(مانیٹرنگ ڈیسک) سرکاری ملازمین کی عید سے پہلے عید ہوگئی، خیبرپختونخواہ حکومت نے تنخواہوں میں 15 فیصد اضافے کا نوٹیفکیشن جاری کردیا۔
وزیراعظم شہباز شریف کی جانب سے ریٹائرڈ ملازمین کی پنشن میں 10 فیصد اور کم سے کم اجرت 25 ہزار روپے مقرر کرنے کے بعد خیبر پختونخوا میں پی ٹی آئی کی حکومت نے بھی سرکاری ملازمین کیلئے ریلیف کا اعلان کردیا۔
وزیر اعلٰی خیبرپختونخواہ محمود خان نے کہا کہ صوبے کے سرکاری ملازمین کی تنخواہوں میں ڈسپیریٹی ریڈکشن الاؤنس کی مد میں اضافہ کر دیا گیا، سرکاری ملازمین کو بنیادی تنخواہ پر 15 فیصد ڈسپیریٹی ریڈکشن الاونس ملے گا, اس حوالے سے باقاعدہ نوٹیفکیشن جاری کر کے فیصلے کا اطلاق بھی کر دیا گیا ، الاؤنس گریڈ 1 تا 19 کے ملازمین کو دیا جائے گا جس کا اطلاق یکم مارچ 2022 سے ہوگا۔
خوشخبری !
— Mahmood Khan (@IMMahmoodKhan) April 12, 2022
خیبر پختونخوا کے سرکاری ملازمین کیلئے 15 فیصد ڈسپیریٹی ریڈکشن الاؤنس کا اعلان کرتا ہوں۔ تحریک انصاف کی صوبائی حکومت ہمیشہ اپ کے ساتھ ہے pic.twitter.com/MlSyYMkfUd
واضح رہےکہ اس سے قبل تحریک انصاف کی خیبرپختونخواہ حکومت نے گزشتہ ماہ وفاقی حکومت کی طرز پر صوبائی سرکاری ملازمین کی تنخواہوں میں ڈسپیریٹی ریڈکشن الاؤنس کی مد میں اضافہ کرنے کا اعلان کیا تھا۔صوبائی وزیر خزانہ تیمور جھگڑا نے اعلان کیا تھا کہ صوبے کے سرکاری ملازمین کو 15فیصد ڈسپیریٹی ریڈکشن الاونس دیا جائے گا۔