سٹی 42 : آج رات  موسم  کی صورتحال کے متعلق محکمہ موسمیات کا کہنا ہے کہ ملک کے بیشتر علاقوں میں موسم خشک رہے گا، تاہم وسطی/ زیریں خیبر پختونخوا ،بالائی/وسطی   پنجاب اور اسلام آبادمیں چند مقامات  پرتیز ہواؤں اور گر ج چمک کے ساتھ بارش کی توقع ہے اس دوران چند مقامات پر آندھی  /ژالہ باری   کا بھی امکان ہے جبکہ گلگت بلتستان اور کشمیر میں چند مقامات پر  گرج چمک کے ساتھ ہلکی بارش ہو سکتی ہے۔    

پیرکے روزموسم کی صورتحال:

ملک کے بیشتر میدانی علاقوں میں موسم گرم اور خشک رہے گا، تاہم  بالائی خیبر پختونخوا ، بالائی/وسطی   پنجاب اور اسلام آباد میں چند مقامات تیز ہواؤں /آندھی اور گرج چمک کے ساتھ بارش کی توقع ہے اس دوران چند مقامات پر تیز بارش /ژالہ باری   کا بھی امکان ہے گلگت بلتستان اور کشمیر میں چند مقامات پر گرج چمک کے ساتھ ہلکی بارش کی توقع ہے۔ 

اسلام آباد:

اسلام آباد اور گردونواح    میں مطلع جزوی ابر آلود  رہنے کے علاوہ  تیز ہواؤں /آندھی اور گرج چمک کے ساتھ بارش  کا امکان ہے۔ 

خیبرپختونخوا:

صوبہ کے بیشتر علاقوں  میں  موسم خشک رہنے کا امکان ہے تاہم بالائی  اضلاع  مطلع جزوی ابر آلود رہنے کے علاوہ  کوہستان ،دیر، سوات ، ابیٹ آباد، پشاور، نوشہرہ ، کرم ، کوہاٹ، ہنگو اور گردونواح میں  چند مقامات پر تیز ہواؤں/آند ھی  اور گرج چمک کے ساتھ بارش کا امکان ہے اس دوران چند مقامات پر ژالہ باری بھی ہوسکتی ہے۔ 

پنجاب:

صوبہ کے بیشتر میدانی اضلاع میں موسم خشک اور دن کےدوران گرم رہے گا، تاہم مری ، گلیات،  راولپنڈی ،میانوالی ، اٹک ،چکوال ،جہلم ،  خوشاب، سرگودھا،بھکر، نورپور تھل ، جھنگ، ٹو بہ ٹیک سنگھ ، فیصل آباد، سیالکوٹ ، اوکاڑہ ، قصور، لاہور، گوجرانوالہ ،حافظ آباد،   منڈی بہاولدین، ساہیوال ، پاکپتن ، وہاڑی ،  ڈی جی خان ، بہاولنگر  اور گردونواح میں تیز ہواؤں /آندھی اور گر ج چمک کے ساتھ بارش کی توقع ہے اس دوران چند مقامات پر تیز بارش/ژالہ باری کا بھی امکان ہے۔ 

سندھ:

صوبہ کے بیشتر اضلاع میں موسم گرم اورخشک رہنے کی توقع ہے تاہم ساحلی علاقوں میں مطلع جزوی ابر آلود رہنے  کا امکان ہے۔

بلوچستان:

صوبہ کے بیشتر اضلاع میں موسم  گرم اور  خشک  رہنے کا امکان ہے تاہم شمالی اضلاع میں مطلع جزوی ابرآلود رہنےکے علاوہ بارکھان ، کوہلو  اور موسی خیل میں تیز ہواؤں اور گرج چمک کے ساتھ بارش ہو سکتی ہے۔

کشمیر/گلگت بلتستان:

کشمیر  اور گلگت بلتستان میں مطلع جزوی ابرآلودرہنے  کے علاوہ  چند مقامات پر   تیز  ہواؤں اور گرج چمک کے ساتھ   ہلکی بارش کا امکان ہے ۔