( سٹی 42) بھارتی وزیر خارجہ جے شنکر کی سپیکر قومی اسمبلی سردار ایاز صادق سے ملاقات ۔ بھارتی وزیر خارجہ خود چل کر سپیکر   سردار ایاز صادق کی نشست پر آئے اور مصافحہ کیا ۔پاک بھارت جنگ کے بعد اعلیٰ سطح پر دونوں ممالک کی اہم شخصیات  کا پہلی بار آمنا سامنا ۔ 

تفصیلات کے مطابق بھارتی وزیر خارجہ جے شنکر کی سپیکر قومی اسمبلی سردار ایاز صادق سے ملاقات سابق بنگلہ دیشی وزیراعظم خالدہ ضیاء  مرحومہ کی رہائش گاہ پر ہوئی ہوئی۔ بھارتی وزیر خارجہ خود چل کر سپیکر   سردار ایاز صادق کی نشست پر آئے اور مصافحہ کیا ۔اس موقع پر سپیکر قومی اسمبلی سردار ایاز صادق نے بھی مسکرا کر ان کا جواب دیا ۔

دونوں اہم شخصیات نے چند منٹ کی گفتگو کے دوران ایک دوسرے کی خیریت دریافت کی،دونوں کے درمیان خیر مقدمی کلمات کا بھی تبادلہ ہوا ۔پاک بھارت جنگ کے بعد اعلی سطح پر دونوں ممالک کے رہنماؤں کا پہلی بار آمنا سامنا ہوا ہے۔