پشاور میں باجوڑ بم دھماکے کے پشاور لائے ہوئے زخمیوں میں سے 3 افراد شہید ہوگئے۔ باجوڑ بم دھماکہ کا ایک زخمی تیمرگرہ ہسپتال میں شہید ہو گیا۔ نامعلوم 8 شہدا کی شناخت بھی ہو گئی ہے۔
باجوڑ کے صدر مقام خار میں جمعیت علما اسلام کے ورکرز کنونشن میں خودکش بم دھماکہ میں شہید ہونے والوں کی تعداد 41 ہو گئی ہے۔ جبکہ غیر ملکی نیوز ایجنسی کے مطابق شہید ہونےوالوں کی تعداد 44 ہو گئی ہے۔
ریسکیو1122 کے اہلکار شہدا کے جسد خاکی ان کے آبائی علاقوں میں منتقل کریں گے۔
تیمرگرہ سے 5 شدید زخمیوں کو لیڈی ریڈنگ ہسپتال منتقل کیا جارہا ہے۔
ریسکیو1122 کی اضافی ایمبولینسز خار اور تیمرگرہ ہسپتال میں کھڑی کی گئیں ہیں جو بوقت ضرورت استعمال کی جاسکیں گی۔