سٹی 42 : ہسپتالوں کےسکیورٹی اورصفائی کےعملہ کی تنخواہوں میں تاخیر کا معاملہ، وزیرِ صحت نے سکیورٹی اور جینیٹوریل سٹاف کی تنخواہوں کی فوری ادائیگی کا حکم دے دیا۔
وزیر صحت و آبادی خواجہ عمران نذیر کی زیر صدارت اجلاس ہوا، جس کے دوران انہوں نے ہسپتالوں کی سکیورٹی اور جینیٹوریل سٹاف کی تنخواہوں کی فوری ادائیگی کا حکم دیا۔ صوبائی وزیرخواجہ عمران نذیر کی مداخلت پر تنخواہوں کیلئے فنڈز ریلیز کردیئے گئے۔
صوبائی وزیرخواجہ عمران نذیر نے اجلاس میں سیکرٹری خزانہ سے رابطہ کیا، خواجہ عمران نذیر کی جانب سے ملازمین کی تنخواہوں کی ادائیگی یقینی بنانے کی ہدایت کی گئی۔
خواجہ عمران نذیر نے کہا کہ سیکیورٹی و جینیٹوریل سٹاف محکمہ صحت و بہبود آبادی کا اہم جزو ہیں، تنخواہ خیں تاخیر ملازمین کیلئے پریشانی کا باعث بنتی ہے۔
وزیر صحت خواجہ عمران نذیرکی جانب سے ملازمین کو پنجاب حکومت کےطےشدہ معیارپرتنخواہوں کی ادائیگی کاحکم دیا گیا ۔