سٹی 42 : وزیراعظم شہباز شریف نے کہاہے کہ عالمی امن کے لئے امریکی صدر ڈونلڈ ٹرمپ کی فیصلہ ساز قیادت پر ان کا مشکور ہوں۔
وزیراعظم شہبازشریف نے سماجی رابطے کی ویب سائٹ پراپنے بیان میں کہاکہ جنوبی ایشیا میں امن کے قیام کے لئے صدر ٹرمپ کی کاوشیں لائق تحسین ہیں۔ انہوں نے کہا کہ پاکستان اور امریکہ عشروں سے ایک دوسرے کے حلیف ہیں، پاکستان اور امریکہ نے مشترکہ مفادات کے تحفظ اور وسعت کے لئے مل کر کام کیا۔
انہوں مزید کہاکہ امریکی صدر ٹرمپ کی شکل میں پاکستان کو ایک بہترین شراکت دار ملا ہے۔
سٹی42: بھارت سے شہدا کا بدلہ لیا اور آئندہ بھی لیتے رہیں گے. یہ بات فوڈ سکیورٹی کے وفاقی وزیر اور مسلم لیگ نون کے سینئیر رہنما رانا تنویر حسین بھارت کے خلاف پاکستان کے کاؤنٹر اوفیسیو آپریشن بنیان منصوص کی مسرور کن کامیابی کا جشن منانے کے روز اپنے جذبات کا اظہار کرتے ہوئے کہی۔
مرید کے میں جامعہ مسجد القریٰ کے دورے کے دوران رانا تنویر حسین نے کہا، مودی کے ہندو توا نظریئے نے خطے کا امن تباہ کر دیا، مودی جب سے وزیر اعظم بنا ہے اس نے بھارت میں مسلمانوں پر زندگی تنگ کردی ہے۔ اب اس نے پاکستان پر حملے کی جسارت کی جس کا نتیجہ اس کے لئے تباہ کن ہو گا۔
رانا تنویر نے کہا، پہلگام واقعہ پاکستانی مداخلت نہیں، یہ بھارت کی فوج کی نااہلی ہے، وزیر اعظم میاں شہباز شریف نے پہلگام واقع کی نیوٹرل انکوائری کی پیشکش کی۔ ہم تو خود بھارت کی دہشت گردی کا شکار ہیں اور ہر قسم کی دہشت گردی کی مذمت کرتے ہیں، ہماری افواج کی طاقت، جذبہ ایمانی اور پیشہ ورانہ صلاحیت ہے۔
رانا تنویر نے کہا، ہمارے شاہینوں نے تین رافیل بمبار گرا کر تاریخ رقم کر دی، قوم فتح مبین پر شکرانے کے نوافل ادا کرے۔
رانا تنویر حسین نے کہا کہ مضبوط دفاع سے لے کر دشمن کو مضبوط جواب دینے تک مسلم لیگ ن اور شریف برادران کا طرہ امتیاز ہے۔ہم نے اپنے شہداء کا بدلہ لیا اور آئندہ بھی لیتے رہیں گے،جب بھی موقع آیا بھارت کو منہ کی کھانا پڑی۔
رانا تنویر حسین نےمریدکے میں مسجد پر بھارتی میزائل حملے میں شہید ہونے والوں کے لواحقین سے ملاقات کی اور ان سے تعزیت کی اور شہیدوں کے ایصالِ ثواب کے لئے فاتحہ کہی۔
May 05, 2026
May 05, 2026
سٹی 42: سینئر وزیر مریم اورنگزیب نے کہا میں اللہ تعالیٰ کا شکر ادا کرتی ہوں کہ اللہ کے کرم سے یہ قوم آج فتح کا دن دیکھ رہی ہے۔
وزیراعظم پاکستان کی ہدایت پر آج یوم تشکر منایا جا رہا ہے اور پورا لاہور باہر نکلا ہوا ہے۔ یہ دن اللہ کے کرم سے جو ہمارا بزدل اور جھوٹا دشمن تھا اس کی جارحیت کا منہ توڑ جواب دیا۔نہ صرف اپنا دفاع کیا بلکہ تاریخ رقم کی ہے کہ پاکستانی فوج کس طرح اپنے دشمن کو جواب دینا جانتی ہے۔ بھارت کو اس کے جارحیت کیخلاف افواج پاکستان کو سلام پیش کرتے ہیں، وزیراعظم پاکستان کو خراج تحسین پیش کرتے ہیں۔ آج کے بعد کوئی بھی دشمن پاکستان کی طرف میلی آنکھ سے دیکھنے سے پہلے سوچے کا اور پھر کوئی بھی قدم اٹھائے گا۔میں پاکستان کی سرحدوں پر کھڑے ہر فوجی کو سلام پیش کرتی ہوں، جن کی وجہ سے آج ہم اپنی چین کی نیند سوتے ہیں اور آج پاکستان میں امن ہے۔ پوری دنیا نے دیکھا کہ ہمارے پاس صلاحیت بھی ہے، قابلیت بھی ہے اور ہمارے پاس پاک فوج ہے۔اللہ کا شکر ہے جس طرح شہباز شریف نے پاکستان کے پولیٹیکل اور پارلیمنٹ فرنٹ اور پاکستان کی قوم کے یونائیٹڈ فرنٹ کو لیڈ کیا ہے وہ قابل تعریف ہے۔ اللہ کا شکر ہے کہ وزیراعظم نوازشریف نے پاکستان کے دفاع کو ناقابل تسخیر بنایا تھا کس کی وجہ سے آج دشمن ہماری طرف میلی آنکھ سے بھی نہیں دیکھ سکتا۔ آج پاکستان کا دفاع نہ صرف مظبوط ہے ناقابل تسخیر ہے۔
مریم اورنگ زیب نے کہ امیں میڈیا ہاؤسز، کیمرہ مین، رپورٹرز اور اینکرز کو مبارکباد پیش کرتی ہوں جنہوں مے پاکستان کے بیانیے کا دفاع اور پوری دنیا میں پھیلایا۔ جب بھارتی میڈیا جھوٹ پھیلا رہا تھا پاکستانی میڈیا جھوٹ کو بے نقاب کررہا تھا۔ میں ڈپٹی پرائم منسٹر اسحاق ڈار، وزیر دفاع خواجہ آصف اور انفارمیشن منسٹر عطاء تارڑ کو مبارکباد دیتی ہوں کہ انہوں پاکستان کے بیانیے کو دن رات ٹیم بن کر پاکستان کا کیس لڑا۔ جس طرح پاکستان نے جواب دیا ہے دشمن اب جرات کر ہی نہیں سکتا کہ کوئی ایسی حرکت کرے، وہ پاکستان کے جواب کو یاد رکھے گا۔
ویب ڈیسک : وزیراعظم کے مشیر برائے سیاسی امور رانا ثنا اللہ نے کہا ہے کہ ہمارے جواب دینے کے بعد بھارت نے امریکا اور دیگرممالک سے سیزفائر کیلئے خود درخواست کی۔
رانا ثنا اللہ نے نجی ٹی وی سے گفتگو کرتے ہوئے کہا کہ ہم نے بطور ریاست اور قوم ایک ہی بات کی تھی کہ ہماری طرف سے کوئی معاملہ نہیں ہوگا، اگر ہماری سالمیت پر حملہ ہوا تو جواب دیں گے۔ انہوں نے کہا کہ پھر جواب دیا گیا جس سے بھارت کو اور ہزیمت اٹھانا پڑی اور یہ بات بالکل درست ہے کہ بھارت نے امریکا کے نائب صدر اور دیگر ممالک سے خود سیز فائر کیلئے درخواست کی، پہلے تو یہ کسی کی بات سننے کو تیار ہی نہیں تھے۔
رانا ثنا اللہ نے کہا کہ بھارت سے امید رکھنا کہ ماضی کے برعکس سارے معاملات کو ٹیبل پر بیٹھ کر حل کرے گا، اس پر زیادہ امید لگانا درست نہیں ہوگا۔ انہوں نے کہا کہ پانی کے معاملے پر بھی ایسا ہی جواب دیاجائےگا جیسا اس بار دیا گیا، مسئلہ کشمیر عالمی سطح پر دوبارہ اجاگر ہوا ہے اور کشمیر کا معاملہ تو ہر قیمت پر سامنے رکھا جائے گا۔
May 05, 2026
May 05, 2026
سٹی 42 : سندھ کے گورنر کامران ٹیسوری نے کہا ہے کہ اللّٰہ تعالیٰ نے ہمیں دنیا کے سامنے سر خرو کیا، اللّٰہ تعالیٰ نے ہمیں وہ عزت بخشی، ہماری افواج نے سب کا سر فخر سے بلند کردیا، ہمارے سپہ سالار کو پاکستان ارطغل کا نام دے رہا ہوں،پوری قوم افواج پاکستان ایئر فورس اور نیوی کے شانہ بشانہ کھڑی نظر آئی۔
کامران ٹیسوری نے اپنے بیان میں کہا کہ میں پچھلے ایک ہفتے سے لاہور میں تھا،میں واہگہ بارڈر گیا اپنے نوجوان کا ولولہ اپنی آنکھوں سے دیکھا، پاکستان زندہ باد کے نعرے لگائے جارہے تھے۔ انہوں نے کہا کہ ہماری پوری قوم بے خوف اور بے فکر تھی،اس کی سب سے بڑی وجہ ہے عوام کا اعتماد اپنی فوج ہر تھا،گورنر ہاؤس اور اس کی ٹیم بھی پیچھے نہیں رہی، میں تمام چیف آف سٹاف، آئی ایس آئی کے چیف کو تمام کور کمانڈرز کو سلام پیش کرتا ہوں۔
گورنر سندھ نے کہا کہ بھارت نے ہر معاملے پر پہل کی بھارت نے نہتے شہریوں کو نشانہ بنایا، بھارتی میڈیا جو چاہے جھوٹ بولتا رہے،انٹرنیشنل میڈیا نے حقائق بتائیں کہ پاکستان نے پہل نہیں کی،پاکستان امن کا خواہاں ملک ہیں، میں افواج پاکستان کو خراج تحسین پیش کرتا ہوں۔ انشاء اللّٰہ تعالیٰ پرسو میں ایوان صدر روڈ پر اظہار تشکر کرنے کا اعلان کرتا ہوں،میں ایک مرتبہ پھر اپنی قوم کو مبارکباد پیش کرتا ہوں۔میں کب سے کہے رہا تھا کہ مودی دہشت گرد ہیں۔
کامران ٹیسوری نے کہا کہ پوری قوم افواج پاکستان کے ساتھ ایک ہوگئی،پوری قوم ای حافظ عاصم منیر کے حق میں نعرے لگا رہی ہیں،ہمارے سپہ سالار نے دشمن کا بھرپور جواب دیا،بھارت کے 80 ملین کے بجٹ پر پانی پھیر دیا۔ انہوں نے کہا کہ بھارت میں رہنے والا سکھ بھی مودی سرکار سے پریشان ہیں، مودی اپنے شیطان سوچ میں گڑک ہوگیا،میں اپنی افواج کو سلام پیش کرتا ہوں،میں اپنی فضائیہ کو سلام پیش کرتا ہوں۔
انہوں نے مزید کہا کہ مجھے تو سمجھ ہی نہیں آرہا کہ بھارت کی فورس کی ناکس ٹریننگ کہا سے ہوئی ہیں،ہماری رینجرز کے جوانوں نے جس طرح اپنے سینے چوڑے کیئے جو شہادت کا جزبہ رکھتے ہیں۔
ویب ڈیسک : وفاقی وزیرِ منصوبہ بندی احسن اقبال نے کہا ہے کہ بھارت سمجھتا تھا کہ وہ ناقابلِ تسخیر ہے، ہم نے بھارت کے 5 جہاز گرائے، جن میں 3 رافیل تھے۔
شکر گڑھ کے علاقے نور کوٹ میں فتح ریلی سے خطاب میں احسن اقبال نے کہا کہ امریکی میڈیا کے مطابق بھارت نے سیز فائر کے لیے امریکا اور دوسرے ملکوں کی منتیں کیں، پاکستان نے ایک بار پھر ذمے دار ملک ہونے کا ثبوت دیا۔ انہوں نے کہا کہ پاکستان کی فضائیہ کے شاہینوں کا دنیا میں کوئی مقابلہ نہیں کر سکتا۔
وفاقی وزیرِ منصوبہ بندی نے کہا کہ پوری دنیا پاکستان کی حکمتِ عملی اور صلاحیت کی تعریف کر رہی ہے، پاکستان بھارت سے 10 گنا بڑی تباہی کر سکتا ہے۔ انہوں نے کہا کہ بھارت سمجھتا تھا کہ وہ ناقابلِ تسخیر ہے، اگر بھارت سمجھتا ہے کہ وہ پاکستان کو تباہ کر دے گا تو یہ اُس کی بھول ہے۔
May 05, 2026
May 05, 2026
سٹی 42:آپریشن بنیان مرصوص کی کامیابی پر استحکام پاکستان پارٹی نے اظہار تشکر کیا ہے ۔
پاک فضائیہ اور افواج پاکستان کے ساتھ بھر پور اظہار یکجہتی کیلئے ریلی کا انعقاد کیا گیا ،جنرل سیکرٹری آئی پی پی پنجاب شعیب صدیقی کی زیر قیادت ریلی نکالی گئی ،صدر لاہور ملک زمان نصیب، صدر شعبہ خواتین پنجاب تسکین خاکوانی،رانا جاوید اقبال، ملک عمیر واحد، علی ملک، عمران ہارون گل و دیگر پارٹی رہنما شریک ہوئے
استنبول چوک سے فیصل چوک تک ریلی نکالی گئی،شرکاء کے پاک فوج کے حق میں نعرے لگائے
استحکام پاکستان پارٹی کی ریلی چیرنگ کراس پہنچ گئی،جنرل سیکرٹری آئی پی پی پنجاب و ایم پی اے شعیب صدیقی کا چیرنگ کراس پر خطاب کرتے ہوئے کہا ہماری پاک فوج نے جو کامیابی حاصل کی ہے اسنے پوری دنیا کو خاموش کروا دیاپوری دنیا آج پاکستان کی جرات کو سلام کررہی ہےپاکستان نے بھارت کو جواب دے کر پوری دنیا کو واضح پیغام دیا ہے،پوری قوم پاکستانی فوج کے ساتھ کھڑی ہے،آج ہم ساری قوم ایک پیج پر کھڑے ہیں
صدر آئی پی پی لاہور ملک زمان نصیب نے کہا پاکستانی فوج ہمارے سر کا تاج ہے،پاکستانی فوج نے آج قوم کا سر فخر سے بلند کردیا ہے،آج پوری قوم پاک فوج سے ساتھ کھڑی ہے
استحکام پاکستان میں خواتین کی بڑی تعداد میں شرکت کی
سٹی 42: پنجاب اسمبلی میں آپریشن "بنیان مرصوص" کے ہیروز کو خراجِ تحسین پیش کرنے کی قرارداد جمع کروادی گئی
قرارداد مسلم لیگ ن کی رکن حنا پرویز بٹ کی جانب سے جمع کروائی گئی،متن کے مطابق ایوان پاک فضائیہ کی بے مثال عسکری مہارت ،پیشہ ورانہ چابک دستی کو خراجِ تحسین پیش کرتا ہے،آپریشن "بنیان مرصوص" دشمن کے عزائم کو ناکام بنانے کی سنہری مثال ہے،پاکستانی پائلٹس نے دشمن کے جدید ترین وسائل کو بے اثر کر کے تاریخ رقم کی،پاک فضائیہ کی تکنیکی برتری اور فولادی عزم نے دشمن کے حوصلے پست کیے،قوم ان غازیوں اور شہداء کو سلام پیش کرتی ہے جنہوں نے مادرِ وطن کا دفاع کیا،حکومت آپریشن "بنیان مرصوص" کو قومی نصاب اور تقریبات کا حصہ بنائے۔شہداء اور غازیوں کو اعلیٰ ترین قومی اعزازات سے نوازا جائے،
یہ ایوان اس عزم کا اعادہ کرتا ہے کہ پاکستان ناقابلِ تسخیر ہے،
May 05, 2026
May 05, 2026
ویب ڈیسک : وزیراعلیٰ بلوچستان سرفراز بگٹی نے کہا ہے کہ پاک فوج کے جوانوں نے ثابت کیا کہ وہ مادرِ وطن کے دفاع کے لیے ہر دم تیار ہیں۔
وزیراعلیٰ بلوچستان سرفراز بگٹی نے اپنے بیان میں کہا کہ بلوچستان کے لوگوں کی جانب سے پاک افواج کو خراج تحسین پیش کرتا ہوں۔ اُنہوں نے کہا کہ پاکستان جنگ نہیں چاہتا لیکن جنگ مسلط کرنے کی کوشش کی گئی تو دشمن کو بھرپور جواب ملا۔
وزیراعلیٰ سرفراز بگٹی نے کہا کہ بھارت کے آسرے پر بلوچستان پر جنگ مسلط کرنے والوں کو ایک بار پھر سوچنا ہوگا کہ وہ کہاں کھڑے ہیں۔ اُنہوں نے کہا کہ آج ایک بار پھر انہیں قومی دھارے میں شامل ہونے کی دعوت دیتا ہوں۔
سٹی 42:وزیر اطلاعات و ثقافت پنجاب عظمی بخاری نے پریس کانفرنس کرتے ہوئے کہا اللہ پاک کا کروڑوں شکر و مہربانی ہے آج فتح کا دن دکھایا
عظمی بخاری نے کہا وہ دشمن کو پاکستان کے خلاف سازشیں کرتا رہتا ہے اللہ نے پاکستان فوج عوام کو سرخروکیا،مریم نواز کی جانب سے عوام کو شہبازشریف پوری کیبنٹ آرمی چیف جنرل عاصم منیر ، ظہیر بابر ، نوید اشرف سمیت تمام شاہینوں کو جنہوں نے سالمیت و تحفظ کیا سلام پیش کرتی ہوں، انہیں بڑا شوق ہے ناشتہ لاہور میں کرنا ہے شاہینوں نے ناشتہ سمیت دوپہر اور چند سالوں کے کھانے بھارت پہنچا دئیے، ان کی چوکیاں ہوں مودی کے پروگرام ، خطے کا کن ٹٹا بننے کی غلط فہمی دور کردی، مودی چاہتا تھا اکھنڈبھارت کا بدمعاش بننا چاہتا ہے ایسا سبق سکھایا رافیل طیارے جسے کوئی فوج گرا نہ سکی پاکستانی شاہینوں نے اسے گرایا ہے، فرانس جواب دیتا پھر رہا ہے اسے اپنی رافیل طیاروں و سلامتی کی فکر پڑ گئی ہے، جے ایف تھینڈر کا پروگرام نوازشریف پاکستان لائے،جب مودی حکومت کو گھنٹوں پر آنا پڑا ٹرمپ کو درخواست کرنی پڑی ہمیں بچا لو، بھارت کی ستر فیصد بجلی سائبر اٹیک سے کردیا طیارے بھی نہ اڑا چکے ، ٹرمپ کو کہہ کر بھارت نے سیز فائر کروایا، پاکستان میں بے شک ڈرون کے حملے ہوئے لیکن اس کے باجود پاکستانی ڈرون کندھوں پر ٹھا کا جنازہ پڑھ رہے تھے، بھارتی حملوں پر کوئی پاکستانی چھپا نہیں نیچے کھڑے ہوکر پاکستان زندہ باد کے نعرے لگائے یہ ہے جذبہ ، فوجی تنخواہوں کےلئے نوکریاں نہیں کرتے ملکی سالمیت کےلیے خود کو تیار رکھتے ہیں، جو کہتے رہے پاکستان کو گھس کر ماریں گے پاکستانی گھسے مارا پھر واپس آئے، تمام طیارے و فوجی سب محفوظ ہیں پوری قوم یوم تشکر منا رہی ہے،
پاک فوج سے اظہار یکجہتی مدبرانہ انداز میں حملہ کئے، کچھ لوگوں کو لگتا تھا پاکستان حملہ نہ دے گا سو سنار کے بعد ایک لوہار کی ہوتی ہے، چار گھنٹوں میں گھٹنوں پر آ کر مودی نے کہا کہ جنگ بند کروا دو ، جن بچوں اور عورتوں کو شہید کیا تو جہازوں پر نام لکھ کر بھیجا تھا، بھارتی میڈیا بتا نہیں رہا کتنا نقصان ہوا ہے، ڈی جی آئی ایس پی آر نے کہا تھا جب حملہ کریں گے تو بتانا نہیں پڑے گا، مودی اور امیت شاہ کا جنگی جنون بھگت رہا ہے لوگ استعفوں کا مطالبہ کررہے ہیں، پاکستانی قوم و میڈیا کو سلام ہے جذبہ حب الوطنی سے میدان ، سوشل میڈیا ، میڈیا کے محاذ پر شکست دی ان کے رونے دھونے چل رہے ہیں بھارت میں صف ماتم ہے،
جنگ کی دھمکی کو جوتی کی نوک پر رکھا ہے آج فتح پر عاجزی سے فتح کا جشن منا رہے ہیں،
May 05, 2026
May 05, 2026
ویب ڈیسک : پاکستان پیپلز پارٹی پارلیمنٹیرینز کی مرکزی ترجمان شازیہ مری نے کہا ہے کہ پاکستان کی سالمیت کے معاملے پر پوری قوم ایک ہے، ہم متحد ہیں، چوکنا ہیں، اور اپنے دفاع کے لیے ہمیشہ اور ہر لمحہ پرعزم ہیں۔
شازیہ مری نے اپنے بیان میں کہا کہ پاکستان نے دفاع، سفارتکاری اور عالمی میڈیا میں بھرپور پزیرائی حاصل کی، دوست ممالک کا بھی پاکستان کے عوام کے ساتھ بھرپور تعاون رہا، دنیا پاکستان کی فضائی اور دفاعی صلاحیتوں کی تعریف کر رہی ہے۔ اُنہوں نے کہا کہ عالمی تعاون سے جنگ بندی ہوئی اور خطہ ایک بحران سے بچ گیا، پاکستان ہمیشہ سے امن، مذاکرات اور خطے میں استحکام کا داعی رہا ہے۔
پیپلز پارٹی کی مرکزی ترجمان نے کہا کہ بھارتی میڈیا کا کردار انتہائی غیر ذمے دارانہ، اشتعال انگیز اور افسوسناک رہا۔
ویب ڈیسک : وزیر صنعت و تجارت پنجاب چوہدری شافع حسین نے کہا ہے کہ مسلح افواج اور قوم نے اتحاد کی قوت سے مکار دشمن کو خاک میں ملا دیا۔
چوہدری شافع حسین نے اپنے بیان میں کہا کہ بہادر افواج نے بھارت کو ایسا دندان شکن جواب دیا کہ وہ سیز فائر پر مجبور ہوگیا۔ اُنہوں نے کہا کہ پاکستان کی شاندار کامیابی پر اللّٰہ تعالیٰ کے حضور سجدہ شکر بجا لاتے ہیں۔
چوہدری شافع حسین نے کہا کہ مودی حکومت کی مکاری اور امن دشمنی دنیا کے سامنے آشکار ہوگئی۔ اُنہوں نے کہا کہ وطن کے لیے جان دینے والے شہداء کے خاندانوں کے ساتھ کھڑے ہیں۔
May 05, 2026
12 May, 2025
11 May, 2025
11 May, 2025
11 May, 2025
11 May, 2025
11 May, 2025
11 May, 2025
11 May, 2025
11 May, 2025
11 May, 2025
11 May, 2025