سٹی 42 : جھنگ میں سورج کے تابڑ توڑ حملے، زمین آگ اگلنے لگی ۔
ہیٹ ویو کی وجہ سے ہوائیں گرم لو میں منتقل ہوگئی، جس کے بعد ڈویژن بھر میں سورج کی گرم کرنوں کی تپش میں اضافہ ہوگیا ۔
محکمہ موسمیات کا کہنا ہے کہ درجہ حرارت 28 سے 44 ڈگری تک ریکارڈ کیا گیا، ہوا میں نمی کا تناسب 70 سے 45 فیصد کے مابین رہے گا، آئندہ 24 گھنٹے میں موسم شدید گرم اور خشک رہنے کا امکان ہے ۔
ویب ڈیسک : ملک کے بیشتر حصے اس وقت شدید گرمی کی لپیٹ میں ہیں، کراچی میں بھی شدید گرمی نے شہریوں کا برا حال کردیا ۔
محکمہ موسمیات کے مطابق کراچی میں بھی ہیٹ ویو کی صورت برقرار ہے، آج شہرِ قائد کا درجہ حرارت 35 سینٹی گریڈ رہا لیکن گرمی کی شدت 44 سے 45 سینٹی گریڈ تک محسوس کی جارہی ہے۔
محکمہ موسمیات کا کہنا ہے کہ سمندری ہوائیں بحال ہیں جبکہ ہوا میں نمی کا تناسب 57 فیصد ہے، جنوب مغربی سمت سے 11کلو میٹر فی گھنٹہ کی رفتار سے ہوا چل رہی ہے۔
علاوہ ازیں آج سبی 50 ڈگری سینٹی گریڈ کے ساتھ ملک کا گرم ترین شہر رہا جب کہ تربت میں درجہ حرارت 45 ڈگری ریکارڈ کیا گیا لیکن گرمی کی شدت 49 ڈگری تک محسوس کی جارہی ہے۔
May 05, 2026
May 05, 2026
سٹی 42 : ملک کے مختلف شہروں کی طرح فیصل آباد میں سورج آگ برسا رہا ہے، جس کی وجہ سے درجہ حرارت میں اضافہ ریکارڈ کیا گیا ہے۔
شہر کا درجہ حرارت 43 ڈگری سینٹی گریڈ ریکارڈ کیا گیا ہے، تاہم شہر میں درجہ حرارت 44 ڈگری سینٹی گریڈ محسوس کیا جانے لگا ہے۔ ہوا میں نمی کا تناسب 18 فی صد ریکارڈ کیا گیا ہے۔
محکمہ موسمیات کے مطابق آئندہ 24 گھنٹوں میں بارش کا امکان نہیں ہے۔
طبی ماہرین کا کہنا ہے کہ شہری کڑی دھوپ میں احتیاطی تدابیر اختیار کریں ، شہری ٹھنڈے مشروبات اور پانی کا استعمال کریں ، شہری دھوپ میں کم سے کم سفر کریں اور سر ہو ڈھانپ کر رکھیں ۔
سٹی 42 : ملتان میں ہیٹ ویو کا تیسرا روز ، سورج سوا نیزے پر، گرمی کی شدت سے شہری بےحال ہوگئے ۔
ملتان میں تیز دھوپ اور جھلسا دینے والی حدت نے معمولاتِ زندگی مفلوج کر دیے، شہر کی سڑکیں سنسان، بازاروں میں رونق ماند، گرمی نے ہر ذی روح کو بےدم کر دیا۔
شہر کا موجودہ درجہ حرارت 43 ڈگری سینٹی گریڈ ہے ، درجہ حرارت زیادہ سے زیادہ آج 45 ڈگری سینٹی گریڈ رہا، کم سے کم درجہ حرارت 32 ڈگری سینٹی گریڈ رہے گا ۔
طبی ماہرین کی جانب سے شہریوں کو احتیاط برتنے کی ہدایت کی گئی ہے، کہنا ہے کہ شہری شدید گرمی میں پانی کا استعمال بڑھائیں ۔ ماہرین صحت کا کہنا ہے کہ غیر ضروری طور پر گھروں سے باہر نکلنے سے گریز کریں ۔
May 05, 2026
May 05, 2026
سٹی 42 : بہاولپور میں بھی گرمی کاپارہ 45سینٹی گریڈتک پہنچ گیا ، جس کی وجہ سے شہریوں کا برا حال ہوگیا ۔
بہاولپور میں زیادہ سے زیادہ درجہ حرارت 45 ڈگری سینٹی گریڈ ریکارڈ کیا گیا ، 5 بجتے ہی شہر کا موجودہ درجہ حرارت 44 ڈگری سینٹی گریڈ ریکارڈ کیا گیا ۔ شہر میں تاحال 10، مضافات میں 15 کلومیٹر فی گھنٹہ کی رفتار سے گرد الود لو چل رہی ہے ۔
بہاولپور کی ہوا میں نمی کا تناسب 25 فیصد ریکارڈ، ایئر کوالٹی انڈیکس 80 پوائنٹس ریکارڈ کیا گیا ہے۔ آج شام غروب آفتاب 7 بجے ہوگا، رات کم سے کم درجہ حرارت 31 ڈگری سینٹی گریڈ رہنے کا امکان ہے ۔
سٹی 42 : رحیم یارخان میں گرمی کاپارہ 45سینٹی گریڈتک پہنچ گیا ، جس کی وجہ سے شہریوں کا برا حال ہوگیا ۔
رحیم یارخان میں آج کم سےکم درجہ حرارت 30سینٹی گریڈ تک ریکارڈ کیا گیا۔ سخت گرمی سے ستائے شہریوں نے مشروبات کے پوائنٹس کا رخ کرلیا، جس کے بعد مشروبات کے پوائنٹس پر رش بڑھ گیا۔
ماہرین صحت کی جانب سے شہریوں کو گرمی سےبچنےکےلیےاحتیاطی تدابیر پر عمل کرنے کا مشورہ دیا گیا ہے۔
محکمہ موسمیات کا کہنا ہے کہ آئندہ 24گھنٹوں میں بارش کےکوئی امکانات نہیں ہیں ۔
May 05, 2026
17 May, 2025
17 May, 2025
17 May, 2025
17 May, 2025
17 May, 2025