شہر بھر سے (زین مدنی ) شوبز انڈسٹری سے وابستہ شخصیات نے امت مسلمہ کو ماہ صیام کی مبارکباد ، ماہرہ خان ، ہمایوں سعید ،اداکارہ نمرا خان، عائزہ خان اور عاصم اظہر سمیت تمام شوبز انڈسٹری سے وابستہ شخصیات نے مبارکباد پیش کی ہے۔
ماہرہ خان نے ٹویٹر پر کہا کہ سب کو میری طرف سے ماہ رمضان مبارک ہو، یہ مہینہ ہم سب پر رحمتیں نازل فرمائے، بالخصوص ان کے لیے جو اس وقت تکلیف میں ہیں۔
Ramzan Mubarak to all! May this month of blessings be kind to all, especially those who are in pain. Ameen. ???? pic.twitter.com/nOVLcGniqM
— Mahira Khan (@TheMahiraKhan) April 24, 2020
ہمایوں سعید نے بھی ٹویٹر پر دلکش تصویر شیئر کی جس کے ساتھ انہوں نے لکھا کہ میری طرف سے سب کو خوشیوں بھرا رمضان مبارک ہو، اللہ پاک ہم سب کو ہر طرح کے شیطانی شر سے محفوظ رکھے اور ہمیں اپنی لاتعداد رحمتوں سے نوازے۔
Wishing everyone a blessed, happy and safe Ramazan. May Allah protect us all from all forms of evil and bless us with His infinite mercy. Ramazan Mubarak pic.twitter.com/3bRRrl1dsk
— Humayun Saeed (@iamhumayunsaeed) April 24, 2020
عاصم اظہر نے انسٹا گرام پر مدینہ شریف کی تصویر شیئر کی جس کے کیپشن میں انہوں نے مبارکباد دیتے ہوئے کہا کہ اللہ رب کریم اس ماہ صیام میں پوری دنیا کو صحت اور خوشیوں سے بھر دے۔
اداکارہ نمرا خان نے اپنی تصویر شیئر کرتے ہوئے کہا کہ آج رات ہمارے لیے اس خوبصورت مہینے کی پہلی رات ہوگی، اس لیے آپ سب مجھے اور میرے شوہر کو دعاوں میں یاد رکھیے گا، اللہ پاک ماہ صیام کے صدقے ہم سب کو اس آزمائش سے نکالے۔
معروف اداکارہ عائزہ خان نے مسلمانوں کو ماہ رمضان کی مبارک باد دی ہے، اداکارہ عائزہ خان نے سوشل میڈیا اکاﺅنٹ پر لکھا ہے کہ اﷲ تعالیٰ ہم سب کو اپنی حفاظت میں رکھے، ہمارے بڑوں کا سایہ ہمیشہ ہم پر اسی طرح قائم رکھے۔
جو بیمار ہیں ان کو صحت دے اور ہم پر رحم کرے، بے شک اﷲ تعالیٰ ہم سب کی دعائیں سن رہا ہے، عائزہ خان نے اپنے پیغام کے ساتھ ماہ رمضان کے چاند کی تصویر بھی شیئر کی، ان کے پیغام کو لاکھوں لوگوں نے پسند کیا جبکہ ہزاروں لوگوں نے انہیں جوابات بھی دیئے۔