(سٹی42) سورج نے کالی چادر اوڑھ لی ،آسمان ٹپ ،ٹپ برسنے لگا، لاہور کے مختلف علاقوں میں بارش سے سردی کی شدت میں اضافہ ہوگیا، محکمہ موسمیات نے آئندہ دو روز تک مزید بارش کی پیشگوئی کردی۔

گزشتہ رات لاہور میں ہونے والی بوندا باندی سے سردی کی شدت میں مزید اضافہ ہوگیا۔ آج بھی آسمان پر بادل چھائے ہوئے ہیں جس سے شہر کا موسم سہانا ہوگیا۔ محکمہ موسمیات کے مطابق آج لاہور شہر کا درجہ حرارت کم سے کم 6 اور زیادہ سے زیادہ 20  ڈگری سینٹی گریڈ رہنے کا امکان ہے جبکہ ہوا 8 کلومیٹر فی گھنٹہ کی رفتار سے چل رہی ہے اور ہوا میں نمی کا تناسب 77 فیصد ہے۔

ماہرین موسمیات کا کہنا ہے کہ لاہور میں آئندہ دو روز تک وقفے وقفے سے بارش کا امکان ہے، جس سے سردی کی شدت میں مزید اضافہ ہوجائے گا۔