سٹی42:  جنرل اسمبلی میں وزیر اعظم شہباز شریف نے ڈائس پر مسلسل کتنے مکے مارے، یہ بات ان کی تقریر دیکھنے والوں کے لئے معمہ بن گئی۔

 جنرل اسمبلی میں کلائمیٹ چینج کے  پاکستان پر  اثرات اور نقصانات کی بات کرتے ہوئے شہباز شریف نے کہا، "ہمیں کہا جاتا ہے ان نقصانات سے نمٹنے کے لیے مزید قرض لیں۔یہ کسی صورت انصاف نہیں ہے، آپ کسی ترقی پذیر ملک سے جو ہر سال موسمیاتی تبدیلی کے باعث سیلاب کا سامنا کرتا ہو یہ کیسے امید رکھ سکتے ہیں کہ وہ مزید قرضے لے جبکہ موسمیاتی تبدیلی میں اس کا کوئی کردار بھی نہ ہو۔"

شہباز شریف نے کہا,"قرضے لینا بہتر نہیں ہوگا ہم قرضے لیے بغیر محنت کرکے اور خون پسینہ ایک کرکے پاکستان کو ایک عظیم ملک بنائیں گے۔" یہ جملہ بولتے ہوئےشہباز شریف نے  کسی باکسر کی طرح ڈائس پر ان گنت مکے مار دیئے جنہیں یہ منظر دیکھنے والے ٹھیک سے گن نہیں پائے۔

شہباز شریف کی تقریر کی ویڈیو کلپ کے اس حصے کو سلو کر کے دیکھیں تو پتہ چلتا ہے کہ انہوں نے ڈھائی سیکنڈ میں ڈائس پر آٹھ مکے مار دیئے تھے۔