سٹی 42 : چیف آف آرمی سٹاف فیلڈ مارشل سید عاصم منیر  نے آرمی آڈیٹوریم میں ’ہلال ٹاکس‘ کے شرکا سے ملاقات کی ۔ 

’ہلال ٹاکس‘ میں عالمی، علاقائی اور قومی امور پر گروپ ڈسکشنز اور انٹریکٹو سیشنز کا انعقاد کیا گیا۔ ’ہلال ٹاکس‘ کا مقصد تعلیمی برادری کے مابین نکتہ نظر کا تبادلہ ہے، فورم میں بلوچستان کے جنوبی اضلاع، آزاد کشمیر اور گلگت بلتستان سے آنے والی 1800 سے زائد تعلیمی شخصیات اور سٹوڈنٹس نے شرکت کی۔ 

فیلڈ مارشل عاصم منیر نے تعلیمی اداروں پر قومی بیانیے کو فروغ دینے میں فعال کردار ادا کرنے پر زور دیا ، کہا کہ پاکستان کی ترقی کے لیے علمی ادارے، تنقیدی سوچ اور جدت کا مرکز ہوں ۔ 

فیلڈ مارشل نے تحقیق کے شعبے میں درپیش چیلنجز کا اعتراف کیا، کہا کہ فوج تعلیمی ماحول بہتر بنانے اور تحقیقی کام کے فروغ میں حکومت کا ساتھ دے گی ۔ 

سوال و جواب کے کھلے سیشن میں شرکا نے ’ہلال ٹاکس‘ کے اقدام کو سراہا، کہنا تھا کہ ہلال ٹاکس جیسے اقدامات قومی ہم آہنگی کو مضبوط بنانے میں مددگار ہوں گے۔ 

اجلاس کا اختتام محفوظ اور خوشحال پاکستان کے لیے کیے جانے والے مشترکہ عزم کے ساتھ ہوا ۔ 

سورس : آئی ایس پی آر