ویب ڈیسک: واٹس ایپ نے کچھ عرصہ پہلے نیا فیچر ’ویو ونس‘ متعارف کروایا تھا جس میں بھیجی گئی تصویر یا ویڈیو صرف ایک بار دیکھنے کے بعد چیٹ میں سے غائب ہو جاتی تھی۔
البتہ تصویر کا سکرین شاٹ لیا جا سکتا تھا۔ نئے فیچر میں میٹا نے سیکیورٹی کو مزید سخت کرتے ہوئے ویو ونس میں بھیجی گئی تصاویر کا سکرین شاٹ لینا ناممکن بنا دیا۔ متعارف کروائے گئے فیچر میں اگر کوئی سکرین شاٹ لینے کی کوشش کرے گا تو سکرین پر پاپ اپ نوٹیفیکیشن آئے گا کہ سیکیورٹی پالیسی کے تحت سکرین شاٹ نہیں لیا جا سکتا۔
???? WhatsApp beta for iOS 22.21.0.71: what's new?
— WABetaInfo (@WABetaInfo) October 4, 2022
WhatsApp is releasing screenshot blocking for view once images and videos to some beta testers!https://t.co/fXvDQIlSxi pic.twitter.com/tIiR3FpBNs
ویوونس سے بھیجی گئی وڈیو اوپن کرنے پر اسے ریکارڈ بھی نہیں کیا جا سکتا۔ تصویر یا وڈیو بھیجنے والے صارف کو اس بارے میں آگاہ نہیں کیا جائے گا کہ دوسرے صارف نے تصویر کا سکرین شاٹ لینے کی کوشش کی ہے۔
یہ فیچر تاحال صرف وابیٹا کے صارفین کو مہیا کیا گیا ہے۔ واٹس ایپ صارفین کو اس فیچر کی سہولت کچھ عرصے میں فراہم کی جائے گی۔