سٹی 42: پاکستان آرمی اور چائنہ کی پیپلز لبریشن آرمی کی مشترکہ انسدادِ دہشت گردی مشق ’’وارئیر نائن‘‘ جاری ہے ۔

آئی ایس پی آر کے مطابق مشترکہ  انسداد دہشت گردی کی مشق 28 نومبر سے 14 دسمبر تک جاری رہے گی۔دو ہفتے کی مشق کا مقصد باہمی رابطہ اور آپریشنل ہم آہنگی میں اضافہ ہے۔

نیشنل کاؤنٹر ٹیررازم سینٹر پبی میں ڈسٹنگوشڈ وزیٹرز ڈے کی تقریب میں چینی سفیر جیانگ زائی دونگ مہمانِ خصوصی تھے اور چین کے سینئر حکام  نے خصوصی شرکت کی ۔چیف آف جنرل اسٹاف پاکستان آرمی  بطور گیسٹ آف آنر شریک ہوئے 

مہمانوں کو مشق کی نوعیت، مقاصد اور طریقہ کار پر بریفنگ دی گئی ۔ شرکا نے انسدادِ دہشت گردی کی مختلف ڈرلز کا مشاہدہ کیا ۔پاک فوج اور پی ایل اے کے جوانوں کی پیشہ ورانہ مہارت اور بلند حوصلے کو سراہا گیا۔واریئر نائن مشق پاکستان اور چین کے مضبوط دفاعی تعاون کا واضح مظہر ہے۔دونوں ممالک کی افواج کا خطے میں امن و استحکام کے عزم کا اعادہ کیا ۔