سٹی42: شدید بارش اور سیلاب سے متاثر شہریوں کی سہولت کے لئےتعلیمی اداروں کو 8 ستمبر تک چھٹیاں دے دی گئیں۔
پنجاب کے شہر سیالکوٹ میں طوفانی بارشوں اور سیلاب سے معمولات زندگی بری طرح متاثر ہوئے ہیں جس کی وجہ سے بند تعلیمی اداروں میں سرگرمیاں معطل ہو کر رہ گئی ہیں ۔
ڈپٹی کمشنر سیالکوٹ نے موجودہ صورتحال کے پیش نظر ضلع بھر کے تعلیمی اداروں کو 8 ستمبر تک چھٹیاں دے دی ہیں تاکہ بچوں کو جانی نقصان سے بچایا جا سکے۔
سٹی42: سیلاب زدہ پنجاب کے بہت سے علاقوں میں بارش نے بے گھر شہریوں کے لئے زندگی دشوار تر کر دی۔
آج بارش سے سیلاب زدہ علاقوں میں بے گھر ہونے والے لاکھوں شہریوں کو شدید دشواریوں کا سامنا کرنا پڑا تاہم کوئی افسوسناک حادثہ رپورٹ نہیں ہوا۔
راوی، ستلج، چناب، ڈیک، ایک اور پلکھو کے سیلاب کی زد مین آنے والے شہروں اور دیہاتوں سے سیلاب کا پانی ابھی نہیں اترا، اس دوران آج کئی علاقوں مین موسلا دھار بارش برس گئی۔ سیلاب سے گھرے علاقوں میں مزید موسلادھار بارش کے باعث بےگھر ہونے والے اور ان کی مدد کرنے والے دونوں مزید مشکلات کے میں گھر گئے۔ پہلے سے سیلابی پانی میں ڈوبے علاقوں میں بارش کا پانی بھی آ گیا۔
لاہور میں آج شہر بھر میں اور نواحی علاقوں میں دور دور تک کئی گھٹے تک موسلادھار بارش ہوئی، شاہدرہ کی کئی بستیوں میں دریائے راوی کے سیلابی پانی کے بعد شدید بارش نے سڑکوں پر پانی کی سطح میں مزید اضافہ کردیا۔ چوہنگ میں نجی ہاؤسنگ سوسائٹی تاحال زیر آب ہے تاہم وہاں آج پانی کی سطح کم ہوئی۔
چنیوٹ، وزیرآباد،گجرات، ننکانہ صاحب اور نارووال میں بارشوں کے بعد نشیبی علاقوں کی صورت حال خراب ہے۔
بارش کے بعد جہلم میں بھی پہاڑی برساتی نالے بپھر گئے،کئی مقامات پر پانی آبادیوں میں آگیا، ایک مدرسے کی چھت پر پھنسے بچوں کو کشتی کے ذریعے ریسکیو کیا گیا۔
پنجاب کے دریاؤں میں سیلاب برقرار
پنجاب کے دریاؤں میں سیلاب کہیں کم ہوا تو کہیں بڑھ گیا لیکن مجموعی طور پر تشویشناک اور خطرناک صورتحال برقرار ہے۔ دریائے چناب کے سیلاب سے 1169، دریائے راوی کے پانی سے478، اور دریائے ستلج کی سیلاب سے 391 گاؤں پانی میں پھنسے ہوئے ہیں۔
وزیرآباد میں سیلاب میں پھنسا ایک خاندان آج 4 روز بعد پانی سے نکلنے میں کامیاب ہوا۔
August 08, 2026
August 08, 2026
سٹی42: چناب کا سیلاب چنیوٹ کے دیہات کے بعد جھنگ کے دیہات میں گھس گیا
آج شام دریائے چناب کا سیلابی ریلا سیالکوٹ، وزیرآباد اور چنیوٹ میں تباہی مچانے کے بعد جھنگ میں داخل ہوگیا۔
سیلابی ریلے کے باعث چنیوٹ میں 135 دیہات پانی ک میں ڈوب گئے۔ سینکڑوں ایکڑ رقبے پر فصلیں تباہ ہوگئیں۔ رابطہ سڑکیں پانی میں غائب ہو گئیں۔ متاثرہ علاقوں میں پھنسے ہوئے لوگوں کو کشتیوں سے محفوظ مقامات پر منتقل کیا گیا۔
ملتان میں چناب کے سیلاب کا پانی تحصیل شجاع آباد کی فصلوں میں پانی داخل ہوگیا ۔ ملتان میں 140 دیہات پانی سے متاثر ہوئے۔
سٹی42: لاہور شہر میں نالے اوور فلو کر دینے والی خوفناک بارش کس علاقے میں کتنی برسی، مصدقہ فگرز سامنے آئیں تو ماہرین حیران ہو گئے۔
پتہ چلا ہے کہ صرف 158 ملی میتر بارش نے لاہور شہر کے بیشتر علاقوں کو پانی میں غرق کر دیا۔ کئی گھنٹے مسلسل برسنے والی بارش بہت تیز تھی؛ ایسی موسلا دھار براش مسلسل اتنی دیر تک حالیہ برسات مین پہلی مرتبہ برسی، گزشتہ سال برسات میں صرف ایک مرتبہ ایسی موسلا دھار بارش رات تین بجے ہوئی تھی لیکن وہ ایک ڈیڑھ گھنٹے مین رک گئی تھی۔ آج ہونے والی بارش شہر بھر میں بیک وقت برسی اور کئی گھنٹے مسلسل پانی برستا رہا۔
اس بارش نے شہر کے کئی درین نالے چوک کر دیئے، کئی نالوں کا پانی اوور فلو ہو کر قریبی آبادیوں میں گھس گیا اور بہت سے گھروں میں قیمتی گھریلو سامان بارش اور نالوں کے پانی میں غرق ہو گیا۔
آج صبح سے دوپہر ایک بجے کے بعد تک ہونے والی بارش میں کتنا پانی برسا، یہ جاننے کا سب شہری انتظار کر رہے تھے۔ محکمہ موسمیات نے یہ بتا کر سب کو حیران کر دیا کہ آج برسنے والی بارش جہاں سب سے زیادہ برسی وہاں بھی صرف 158 ایم ایم بارش ہوئی۔ اتنی سی ہی بارش سے شہر میں ڈرینیج نالے اوور فلو کیوں ہوئے اس سے ماہریں حیران ہیں تاہم بعض کا کہنا ہے کہ راوی دریا میں بہت زیادہ پانی آنے کے سبب ایسا ہوا ہے کیونکہ لاہور شہر کے سب گندے نالے راوی میں پانی ڈسپوز آف کرتے ہیں۔ آج نالوں کا پانی راوی میں جانے میں راوی میں موجود بے تحاشا پانی رکاوٹ تھا۔
شہرمیں کہاں اورکتنی بارش ہوئی؟
سب سےزیادہ نشترٹاؤن میں158ملی میٹربارش ریکارڈکی گئی۔
جیل روڈ پر 60 ایم ایم،ایئرپورٹ روڈ پر 63 ایم ایم ،گلبرگ میں86ملی میٹربارش ہوئی۔
لکشمی چوک پر 124،اپرمال 124،مغلپورہ میں114 ملی میٹربارش ریکارڈ کی گئی۔
تاجپورہ میں 120ملی میٹر،چوک ناخدا میں121ملی میٹربارش ہوئی۔
پانی والاتالاب کے علاقہ میں116 ایم ایم،فرخ آباد میں 94 ایم ایم،گلشن راوی میں102ملی میٹربارش ریکارڈ کی گئی۔
اقبال ٹاؤن میں 108ملی میٹراورسمن آباد میں92ملی میٹربارش ریکارڈکی گئی۔ جوہر ٹاؤن میں81ملی میٹراورقرطبہ چوک میں81ملی میٹربارش ریکارڈکی گئی۔
اس سے پہلے ایکسپرٹس بتاتے رہے کہ ڈیڑھ سے دو سو ایم ایم تک بارش کو لاہور کا درینیج سسٹم آسانی سے مینیج کر سکتا ہے۔ آج اس اندازے کی آزمائش ہوئی تو کچھ علاقوں کے لئے یہ صحیح نہیں نکلا۔
لاہور میں کچھ نالے زیادہ بارش سے اوور فلو ہو جاتے ہیں، کچھ نالے بہت زیادہ بارش سے بھی اوور فلو نہیں ہوتے، آج دوپہر تک برسنے والی بارش نے ایسے نالوں کو بھی اوور فلو کر ڈالا جن کے بارے میں عام رائے یہ ہے کہ وہ اوور فلو نہیں ہوتے۔
ماہرین کا کہنا ہے کہ آج کی بارش سے شہر کے مختلف حصوں میں سڑکوں، گلیوں میں جمع ہونےوالے پانی کے اعداد و شمار کا تجزیہ کر کے شہر کو اربن فلڈ سے بچانے کے لئے ضروری اقدامات کرنے میں مدد ملے گی۔
August 08, 2026
August 08, 2026
سٹی42: ایک ہی دن میں پنجاب کے دو بڑے شہروں میں بارش نے حشر برپا کر دیا۔
ملتان شہر اور گردونواح میں تیز بارش کے سبب "رین ایمرجنسی" نافذ ہو گئی۔
مسلسل تیز بارش کافی دیر سے جاری ہے جس نے شہر کے بہت سے علاقوں کو پانی میں ڈبو دیا ہے۔
تیز بارش کے باعث ٹیپو سلطان کالونی، حسن پروانہ، رشید آباد اور نشیبی علاقے زیر آب آگئے جبکہ اندرون شہر بھی کئی علاقےبارش کے پانی سے ڈوبے ہوئے ہیں۔
واسا ملتان کے مطابق کڑی جمنداں میں 107 ملی میٹر بارش ہو چکی ہے۔ چونگی نمبر 9 پر 83 ملی میٹر بارش ہوئی ہے۔ سمیجہ آباد میں 53 ملی میٹر، سورج میانی 41 ملی میٹر، پرانا شجاع آباد روڈ پر 35 ملی میٹر بارش ریکارڈ کی گئی۔
ایم ڈی واسا نے بتایا کہ شہر میں رین ایمرجنسی نافذکردی گئی ہے۔
محکمہ موسمیات کے مطابق ملتان میں شدید بارش کا سپیل مزید 3 گھنٹے تک جاری رہ سکتا ہے۔
دوسری جانب ملتان میں دریائے چناب پر آئندہ 24 گھنٹوں میں بڑا سیلابی ریلا آنے کا خطرہ ہے جس کے بعد متعدد مقامات سے آبادی کو نقل مکانی کرائی گئی ہے۔
سٹی42: وزیراعلیٰ مریم نواز نے بتایا ہے کہ جھنگ ، ملتان ، مظفر گڑھ سیلاب سے متاثر ہوسکتے ہیں . اوکاڑہ ، ساہیوال ، ٹوبہ ٹیک سنگھ ، خانیوال ، قصور کے بھی سیلاب سے متاثر ہونے کا خطرہ ہے۔ پاکپتن ، وہاڑی ، بہاولنگر ، بہاولپور ، راجن پور ، رحیم یار خان بھی متاثر ہوسکتے ہیں۔
مریم نواز نے یہ باتیں لاہور میں پی ڈی ایم اے ہیڈآفس میں سیلاب کی صورتحال پر ہنگامی اجلاس میں خطاب کرتے ہوئے کہیں۔
تاریخ کا سب سے بڑا ریسکیو اینڈ ریلیف آپریشن
مریم نواز نے کہا، میں پنجاب میں سیلابی صورتحال اور ریسکیو سرگرمیوں پر گہری نظر رکھے ہوئے ہوں۔ ہم پنجاب کی تاریخ کا سب سے بڑا ریسکیو اینڈ ریلیف آپریشن کر رہے ہیں۔ ہم نے سیلاب کے پیش نظر 5 مرحلوں کا پلان بنایا۔ پنجاب میں سیلاب کےپیش نظرسوا6لاکھ افرادکاانخلایقینی بنایاگیا۔
ساڑھے چار لاکھ لوگوں کو بھی ریسکیو کیا گیا ۔ لاکھوں لوگوں کو محفوظ مقامات پر منتقل کیا۔
سب سے بڑا ریسکیو آپریشن
بریفنگ میں بتایا گیا کہ 2ستمبرتک مزیدبارشوں کاامکان ہے اور بھارت سےبھی پانی چھوڑاجاسکتاہے۔
فوج کے جوانوں کو خراجِ تحسین
وزیراعلیٰ مریم نواز نے کہا، پاک فوج کےجوانوں نےریسکیوآپریشن میں بھرپورمددکی۔ پاک فوج کیلئےمیری بہت دعائیں ہیں۔
مثالی ٹیم ورک
وزیراعلیٰ مریم نے کہا، سیلاب کے دوران پوری ٹیم کی کارکردگی لائق تحسین ہے۔ انتطامیہ کی کارکردگی کو سراہتی ہوں۔ سیلاب متاثرین کے لیے تمام ادارے جانفشانی سے کام کررہے ہیں۔ صوبائی وزرا متاثرہ علاقوں کے دورے کررہے ہیں۔
مریم نواز نے کہا، مسلسل بارش کی وجہ سے صورتحال خراب ہوئی۔ بھارت نے کئی ڈیموں کےسپیل وے کھولے جس سے ہمارے ہاں پنجاب میں دریا بھپر گئے۔
مریم نواز نے اس بات پر اطمنان کا اظہار کیا کہ انتظامیہ نے بروقت سیلاب متاثرین کو ریسکیو کیا۔
انہوں نے کہا،سیلابی پانی کا مقابلہ کرنا آسان نہیں۔ ریسکیو ٹیموں نے لاکھوں جانوں کو بچایا۔ میں اپنی انتظامیہ کی کارکردگی کو سراہتی ہوں ۔ کمشنروں، ڈپٹی کمشنروں سب نے خوب کام کیا ہے۔
مریم نواز نے ہنگامی اجلاس کے دوران دوسرے شہروں میں ریسکیو، ریلیف اور فلڈ مٹی گیشن کی ڈیوٹیوں میں مصروف افسروں سے بھی اپ ٹو ڈیٹ لیا۔ مریم نواز نے ہدایت کی کہ ضلعی انتظامیہ کشتیوں اور بیڑیوں کے انتظامات کرے ۔
انہوں نے اطمنان ظاہر کیا کہ مجموعی طور پر پنجاب میں ریلیف آپریشن اچھا چل رہا ہے۔ انہوں نے ایک بار پھر ہدایت کی کہ متاثرین کو اور ان کے جانوروں کو کھانا فراہم کرنے میں کوئی کوتاہی، تاخیر، غفلت نہ کی جائے۔
انتظامیہ متاثرین کو کھانا ،پینے کا پانی اور ڈرائی راشن پہنچائے۔جانوروں کےلیے چارے کی دستیابی بھی یقینی بنائی جائے۔صوبائی وزراءمتاثرہ علاقوں کےدورےکررہےہیں۔ ہم سب عوام کوجوابدہ ہیں۔ کوئی بھی متاثرہ شخص خودکوتنہانہ سمجھے۔
پانی کی نکاسی کےبعدمواصلاتی نظام کی فوری بحالی یقینی بنائی جائے۔
August 08, 2026
August 08, 2026
سٹی42: ساہیوال سے یہ خبر آئی ہے کہ اورنگ آباد کے مقام پر دریائے راوی پر بنا حفاظتی بند ٹوٹ گیا ۔ دریا کا پانی اورنگ آباد اور موسیٰ پور میں گھس گیا۔
دریا کا بند ٹوٹنے سے ساہیوال فیصل آباد روڈ اور آبادی بہادر شاہ کے متاثر ہونے کا خطرہ ہے۔
مقامی لوگ کہہ رہے ہیں کہ پینتیس سال بعد- 1988کے بعد بڑا ساہیوال میں بڑا سیلاب آگیا oy.
اورنگ آباد اور موسی پور کے 5000ہزار سے زائد افراد محفوظ مقامات پر منتقل ہوگئے.
فیصل آباد ساہیوال روڑ پر متاثرین اپنی فصلیں ضائع ہوتے ہوئے بے بسی سے دیکھتے رہے.
اورنگ آباد آبادی سے باہر بنےپانچ خالی گھر بھی پانی میں بہہ گئے.
سٹی42: وزیراعلیٰ مریم نواز شریف سیلاب کی صورتحال کا جائزہ لینے کیلئے پراونشل ڈیزاسٹر مینجمنٹ اتھارٹی کے ہیڈ آفس پہنچ گئیں۔
مریم نوازپی ڈی ایم اے کے کنٹرول روم گئیں۔ پی ڈی ایم اے کے ذمہ داروں نے وزیراعلیٰ مریم نواز کو بارشوں اور دریاؤں میں سیلاب کی لمحہ لمحہ بدلتی سورتحال پر چیف منسٹر کو بریفنگ دی۔
ڈی جی پی ڈی ایم اے نے سیلابی صورتحال پر وزیراعلیٰ مریم نواز کو بریف کیا، تمام کمشنرز اور ڈپٹی کمشنرز کی جانب سے بھی ویڈیو لنک پر وزیراعلیٰ مریم نواز کو بریفنگ دی گئی۔
مریم نواز کی خاص ہدایت پر سیلاب متاثرین کو میڈیکل سہولتوں اور کھانے کی بروقت فراہمی یقینی بنائی جا رہی ہے۔
اجلاس کی صدارت
وزیر اعلیٰ پنجاب مریم نواز کی زیر صدارت پی ڈی ایم اے ہیڈآفس میں ہنگامی اجلاس ہوا جس میں پنجاب کے چیف سیکرٹری اور ریلیف کمشنر ، سیکرٹری آبپاشی ، سی اینڈ ڈبلیو اور سیکرٹری زراعت شریک ہوئے۔
وزیر اعلیٰ مریم نوازکو سیلاب کی صورتحال پر مشاورت دی گئی۔
مریم اورنگزیب اور عظمٰی بخاری بھی اجلاس میں موجود تھیں۔
August 08, 2026
August 08, 2026
سٹی42: پڑوسی ملک کے محکمہ موسمیات نے آئندہ 7 دنوں تک مشرقی پنجاب، مقبوضہ کشمیر، ہماچل پردیش، اتراکھنڈ، دارالحکومتی ریاست دہلی اور یوپی سمیت شمالی اور مغربی ہندوستان کے کئی حصوں میں شدید بارش کی وارننگ جاری کی ہے۔
آئی ایم ڈی نے آئندہ 7 دنوں تک جموں و کشمیر، ہماچل پردیش، اتراکھنڈ، ہریانہ، پنجاب میں شدید نوعیت کی بارشوں کا انتباہ کیا ہے اور مشرقی راجستھان میں 31 اگست سے 2 ستمبر تک شدید بارش ہونے کا انتباہ جاری کیا ہے۔
بھارت کے میڈیا میں آج رپورٹ کیا گیا کہ پورے ملک میں ہو رہی بارش کے سبب لوگ کافی پریشان ہیں۔ اسی درمیان ہندوستانی محکمہ موسمیات نے شمالی ہندوستان کی کئی ریاستوں میں شدید بارش کا الرٹ جاری کیا ہے۔
آئندہ 7 دنوں تک جموں و کشمیر، ہماچل پردیش، اتراکھنڈ، ہریانہ، پنجاب اور مشرقی راجستھان میں 30 اگست سے 2 ستمبر تک شدید بارش کا انتباہ جاری کیا ہے۔
اس کے علاوہ مشرقی اترپردیش میں یکم اور 2 ستمبر، مغربی اترپردیش میں 31 اگست سے 2 ستمبر اور مغربی راجستھان میں 30 اگست سے یکم ستمبر کو مختلف مقامات پر شدید بارش ہونے کا امکان ہے۔
بھارتی میڈیا کا کہنا ہے کہ پہاڑی ریاستوں میں شدید بارش سے صورت حال ایک بار پھر تشویشناک ہو سکتی ہے۔
پاکستان پر اثر انداز ہونے والی بارش کہاں، کب ہو گی
آئی ایم ڈی کے مطابق ہماچل پردیش میں 31 اگست کو، جبکہ اتراکھنڈ میں یکم ستمبر تک شدید بارش ہونے کا امکان ہے۔ جموں اور پنجاب میں آج 31 اگست کو بارش ہونا تھی۔
مشرقی راجستھان میں 31 اگست کو اور اترپردیش میں یکم ستمبر کو شدید بارش ہونے کا امکان ہے۔
مغربی بھارت بارش کی زد میں
مغربی ہندوستان کی ریاستوں کی بات کریں تو مہاراشٹر، گوا، گجرات اور کونکن میں آئندہ 7 دنوں تک، کچھ اور سوراشٹر میں 30 اگست، جبکہ 4 اور 5 ستمبر کو کئی دیگر مقامات پر شدید بارش کا امکان ہے۔
کونکن، وسطی مہاراشٹر کے گھاٹ علاقوں میں 31 اگست کو شدید بارش ہوگی۔ گجرات میں 3 سے 5 ستمبر کے درمیان شدید سے شدید تر بارش ہونے کی وارننگ جاری کی گئی.
وسطی اور مشرقی بھارت
مشرقی اور وسطی ہندوستان کی ریاستوں میں شدید بارش کا سلسلہ جاری رہے گا۔ مدھیہ پردیش اور چھتیس گڑھ میں آئندہ 7 دنوں تک، ذیلی ہمالیائی مغربی بنگال، سکم اور ودربھ میں 31-30 اگست، جھارکھنڈ میں 2 ستمبر اور اوڈیشہ میں 31 اگست سے 3 ستمبر تک مختلف مقامات پر شدید بارش ہونے کا امکان ہے۔
آئی ایم ڈی کے مطابق ہفتہ کو بارش کے موافق ہوا چلنے اور نمی میں اضافہ کے سبب پیر کی صبح تک مغربی بنگال کے ذیلی ہمالیائی اضلاع میں شدید بارش ہوگی۔
جنوبی بنگال کے کئی اضلاع میں آئندہ کچھ دنوں میں ہلکی سے درمیان بارش ہونے کا امکان ہے۔ آئی ایم ڈی کے مطابق 5 ستمبر تک کچھ مقامات پر گرج اور بجلی کے ساتھ ہلکی سی درمیانی بارش ہوگی۔
آئی ایم ڈی نے کہا کہ بارش کے موافق ہوا چلنے اور خلیج بنگال میں نمی کے اضافے کے سبب جلپائی گوڑی اور علی پور دوار اضلاع میں اتوار صبح تک شدید سے شدید تر بارش ہونے کا امکان ہے۔
31 Aug, 2025
31 Aug, 2025
30 Aug, 2025
30 Aug, 2025
30 Aug, 2025
30 Aug, 2025
30 Aug, 2025
30 Aug, 2025