مبشرحسین: کراچی میں ریسکیو 1122 کے زخمی اہلکار باقر عبداللہ اسپتال میں دوران علاج چل بسے۔باقر عبداللہ2روز پہلے سی ویو میں ڈوبنے والی گاڑی کونکالتے ہوئے شدید زخمی ہوگئے تھے۔

تفصیلات کےمطابق کراچی سی ویو میں کار ریکوری آپریشن کے دوران ریسکیو 1122 کا اہلکار، باقر عبداللہ دوران ریسکیو آپریشن شدید زخمی، دوران علاج شہید ہوگیا۔ 

صوبائی وزیر بحالیات مخدوم محبوب الزمان کی جانب سے ریسکیو اہلکار کی شہادت پر اظہار افسوس کیا گیا، صوبائی وزیر بحالی مخدوم محبوب الزمان کی خاص ہدایت پر ڈی جی ریسکیو 1122، بریگیڈیر ریٹائرڈ واجد صبغت اللہ مہر  نے شہید کے اہل خانہ سے رابطہ کیا۔

مخدوم محبوب الزمان کا کہنا تھا کہ 38 سالہ باقر عبداللہ کی شہادت کا افسوس ہے ایسے جوانوں پر ہمیں فخر ہے، ریسکیو 1122 کا رواں سال دوسرا اہلکار شہید ہے۔

شہید جوان کے اہل خانہ سے پورا تعاون کیا جائے گا،مرحوم کے اہل خانہ سے دلی تعزیت کرتے ہیں۔