سٹی 42: طلبہ کے امتحانات ملتوی کرانے کیلئے شوبز ستارے میدان میں آگئے۔
شوبز انڈسٹری کے معروف اداکار آغا علی نے اپنے انسٹاگرام اکاؤنٹ پر کورونا کے کیسز میں ہوشربا اضافے کے باعث طلبہ کے امتحانات ملتوی کرنےکیلئے آواز اٹھا دی،آغا علی نے حکام سے اپیل کی ہے کہ وہ COVID-19 کے بڑھتے ہوئے کیسز کے پیش نظر امتحانات کو ملتوی کریں۔
آغا علی نے انسٹاگرام سٹوری میں لکھا کہ"مجھے پورے ملک سے طلباء کی جانب سے سینکڑوں پیغامات موصول ہوئے ہیں ان کے سبھی کہنے کا کہ تقریبا تمام انسٹی ٹیوٹ ، اسکول اور کالجز کی بندش کے باعث آن لائن کلاسز لیں، اس کے علاوہ کورونا وائرس دن بدن زندگیاں نگلتا جار ہا ہے لہذا طلبہ کی زندگیوں کو کسی خطرے میں ڈالنے سے بہتر ہے گزشتہ کارکردگی کی بنیاد پر اگلی جماعت میں پروموٹ کردیا جائے یا امتحانات ملتوی کردیئے جائیں"۔
منشا پاشا اور عاصم اظہر نے بھی طلبہ کے حق میں آواز اٹھائی.
Am super proud of my husband in his effort to support students at this difficult time and would like to request everyone to do so as well. Forcing them to sit for exams in such an uncertain time is cruelty to say the least. #CancelExamsSaveStudents
— Mansha Pasha (@manshapasha) April 22, 2021
سماجی رابطے کی ویب سائٹ ٹوئٹر پر طلبہ کی جانب سے #ImranKhanCancelExam کی مہم چلائی گئی جو بعدازاں ٹوئٹر پر ٹاپ ٹرینڈ بن گیا۔ 
واضح رہے کہ وزیرتعلیم شفقت محمودنے 18 اپریل کو شیڈول کے مطابق او اینڈ اے لیول کے امتحانات لینے کا اعلان کیا تھا۔