(سٹی 42) وزیر داخلہ شیخ رشید کا کہنا ہے کہ حقیقی معنوں میں پی ڈی ایم میں دراڑپڑچکی ہے،فضل الرحمان چاہتےتھے سینیٹ الیکشن میں حصہ نہ لیاجائے۔

وفاقی وزیر داخلہ شیخ رشید احمد نے سٹی نیوز نیٹ ورک سے خصوصی گفتگو  کرتے ہوئے کہا ہے کہ آج حقیقی معنوں میں پی ڈی ایم میں دراڑ پڑ چکی ہے، فضل الرحمن کے ہاں صف ماتم ہے، وہ نہیں چاہتے یہ سینیٹ الیکشن میں حصہ لیں۔  پیپلزپارٹی نے اپوزیشن اتحاد کی ہوا نکال دی ہے،  نواز شریف کی فروری میں پاسپورٹ کی مدت بھی ختم ہو رہی ہے،  نواز شریف کے حوالے سے مختلف چیزیں ہیں جن پر نوٹس لینے کی ضرورت ہے۔

نیب اور ایف بی آئی میں ہونے والے معاہدے پر کابینہ میں کوئی تنقید نہیں ہوئی مفتی کفایت اللہ نے فوج کے خلاف جو زبان استعمال کی وہ قابل قبول نہیں ، مفتی کفایت اللہ پر لاہور میں مقدمہ درج ہو گا۔