ویب ڈیسک: نبی آخر الزماں حضرت محمد مصطفیٰ ﷺ کا جشنِ ولادت آئندہ ماہ دنیا بھر کی طرح کویت میں بھی عقیدت و احترام کے ساتھ منایا جائے گا، اس موقع پر کویتی حکومت نے تین دن کی تعطیلات کا اعلان کیا ہے۔
کویت کی حکومت نے جمعرات 4 ستمبر کو نبی آخر الزماں حضرت محمد مصطفیٰ ﷺ کے جشن ولادت پر سرکاری عام تعطیل کا اعلان کیا ہے۔
اس حوالے سے کابینہ اجلاس کے بعد جاری اعلامیہ میں کہا گیا ہے کہ تمام وزارتیں اور حکومتی ادارے جمعرات کو جشن ولادت رسول ﷺ کے سلسلے میں بند رہیں گے جبکہ جمعہ اور ہفتے کے روز معمول کی ہفتہ وار چھٹیاں ہوں گی، جس کے باعث دفاتر اتوار 7 ستمبر کو کھلیں گے۔
اعلامیہ میں کہا گیا ہے کہ ضروری خدمات کے فرائض انجام دینے والے محکمے تعطیل کا فیصلہ خود کریں گے۔
واضح رہے کہ پاکستان میں رویت ہلال کمیٹی کے مطابق ربیع الاول کا چاند 25اگست 2025 (پیر) کو نظر آگیا ہے۔ اس حساب سے 12 ربیع الاول بروز ہفتہ 6ستمبر کو ہوگی۔اس روز ملک بھر میں عام تعطیل دی جائے گی تاکہ عوام عید میلادالنبی ﷺ مذہبی عقیدت سے منا سکیں۔ہفتہ کے بعد اتوار 7 ستمبر کو یومِ دفاع پاکستان کی مناسبت سے سرکاری تعطیل ہوگی۔اس دن ملک بھر میں شہداء اور غازیوں کو خراجِ تحسین پیش کیا جائے گا جبکہ اتوار 7 ستمبر کو معمول کے مطابق ویک اینڈ کے سبب بھی تعطیل ہو گی، یوں عوام کو مسلسل2دن کی چھٹی میسر آئے گی۔