(ویب ڈیسک) کراچی کے علاقے پاور ہاؤس چورنگی کے قریب ایک شادی ہال میں دھماکے کے نتیجے میں 4 افراد زخمی ہو گئے ہیں۔

  پولیس حکام کے مطابق پاور ہاؤس چورنگی کے قریب ایک شادی ہال میں سلنڈر دھماکے کا واقعہ پیش آیا ہے ۔

 دھماکا اس قدر شدید تھا کہ اس سے ہال میں موجود صوفوں میں آگ لگ گئی اور فانوس وغیرہ بھی ٹوٹ کر گر گئے۔

 پولیس کا کہنا ہے کہ تمام زخمیوں کو فوری طبی امداد کے لیے عباسی شہید اور سول اسپتال منتقل کر دیا گیا ہے،حکام واقعے کی مزید تحقیقات کر رہے ہیں۔