ویب ڈیسک : چیئرمین لیسکو عامر ضیا نے کہا ہے کہ بسنت تفریح کا موقع ہے  اس موقع پر قانون کے اندر رہتے ہوئے فیسٹول منائیں ،دھاتی تار کا استعمال لیسکو سسٹم کے لیے نقصان دہ ہو گا۔

لیسکو کی جانب سے جاری کیے گئے اعلامیہ میں  چیئرمین لیسکو عامر ضیاء نے کہا ہے کہ پنجاب حکومت نے بسنت کی صورت عوام کو تفریح کا موقع دیا ہے عوام اسے اچھائی کی طرف لے کر جائیں۔

انہوں نے کہا ہے کہ میری کوشش ہے کہ بسنت پر کہیں بھی بجلی بند نہ ہو، انتظامات مکمل ہیں تاکہ لوگ انجوائے کریں۔ لیکن اگر  دھاتی تار کا استعمال کیا گیا تو  وہ سسٹم کے لیے نقصان  دہ ہے  جس  سے  بجلی کا تعطل بھی ہوسکتا ہے اور شہریوں کے لیے  مشکلات پیدا ہوسکتی  ہیں ۔