سٹی42: چناب دریا میں7 لاکھ کیوسک پانی کا ریلا چنیوٹ کے پل سے گزر رہا ہے۔ پانی کے اس ریلے سے پل پر غیر معمولی دباؤ ہے۔
حکام نے بتایا ہے کہ دریائے چناب میں پانی کا بہت بڑا ریلا چنیوٹ شہر کے قریب سے گزر رہا ہے۔ یہاں سرگودھا روڈ پر واقع سڑک کے پل اور اسی جگہ پر بنے ہوئے ریلوے لائن کے پل کو پانی کے اس بڑے ریلے سے خطرہ لاحق ہے۔ حکام کا کہنا ہے کہ دریائے چناب میں چنیوٹ پل کے مقام پر پانی کا بھاری ریلا گزرنے کا عمل کل تک جاری رہنے کا امکان ہے۔
سٹی42: آج رات ایک بجے تک لاہور میں شاہدرہ کے مقام سے 2 لاکھ 19 ہزار کیوسک سے زیادہ پانی کا ریلا گزر رہا ہے۔ پانی کے بہت بڑے ریلے نے شاہدری کی دریا کے قریب واقع بعض آبادیوں تک مار کی ہے تاہم شاہدرہ اور علاقہ کی بیشتر آبادیاں سیلاب سے محفوظ ہیں۔
آخری اطلاعات ملنے تک افغان کالونی، امین پارک ، شفیق آباد، فرخ آباد؛ یہ سب آبادیاں تین سے چار فٹ پانی میں ڈوبی ہوئی ہیں۔
یہ سب آبادیاں دریا کے نزدیک نشیبی علاقہ میں واقع میں۔
شاہدرہ کی مین آبادیوں کو آج رات ایک بجے تک کوئی خطرہ نہیں۔ متعلقہ حکام بتا رہے ہیں کہ راوی میں پانی کا دباؤ بہت زیادہ ہے لیکن شاہدرہ کی آبادیوں کو کوئی خطرہ نہیں۔ پانی کا یہ ریلا مزید پانچ گھنٹے میں شاہدرہ کے علاقہ سے گزر جائے گا۔
جن آبادیوں مین راوی کا سیلابی پانی آیا ہے، وہاں سے انتظامیہ کی سر توڑ کوشش کے باوجود آبادی کا مکمل انخلا ممکن نہیں ہو سکا۔ انتظامیہ کے مسلسل دباؤ کے باوجود کچھ لوگ آج رات بھی اپنے گھروں میں چھتوں پر موجود ہیں۔
August 08, 2026
August 08, 2026
عابد چوہدری: سیلابی صورتحال کے دوران ،پنجاب سیف سٹیزاتھارٹی نے ون فائیو 15 پر مدد کےلئے آٹھ سو کالیں سنیں اور مدد کے ضرورت مند شہریوں کی فوی مدد کا انتظام کیا۔
آج سیف سٹیز اتھارٹی نے اعداد و شمار جاری کئے جن کے مطابق ون فائیو 15پر گزشتہ 2 روز میں سیلاب سے متعلق 800 سے زائد ہنگامی کالز موصول ہوئیں۔
سیف سٹی کمانڈ اینڈ کنٹرول سینٹر نے مدد کے ضرورت مند شہریوں کی مدد کیلئے ریسکیو اور پولیس کی ٹیمیں فوری طور پر روانہ کیں۔
پنجاب میں ورچوئل پیٹرولنگ کے ذریعے سیلاب سے متاثرہ علاقوں کی مسلسل سرویلنس جاری ہے۔
تھرمل ڈرونز سےخواتین، بچوں ،بزرگ شہریوں کی فوری محفوظ منتقلی یقینی بنائی گئی۔
تھرمل ڈرونز کے ذریعے سیلاب سے متاثرہ علاقوں کی نشاندہی کا عمل مسلسل جاری ہے۔
سیف سٹیز سنٹرز شہریوں کی حفاظت اور ضلعی انتظامیہ کیساتھ معاونت میں مصروف ہے ۔
سیف سٹیز اتھارٹی کے ترجمان نے کہا ہے کہ ایمرجنسی کی صورت میں فوری طور پر 15 ہیلپ لائن پر رابطہ کریں۔
سٹی42: وزیراعظم شہباز شریف نے چاروں وزرائے اعلیٰ کی مشاورت اور حمایت سے نئے ڈیموں کی تعمیر کے لیے حکمت عملی مرتب کرلی ہے۔ حالیہ سیلاب سے قوم کو یہ ادراک ہوا کہ نئے ڈیم بنانا کس قدر ضروری ہے۔
سب سے بڑادریا سندھ پر ڈیم بنانے کے لئے دوسرے صوبوں کی منظوری حاصل کرنا ضروری سمجھا جاتا ہے اس لئے اس دریا پر ڈیم بنانا کئی سال سے لٹکا ہوا ہے۔ اب وزیراعظم نے فیصلہ کیا ہے کہ ڈیموں کی تعمیر کے معاملہ کو ترجیھی بنیاد پر طے کریں گے۔
نئے ڈیمز پر وزیراعظم نے آج کیا کہا
وزیراعظم شہباز شریف کے حوالے سے کل بدھ کے روز بھی نئے ڈیمز بنانے کے حوالے سے اہم اعلان سامنے آیا تھا، آج سیلاب زدہ علاقوں کے جائزہ وزٹ کے دوران وزیراعظم شہباز شریف نے کہا، ہمیں آنے والے سالوں میں ماحولیاتی تبدیلی کے چیلنج سے نمٹنا ہے، پانی کے نئے ذخائر کی تعمیر وقت کی ضرورت ہے۔
انہوں نے کہا، پانی ذخیرہ کرنے کے لیے اپنے وسائل کو بروئے کار لانا ہو گا۔ ملک میں پانی ذخیرہ کرنے کی گنجائش میں اضافہ کرنا ہوگا، ہمارے پاس کئی نئے چھوٹے ڈیمز تعمیر کرنے کی صلاحیت موجود ہے۔
نارووال میں وزیر اعلیٰ پنجاب مریم نواز، وفاقی وزرا، صوبائی وزراء اور این ڈی ایم اے حکام اور مقامی انتظمیہ کے اجلاس میں خطاب کرتے ہوئے وزیراعظم شہباز شریف نے کہا، بارشوں سے گلگت بلتستان اور کے پی میں بہت جانی و مالی نقصان ہوا جبکہ پنجاب کےمیدانوں سے شدید طغیانی گزر رہی ہے، سیلاب سے انسانی جانوں کے ضیاع پر ہم سب کو افسوس ہے۔ 2022 میں اس طرح کی آفت آئی تھی اور تباہی ہوئی تھی، 2022 کی تباہی کا مرکزی نشانہ سندھ اور بلوچستان تھے۔ لاکھوں ایکڑ پر کاشت تیار فصلیں تباہ ہو گئی تھیں۔
وزیراعظم نے کہا، ا پنجاب حکومت، ریسکیو، پولیس، محکمہ ایری گیشن دن رات کام کر رہےہیں، جس پر انہیں دل کی گہرائیوں سے مبارکباد پیش کرتا ہوں، ٹیم ورک کی وجہ سے نقصان کو کم سے کم کیا جا رہا ہے۔
وزیراعظم شہباز شریف نے کہا کہ پاکستان ان ممالک میں شامل ہے جو ماحولیاتی تبدیلی سے زیادہ متاثر ہو رہے ہیں۔ آنے والے سالوں میں ماحولیاتی تبدیلی کے چیلنج سے نمٹنا ہے۔
انہوں نے کہا، پانی کے نئے ذخائر کی تعمیر وقت کی ضرورت ہے۔ پانی ذخیرہ کرنے کے لیے اپنے وسائل کو بروئے کار لانا ہو گا۔ ملک میں پانی ذخیرہ کرنے کی گنجائش میں اضافہ کرنا ہوگا، ہمارے پاس کئی نئے چھوٹے ڈیمز تعمیر کرنے کی صلاحیت موجود ہے۔
نئے ڈیمز کی تعمیر کے متعلق وزیر اطلاعات نے کیا بتایا
نجی ٹی وی سے گفتگو کرتے ہوئے عطااللہ تارڑ نے بتایا کہ ڈیموں کی تعمیر کے حوالے سے کئی بار تبادلہ خیال ہوچکا ہے، وزیراعظم نے واضح کیا ہے کہ دیامر بھاشا ڈیم کی تکمیل جلد از جلد ہونی چاہیے۔
انہوں نے کہاکہ ایک اجلاس کے دوران وزیراعلیٰ خیبرپختونخوا علی امین گنڈاپور نے بھی ڈیموں کی تعمیر کے لیے مالی معاونت فراہم کرنے کی پیشکش کی، جبکہ صوبوں نے وفاق کو مکمل تعاون کا یقین دلایا ہے۔
عطا اللہ تارڑ نے مزید کہاکہ سیلاب سے متاثرہ علاقوں میں نقصانات کے ازالے میں کسی قسم کی سیاسی تفریق نہیں برتی جائے گی۔ ان کے مطابق پانی اترتے ہی نقصانات کا تخمینہ لگانے کا عمل شروع کردیا جائے گا۔
عطا اللہ تارڑ نے زور دیا کہ ملک کو قدرتی آفات سے بچانے کے لیے شجرکاری ناگزیر ہے اور درخت کاٹنے والوں کا سخت احتساب ہونا چاہیے۔
بھارت کی جانب سے پانی چھوڑے جانے کے بعد دریائے راوی، چناب اور ستلج میں شدید سیلابی صورتحال پیدا ہوگئی ہے۔ کئی بستیاں ڈوب چکی ہیں، سیالکوٹ، وزیرآباد، لاہور کے نواحی علاقہ شاہدرہ کے کئی آبادیوں کی گلیاں، محلے اور بازار پانی میں ڈوب گئے، دکانوں اور گھروں میں بھی پانی داخل ہوگیا، جبکہ نارووال میں کرتارپور گوردوارہ بھی سیلابی ریلے کی زد میں آچکا ہے۔ پنجاب بھر مین سینکڑوں گاؤں میں پانی آ گیا ہے اور ابھی مزید گاؤں اور شہروں کو سیلاب کے پانی کی یلغار کا خطرہ ہے۔
فلڈ فورکاسٹنگ ڈویژن کے مطابق دریائے راوی میں جسڑ کے مقام پر ستر سال بعد اور شاہدرہ کے مقام پر 39 برس بعد پانی کی یہ غیرمعمولی صورتحال دیکھی گئی ۔
August 08, 2026
August 08, 2026
سٹی42: راول ڈیم میں پانی لبالب بھر چکا ہے، ڈیم کے فالتو پانی نکالنے والے دروازے آج صبح کھولے جا رہے ہیں۔
این ڈی ایم اے نے بتایا ہے کہ اسلام آباد میں راول ڈیم لبا لب بھر جانے کے سبب راول ڈیم کے سپل ویز جمعہ کی صبح 6بجے کھولنے کا فیصلہ کیا گیا ہے۔
راول ڈیم میں پانی کا لیول 1751 فٹ پر پہنچ چکا ہے۔
این ڈی ایم اے نے تمام متعلقہ اداروں کو پیشگی آگاہ کر دیا ہے کہ صبح 6 بجے ڈیم کے سپل وے کھلیں گے۔ ڈیم سے فالتو پانی سواں دریا میں جاتا ہے۔۔
ایک اور اطلاع کے مطابق کورنگ نالہ میں پانی کے بہاؤ میں اضافہ ہونے کا امکان ہے۔
کورنگ نالہ سے ملحقہ رہائشی آبادیوں کے مکین محتاط رہیں۔
این ڈی ایم اے نے اپنے پبلک میسج میں کہا، عوام سے التما س ہے کہ پانی کا بہاؤ تیز ہونے کی صورت میں نالہ اور نالے پر بنے عارضی پل کراس کرنے سے گریز کریں۔
سٹی42: این ڈی ایم اے نے مون سون بارشوں سے ہونے والے نقصانات کی رپورٹ جاری کردی ہے۔ 24 گھنٹوں میں پنجاب میں 13 افراد جاں بحق ہوئے۔
سیالکوٹ میں پانچ مرد، گجرات میں چار مرد، وزیر آباد میں ایک مرد اور نارووال میں تین مرد جاں بحق ہوئے۔
گزشتہ 24 گھنٹوں میں آزاد کشمیر میں ایک آدمی جاں بحق ہوا۔ پنجاب میں ایک مرد زخمی ہوا۔
خیبر پختونخواہ میں 03 افراد زخمی ہوئے۔
این ڈی ایم اے کی رپورٹ میں بتایا گیا کہ 26 جون سے اب تک مجموعی طور پر 819 جانبں ضائع ہوئیں جبکہ 1111 زخمی ہوئے۔
26 جون سے اب تک پنجاب میں افراد 182 جاں بحق جبکہ 594 زخمی ہوئے۔خیبرپختونخواہ میں479 افراد جاں بحق جبکہ 350 زخمی ہوئے۔
آزاد کشمیر میں 28 افراد جاں بحق جبکہ 29 زخمی ہوئے۔ گلگت بلتستان میں 41 افراد جاں بحق جبکہ 52 زخمی ہوئے۔
26 جون سے اب تک 6138 مویشی ہلاک ، 8658 مکان تباہ جبکہ 238 پل ٹوٹ گئے۔
August 08, 2026
August 08, 2026
سٹی42: راوی دریا کے سیلاب کا پانی شاہدرہ کی نشیبی آبادیوں سے پہلے لاہور کے نواح مین بنائی گئی نئی ہاؤسنگ سوسائٹیوں مین چلا گیا۔ کئی ہاؤسنگ سوسائٹیوں میں تین فٹ تک پانی جمع ہو گیا۔ انتظامیہ ہاؤسنگ سوسائتیوں کو کل رات سے ہنگامی بنیادوں پر خالی کروا رہی ہے۔
پی ڈی ایم اے کے ڈائریکٹر جنرل عرفان علی کاٹھیا نے آج بتایا کہ لاہور کے نواح میں واقع کچھ سوسائٹیزمیں مسائل تھے، یہ ہاؤسنگ سوسائٹیاں خالی کروالی گئیں۔ انہوں نے بتایا کہ کچھ سوسائٹیز میں تین سے چار فٹ پانی آیا۔
چوہنگ کے قریب نجی سوسائٹی تھیم پارک سیلابی پانی میں گھر گئی۔
تھیم پارک سوسائٹی موہلنوال 80فٹ روڈ پر بھی پانی جمع ہے۔ پیرا فورس، پاک فوج سمیت دیگر ادارےانخلاء میں شہریوں کی مدد کرنے کے لئے کوشاں ہیں۔
تھیم پارک سوسائٹی اور قریب آبادیوں سے شہریوں کے انخلاء کا سلسلہ جاری ہے۔
سائرن اوراعلانات کےذریعےلوگوں کوگھروں سےنکالنےکی کوشش کی جا رہی ہے۔
ڈپٹی کمشنر سید موسیٰ رضا سوسائٹی میں سیلابی صورتحال سے نمٹنے کیلئےانتظامات کی نگرانی خود کر رہے ہیں۔
ڈپٹی کمشنرنے آج تھیم پارک چوہنگ کا دورہ کیا اور وہاں سے مکینوں کے انخلاء کا معائنہ کیا۔
انہوں نے پاک آرمی، ضلعی انتظامیہ، ریسکیو 1122 ودیگر محکموں کے اقدامات کا جائزہ لیا۔
اسسٹنٹ کمشنر رائیونڈ نے ڈپٹی کمشنر کو سیلاب ریلیف سرگرمیوں پر بریفنگ دی اور شہریوں کے انخلاء اور ریلیف کیمپس کی صورتحال کی تفصیلات پیش کیں۔
تھیم پارک سوسائٹی میں پانی کدھر سے آیا
تھیم پارک سوسائٹی موہلنوال میں سیلابی پانی جموں والی گھاٹی سے داخل ہوا۔
تھیم پارک سوسائٹی دریائے راوی سے 500میٹر کے فاصلے پر ہے۔
علی رامے: پی ڈی ایم اے کے ڈائریکٹر جنرل عرفان علی کاٹھیا نے بتایا ہے کہ راوی دریا میں آج صبح 6بجے 1لاکھ 21ہزار کیوسک پانی چھوڑا گیا، اس وقت 2 لاکھ کیوسک کا ریلا لاہور ے قریب سے گزر رہا ہے۔
عرفان علی کاٹھیا نے میڈیا نمائندوں کو بریفنگ دیتے ہوئے بتایا کہ 39سال بعد 2 لاکھ کیوسک کا ریلہ گزر رہا ہے۔
عرفان علی کاٹھیا نے بتایا کہ لاہور میں کچھ سوسائٹیزمیں مسائل تھ، یہ سوسائیٹیاں خالی کرالی گئیں،کچھ سوسائٹیز میں تین سے چار فٹ پانی آیا۔
عرفان علی کاٹھیا نے بتایا کہ راوی میں پانی کی سطح بلندہورہی ہے، اگلےچندگھنٹےصورتحال اسی طرح رہنےکاامکان ہے۔ اگلے24گھنٹےلاہور،قصور،ساہیوال کیلئےاہم ہیں۔ 26اگست کا مشکل ترین دن تھا۔ 15لاکھ34ہزارکیوسک پانی دریاؤں،نالوں سےگزرا۔
مون سون کے آٹھویں سپیل کے نقاصانات
عرفان علی کاٹھیا نے بتایا کہ 8ویں سپیل میں ابھی تک17شہری جاں بحق ہوئے۔آج9واں سپیل شروع ہو رہا ہے۔
ڈی جی عرفان علی کاٹھیا نے بتایا کہ ہیڈ قادر آباد میں دس لاکھ ستھتر ہزار کیوسک کا پانی گزر رہا تھا۔
کل حافظ آباد پنڈی بھٹیاں اور چینوٹ کو بچا لیا گیا۔اب قادر آباد بیراج سیف ہے۔
اگلے چند گھنٹے چینوٹ اور جنگ کے لیے اہم ہیں۔
آٹھ سے نو لاکھ کیوسک پانی چینوٹ اور تریموں کی طرف آگے چند گھنٹوں میں جائے گا۔اٹھارہ اضلاع میں ٹینٹ سمیت تمام اشیا پہنچا دی گئیں۔
پی ڈی ایم اے کے ڈی جی نے بتایا کہ نالہ ڈیک 77800کیوسک پانی گزرا ہے۔ بھارت کی طرف ہونے والی شدید بارشوں کے باعث پاکستان میں تباہی ہوئی ہے۔ ابھی بھی پانی ان جگہ سے جا رہا ہے جہاں سے قدرتی گذرگاہیں تھی
اب وہاں آبادیاں بنا دی گئی ہیں۔
چیف منسٹر کی ہدایات ہر فنڈز کی کوئی کمی نہیں، سروے بھی جلد شروع کیا جا رہا ہے۔
August 08, 2026
August 08, 2026
سٹی42: قادر آباد ہیڈورکس تو بچ گیا لیکن منڈی بہاؤلدین اور علی پور چٹھہ کے سینکڑوں گاؤں سیاب مین ڈوب گئے۔ اب آئندہ کئی گھنٹے چنیوٹ اور جھنگ شہر کے لئے نازک بتائے جا رہے ہیں۔
پی ڈی ایم اے کے ڈائریکٹر جنر؛ عرفان علی کاٹھیا نے بتایا کہ کل ہیڈ قادر آباد میں دس لاکھ ستتر ہزار کیوسک پانی گزر رہا تھا۔
کل وہاں منڈی بہاوالدین کا بند توڑا گیا۔ اور اس کے بعد علی پور چٹھہ کا بند بھی توڑا گیا۔
عرفان علی کاٹھیا نے بتایا کہ کل حافظ آباد پنڈی بھٹیاں اور چینوٹ کو بچا لیا گیا۔ اب قادر آباد بیراج سیف ہے۔
اگلے چند گھنٹے چینوٹ اور جنگ کے لیے اہم ہیں۔
آٹھ سے نو لاکھ کیوسک پانی چینوٹ اور جھنگ سے گزر کر تریموں کی طرف جائے گا
سٹی42: دریائے راوی میں پانی کا بہت بڑا ریلا شاہدرہ کے قریب سے گزر رہا ہے۔ شاہدرہ کی نواحی آبادیوں عزیزکالونی، فرخ آباد میں پانی کی سطح میں مسلسل اضافہ ہو رہا ہے۔ علاقہ میں سکول اور کالج بند کردیئے گئے ہیں، جو لوگ انتظامیہ کے بار بار سمجھانے کے باوجود علاقہ نہیں چھوڑ رہے تھے وہ اب سامان برباد ہونے پر رو رہے ہیں اور علاقہ چھوڑ رہے ہیں۔
راوی میں شاہدرہ کےمقام سےآج جمعرات کی شام اونچےدرجےکاسیلابی ریلہ گزرےرہاہے۔
شاہدرہ کےمقام سے2لاکھ15ہزارکیوسک پانی گزررہاہے۔
ڈی جی پی ڈی ایم اے نے بتایا کہ شاہدرہ کےمقام پرپانی کی سطح بڑھ رہی ہے۔
آج صبح6بجے1لاکھ21ہزار کیوسک پانی چھوڑا گیا۔اس وقت 2 لاکھ کیوسک کا ریلہ گزر رہا ہے۔
ڈی جی پی ڈی ایم اے عرفان کاٹھیا نے بتایا کہ 39سال بعد راوی میں 2 لاکھ کیوسک کا ریلہ گزر رہا ہے۔
انتظامیہ بچاؤ کیلئے سرگرم
اےسی راوی سٹی نےفرخ آبادکادورہ کیا ہے اورمزید گھرخالی کرانےکیلئےآپریشن تیز کر رہے ہیں۔
علاقے میں ریلیف کیمپس قائم ہیں، ہیوی مشینری بھی موقع پرموجود ہے۔اسسٹنٹ کمشنر نے بتایا کہتقریباً 100سے زائد گھروں کو خالی کرا لیا گیا ہے۔
شہریوں کےانخلا کو یقینی بنانے کیلئےپیرا فورس بھی موجود ہے۔
سیلابی صورتحال کےپیش نظر علاقےمیں امدادی سرگرمیوں میں پہلے سے مصروف اسسٹنٹ کمشنرراوی سٹی کی ہدایت پرمزید نفری بھی طلب کرلی گئی ہے۔
دریائے راوی میں تاریخی سیلابی ریلہ گزرنے کے پیش نظر شاہدرہ ٹاؤن میں نقل مکانی کا عمل شروع کر دیا گیا۔دریائے راوی سے منسلک شاہدرہ ٹاؤن میں مکینوں نے اپنا سامان گھروں سے نکال کر منتقل کرلیا۔
دریا کے قریب واقع آبادیوں سے مکینوں نے بھینسیں، چارپائیاں اور صندوقوں میں بھر کر انتہائی ضرورت کا سامان اُٹھا لیا اور گھر چھوڑ کر محفوظ آبادیوں کی طرف جا رہے ہیں۔
مکینوں کا کہنا تھا کہ ہم اپنی مدد آپ کے تحت نقل مکانی کرنے پر مجبور ہیں۔حکومت ہمارےلئے رہنے کا بندوبست کرے۔ مکینوں نے اعلیٰ حکام سے مطالبہ کیا کہ املاک کے نقصانات کا تخمینہ لگا کر ان کی مدد کی جائے۔
انتطامیہ نے بتایا کہ فرخ آباد میں پانی آنے سے بہت پہلے سے اس علاقہ کے مکینوں سے نقل مکانی کر کے محفوظ مقامات پر جانے کے لئے کہا جا رہا تھا۔ بہت سے لوگوں نے بروقت نقل مکانی کر لی، کچھ اب جا رہے ہیں۔ نقل مکانی کرنے والوں کے لئے علاقہ میں کئی ریلیف کیمپ لگا رکھے ہیں۔
انتظامیہ نے بتایا کہ شاہدرہ کے مقام پر انتہائی اونچے درجےکا سیلاب ہے، ملتان روڈ پر چوہنگ کے قریب ایک ہاؤسنگ سوسائٹی زیر آب آگئی ہے۔
شاہدرہ کی متعدد آبادیوں میں پانی داخل ہوگیا ہے، فرخ آباد، عزیزکالونی اور دیگر ملحقہ علاقوں کے مکینوں کوپریشانی کا سامنا ہے۔ انتظامیہ کی جانب سےگھروں کو خالی کرانےکا کام شروع کردیاگیا۔سیلاب متاثرین کو کیمپ میں بلانےکے لیے مساجد میں اعلانات کرائے گئے ہیں۔
انتظامیہ کے مطابق فرخ آباد کے 2 اسکولوں میں امدادی کیمپ قائم کردیےگئے ہیں، سیلاب متاثرین کے لیےکھانےکا بھی انتظام کیا جا رہا ہے۔
August 08, 2026
August 08, 2026
سٹی42: چناب میں تاریخ کے غیر معمولی سیلاب کی تباہ کاری کو کم کرنے کےلئے کم از کم چھ اور حفاظتی بندوں کو توڑا جا رہا ہے۔
کل دو حفاظتی بند توڑ کر قادر آباد ہیڈورکس کو بچایا گیا تھا، آج اولیا اللہ کے مسکن ملتان شہر کو سیلاب سے بچانے کی مصیبت درپیش ہے جس کی وجہ سے بند توڑا جا رہا ہے۔
ملتان شہر کے قریب سے گزرنے والے چناب دریا میں پانی کے بڑے ریلے آ رہے ہیں، دریا کا سیلابی پانی ملتان شہر کی طرف بڑھ رہا ہے۔ شہر کو سیلاب میں ڈوبنےسے بچانے کیلئے فیصلہ کیا گیا ہے کہ ہیڈ محمد والا کے مقام پر حفاظتی بند توڑ کر دریا کے پانی کو دوسری طرف بکھیرنے کا راستہ کھولا جائے۔
اس سے پہلے جک چناب کے پانی سے قادر آباد بیراج کے بہہ جانے کا شدید خطرہ تھا، یہ بیراج ٹوٹ جاتا تو حافظ آباد شہر اور چنیوٹ شہر کے سیلاب میں غرق ہو جانے کا خطرہ تھا۔ اس خطرے سے بچنے کے لئے علی پور چٹھہ اور قادر آباد بیراج کے قریب دو بند توڑے گئے تھے۔ قادر آباد بیراج پر پانی کا دباؤ اب بھی برقرار ہے، اب یہاں سے نیچے جا رہا پانی کا ریلا ملتان اور مظفر گڑھ تک راست میں ہزاروں دیہات، کئی شہروں اور قصبوں کے لئے خطرہ ہے۔
بند میں شگاف ڈالنے کا فیصلہ آج جمعرات کے روز کچھ دیر پہلے دریا میں پانی کی مسلسل خطرناک ہوتی سورتحال کے سبب کیا گیا۔
مقامی ذرائع بتا رہے ہیں کہ چناب کا پانی پہلے ہی ملتان شہر کی طرف بڑھ رہا ہے اور شہر کے قریب ہزاروں ایکڑ رقبہ زیر آب آ چکا ہے۔
ملتان کے ڈپٹی کمشنر وسیم حامد نے بتایا ہے کہ شہری آبادی کو بچانے کے لیے ہیڈ محمد والا کے مقام پر شگاف ڈالا جائےگا۔ بستیوں سے 60 فیصد تک شہریوں کا انخلا کر دیاگیا ہے۔
ملتان کی تحصیل جلال پور پیروالا کے 18 دیہاتوں میں چناب کا سیلابی پانی داخل ہوگیا ہے۔ دریائے چناب کا بہت بڑا سیلابی ریلا اگلے 24 گھنٹے میں جھنگ اوراور دو روز میں ملتان سے گزرے گا۔
پنجاب کے دریاؤں میں بڑے سیلابی ریلے آج بھی برقرار ہیں۔ آج مزید سینکڑوں دیہات زیر آب آئے، شہریوں کی بڑے پیمانے پر نقل مکانی آج بھی جاری ہے، حالیہ سیلاب کے سبب حادثات میں اموات 12 ہو گئیں
مظفر گڑھ بھی سیلاب کی زد میں؛ پانچ بند توڑنے کی تیاری
دریائے چناب میں مظفرگڑھ کے مقام پر انتہائی اونچے درجے کا سیلاب ہے جس کے باعث مظفر گڑھ شہر کو 5 مقامات پر حفاظتی بند توڑنے انتطامات مکمل کرلیے گئے ہیں۔
سرگودھا میں کوٹ مومن کے متعدد علاقوں میں پانی داخل ہونے سے فصلوں کو نقصان پہنچا، منڈی بہاالدین کی تحصیل پھالیہ کے 69 دیہات اور موضع جات زیرآب آگئے جبکہ متعدد متاثرہ علاقوں کا زمینی راستہ منقطع ہوگیا۔
حافظ آباد میں سیلابی پانی سے دھان اور چارے کی فصل متاثر ہوئی، گوجرانوالہ میں نالہ پلکھو اوور فلو ہونے سے دیہاتوں کا زمینی رابطہ منقطع ہوگیا، وزیرآباد میں بھی دریا کنارے قائم متعدد دیہات زیر آب آگئے۔
29 Aug, 2025
29 Aug, 2025
29 Aug, 2025
28 Aug, 2025
28 Aug, 2025
28 Aug, 2025
28 Aug, 2025
28 Aug, 2025
28 Aug, 2025
28 Aug, 2025