سٹی42:  سنگین مقدمات میں گرفتار 10 قیدیوں کو کوئٹہ منتقل کئے جانے کے دوران نامعلوم مسلح افراد نے قیدیوں کی گاڑی پر حملہ کر دیا، انہوں نے تمام  10 قیدیوں کے ساتھ  5 پولیس اہلکاروں کو بھی اغوا کر لیا۔

 پولیس ذرائع  کا کہنا ہےکہ لسبیلہ کے 5 پولیس اہلکاروں کو منگوچھر  کے علاقے مین سڑک سے  اغوا کرلیا گیا  ہے۔ مسلح افراد کوئٹہ منتقل کیے جانے والے10 قیدیوں کو بھی  لے گئے ہیں۔

یہ واقعہ اس وقت پیش آیا جب لسبیلہ سے حب پولیس کی قیدی وین میں 10 قیدیوں کو کوئٹہ منتقل کیا جارہا تھا۔ قیدی وین منگوچر کے علاقہ سے گزر رہی تھی تومسلح افراد نے وین کو یرغمال بنالیا ۔

انہوں نے 10 قیدیوں کو فرار کروایا اور5 پولیس اہلکاروں کو اغوا کرلیا ۔ سنگین مقدمات میں نامزد 10  قیدیوں کو حب سے کوئٹہ منتقل کیا جا رہا اتھا۔واقعہ کے بعد پولیس اور قانون نافذ کرنے والے اداروں نے ملزمان کی تلاش شروع کردی۔