سٹی42: وزیرداخلہ  محسن  نقوی  نے  کوہاٹ کے تھانہ لاچی کے  پہاڑی علاقہ میں  فتنہ الخوارج  کے  3 حملہ  آور  دہشتگردوں  کو  جہنم  واصل کرنے  پر  پولیس کی پیشہ  وارانہ  صلاحیتوں  کو  سراہا  اور   فتنہ  الخوارج  کے  دہشتگردوں  کی  فائرنگ  سے  شہید  اے  ایس  آئی  اشفاق  کو خراج  عقیدت  پیش کیا ہے۔
   محسن نقوی نے کہا، "پولیس نے بروقت کاروائی کرکے خوارجیوں  کے ناپاک عزائم کو ناکام بنایا۔ "
   وزیرداخلہ محسن  نقوی  شہید  اے ایس  آئی  اشفاق  کے خاندان سے دلی  ہمدردی اور  تعزیت   کا  اظہار  کیا۔ انہوں نے زخمی  ہونے  والے 2 پولیس  اہلکاروں  کی  جلد  صحتیابی  کیلئے  دعا کی۔

محسن  نقوی نے کوہاٹ پولیس انکاؤنٹر  میں پولیس کی دلیرانہ کارروائی پر  اپنے ردعمل میں کہا، ہم  خیبرپختونخوا  پولیس  کے  بہادر  سپوتوں  کو  سلام  پیش  کرتے ہیں۔ 

کے پی کے پولیس  نے ہمیشہ خوارجی  دہشتگردوں  کا  بہادری  سے  مقابلہ  کیا  ہے۔

محسن  نقوی  نے کہا، خوارجی  دہشتگردوں  کو  کسی  بھی  جگہ  چھپنے  نہیں  دیں  گے۔