سٹی 42 : حافظ آباد ضلع کے 145 سکول 5 ستمبر تک بند رہیں گے۔
سی ای او ایجوکیشن محمد اکرم اشرف کے مطابق سیلاب متاثرہ علاقوں کے 145 سکول 5 ستمبر تک بند کر دیئے گئے۔
سی ای او ایجوکیشن کا کہنا ہے کہ گورنمنٹ اسپیشل ایجوکیشن سکول پنڈی بھٹیاں بھی 5 ستمبر تک بند رہےگا۔ انہوں نے کہا کہ باقی تمام سکول معمول کے مطابق کھلے رہیں گے۔
سٹی 42 : سیالکوٹ میں تمام سرکاری و پرائیویٹ کالجز اور یونیورسٹیز بھی یکم سے 5 ستمبر تک بند رہیں گی۔
دفتر ڈپٹی کمشنر نے نوٹیفکیشن جاری کر دیا، جس کے مطابق کلاسز کی معطلی دریائے چناب اور ملحقہ نالوں میں سیلاب کے خدشات اور موجودہ بارشوں کے پیش نظر کیا گیا ہے، بارشوں اور سیلابی صورتحال کی وجہ سے تعلیمی اداروں کے ٹرانسپورٹ روٹس میں رکاوٹ آئی ہے ۔
نوٹیفکیشن میں کہا گیا ہے کہ تعلیمی اداروں کی بندش سٹوڈنٹس، اساتذہ اور سٹاف کی حفاظت کے پیش نظر کیا گیا ہے، کلاسز کی معطلی پی ڈی ایم اے کی سیلابی وارننگ کے مراسلہ 31 اگست کی روشنی میں کی گئی ہے۔
قبل ازیں بروز ہفتہ سکولوں میں 5 ستمبر تک کلاسز کی معطلی کا نوٹیفکیشن جاری ہوا تھا۔
August 08, 2026
August 08, 2026
سٹی 42 : رحیم یار خان میں سیلاب سے متاثر ہونے والے 56 سرکاری سکول بند کردیے گئے۔
رحیم یار خان میں ممکنہ سیلاب سے متاثر ہونے والے 56 سرکاری سکولوں کو 5 روز کے لیے بند کرنے کا فیصلہ کیا گیا ہے۔
ڈپٹی کمشنر رحیم یار خان خرم پرویز کی جانب سے نوٹیفکیشن جاری کردیا گیا، جس کے مطابق رحیم یارخان اور خانپور تحصیل کے 3 ،3 سکول، جبکہ تحصیل صادق آباد اور تحصیل لیاقت پور کے 25 ،25 سکول شامل ہیں۔
سٹی 42 : مظفرگڑھ میں سیلاب کا خطرہ کے پیش نظر اور فلڈ ریلیف کیمپس کے قیام کے لیے ضلع بھر کے 105 سکول بند کردیے گئے۔
ڈپٹی کمشنر عثمان طاہر جپہ نے 105 سرکاری سکولوں کی 6 ستمبر تک بندش کا نوٹیفیکیشن جاری کردیا، جس کے مطابق دریائے چناب کے سیلاب کے باعث ضلع بھر کے 89 سرکاری سکول سیلاب سے متاثر ہوں گے. 16 سرکاری سکول فلڈ ریلیف کیمپس کی وجہ سے بند رہیں گے.
ڈپٹی کمشنر عثمان طاہر کا کہنا ہے کہ ضلع بھر کے باقی تمام سرکاری سکول یکم ستمبر کو کھل جائیں گے.
August 08, 2026
August 08, 2026
سٹی 42 : ٹوبہ ٹیک سنگھ کی تحصیل پیرمحل میں اور کمالیہ میں سیلابی صورتحال کے باعث 49 سرکاری سکول کل بند رہیں گے ۔
سی ای او ایجوکیشن نے سکول بند رکھنے کے احکامات جاری کردیے، جن میں کہا گیا ہے کہ سیلاب زدہ علاقوں میں تمام پرائیویٹ سکولز بند رہیں گے۔
سی ای او ایجوکیشن کے مطابق کمالیہ کے 40 اور پیرمحل کے 9 سرکاری سکولز بند رہیں گے ۔
ویب ڈیسک : پاکستان کے تمام پرائیویٹ سکولز(private school) یکم ستمبر 2025 کو دوبارہ کھلیں گے۔
صدر آل پاکستان پرائیویٹ سکولز فیڈریشن کاشف مرزا کا کہنا ہے کہ سیلاب متاثرہ علاقوں کے سکولزطلبا واساتذہ کے تحفظ وتعلیم بحالی اقدامات کو یقینی بنائیں،تمام پرائیویٹ سکولز کو ہدایات نامہ جاری کردیا گیا ہے کہ سیلاب متاثرہ علاقوں میں سکولز اگلے نوٹس تک بند رہ سکتے ہیں۔
دوسری جانب پنجاب کے مختلف اضلاع میں سیلاب کی صورتحال کے باعث سکول بندکرنے یا کھولنے کا اختیار ڈپٹی کمشنرز کو دے دیا گیا،محکمہ ایجوکیشن ڈیپارٹمنٹ نے نوٹیفیکیشن جاری کیا ہے جس میں کہا گیا ہے کہ ڈپٹی کمشنرز اضلاع میں سیلابی صورتحال کو دیکھتے ہوئے چھٹیوں کا اعلان کر سکیں گے۔
یاد رہے ضلع سرگودھا کی تحصیل کوٹ مومن میں سیلاب کے باعث تعلیمی ادارے پہلے ہی 7 روز کے لیے بند ہیں،نوٹیفکیشن کے مطابق تعلیمی ادارے 2 ستمبر تک بند رہیں گےجبکہ لاہور میں سیلاب زدہ علاقوں میں سکولز اور کالجز بند ہیں باقی شہر میں سکول اور کالجز یکم سے کھل رہے ہیں
August 08, 2026
31 Aug, 2025
31 Aug, 2025
31 Aug, 2025
31 Aug, 2025
31 Aug, 2025