فلڈ کا کوئی خطرہ نہیں۔
چئیرمین این ڈی ایم اے نے کہا، گرائونڈ پر جو بھی کارروائی ہو گی وہ صوبائی حکومتیں ہی کریں گی۔ صوبائی حکومتوں کے پاس وسائل بھی ہیں اور قابلیت بھی موجود ہے۔
مون سون کا دو ہفتے کا اسپیل باقی ہے، نقصانات کا تخمینہ لگایا جا رہا ہے۔
وزیراعظم پاکستان کا ریلیف اکائونٹ تمام شیڈولڈ بینکس میں کھولا جا چکا ہے۔ عوام اس میں سیلاب زدہ بہن بھائیوں کی مدد کیلئے چندہ دے سکتے ہیں۔
سٹی42: پاکستان آرمی کے جوانوں نے نالہ ڈیک کے خطرناک سیلاب میں پھنسے ہوئے سکھ برادری کے سینکڑوں افراد کو بروقت کارروائی کر کے خطرے سے نکال لیا اور محفوظ مقام پر لے آئے۔
پاک فوج نے ڈسکہ کے علاقہ میں ریسکیو آپریشن کر کے، سکھ برادری کے درجنوں افراد کومحفوظ مقام پر منتقل کر دیا ہے۔
نالہ ڈیک میں بھارت کی طرف سے بے تحاشا پانی آ رہا ہے اور یہ نالہ اس وقت دریا سے بھی زیادہ پانی آنے کے سبب اپنے اصل کناروں سے باہر سینکڑوں مربع کلومیٹر علاقہ میں پھیلا ہوا ہے۔
ڈیک کےسیلاب نے پنجاب کے تین ضلعوں خصوصاً سیالکوٹ کو شدید متاثر کیا ہے
کل شب سیلاب میں پھنسے ہوئے شہریوں کی بروقت مدد کے لئے پنجاب کی حکومت نے پاک آرمی سے مدد طلب کر لی تھی، آرمی کے جوان رات سے ہی سیلاب زدہ علاقوں میں سیلابی پانی میں پھنسے ہوئے شہریوں کی مدد کرنے میں مصروف ہیں۔
ڈسکہ میں سیلاب میں پھنسے ہوئے سکھ برادری کے افراد کو پاک فوج کے جوانوں نے محفوظ مقامات پر منتقل کرنے کے آپریشن کے دوران اب تک 80 کے قریب افراد کو کامیابی سے ریسکیو کیا ہے۔
پاک فوج کا شکریہ!
سکھ برادری کے مصیبت سے زندہ سلامت نکل کر آنے والے افراد نے پاک فوج کی بروقت امدادی کاروائیوں کو سراہا
پاک فوج سول انتظامیہ کے شانہ بشانہ متاثرہ علاقوں میں امدادی کارروائیاں جاری رکھے ہوئے ہے۔
August 08, 2026
August 08, 2026
سٹی42: منڈی بہاؤالدین کے وسیع علاقے سیلاب سے دوچار ہو گئے ہیں کیونکہ انتظامیہ نے دریائے چناب پر قادر آباد بیراج کو بچانے کیلئے بیراج کے قریب دریا کے سیلاب کے پانی کو پھیلنے سے روکنے کے لئے بنا ہوا حفاظتی بند خود ہٹا دیا ہے اور پانی کو پھیلنے کا راستہ دے دیا ہے۔
آج قادر آباد بیراج کے قریب بنے مضبوط حفاظتی بند کو دھماکہ خیز مواد سے اڑا کر اس میں شگاف ڈالا گیا جو بعد میں پانی کے دباؤ سے بہت زیادہ پھیل گیا۔
بند کو دھماکے سے اڑا دیئے جانے کے بعد دریائے چناب کا بہت سا پانی اب منڈی بہاولدین کے وسیع زرعی علاقہ میں پھیل رہا ہے، سینکڑوں دیہات کے اس سیلابی پانی کی لپیٹ میں آنے کا خدشہ ہے، ان دیہات کے مکینوں کو بچانے کے لئے انتظامیہ الگ سے کام کر رہی ہے۔ سر دست بند کو توڑنے کے بعد دریا کا بہت سا پانی اب بیراج کی طرف نہیں جا رہا۔
قادر آباد پر چناب کا بہاؤ 8 لاکھ کیوسک ہو گیا
دریائے چناب میں قادرآباد کے مقام پر پانی کا بہاؤ 9 لاکھ کیوسک سے تجاوز کرگیا ہے، جس سے انتہائی اونچے درجے کا سیلاب پیدا ہو گیا ہے۔ آن صبح سورج طلوع ہونے سے پہلے تک دریا میں پانی چھ لاکھ کیوسک سے اوپر برھ چکا تھا، دن کے دوران پانی کی مقدار مسلسل بڑھتی رہی۔
جس کے بعد قادرآباد بیراج کو بچانے کے لیے قریبی حفاظتی بند کو دھماکے سے اڑا دیا گیا اور پانی کا رخ موڑنے کے لیے اقدامات کیے گئے۔
139 دیہات زیر آب
حکام کا کہنا تھا کہ چکوڑی، کالا شادیاں، باہری، کمھب کلاں سمیت 139 گاؤں زیرِ آب آ چکے ہیں اور آئندہ چند گھنٹوں میں مزید دیہات کے زیرِ آب آنے کا خدشہ ہے، جس کے پیش نظر ہزاروں افراد کو کیمپوں اور محفوظ مقامات پر منتقل کیا جا رہا ہے۔
سیلاب کے دوران متعلقہ انتظامیہ اور ریسکیو ٹیمیں متاثرہ اور ممکنہ طور پر متاثر ہونے والے علاقوں میں امدادی کارروائیاں جاری رکھے ہوئے ہیں، اور عوام کو ہدایات دی گئی ہیں کہ وہ خطرے والے علاقوں سے فوری طور پر دور رہیں۔
صدر اور وفاقی حکومت نے بھی صورتحال کا جائزہ لینے کے لیے ہنگامی اجلاس طلب کر لیا ہے اور ہر ممکن مدد فراہم کرنے کی ہدایت کی ہے۔
سٹی42: سیلاب کے وقت پاک فوج دن رات کام کر رہی ہے، حالت جنگ ہو یا امن، پاک فوج عوام کے ساتھ ہے۔ یہ باتیں پاک فوج کے ترجمان، آئی ایس پی آر کے ڈائریکٹر جنرل لیفٹیننٹ جنرل احمد شریف چوہدری نے اسلام آباد میں میڈیا کو سیلاب زدہ علاقوں میں پاکستان آرمی کے ریسکیو اینڈ ریلیف آپریشن پر اپ ٹو ڈیٹ دیتے ہوئے کہیں۔
لیفٹیننٹ جنرل احمد شریف چوہدری نے بتایا کہ وزیر اعظم شہباز شریف اور آرمی چیف فیلڈ مارشل عاصم منیر کی ہدایت پرسیلاب سے متاثرہ علاقوں میں امدادی کارروائیاں جاری ہیں۔
ڈی جی آئی ایس پی آر نے کہا کہ قوم کے 2 سپوت شہید اور 2 زخمی بھی ہوئے ہیں، فوج اور اس کے تمام افسران اور جوان مشکل کی گھڑی میں عوام کے ساتھ ہیں۔
ورکنگ باؤنڈری کی سیلاب زدہ چوکیوں پر آرمی چاق و چوبند موجود
لیفٹیننٹ جنرل احمد شریف چوہدری نے بتایا کہ سیلاب آنے کے بعد سارا علاقہ سیلابی پانی میں گھر جانے کے باوجود (سیالکوٹ) ورکنگ باؤنڈری میں کسی بھی پوسٹ کو خالی نہیں کیا گیا۔
خارجیوں اور فتنہ الہندوستان کے دہشتگردوں کےخلاف آپریشن
جنرل احمد شریف چوہدری نے بتایا کہ پاک فوج سیلاب زدہ علاقوں میں ریلیف اور ریسکیو کے کاموں میں مصروف ہے لیکن اس دوران خارجیوں اور دہشت گردوں کیخلاف آپریشن بھی متواتر جاری ہیں۔
چاہے پاکستان کا کوئی بھی کونا ہو عوام کے ساتھ ہیں،کوئی باطل قوت کسی قسم کی دراڑ نہیں ڈال سکتی۔ سیلاب کے وقت میں دن رات کام ہورہا ہے۔حالت جنگ ہو یا امن، پاک فوج عوام کے ساتھ ہے۔
پنجاب میں آرمی کہاں کہاں سرگرم
پنجاب، خیبرپختونخوا اور آزاد کشمیر میں فلڈ یونٹس کام کررہے ہیں۔ ایک انجینئر بریگیڈ، 19 انفٹنری،7 انجینئرنگ کی یونٹس کام کررہی ہیں، آرمی کے ہیلی کاپٹرز 26 پروازیں کرچکے ہیں۔
جنرل احمد شریف چوہدری نے بتایا کہ گجرانوالہ میں "6 انفنٹری" کی یونٹیں اور " 2 انجئیرنگ" کی یونٹیں سیلاب زدہ عوام کے ریسکیو کے لئے تعینات ہیں۔
ڈی جی آئی ایس پی آر کے مطابق بہاولپور اور بہاولنگر میں 4 یونٹوں کو سٹینڈ بائی رکھا گیا ہے، خیبرپختونخوا میں بھی یونٹیں اور میڈیکل بٹالین سیلاب زدہ عوام کی مدد کیلئے موجود ہیں۔
سیلاب زدہ علاقوں میں تمام104 سڑکیں کھول دیں
لیفٹیننٹ جنرل احمد شریف چوہدری نے کہا کہ آرمی انجینئر اور سول انتظامیہ نے تمام سڑکیں کلیئر کر دی ہیں، 104 سڑکیں کلیئر کردی گئی ہیں اورشاہراہ قراقرم بھی کھول دی گئی ہے۔
کرتارپور میں ریلیف آپریشن
آرمی کے ترجمان نے بتایاکہ نارووال کے دور افتادہ علاقہ کرتار پور کے سیلاب میں پھنس جانے کے بعد فوج نے وہاں صورتحال کو سنبھال لیا ہے۔ کرتارپور میں ایک بڑا ریسکیو آپریشن جاری ہے۔
2500 ٹن راشن، 20 ہزار شہریوں کو طبی امداد
سیلاب متاثرین میں 225 ٹن راشن تقسیم کیا جاچکا ہے، 20 ہزار سے زائد لوگوں کو میڈیکل کی سہولت فراہم کی گئی، گلگت بلتستان اور آزاد کشمیر میں بھی ائیر ریلیف آپریشن کیے گئے ہیں۔
August 08, 2026
August 08, 2026
سٹی42: شدید سیلابی صورتحال: پنجاب حکومت نے سول انتظامیہ کی مدد کیلئے فوج طلب کرلی.
پنجاب کے چھ اضلاع میں پاکستان آرمی کے جوان کل رات سے سیلاب نبٹنے اور شہریوں کی جانین بچا کر انہیں محفوظ جگہوں تک لانے کے لئے مصروف عمل ہیں۔
سیکورٹی ذرائع نے بتایا کہ لاہور، فیصل آباد، اوکاڑہ، قصور، سیالکوٹ اور نارووال اضلاع میں پاک فوج کے دستے کل رات سے ریسکیو اینڈ ریلیف آپریشن کر رہے ہیں۔
سیکیورٹی ذرائع نے بتایا کہ پاک فوج اس مشکل گھڑی میں عوام کے ساتھ ہے۔ فکر کی کوئی بات نہیں، سیلاب خواہ کتنا ہی بڑا ہو، اسے سنبھال لیں گے۔
کرتار پور صاحب میں ریسکیو آپریشن
نارووال میں کرتار پور صاحب کا پورا علاقہ سیلاب کے پانی مین ڈوب گیا ہے۔ سیلاب کی وجہ سے دو سو سے تین سو لوگ پانی میں پھنسے ہوئے ہیں۔
پاک فوج کے جوانوں نے ان لوگوں کے ریسکیو اور ریلیف کا کام شروع کر دیا ہے ۔لوکل انتظامیہ کے ساتھ مل کر پاک فوج پھنسے ہوئے لوگوں کو نکالنے کے لئے کوششوں میں مصروف ہے۔
سی ایم مریم نے دریاؤں میں سیلاب بڑھنے پر پاک فوج سے مدد مانگی
وزیر اعلیٰ مریم نواز کی ہدایت پر پنجاب کے ہوم ڈیپارٹمنٹ نے شدید سیلابی صورتحال میں سویلین انتظامیہ کی مدد کرنے کے لئے پاکستان آرمی کی مدد طلب کی۔ پنجاب حکومت نے ابتدا میں صوبے کے 6 اضلاع میں فوج کے جوانوں کو بھیجنے کیلئے وفاقی وزارت داخلہ کو مراسلہ بھیجا۔
پنجاب حکومت نے لاہور، قصور، سیالکوٹ، فیصل آباد، نارووال، اوکاڑہ میں سیلابی صورتحال کی وجہ سے سول انتظامیہ کی مدد اور انسانی جانوں کے تحفظ کیلئے فوج طلب کی ہے۔ صوبائی حکومت کا کہنا ہے کہ ضرورت پڑی تو مزید علاقوں میں بھی فوج سے مدد کی درخواست کی جائے گی۔
ضلعی انتظامیہ، ریسکیو 1122، سول ڈیفنس اور پنجاب پولیس کے جوان پہلےہی شہریوں کی مدد کرنے میں مصروف ہیں۔
محکمہ داخلہ کا کہنا ہے کہ 6 اضلاع میں فوجی دستوں کی تعداد ضلعی انتظامیہ کی مشاورت سے طے ہوگی۔
سیلاب سے متاثرہ علاقوں میں ضرورت کے مطابق آرمی ایوی ایشن اور دیگر وسائل بھی فراہم کیے جائیں گے۔
28 Aug, 2025
28 Aug, 2025
28 Aug, 2025
28 Aug, 2025
28 Aug, 2025
28 Aug, 2025
28 Aug, 2025
27 Aug, 2025
27 Aug, 2025
27 Aug, 2025
27 Aug, 2025
27 Aug, 2025
27 Aug, 2025
27 Aug, 2025
27 Aug, 2025
27 Aug, 2025