سٹی42: سی ڈی اے وفاقی دارالحکومت اسلام آباد کی صفائی کرنے میں ناکام ، الٹا شہریوں پر جرمانے لگانے کا فیصلہ کر لیا۔

 کیپیٹل ڈویلپمنٹ اتھارٹی ( سی ڈی اے) نے بڑا فیصلہ کر لیا، کچرا ٹھکانے نہ لگانے اور عوامی مقامات پر پھینکنے والوں کو جرمانہ کیا جائے گا، بار بار خلاف ورزی کرنے والوں کو جیل بھی بھیجا جائے گا۔ سی ڈی اے  نے نیا شاہی حکم جاری کر دیا کہ شہر کی صفائی کا ٹھیکہ پرائیوٹ کمپنی کو دیا جائے گا۔ ذرائع کے مطابق سزا اور جرمانوں کی نوعیت کا فیصلہ سینیٹیشن ڈپارٹمنٹ کرے گا، پرائیوٹ کمپنی بھی کچرا پھیلانے اور خلاف ورزی کرنے والوں کی نشاندہی کر سکے گی۔

خیال رہے کہ چئیرمین سی ڈی اے نے پرائیوٹ کمپنی کی سہولت کے لیے ایس آر او بھی جاری کر دیا  ہے۔ ایس آر او میں سزا اور جرمانے کا اختیار سینیٹیشن ڈپارٹمنٹ کو تفویض کر دیا گیا۔