اقصیٰ شاہد:کراچی ایئرپورٹ پر تکنیکی اور آپریشنل مسائل کے باعث فلائٹ آپریشن شدید متاثر ہوا ہے، جس کے نتیجے میں مختلف روٹس کی 7 پروازیں منسوخ کر دی گئیں۔

ایئرپورٹ ذرائع کے مطابق منسوخ ہونے والی پروازوں میں کراچی سے بینکاک جانے والی تھائی ایئر کی پرواز TG-342,کراچی سے دبئی جانے والی ایئر بلیو کی پرواز PA-110,کراچی سے جدہ جانے والی فلائی ناس کی پرواز XY-638,کراچی سے مسقط جانے والی عمان ایئر کی پرواز WY-324,کراچی سے لاہور جانے والی ایئرسیال کی پرواز PF-143,کراچی سے اسلام آباد جانے والی ایئرسیال کی پرواز PF-125,کراچی سے لاہور جانے والی پی آئی اے کی پرواز PK-306
شامل ہیں۔

فلائٹ آپریشن میں رکاوٹ کے باعث ایئرپورٹ کا شیڈول الٹ پلٹ ہوگیا جبکہ مسافروں کو شدید مشکلات کا سامنا کرنا پڑ رہا ہے,حکام کا کہنا ہے کہ آپریشن کی بحالی کے لیے اقدامات جاری ہیں۔