( اسامہ ملک)کراچی کے گل پلازہ میں لگی آگ پر 90 فیصد تک قابو پالیاگیا، جاں بحق افرادکی تعداد11ہوگئی، 60افراد اب بھی ملبے تلے دبے ہونے کا خدشہ،عمارت کا 60 فیصد حصہ گر گیا ۔

  تفصیلات کے مطابق گل پلازہ میں لگنے والی آگ کو 34 گھنٹے سے زائد کا وقت گزر گیا، تاحال آگ پر مکمل قابو نہیں پایا جا سکا، جاں بحق افراد کی تعداد 11 ہو گئی، 20 سے زائد افراد زخمی ہیں  جبکہ 60 سے زائد افراد تاحال لاپتہ ہیں، ریسکیو ٹیمیں تاحال مکمل طور پر عمارت میں داخل نہیں ہو سکی.

 عمارت کا 60 فیصد حصہ گر گیا

 عمارت کا 60 فیصد حصہ گر گیا باقی 40 فیصد بھی مخدوش  ہو چکا جس کے  کسی بھی وقت مکمل طور پر منہدم ہونے کا خدشہ ہے ،پاک بحریہ اور ریسکیو 1122 کے 22 فائر ٹینڈرزاور 15 واٹر باؤزرز نے آگ بجھانے میں حصہ لیا۔ مکمل آگ بجھنے کے بعد ملبہ ہٹانے کے لیے آپریشن شروع ہوگا۔

  بچے سمیت مزید4لاشیں اور اعضا نکالے گئے

 چند گھنٹے کےدوران بچے سمیت مزید4لاشیں اور اعضا نکالے گئے،ریسکیوحکام کےمطابق 20 سے25فرادکوریسکیوکیاجاچکاہے، دیگرلاپتہ افرادکی تلاش جاری ہے ،گل پلازہ میں لاپتہ افرادکےلواحقین کرب میں مبتلا  ہیں اور کسی معجزے کے منتظرہیں،ریسکیوحکام کےمطابق 20 سے25فرادکوریسکیوکیاجاچکاہے، دیگرلاپتہ افرادکی تلاش جاری ہے۔

 شہرکی فضا سوگوار

  ں آتشزدگی کےواقعےپر شہرکی فضا سوگوار ہے ،کراچی چیمبرآف کامرس کی وزیراعظم اوروزیراعلیٰ سندھ سےتاجروں کےنقصانات کےازالےکی اپیل کی ہے ،سانحہ گل پلاز ہ کے متاثرین سے اظہار یکجہتی کیلئے آج الیکٹرانک مارکیٹیں بند رہیں گی۔