ویب ڈیسک: پاکستان سمیت دنیا بھر میں کورونا وائرس کی چوتھی لہر نے تباہی مچادی۔ حکومت کی جانب سے سخت اقدامات کئے گئے اور شہریوں کو اس بات کا پابند کیا گیا کہ کورونا ویکسین لازمی لگوائے اس کے بغیر عالمی وبا کو شکست دینا ممکن نہیں۔ کورونا نے جہاں کاروباری سرگرمیوں کو متاثر کیا وہیں تعلیمی اداروں کو بھی مشکلات کا سامنا رہا ہے۔
کورونا وائرس سے تعلیمی اداروں کی بندش سے طلبا کا مستقبل داؤ پر لگا کیونکہ تدریسی سرگرمیوں کو پہلے محدود کیا گیا لیکن جب حالات مزید بگڑے تو حکومت نے تعلیمی اداروں کو مکمل طور پر بند کرنے کا فیصلہ کیا جس کے بعد صرف آن لائن پڑھانے کا سلسلہ شروع ہوگیا۔ کورونا کیسز میں بہتری آنے کے بعد اب سکول، کالجز کو دوبارہ کھول دیا گیا ہے۔ محکمہ صحت اور تعلیم نے اس حوالے سے اساتذہ اور طلبہ کیلئے کورونا ویکسی نیشن لازمی قرار دی ہے۔
صوبائی وزیر تعلیم مراد راس نے سماجی رابطے کی ویب سائٹ ٹویٹر پر اپنا ایک پیغام شیئر کرتے ہوئے بتادیا کہ وزیر صحت ڈاکٹر یاسمین راشد نے آج سرکاری سکول میں کورونا ویکسی نیشن کا افتتاح کیا ہے۔ سکول ایجوکیشن ڈیپارٹمنٹ اور محکمہ تعلیم کے تعاون سے 12 سے 18 سال کے بچوں کی ویکسینیشن کے لیے مہم کا آغاز کردیا گیا ہے۔
Inaugurated the RED Campaign ( Reach Every Door) today with @Dr_YasminRashid at Government School. All children ages 12 through 18 will be vaccinated. I request the parents to get their children vaccinated for the schools to remain open. 99% Teachers & Staff are vaccinated. pic.twitter.com/3pDPrvy2dj
— Murad Raas (@DrMuradPTI) October 29, 2021
مراد راس نے والدین سے اپیل کرتے ہوئے کہا کہ سکول کھلے رکھنے کیلئے ضروری ہے کہ اپنے بچوں کو کورونا ویکسین لازمی لگوائیں، ہمارے 99 فیصد تک اساتذہ اور سکول سٹاف کورونا ویکسی نیٹڈ ہیں۔
اسکول ایجوکیشن ڈیپارٹمنٹ اور محکمہ تعلیم کے تعاون سے 12 سے 18 سال کے بچوں کی ویکسینیشن کے لیے مہم کا آغاز کیا گیا ہے. اس مہم میں 55 ہزار سرکاری و نجی اسکولز تک پہنچنے کا ہدف مقرر کیا گیا ہے. pic.twitter.com/VJNVzcZCuE
— Murad Raas Updates (@MRaasUpdates) October 29, 2021