ویب ڈیسک:وزير خارجہ بلاول بھٹو زرداری روس کے 2 روزہ دورے پر ماسکو پہنچ گئے، ماسکو پہنچنے پر روسی وزارت خارجہ کے اعلیٰ اہلکاروں نے وزیر خارجہ کا خیرمقدم کیا۔
وزیر خارجہ کی ماسکو آمد کے موقع پر روس میں پاکستانی سفیر شفقت علی خان بھی استقبال کیلئے موجود تھے۔
وزیر خارجہ بلاول بھٹو آج روسی ہم منصب سرگئی لاوروف سے ملاقات کریں گے۔
ملاقات میں دونوں رہنما دو طرفہ تعلقات، علاقائی، عالمی اور باہمی دلچسپی کے امور پر تبادلہ خیال کریں گے۔