( سٹی 42) قومی اسمبلی کے اجلاس میں شرکت کے لیے اپوزیشن لیڈر شہباز شریف کے پروڈکشن آرڈر جاری کر دیئے گئے۔
اسپیکر قومی اسمبلی اسد قیصر کی جانب سے پارلیمنٹ کے ایوان زیریں کے چوتھے اجلاس میں شرکت کے لیے نیب کی جانب سے گرفتار قائد حزب اختلاف شہباز شریف کے پروڈکشن آرڈر جاری کیے گئے ہیں۔
اسپیکر قومی اسمبلی کی جانب سے اپوزیشن لیڈر کو پروڈکشن آرڈر کے تحت 29 اکتوبر کو اسمبلی اجلاس میں بلایا گیا ہے۔ پروڈکشن آرڈر کے تحت شہباز شریف قومی اسمبلی اجلاس کے تمام سیشنز میں شرکت کریں گے۔