(مانیٹرنگ ڈیسک) سماجی رابطوں کی مشہور و معروف ایپ واٹس ایپ نے اپنے صارفین کو جعلی خبروں سے متعلق خبردار کردیا۔
واٹس ایپ اور دیگر سے متعلق معلومات فراہم کرنیوالے آزاد ٹوئٹر اکاؤنٹ ڈبلیو اے بیٹا انفو کی ٹوئٹ میں واٹس ایپ کی بلیو ٹِک سے متعلق خبروں کو مسترد کیا گیا اور بتایا گیا ہے کہ واٹس ایپ انتظامیہ اسکرین شاٹ کا پتہ لگانے کیلئے تیسرے بلیو ٹِک پر کوئی کام نہیں کررہی، یہ جھوٹی خبر ہے۔
WhatsApp is NOT developing a third blue check to detect screenshots: it's fake news.
— WABetaInfo (@WABetaInfo) December 27, 2021
علاوہ ازیں واٹس ایپ استعمال کرنے والے صارفین کو شکایت ہے کہ ان کا گوگل ڈرائیو بیک اپ پچھلے ایک ماہ سے کام نہیں کررہا۔ اس سے متعلق ویب بیٹا انفو کا کہنا ہے کہ ہمیں ایسی کئی شکایتیں موصول ہوئی ہیں اگر آپ کو بھی واٹس ایپ کے حوالے سے کسی ایسے مسئلے کا سامنا ہے تو اپنے فون کا ماڈل اور واٹس ایپ بِلڈ نمبر واضح کریں۔
WhatsApp Google Drive backup has been stuck for a month now. Local backups happen fine, but Google Drive never does. Anyone who faced a similar issue and managed to fix this? @WABetaInfo
— SG (@shrinivassg) December 14, 2021
واضح رہے کہ واٹس ایپ پر میسیج چیٹ کے دوران بھیجا گیا پیغام موصول ہونے پر 2 گرے ٹک نظر آتے ہیں تاہم جب دوسری طرف والا شخص پیغام دیکھ لیتا ہے تو وہ دونوں ٹک بلیو ہوجاتے ہیں۔