سٹی42 : وزیر دفاع خواجہ آصف نے  کہا ہے کہ افغانستان دہشتگردوں کی سرپرستی کر رہا ہے اور اگر افغانستان کے اندر ایکشن لینا پڑے تو لینا چاہئے۔

خواجہ آصف نے اپنے بیان میں کہا کہ ٹی ٹی پی کے حوالے سے افغانستان سے کئی بار بات کی ہے، نرم برتاؤ رکھنا ہماری قومی سلامتی کیلئے خطرہ ہے، دشمن جہاں بھی بیٹھا ہوگا،  ہم  پیچھا کریں گے۔ 

خواجہ آصف نے کہا،  جو شخص کہے افغانستان جاکر پیچھا نہیں کرنا چاہئے، وہ پاکستان کے مفاد کے خلاف بات کررہے ہیں۔

وزیردفاع نے کہا کہ ٹی ٹی پی کو 3 سال پہلے پرائیوٹ ملیشیا بنانے کیلئے لایا گیا۔

خواجہ آصف نے کہا ہمارا حکومتی اسٹرکچر یا تو غیرفعال ہے یا انتہائی کرپٹ ہے۔  ہمیں گورننس کے خلا کو پر کرنا ہوگا، فوج اندرونی اور بیرونی سرحدوں کا تحفظ کررہی ہے۔

خواجہ آصف نے انکشاف کیا کہ  پی ٹی آئی کا بڑا گروپ اجلاس میں شرکت کرنا چاہتا تھا۔  بانی پی ٹی آئی سے کوئی پرانا ادھار چکایا جارہا ہے۔