شہباز علی: کرکٹ کھیلو،تعلیم بھی جاری رکھو، نوجوان کرکٹرز کو تعلیمی سکالرشپ ملیں گی، پی سی بی اور ایجوکیشن سروسز لمیٹڈ بیکن ہاؤس میں معاہدہ طے پا گیا۔
کرکٹرز کےلئے تعلیمی سکالر شپ دینے کیلئے معاہدہ کیا گیا، پی سی بی ہیڈ کوارٹر میں معاہدے پر دستخط کی پروقار تقریب منعقد کی گئی، چیئرمین پی سی بی محسن نقوی نےبطور مہمان خصوصی شرکت کی۔
پی سی بی کے چیف آپریٹنگ آفیسر سمیر احمد نے معاہدے پر دستخط کئے، بیکن ہاؤس کے چیف ایگزیکٹو قاسم قصوری نے معاہدے پر دستخط کئے۔
ملک کے 16 ریجنز سے تعلق رکھنے والے کھلاڑیوں کو مفت تعلیم دی جائے گی، انڈر 15، 17 ،انڈر 19 کیٹیگریز کے 120 نمایاں کھلاڑیوں تعلیم دی جائیگی۔
نوجوان کرکٹرز کیلئے تعلیمی وظائف کا معاہدہ 3 برس تک نافذ العمل رہے گا، محسن نقوی نے نوجوان کھلاڑیوں کیلئے تعلیمی معاونت پر بیکن ہاؤس کے اقدام کوسراہا۔
محسن نقوی کا کہنا تھا کہ نوجوان کرکٹرز کھیل کے ساتھ تعلیم پر بھی پوری توجہ دے سکیں گے، نوجوان کرکٹرز کے تعلیمی وظائف کا معاہدہ دورس نتائج کا حامل ہو گا،مستقبل کے کرکٹ سٹارز کی تعلیمی ضروریات کو پورا کیا جا سکے گا۔
چیئرمین پی سی بی کا کہنا تھا کہ تعلیمی سکالرشپ کا دائرہ کار کو مزید وسعت دی جائے گی ، بلاشبہ یہ شراکت داری نوجوان کرکٹرز کے اچھے مستقبل کی ضمانت ہے۔
تقریب میں پاکستان وائٹ بال ٹیم کے ہیڈ کوچ مائیک ہیسن نے شرکت کی، ڈائریکٹر ڈومیسٹک کرکٹ عبداللہ خرم نیازی، جی ایم ڈومیسٹک جنید ضیا، بیکن ہاؤس کے چیف آپریٹنگ آفیسر علی احمد خان، اے ڈی آپریشنز فیصل نثار، جنرل منیجر سیدہ ارم نقوی اور منیجر سپورٹس تانیا ملک نے تقریب میں شرکت کی۔