سٹی 42: وزیر داخلہ محسن نقوی کا دورہ عمان بھی رنگ لانے لگا . 

عمان میں پاکستانی سفیر سید نوید صفدر بخاری   نے نجی چینل کو انٹرویو دیتے ہوئے کہا وزیر داخلہ محسن نقوی کا دورہ عمان نہایت اہم تھا, ان کے دورے کے نتیجے میں پروفیشنلز کی 11 کیٹیگریز کا ویزا کھول دیا گیا ہے, آئندہ ہفتے میں اس حوالے سے تفصیلی اعلان کروں گا,بزنس مینوں کے لیے بھی ہم نے ایک میکنزم مرتب کیا ہے, اگر کوئی بزنس مین پاکستان سے آنا چاہتا ہے ویزا کیسے حاصل کرے گا اگلے ہفتے تفصیلی ویڈیو جاری کروں گا۔

انہوں نے کہا کہ اب ہماری کوشش ہے کہ اپنے ان سکلڈ ورکز, لیبر کلاس اور سیمی سکلڈ ورکز کےلیے بھی جلد از جلد ویزے کھلوا سکیں, یہ تمام وزیر داخلہ کے دورے اور اس دورے میں کامیاب ملاقاتوں کا نتیجہ ہے, ملاقاتوں میں غیر قانونی ایمیگریشن, منشیات اسمگلنگ سمیت ٹرانس نیشنل کرائمز پر سیر حاصل بات چیت ہوئی, ٹرانس نیشنل کرائمز کو روکنے میں تعاون کے فروغ پر بات چیت ہوئی, عمانی انتظامیہ نے پاکستانی حکومت اور وزارت داخلہ کے اقدامات کی ستائش کی۔