(زین مدنی حسینی) معروف گلوکار اداکارعلی ظفر نے تیئس مارچ کے موقع پر نیا ملی نغمہ ریلیز کردیا۔
تفصیلات کے مطابق اداکار و گلوکار علی ظفر نے پریس کانفرنس کرتے ہوئے اپنے نئے ملی نغمے کو ریلیز کردیا، ان کا کہنا تھا ہمارا جزبہ دیکھ کر اندازہ لگایا جاسکتا ہے کہ ہم متحد قوم ہیں۔ ملی نغمے کے زریعے پیغام دیا کہ امن پسندانہ سوچ کو پروان چڑھنا چاہیے، گانا جان دے دیں گے پاک فوج کو ٹریبیوٹ ہے، ہر انسان کے اندر ایک ہیرو ہوتا ہے بس پہچاننے کی ضرورت ہے، افواج پاکستان کے جانبازوں نے امن کے قیام کے لیے اپنی جان کی پرواہ نہیں کی۔
Here it is! Jaan De Deinge | Ali Zafar | 23rd March https://t.co/S60hFFqiEx #jaandedeinge
— Ali Zafar (@AliZafarsays) March 22, 2019
علی ظفر نے عمران خان کی بھارت سے متعلق تقریر کو بھرپورسراہتے ہوئے کہا کہ وزیراعظم نے قائدانہ صلاحیتوں کے ذریعے پاک بھارت صورتحال کو سنبھالا۔ گلوکار علی ظفر نے یوم پاکستان پر پاک فوج سے اظہار یکجتی کرتے ہوئے اپنا ویڈیو سونگ نشر کیا۔