قیصرکھوکھر : سیکرٹری پنجاب پبلک سروس کمیشن افضال احمد نے مختلف اسامیوں کے تحریری اور حتمی نتائج کا نوٹیفکیشن جاری کردیا ہے پنجاب پبلک سروس کمیشن نے پنجاب پولیس، لاہور ڈویلپمنٹ اتھارٹی، لیبر اینڈ ہیومن ریسورس، اور دیگر محکموں کی مختلف اسامیوں کے تحریری اور حتمی نتائج کا اعلان کیا ہے۔
پنجاب پبلک سروس کمیشن نے حکومت پنجاب کے مختلف محکموں کی اسامیوں کے تحریری اور حتمی نتائج کا اعلان کر دیا ہے۔ ترجمان پنجاب پبلک سروس کمیشن کے مطابق: پنجاب پولیس، بہاولپور ریجن میں اسسٹنٹ سب انسپکٹر (سروس کوٹہ) کی اسامیوں کے لیے 225 امیدوار تحریری امتحان میں کامیاب قرار پائے ہیں۔
پنجاب پولیس، ڈی جی خان ریجن میں اسسٹنٹ سب انسپکٹر (سروس کوٹہ) کی اسامیوں کے لیے 228 امیدوار تحریری امتحان میں کامیاب ہوئے ہیں۔
پنجاب پولیس، شیخوپورہ ریجن میں اسسٹنٹ سب انسپکٹر (سروس کوٹہ) کی اسامیوں کے لیے 242 امیدوار تحریری امتحان میں کامیاب ہوئے ہیں۔
پنجاب پولیس، گوجرانوالہ ریجن میں اسسٹنٹ سب انسپکٹر (سروس کوٹہ) کی 91 اسامیوں کے تحریری نتائج جاری کیے جا چکے ہیں، جن میں 265 امیدواروں کو انٹرویو کے لیے شارٹ لسٹ کیا گیا ہے۔
پنجاب پولیس، سرگودھا ریجن میں اسسٹنٹ سب انسپکٹر (سروس کوٹہ) کی 107 اسامیوں کے تحریری نتائج جاری کیے جا چکے ہیں، جن میں 205 امیدواروں کو انٹرویو کے لیے شارٹ لسٹ کیا گیا ہے۔
لاہور ڈویلپمنٹ اتھارٹی، ہاؤسنگ اربن ڈیویلپمنٹ اینڈ پبلک ہیلتھ انجینئرنگ ڈیپارٹمنٹ میں اسسٹنٹ ڈائریکٹر (ٹاؤن پلاننگ) کی 35 اسامیوں کے لیے تحریری و انٹرویو مراحل مکمل ہونے کے بعد 34 امیدواروں کو حتمی طور پر کامیاب قرار دیا گیا ہے۔ اقلیتوں کے کوٹے پر مختص ایک آسامی موزوں امیدوار نہ ہونے کی بنا پر خالی رہ گئی ہے۔
پنجاب ایمپلائز سوشل سیکیورٹی انسٹیٹیوشن (لیبر اینڈ ہیومن ریسورس ڈیپارٹمنٹ) میں کنسلٹنٹ پیڈیاٹریشن کی اسامیوں کے لیے خواتین کوٹے پر 4 اور خصوصی افراد کے کوٹے پر ایک امیدوار کو حتمی طور پر کامیاب قرار دیا گیا ہے۔
تحریری امتحان میں کامیاب امیدواروں کو انٹرویو کے لیے کال لیٹرز پنجاب پبلک سروس کمیشن کی ویب سائٹ پر جلد اپ لوڈ کیے جائیں گے، جبکہ امیدواروں کو SMS اور ای میل کے ذریعے بھی آگاہ کیا جائے گا۔ امیدواروں کے لیے ضروری ہے کہ وہ انٹرویو کے وقت اصل تعلیمی اسناد اور دیگر متعلقہ دستاویزات ہمراہ لائیں۔ کامیاب امیدواروں کی فہرستیں پنجاب پبلک سروس کمیشن کی ویب سائٹ پر بھی دستیاب ہیں۔