(علی رامے)آفٹر نون سکول پروگرام کو رواں سال مختص ہونے وا لا 1 ارب 60 کروڑ روپے کا فنڈ نہ ملا ،محکمہ سکول ایجوکیشن پنجاب کی متعدد بار گزارشات کے باوجود فنڈز جاری نہ ہوئے۔ 
آفٹر نون سکول کے لئے یہ بجٹ ڈیویلپمنٹ پروگرام کے تحت مختص کیا گیا تھا ۔محکمہ سکول ایجوکیشن پنجاب نے محکمہ خزانہ اور پی اینڈ ڈی بورڈ سے گزارشات کیں کہ تین ماہ گزر چکے ہیں لیکن انہیں یہ بجٹ نہیں دیا گیا۔

سکول ایجوکیشن پنجاب کا کہنا ہے کہ بجٹ نہ ملنے سے آفٹر نون سکول پروگرام انتظامی طور پر متاثر ہورہا ہے کیونکہ اس پروگرام کے تحت شام کے اوقات کار میں سرکاری سکولوں میں پڑھایا جارہا تھا ۔اب سکولوں میں پڑھانے والا اساتذہ کو تنخواہیں دینے کے لئے بھی بجٹ نہیں ہے۔