سٹی 42: پاکستان میں ماحولیاتی تحفظ کے لیے ایک نیا قدم اٹھاتے ہوئے پہلا ’انوائرمنٹ واٹس ایپ چیٹ باکس‘ کا آغاز کر دیا ہے۔

وزیراعلی کی ہدایت پر تیار واٹس ایپ چیٹ باکس شہریوں کے سوالات کا جواب دے گا,جدید ٹیکنالوجی سے تیار کردہ چیٹ باکس شہریوں کے ماحول سے متعلق ہر سوال کا جواب دے گا.

 مریم اورنگزیب کا کہنا تھا کہ   چیٹ باکس صحت کی حفاظت پر مشورے بھی دے گا ،شہری فضا کے معیار، ماحول سے متعلق تازہ ترین معلومات اور احتیاطی تدابیر سے آگاہ رہ سکیں گے،اے آئی ٹیکنالوجی‘ سے چلنے والاچیٹ باکس ’اے کیوآئی‘ بارے مسلسل آگاہ رکھے گا،واٹس ایپ چیٹ باکس شہریوں کو موسم اور سموگ کی صورتحال پر خبریں فراہم کرے گا،شہری گھر سے نکلنے سے پہلے پیشگی معلومات حاصل کرکے موسمی حالات سے محفوظ رہ سکیں گے۔

اُنہوں نے کہا  کہ پنجاب حکومت ماحول دوست جدید مشینری پہلے ہی متعارف کراچکی ہے ،پنجاب حکومت پہلے ہی موسم ، سموگ کی نگرانی ، پیشگی اطلاعات کا نظام قائم کر چکی ہے ،شہری 03041373000 نمبر پر واٹس ایپ چیٹ باکس کی سہولت حاصل کرسکتے ہیں۔

وزیراعلی پنجاب نے پاکستان کے پہلے ’انوائرمنٹ واٹس ایپ چیٹ باکس کے آغاز پر پوری ٹیم کو شاباش دی۔

  وزیراعلی مریم نوازشریف  کا کہنا تھا کہ جدید ٹیکنالوجی شہریوں کی زندگیوں اور ماحول کو بہتر بنانے کے لئے تحفہ ہے،ہر شہری انسانی زندگی کا معیار بہتر بنانے میں حصہ دار ہے۔