ویب ڈیسک : اڑنے والی منفرد موٹر سائیکل تیار ہوگئی جو سائنس فکشن فلم سے کم نہیں مگر ایک کمپنی نے اسے حقیقت بنا دیا ہے۔ ا ب ٹریفک جام سے جان چھوٹ جائے گی
ایک کمپنی نے اسٹار وارز فلموں سے متاثر ہوکر ایسی موٹرسائیکل تیار کی ہے جو اڑ سکتی ہے۔پولینڈ کی کمپنی وولوناٹ کے مطابق ائیر بائیک دنیا کی پہلی ہوور بائیک ہے جو اپنی طرز کی منفرد سواری ہے۔کمپنی نے بتایا کہ اس موٹر سائیکل کا ڈیزائن اسٹار وارز فلموں میں دکھائی جانے والی اسپیڈر بائیکس سے بہت زیادہ ملتا ہے۔
ائیر بائیک کے حوالے سے ابھی کافی تفصیلات جاری نہیں کی گئیں مگر کمپنی نے اسے آسمان کے لیے سپر بائیک قرار دیا ہے۔ ائیر بائیک کو جیٹ propulsion کے ذریعے پاور فراہم کی گئی ہے۔اس میں ایک ایسا سسٹم موجود ہے جو فلائٹ کمپیوٹر کی مدد سے خودکار پرواز میں مدد فراہم کرتا ہے اور اسے چلانے والے کے لیے اسے کنٹرول کرنا آسان ہو جاتا ہے۔ جس کی وجہ سے ٹریفک جام میں بھی بائیک پر آسانی سے بلندی پر سفر کیا جاسکے گا
کمپنی نے بتایا کہ موٹر سائیکل کا موجودہ ورژن کئی ماہ کی سخت محنت کا نتیجہ ہے جس کے دوران متعدد بار ناکامیوں کا سامنا بھی ہوا۔اس کی پرواز کی کامیاب آزمائش بھی کی گئی ہے مگر کمپنی کی جانب سے پروڈکشن ماڈل کی تیاری کے وقت اور قیمت کے بارے میں ابھی کچھ نہیں بتایا گیا۔جیٹ propulsion کو طیاروں کے لیے استعمال کیا جاتا ہے۔کمپنی نے بتایا کہ یہ ایسی سواری ہے جو فلائنگ مشین کے طور پر کام کرے گی جبکہ یہ کسی روایتی موٹر سائیکل کے مقابلے میں 7 گنا زیادہ ہلکی ہوگی کیونکہ اس کی تیاری کے لیے کاربن فائبر میٹریل استعمال کیا گیا ہے۔
