ویب ڈیسک: چیئرمین سینیٹ نے پاکستان تحریک انصاف (پی ٹی آئی) کے سینیٹر سیف اللہ ابڑو کے خلاف دائر نااہلی ریفرنس کو خارج کر دیا ہے۔
ذرائع کے مطابق ریفرنس کو تکنیکی وجوہات کی بنیاد پر خارج کیا گیا کیونکہ اس پر پارٹی سربراہ کے بجائے پارلیمانی لیڈر نے دستخط کیے تھے، جو ڈیفیکشن کلاز کی بنیادی شرط کے خلاف ہے۔
ذرائع کا کہنا ہے کہ ڈیفیکشن کلاز کے تحت نااہلی کے لیے دائر کیے جانے والے ریفرنس پر پارٹی سربراہ کے دستخط لازمی ہوتے ہیں، تاہم سیف اللہ ابڑو کے خلاف دائر ریفرنس میں اس تکنیکی شرط کی خلاف ورزی پائی گئی، جس کے باعث ریفرنس کو قابلِ سماعت نہ سمجھتے ہوئے خارج کردیا گیا۔