سٹی 42 : پیپلزپارٹی کے چیئرمین بلاول بھٹو زرداری اور پی پی پی شعبہ خواتین کی مرکزی صدر فریال تالپور سے سندھ اسمبلی اور قومی اسمبلی کے اراکین کی ملاقات ہوئی ۔

چیئرمین بلاول بھٹو زرداری اور فریال تالپور سے رکن سندھ اسمبلی سردار خان چانڈیو اور قمبر کے ٹاؤن چیئرمین ریحان خان چانڈیو کی ملاقات ہوئی ۔ 

ملاقات میں اپنے حلقہ انتخاب کے عوامی مسائل اور ان کے حل پر بات چیت ہوئی۔

پیپلزپارٹی کے چیئرمین بلاول بھٹو  اور پی پی پی شعبہ خواتین کی مرکزی صدر فریال تالپور سے قومی اسمبلی میں پارٹی کے چیف وہپ اور رکن پارلیمان اعجاز خان جاکھرانی کی بھی ملاقات ہوئی ۔ جس میں ایوان زیریں سے متعلق امور پر تبادلہ خیال ہوا۔ 

علاوہ ازیں بلاول بھٹو سے سندھ میں محکمہ امور توانائی کے وزیر سید ناصر حسین شاہ کی ملاقات ہوئی ۔ انہوں نے اپنے محکمے کی کارکردگی سے متعلق چیئرمین بلاول بھٹو زرداری کو بریفنگ دی۔