سٹی 42 : وزیرِ اعظم شہباز شریف نے مخصوص نشستوں کے حوالے سپریم کورٹ کے آئینی بینچ کے فیصلے کا خیرمقدم کیا ہے۔
وزیرِ اعظم کی جانب سے قانونی ٹیم کو مبارکباد اور ان کی انتھک محنت پر پزیرائی کی گئی ۔ شہباز شریف نے کہاکہ فیصلے سے آئین و قانون کی بالادستی قائم ہوئی اور قانون کی درست تشریح ہوئی.
وزیراعظم نے کہا کہ اپوزیشن کو چاہیے کہ وہ آئیں حکومت کے ساتھ مل کر ملکی ترقی و خوشحالی کیلئے اپنا مثبت کردار ادا کریں.
کرکٹر شاہد آفریدی نے دریائے سوات میں سیاحوں کے ڈوبنے کے واقعے پر خیبر پختونخوا حکومت کو ذمہ دار ٹھہرایا ہے۔
ایکس پر پوسٹ شاہد آفریدی نے لکھا، دریائے سوات میں ڈوبنے والے معصوم لوگ آخری لمحے تک بے بسی کی تصویر بن کر یہ انتظار کرتے رہے کہ شاید کوئی انہیں بچا لے گا۔ مگر انہیں اندازہ نہیں تھا کہ جن کی یہ ذمہ داری ہے، ان کی ترجیحات کچھ اور ہیں۔
آج دریائے سوات کے اندر ایک مختصر خشک ٹیلے پر جا کر تفریح کرنے والے 17 سیاحوں کو پانی کا اچانک آنے والا ریلا بہا لے گیا۔ ٹیلے پر موجود افراد مدد کے لئے پکارتے رہے لیکن کوئی ان کی مدد کے لئے نہین گیا، ریسکیو 1122 کے اہلکار اس وقت آئے جب ریلے نے اس خشک ٹیلے کو نگل لیا تھا اور اس پر کھڑے تمام افاد کو بہا کر ساتھ لے گیا تھا۔ ریسکیو اہلکاروں نے سخت جدوجہد کر کے 9 افراد کی لاشیں تلاش کر لیں اور 4 کو دریا میں سے زندہ نکال لیا۔ چار بدقسمت اب تک لاپتہ ہیں۔
عینی شاہدین کے مطابق صبح ناشتے کے بعد سیاحوں نے تصویریں لینے کے لیے دریا کے خشک حصے کا رخ کیا، اچانک بے رحم موجوں نے گھیر لیا ، لوگ جان بچانے کے لیے ٹیلے پر چڑھ گئے، مدد کے لیے پکارتے رہے لیکن دریا کا بہاؤ اتنا تیز تھا کہ کوئی اس کے سامنے ٹھہر نہ سکا۔
لوگوں کو بچانے کی مقامی افراد کی کوششیں بھی ناکام ہوگئیں، ڈوبنے والوں میں 10 کا تعلق سیالکوٹ، 6 کا مردان اور ایک سوات کا رہائشی تھا۔
June 06, 2026
June 06, 2026
سٹی42: سپریم کورٹ کے آئینی بینچ کے فیصلے کی روشنی میں حکمران اتحاد کی قومی اسمبلی میں نشستوں میں قومی اسمبلی، خیبر پختونخوا اور پنجاب میں 77 نشستیں بحال ہوئی ہیں۔
فیصلے سے قبل قومی اسمبلی میں حکمراں اتحاد میں شامل جماعتوں کے ارکان کی مجموعی تعداد 218تھی، اب یہ ارکان دوبارہ 237 ہو گئے ہیں۔
مسلم لیگ (ن) کے 110، پیپلز پارٹی کے 70، متحدہ قومی موومنٹ (ایم کیو ایم) کے 22 اور مسلم لیگ (ق) کے پانچ ارکان ہیں۔
پارٹی پوزیشن کے مطابق قومی اسمبلی میں اپوزیشن میں شامل جماعتوں کے مجموعی ارکان کی تعداد 100 بتائی گئی ہے جس میں سنی اتحاد کونسل کے 80، تحریکِ انصاف کی حمایت سے کامیاب ہونے والے آٹھ آزاد ارکان اور جمعیت علمائے اسلام (ف) کے آٹھ ارکان بھی شامل ہیں۔
قومی اسمبلی میں مسلم لیگ ن کی 15 نشستیں بحال ہو رہی ہیں، پیپلز پارٹی کی4 نشستین بحال ہو رہی ہیں اور جے یو آئی ف کی 3 نشستیں بحال ہو رہی ہی۔ الیکشن کمیشن 15 روز میں ان ارکان کی رکنیت بحال کرنے ککے سپریم کورٹ کے حکم پر عمل درآمد کرے گا۔
آج سپریم کورٹ کے گیم چینجر فیصلے کے بعد قومی اسمبلی میں مسلم لیگ ن کے ارکان کی تعداد 125 ہو گئی، پیپلز پارٹی کے 74ارکان ہوں گے۔ قومی اسمبلی میں اب اتحادی جماعتوں کو دو تہائی اکثریت حاصل ہو گئی ہے۔336کے ایوان میں دو تہائی اکثریت کے لیے 224اراکین کی ضرورت ہے۔حکمران اتحاد کو 237اراکین کی حمایت حاصل ہو گئی ہے
قومی اسمبلی میں جے یو آئی کے ارکان کی تعداد11 ہو گئی ہے۔
سپریم کورٹ کے فیصلہ کا صوبائی اسمبلیوں کی کمپوزیشن پر امپیکٹ
سندھ اسمبلی میں پیپلز پارٹی اور ایم کیو ایم کے 3 ارکان کی رکنیت بحال ہوئی ہے۔
پیپلز پارٹی کے سریندر ولاسائی دوبارہ اقلیتی ممبر بن گئے۔
پیپلز پارٹی کی سمیتا افضال خاتون رکن بن گئی ہیں۔ ایم کیو ایم کی ایک خاتون رکن مکی اسمبلی میں واپسی ہو رہی ہے۔ ایم کیو ایم کی مسرت جبین بھی رکن سندھ اسمبلی بن گئی ہیں۔
پنجاب اسمبلی میں مسلم لیگ ن کی اکثیر مزید سٹرونگ ہو گئی ہے۔ پنجاب اسمبلی میں مسلم لیگ ن کو 23 مخصوص نشستوں پر اپنے منتخب ارکان کو اسمبلی میں واپس لانے کا موقع ملا ہے۔ پنجاب اسمبلی میں پیپلز پارٹی کی بھی نشستیں بحال ہوئی ہیں۔
خیبر پختونخوا اسمبلی میں مسلم لیگ نون کی 8 خواتین کی رکنیت بحال ہوئی ہے۔
شیئر کریں:
دریائے سوات میں سیاحوں کے ڈوبنے کے سانحہ کا سوشل میڈیا پر شور مچنے کے بعد علی امین گنڈا کی حکومت نے کئی افسراں کو معطل کردیا۔ سانحے کی تحقیقات کیلئے وزیراعلیٰ کے حکم پرانکوائری ٹیم تشکیل دے دی گئی۔
پی ٹی آئی کی حکومت نے "سیاحت کو آمدن کا ذریعہ" بنانے کے لئے کئی سال کے دوران زور دار تہشیری مہمیں چلائیں جن میں پی ٹی آئی کے بانی پیش پیش رہے، ان تشہیری مہموں سے متاثر ہو کر اب لاکھوں کو خیبر پختونخوا کے سیاحتی علاقوں میں جاتے ہین، وہاں سیاح تو بے شمار آتے ہین لیکن ان کی حفاظت کے لئے صوبائی ھکومت نے مناسب انتظامات کبھی نہیں کئے۔ اس کے نتیجہ میں حادثات ہوتے رہتے ہیں۔ ایک بہت خوفناک حادثہ پی ٹی آئی کی وفاق، پنجاب اور خبیر پختونخوا مین حکومتوں کے دوران مری جانے والی سڑک پر ہوا تھا جہاں رات کے وقت درجنوں افراد برف کے طوفان میں پھنس کر اپنی گاڑیوں میں مر گئے تھے۔
آج سوات میں دریا مین اچانک پانی کا ریلا آنے کے وقت دریا میں موجود بہت سے بچے، عورتیں اور مرد پانی میں بہہ گئے تھے، ریسکیو کارکنوں نے فوری کارروائی کر کے جتنے لوگوں کو بچا سکتے تھے بچا لیا، بہت سے پانی مین بہہ گئے، نو افراد کی لاشین مل گئیں اور اتنے ہی افراد اب تک لاپتہ ہیں۔
اب وزیراعلیٰ کے حکم سے ایک انکوائری کمیٹی بنائی گئی ہے جس کے سربراہ وزیراعلیٰ انسپکشن ٹیم کے چیئرمین ہوں گے۔
کمیٹی سانحے کی وجوہات اورذمہ داروں کا تعین کرے گی۔
وزیراعلیٰ خیبرپختونخوا کی ہدایت پرکئی افسر معطل کردے گئے جن میں اسسٹنٹ کمشنربابوزئی بھی شامل ہیں۔
اسسٹنٹ کمشنر خوازہ خیلہ کو پانی کے ریلے کی پیشگی وارننگ نہ دینے پر اور اے ڈی سی کو ریلیف کے پیشگی انتظامات نہ کرنے پرمعطل کیا گیا۔
علی امین گنداپور نے ریسکیو1122کےضلعی انچارج کو بھی اڑا دیا ۔ ریسکیو ٹیم نے فوری کارروائی کا آغاز کیا تھا اور علاقہ کے لوگوں اور متاثرین سب نے ریسکیو اہلکاروں کے کام کو خڑاج تحسین پیش کیا لیکن وزیراعلیٰ نے ضلع سوات کے ریسکیو کے چیف کو معطل کرندیا۔ ترجمان نے مزید کہاکہ جاں بحق افراد کے ورثاکو فی کس 10 لاکھ روپے کی مالی امداد فراہم کی جائے گی۔
خیال رہے کہ آج دریائے سوات کا سیلابی ریلا 17 افراد کو بہا لے گیا، 9 افراد جاں بحق ہو گئے اور 4 کو بچالیا گیا جبکہ چار کی تلاش جاری ہے۔
عینی شاہدین کے مطابق صبح ناشتے کے بعد سیاح تصویریں لینے کے لیے کشتیوں پر بیٹھ کر دریا کے درمیان واقع ایک چند گز چوڑے اور چند گز لمبے خشک حصے پر چلے گئے ، اچانک دریا مین پانی بڑھ گیا، دریا کے بیچ مین بنے اس ٹیلے پر موجود لوگ وہیں پھنس گئے، ان مین سے اکثر عورتین اور بچے تھے۔ یہ لوگ جان بچانے کے لیے ایک دوسرے کے ہاتھ پکڑ کر کھڑے رہے، مدد کے لیے پکارتے رہے لیکن دریا کا بہاؤ اتنا تیز تھا کہ کوئی اس کے سامنے ٹھہر نہ سکا۔
لوگوں کو بچانے کی مقامی افراد کی کوششیں ناکام ہوگئیں، ڈوبنے والوں میں سے 10 کا تعلق سیالکوٹ، 6 کا مردان سے تھا اور ایک بدقسمت شہری سوات کا رہائشی تھا۔
26 اگست 2022 کو ضلع لوئر کوہستان کے علاقے سناگئی دوبیر میں 5 دوست تین گھنٹے تک پھنسے رہنے کے بعد سیلابی ریلے میں بہہ گئے تھے۔
پانچوں دوست اچانک سیلابی ریلے کی زد میں آنے کے بعد ایک بلند پتھر پر چڑھ گئے اور تین گھنٹے تک وہ حسرت اور بے بسی کی تصویر بنے رہے۔ پانچوں دوست امداد کا انتظار کرتے رہے مگر کوئی سرکاری ادارہ یا ریسکیو ٹیم نہ پہنچی اور وہ بہہ گئے۔
اس وقت بھی سیاحوں کی حفاظت کے انتظام کا بہت شور مچا تھا، اس وقت بھی خیبر پختونخوا میں پی ٹی آئی کی ھکومت تھی، اس وقت سے لے کر آج تک سیاحوں کو بلانے کی مہمیں تو بہت چلائی جاتی ہین لیکن سیاحوں کی حفاظت کا کوئی انتظام نہیں کیا جاتا۔
June 06, 2026
June 06, 2026
سٹی42: سپریم کورٹ آف پاکستان کے مخصوص نشستوں کے مشہور کیس کا فیصلہ آنے سے پاکستان کی پارلیمنٹ میں بہت بڑا عددی انقلاب آ گیا اور حکومت آئین میں ترامیم کرنے کے لئے درکار دو تہائی اکثریت بحال ہو گئی جو اسے 8 فروری 2024 کی الیکشن کے بعد پارلیمنٹ میں حاصل ہوئی تھی۔ یہ مخصوص نشستوں کا کیس کیا ہے، یہ جاننے مین سب کو دلچسپی ہے۔
سپریم کورٹ میں مخصوص نشستوں کے کیس میں اٹارنی جنرل کے دلائل آج مکمل ہوئے اور ان دلائل کے ساتھ ہی نظر ثانی کیس کی سماعت مکمل ہونے کا اعلان کیا گیا۔ پی ٹی آئی کے دلائل پہلے مکمل ہو چکے تھے۔ تیرہ رکنی بنچ کے ایک معزز جج جسٹس صلاح الدین سنی اتحاد کونسل کے وکیل کے اعتراض کو لے کر آج آخری سماعت میں بنچ سے الگ ہو گئے تھے، آج فیصلہ 13 رکنی بنچ کے 12 ججوں نے سنایا۔
سماعت مکمل ہونے کا اعلان کرنے کے ساتھ بنچ کے سربراہ جسٹس امین الدین خان نے اعلان کیا کہ کچھ دیر میں مختصر فیصلہ سنایا جائے گا۔
آج شام ہی سپریم کورٹ کے آئینی بینچ کے تمام جج دوبارہ بیٹھے اور سربراہ جسٹس امین الدین خان نے مختصر فیصلہ سنایا۔
نظرثانی کی ان اپیلوں کی 17 سماعتیں ہوئیں اور جسٹس صلاح الدین نے ان اپیلوں کی سماعت کے آخری روز سنی اتحاد کونسل کے وکیل حامد خان کی جانب سے اعتراض اٹھائے جانے کے بعد ان اپیلوں کی سماعت سے معذوری ظاہر کی تھی۔
سپریم کورٹ نے 5 کے مقابلے میں 7 کی اکثریت سے نظر ثانی درخواستیں منظور کرلیں اور پشاور ہائیکورٹ کا فیصلہ برقرار رکھا اور پاکستان تحریک انصاف کو مخصوص نشستیں دینے کا حکم کالعدم قرار دے دیا۔عدالت اعظمیٰ نے اپنے مختصر فیصلے میں کہا ہے کہ مخصوص نشستیں نہ پاکستان تحریک انصاف کو مل سکتی ہیں اور نہ ہی سنی اتحاد کونسل کو۔
اصل درخواست پشاور ہائی کورٹ میں دائر ہوئی
پشاور ہائی کورٹ میں مخصوص نشستیں دینے کے لئے درخواست سنی اتحاد کونسل نے دائر کی تھی، عدالت نے مفصل سماعت کے بعد پی ٹی آئی کی الیکشن لڑے بغیر مخصوص نشستیں مانگنے کی درخواست مسترد کر دی تھی۔
سپریم کورٹ میں پی ٹی آئی کی درخواست پر متنازعہ فیصلہ
پشاور ہائی کورٹ سے درخواست مسترد ہونے کے بعد سنی اتحاد کونسل نے اس فیصلہ کے خلاف اپیل سپریم کورٹ میں دائر کی جہاں چیف جسٹس قاضی فائز عیسیٰ کی سربراہی میں تیرہ رکنی بنچ نے اس کی سماعت کی اور پی ٹی آئی کو مخصوص نشستیں دینے کا فیصلہ سنا دیا۔ پی ٹی آئی اس کیس میں فریق نہیں تھی اور اس نے مخصوص نشستیں مانگی ہی نہیں تھیں۔
سابق چیف جسٹس قاضی فائز عیسی کی سربراہی میں سپریم کورٹ کے 13 رکنی بینچ نے اپیلوں کی سماعت مکمل کر کے 12 جولائی 2024 کو اس کا فیصلہ سناتیا تھا۔ جسٹس منصور علی شاہ اور ان کے ساتھی آٹھ ججوں نے اکثریت کی بنا پر فیصلہ دیا تھا کہ یہ مخصوص نشتیں پاکستان تحریک انصاف کو دی جائیں جبکہ پاکستان تحریک انصاف الیکشن کمیشن کے فیصلے کے خلاف نہ تو پشاور ہائی کورٹ اور نہ ہی سپریم کورٹ میں درخواست گزار تھی۔سنی اتحاد کونسل الیکشن کمیشن کے اس فیصلے کے خلاف پشاور ہائی کورٹ اور سپریم کورٹ میں واحد اپیل کندہ تھی۔
اس فیصلے میں بہت بڑے فلا Flaw تھے جن کی تفصیلی فیصلہ سے بھی کوئی وضاحت نہیں ہوئی تھی۔ وفاقی حکومت نے اس فیصلہ کے خلاف نطر ثانی کی درخواست دائر کی تھی۔
معاملہ کیا تھا
پی ٹی آئی نے عرصہ دراز سے اپنا انترا پارٹی الیکشن نہیں کروایا تھا۔ آئین کے تحت الیکشن کمیشن نے یہ حکم دیا کہ پی ٹی آئی اپنا انترا پارٹی الیکشن کروائے ورنہ اسے آئندہ کسی الیکشن میں حصہ لینے کی اجازت نہیں ملے گی۔ پی ٹی آئی الیکشن کمیشن کی ہدایت کی تعمیل کرنے میں ناکام رہی اور 8 فروری 2024 کا الیکشن آ گیا۔
انٹراپارٹی الیکشن نہ کرنے کی وجہ سے فروری 2024 میں ہونے والے عام انتخابات میں پی ٹی آئی کو انتخابی نشان نہیں دیا گیا، اس کے امیدواروں نے سیاسی پارٹی کے امیدوار کی حیثیت سے الیکشن لڑنے کی بجائے آزاد امیدوار کی حیثیت سے الیکشن لڑا، کچھ جیتے کچھ ہار گئے۔ پی ٹی آئی اس الیکشن میں پارٹی کی حیثیت سے شریک ہی نہیں تھی۔
الیکشن کے بعد دوسرے مرحلہ میں قوم یاسمبلی اور صوبائی اسمبلیوں میں مخصوص نشستوں کی متناسب نمائندگی اصول کے تحت تقسیم کا مرحلہ آیا تو الیکشن کمیشن نے پارلیمنٹ میں آنے والی تمام سیاسی پارٹیوں کو مخصوص نشستین ان کی جنرل الیکشن میں ملنے والی نشستوں کے تناسب سے تقسیم کر دیں۔
پی ٹی آئی جو الیکشن میں شریک ہی نہیں تھی، اسے کوئی نشست بھی نہیں ملی۔ مخصوص نشستوں کی تقسیم کے بعد قوم یاسمبلی میں مسلم لیگ نون اور پیپلز پارٹی کو دو تہائی اکثریت مل گئی تھی۔
اس دوران پی ٹی آئی کی پراکسی سیاسی جماعت سنی اتحاد کونسل نے مخصوص نشستیوں کی تقسیم کو پشاور ہائی کورٹ میں چیلنج کیا۔ پشاور ہائی کورٹ نے مفصل سماعتوں کے بعد الیکشن کمیشن آف پاکستان کے مؤقف کو صحیح تسلیم کر لیا اور سنی اتحاد کونسل کی درخواست خارج کر دی تھی۔
الیکشن کمیشن نے نظر ثانی درخواست دائر کر دی
الیکشن کمیشن آف پاکستان اور سیاسی جماعتوں سے تعلق رکھنے والی بعض خواتین نے سپریم کورٹ کے 12 جولائی 2024 کے فیصلے کو چیلنج کیا تھا۔
نظرثانی کی اپیلوں کی سماعت چھ مئی سے سپریم کورٹ کے 13 رکنی آئینی بینچ نے کی تھی اور اس بینچ میں پی ٹی آئی کو نشستین دینے کا فیصلہ کرنے والے آٹھ ججز میں سے چار جج شامل تھے جن میں جسٹس عائشہ ملک اور جسٹس عقیل عباسی شامل ہیں، جنھوں نے مخصوص نشستیں پاکستان تحریک انصاف کو دینے کے حق میں فیصلہ دیا تھا۔ ان دونوں ججوں نے دونوں جج نظرثانی کی ان اپیلوں کی پہلی سماعت کے بعد دلائل کو سنے بغیر ہی ہی ان درخواستوں کو "مسترد" کرتے ہوئے یہ کہا تھا کہ وہ اس بارے میں پہلے ہی فیصلہ دے چکے ہیں۔
جسٹس محمد علی مظہر اور جسٹس حسن اظہر رضوی بھی 12 جولائی کے اکثریتی فیصلے کا حصہ تھے تاہم نظرثانی کے اس فیصلے میں انھوں نے اپنے گذشتہ فیصلے پر نظرثانی کی ہے۔
سنی اتحاد کونسل کے وکیل حامد خان کا موقف تھا کہ نظرثانی کی اپیلوں کو صرف وہی جج سن سکتے ہیں جنھوں نے پہلے اس مقدمے کو سنا ہو , موجودہ جج نظرثانی کی ان اپیلوں کو نہیں سن سکتے۔
اس نام نہاد اصول کو اختیار کرنے میں رکاوٹ یہ تھی کہ گزشتہ فیصلہ میں اخثریتی فیصلہ دینے والے صرف چار ہی جج دستیاب تھے۔
آج فیصلہ کا امپیکٹ
سپریم کورٹ کے اس فیصلے کے بعد الیکشن کمیشن ان خواتین کا بطور رکن قومی اور صوبائی اسمبلی دوبارہ نوٹفیکیشن جاری کرے گا جنھیں 12 جولائی کے آٹھ رکنی ججز کے اکثریتی فیصلے کی روشنی میں ڈی نوٹیفائی کردیا گیا تھا۔
اس فیصلے کے بعد صوبہ خیبر پختونخوا میں سینٹ کے انتخابات بھی منعقد ہوں گے جو نظرثانی کی ان اپیلوں کی وجہ سے التوا کا شکار ہیں۔
سٹی42: سپریم کورٹ آف پاکستان کے مخصوص نشستوں کے فیصلہ پر نظر ثانی کے مشہور مقدمہ کا فیصلہ سنانے کے بعد قومی اسمبلی مین مسلم لیگ نون اور اس کی اتحادی جماعتوں کو ایک بار پھر دو تہائی اکثریت مل گئی ہے۔
آج شام سپریم کورٹ کے تیرہ رکنی بنچ نے مخصوص نشستوں کے مقدمہ مین سپریم کورٹ کے گزشتہ فیصلہ کے خلاف نطر ثانی کی اپیلیں منظور کر لیں۔ ان اپیلوں کو منظور کر لئے جانے سے وہ فیصلہ منسوخ ہو گیا جس کے تحت پی ٹی آئی کو قومی اسمبلی اور صوبائی اسمبلیوں کا ایک سیاسی جماعت کی ھیثیت سے الیکشن نہ لڑنے کے باوجود خواتین اور مذہبی القیتوں کی مخصوص نشستیں عطا کر دی گئی تھیں۔
8 فروری 2022 کے عام انتخابات مین پی ٹی آئی اپنے انٹرا پارٹی الیکشن نہ کروانے کے سبب سیاسی جماعت کی حیثیت سے شریک نہیں ہوئی تھی۔ اس پارٹی کے حامیوں نے آزاد امیدوار کی حیثیت سے الیکشن لرے تھے اور کچھ لوگ قومی اسمبلی اور صوبائی اسمبلیوں کے الیکشن جیت گئے تھے، بعد میں ان لوگوں نے سنی اتحاد کونسل میں شمولیت اختیار کر لی تھی، اس کے کچھ بعد وہ پی ٹی آئی مین شامل ہو گئے تھے۔ پی ٹی آئی نے عدالتوں میں یہ درخواستین دیں کہ پی ٹی آئی کے قومی، صوبائی اسمبلیوں میں ارکان کے تناسب سے اسے مخصوص نشستیں دی جائیں۔
طویل مقدمہ بازی کے بعد سپریم کورٹ آف پاکستان نے پی ٹی آئی کو مخصوص نشستیں دینے کا حکم دے دیا تھا۔ اس دوران یہ مخصوص نشستین مسلم لیگ نون، پیپلز پارٹی اور دوسری پارلیمانی سیاسی جماعتوں کو مل چکی تھیں۔ سپریم کورٹ کا فیصلہ آنے کے بعد دوسری سیاسی جماعتوں کے مخصوص نشستوں پر منتخب ہو چکے ارکان قومی و صوبائی اسمبلی سے یہ نشستین چھین لی گئی تھیں اور پی ٹی آئی کو اس کی فراہم کردہ لسٹ کے مطابق یہ نشستین دے دی گئی تھیں۔
جب یہ مخصوص نشستیں مسلم لیگ نون اور پیپلز پارٹی کو ملیں تو ان پارٹیوں کی ملا کر قوم یاسمبلی مین دو تہائی اکثریت ہو گئی تھی، یہ نشستین پی ٹی آئی کو دے دیئے جانے سے اتحادی حکومت قومی اسمبلی میں اکثیرت سے محروم ہو گئی تھی، اب آج کے فیصلہ کے بعد قوم یاسمبلی میں مسلم لیگ نون اور پیپلز پارٹی کے اتحاد کی دو تہائی اکثریت بحال ہو جائے گی۔
دو تہائی اکثریت کے ساتھ حکمران اتحاد آئین میں ترمیم کر سکتا ہے۔
June 06, 2026
June 06, 2026
سٹی42: سپریم کورٹ آف پاکستان نے قومی اسمبلی ، سینیٹ اور صوبائی اسمبلیوں میں (خواتین اور مذبی اقلیتوں کی) مخصوص نشستیں پی ٹی آئی کو دینے کا سپریم کورٹ کا فیصلہ منسوخ کر دیا۔ مخصوص نشستوں کے مشہور کیس کا فیصلہ سپریم کورٹ نے ابھی سنایا ہے۔ پی ٹی آئی کو دی گئی مخصوص نشستیں منسوخ کرنے کا فیصلہ سپریم کورٹ نے 13 رکنی بنچ نے کیا، فیصلہ کے حق میں سات اور مخالفت میں چھ ججوں نے رائے دی ہے۔
مخصوص نشستیں پی ٹی آئی کو دینے کے فیصلے کے خلاف نظرثانی کی درخواستیں دائر کی گئی تھیں۔ نظرثانی درخواستوں پر فیصلہ سنانے کے لئے جج معمول کا کام تمام ہونے کے بعد دوسری مرتبہ عدالت میں آئے۔ عدالت میں رپورٹروں کی بھی بڑی تعداد موجود ہے جو اس کیس کے فیصلہ کی لائیو رپورٹنگ کر رہے ہیں۔
جسٹس امین الدین،جسٹس نعیم اختر افغان اور جسٹس مسرت ہلالی نے اکثریتی فیصلہ دیا، جبکہ جسٹس شاہد بلال،جسٹس عامر فاروق اور جسٹس ہاشم کاکڑ بھی اکثریتی ججز میں شامل ہیں۔اس کے علاوہ جسٹس علی باقر نجفی بھی اکثریتی فیصلہ دینے والے ججز میں شامل ہیں۔
جسٹس امین الدین نے تمام ساتھی ججوں کے بی ہاف پر مختصر فیصلہ سنایا۔ نیوز چینلز نے ان لمحات کو لائیو نشر کیا۔
سپریم کورٹ نے نظرثانی کی درخواستیں منظور کرلیں اور 12 جولائی کا فیصلہ کالعدم قرار دے دیا۔
سات ججز کی اکثریت نے نظرثانی کی درخواستیں منظور کیں۔
اس فیصلہ کے نتیجہ میں پی ٹی آئی قومی اسمبلی، سینیٹ اور صوبائی اسمبلیوں میں مخصوص نشستوں سے محروم ہو گئی ہے۔ اب یہ مخصوص نشستیں پارلیمنٹ اور صوبائی اسمبلیوں میں انتخابی نشان کے ساتھ الیکشن لر کر پہنچنے والی تمام سیاسی پارٹیوں میں ان کی الیکشن میں جیتی ہوئی نشستوں کے تناسب سے تقسیم کر دی جائیں گی۔
ویب ڈیسک : مخصوص نشستوں سے متعلق نظر ثانی کیس سننے والا سپریم کورٹ کی آئینی بنچ کے ایک جج نے سماعت میں شرکت روک دی۔
نجی ٹی وی کے مطابق سپریم کورٹ میں جاری مخصوص نشستیں کی نظر ثانی کیس کی سماعت کے آغاز میں جسٹس صلاح الدین پنہور نےکیس سننے سے معذرت کرلی جس پر کیس کی سماعت کرنے والے بنچ کی سماعت دس منٹ کے لئے روکی گئی۔
سماعت کے آغاز میں جسٹس صلاح الدین پنہور نے کہا کہ عوام کا عدلیہ پر اعتماد لازم ہے، ضروری ہے کسی فریق کا بینچ پر اعتراض نہ ہو۔
جسٹس صلاح الدین نے کہا کہ حامد خان نے بینچ میں کچھ ججز کی شمولیت پر اعتراض کیا، جن ججز کی 26 ویں ترمیم کےبعد بینچ میں شمولیت پراعتراض ہوا میں بھی ان میں شامل ہوں، میں ان وجوہات کی بنا پر بینچ میں مزید نہیں بیٹھ سکتا، میں اپنا مختصر فیصلہ پڑھنا چاہتا ہوں۔
جسٹس صلاح الدین نے وکیل حامد خان سے کہا کہ آپ کا اعتراض ہمارے اس بینچ میں بیٹھنے سے تھا، ذاتی طور پر تو آپ کا میرا ساتھ 2010 سے رہا ہے، آپ کےدلائل سے میں ذاتی طور پر رنجیدہ ہوا مگریہاں میری ذات کا معاملہ نہیں ہے۔
جسٹس صلاح الدین نے کہا کہ ججز پر جانبداری کا الزام لگاجس سے تکلیف ہوئی، عوام میں یہ تاثرجانا کہ جج جانبدار ہے، درست نہیں ہے۔
اس موقع پر وکیل حامد خان نے کہا کہ میں آپ کے اقدام کا خیر مقدم کرتا ہوں، اس پر جسٹس امین الدین نے کہا کہ یہ خیرمقدم کرنے کا معاملہ نہیں ہے، ہم اسی کیس میں "سنی اتحادکونسل کے دوسرے وکیل" کو سن رہے ہیں۔
جسٹس جمال مندوخیل نے وکیل حامد خان کو سرزنش کرتے ہوئے کہا کہ یہ سب آپ کے کنڈکٹ کی وجہ سے ہوا ہے، ہم نے آپ کا لحاظ کرتے ہوئے آپ کو موقع دیا، آپ اس کیس میں دلائل دینے کے حقدار نہیں تھے۔
بعد ازاں عدالت نے کیس کی سماعت میں 10 منٹ کا وقفہ کردیا۔
June 06, 2026
27 Jun, 2025
27 Jun, 2025
27 Jun, 2025
27 Jun, 2025
27 Jun, 2025
27 Jun, 2025
27 Jun, 2025