سٹی42:علیمہ خان نے کہا کہ گزشتہ ایک ہفتہ سے عدالتوں کے چکر لگا رہی ہوں کہ بیرون ملک جانے کی اجازت ملے،میرے سے آپ کیوں خوفزدہ ہیں کہ مجھے سفر نہیں کرنے دے رہے؟

علیمہ خان نے اے ٹی سی کے باہر میڈیا ٹاک کرتے ہوئے کہا کہ میری ٹریولنگ کا تقابل ایان علی منی لانڈرر،خواجہ آصف کے سکینڈل اور رمضان شوگر ملز والوں سے ہو رہا تھا، ہمارے وکیل بتا رہے تھے کہ ان میگا سکینڈلز کے باوجود ملزمان کو ضمانت ملی تھی۔

میرے اوپر الزام ہے کہ میں نے بانی کا پیغام کارکنوں تک پہنچایا، صرف پیغام رسانی کی وجہ سے میرے پر 60مقدمات  بن چکے ہیں، عدالت نے آج فیصلہ محفوظ کرلیا ہے، دو گھنٹے لگے صرف سفر کے لئے اپنا مقدمہ پیش کرنے میں۔ کل عدالت نے کہا تھا کہ وہ اڈیالہ میں سماعت کریں گے آج کہا کہ وہ دیکھیں گے۔

کافی وقت سے دیکھ رہے ہیں اڈیالہ کے سارے کیسسز بند کر دیئے گئے ہیں، اڈیالہ جیل میں بریفنگ کے حوالے سے بانی پی ٹی آئی نے ہمیں نہیں بتایا۔

علیمہ خان کا کہنا تھا کہ بانی نے کہا تھا کہ خدشہ ہے مودی باز نہیں آئے گا مودی کی بے عزتی ہوئی ہے، بانی نے کہا مودی ضرور واپس آئے گا پاکستانی متحد اور الرٹ رہیں۔ 

ہم تو سب کے ساتھ خوشگوار موڈ میں ہوتے ہیں ہم ان چیزوں پر اپنا وقت ضائع نہیں کرتہم بالکل موروثی ہین اپنے بھائی کے لئے کھڑے ہیں ہمیں کوئی نہیں روک سکتا

بچے اسی لئے کھڑے ہیں کہ وہ موروثی ہیںبانی اکیلا نہیں خاندان ساتھ کھڑا ہے،ہم۔انھیں باہر نکال کر چھوڑیں گے، ہمیں فرق نہیں پڑتا کون کیا کہہ رہا ہے، ہم نے اپنے بھائی کو تحفظ دینا ہے،یہ ہماری ڈیوٹی ہے اسکو پورا کریں گے، جو مرضی کوئی کہے اٹیک کرے ہم بھائی کے لئے کھڑے رہیں گے، ہم اس جنگ،جہاد میں بھائی کے ساتھ کھڑے ہیں۔