(ویب ڈیسک)متحدہ عرب امارات (یو اے ای) نے جولائی 2026 کے لیے نئی فیول قیمتوں کا اعلان کر دیا ہے، جو مسلسل چار ماہ تک اضافے کے بعد سامنے آیا ہے، نئی قیمتوں کا اطلاق یکم جولائی 2026 سے ہوگا۔
نئی قیمتوں کے مطابق سپر 98 پیٹرول کی قیمت 3.40 درہم فی لیٹر مقرر کی گئی ہے، جو جون میں 3.95 درہم فی لیٹر تھی۔
اسی طرح اسپیشل 95 پیٹرول کی قیمت 3.29 درہم فی لیٹر مقرر کی گئی ہے، جبکہ اس کی سابقہ قیمت 3.83 درہم فی لیٹر تھی۔
ای پلس 91 پیٹرول کی نئی قیمت 3.21 درہم فی لیٹر ہوگی، جو پہلے 3.76 درہم فی لیٹر تھی۔
دوسری جانب ڈیزل کی قیمت 3.60 درہم فی لیٹر مقرر کی گئی ہے، جو پہلے 4.33 درہم فی لیٹر تھی۔
عالمی منڈی میں خام تیل کی قیمتوں میں کمی کے رجحان کے باعث توقع کی جا رہی تھی کہ جولائی میں ایندھن کی قیمتوں میں کمی آئے گی، تاہم نئی قیمتوں میں مجموعی طور پر مختلف تبدیلیاں دیکھی گئی ہیں۔
ماہانہ بنیادوں پر ایندھن کی قیمتوں میں تبدیلی کا براہ راست اثر گھریلو بجٹ پر پڑتا ہے، کیونکہ فیول زیادہ تر خاندانوں کے روزمرہ اخراجات کا لازمی حصہ ہے۔
دوسری جانب رواں سال اپریل میں یو اے ای نے اوپیک اور اوپیک پلس سے علیحدگی کا اعلان کیا تھا، جو یکم مئی 2026 سے مؤثر ہوئی۔ اس فیصلے کے بعد ملک کو اپنی پیداوار میں اضافے کی زیادہ گنجائش حاصل ہوئی ہے۔